Joira ja Anamarumiwa 25
25
AJudewu kafuna governadore Festo amurume Pawulo adowe Jeruzalemu
1Festo agazile porovinsiya ile ira arome tonga, agamanle malambo mararu, ohokumaga Sezariya, liye dowa Jeruzalemu. 2Agadowile Jeruzalemu ule, andimuwa a anamakuta na andimuwa amohiwa a aJudewu, kohovayela muwandela makani anna atu na mulombwana Pawulo. Kohonvepa 3yofuna yewa ira Pawulo arumiwe, adowe atongiwe Jeruzalemu. Aliwa kawongela eno mwasiwa kohokana zelru ira kavitale mundila ira Pawulo aviraga, kampe. 4-5Mbwenye Festo ohowonga ira: <<Pawulo unerege koyiwave Sezariya. Nyo mwakana makani na liye, miyo tchineneva nnodowa Sezariya. Dadowaga Sezariya, mwaarume andimuwinyu ira kadihare ira kamusumele wewo.>> 6Vevale mulombwana Festo agamanlewo malambo matanu na mararu owu malambo kumi, tchi tempu yadowa liye Sezariya.
Pawulo ohosumeliwa vamentoni va Festo
Governadore Festo agadowile Sezariya, mmetcheloni muwa ohodowa garati mpando wa namatonga, liye muitaniha mulombwana Pawulo ira atongiwe. 7Pawulo agazile, aJudewu ale kakuma Jeruzalemu ira kamusumele kohozaga imela vakwikwi valigi Pawulo. Aliwa kohoroma munukeda Pawulo jengo jidjindji jene jabure johokala ja masika. Aliwa mbwenye tchanna umboni zela jawonga atu. 8Evale Pawulo ohoroma wonga mbalume yaye eraga: <<Miyo vano kadidawile nne zela malamulo a aJudewu, nne zela Nyumba ya Yehova, nne zela malamulo a Sezare.>>
9Evale mundimuwa Festo mofuna aziveliwiha aJudewu ale, ohowonga na Pawulo eraga: <<Kodi weyo unofuna weyo na miyo nivenye, nidowe Jeruzalemu ira miyo dautonge wewo zela jatene jinawonga atwala?>> 10Evale Pawulo ohowakula kwi: <<Eni dili mmandani mwa anamatonga a Sezare. Inafwanela ditongiwe vevano. Nyo muhuiziwa pama pama ira kadirile yengo yabure zela aJudewu ala. 11Miyo dahakale mutu ofwanyeyana yabure, dahairena muselu ofwanela piwa, miyo dogorumela piwa. Mbwenye voira aliwa kinna umboni zela jodinukeda jinawonga atu ji, kalivo unawanda divaheda mmandani mwewa. Nona miyo nnafuna didowe datongiwe na mwinnya Sezare!>> 12Evale mundimuwa Festo agavwile mazwale, agadowile marondoni na anamatonga afwaye, agawenlewo, ohowonga na Pawulo ira: <<Voira weyo usakunlre weka ira: <Nnafuna didowe datongiwe na Sezare>, weyo unodowa watongiwe na Sezare.>>
13Vagamanle malambo mangasi mangasi, mwene Agiripa na murongoliye Berenise kohoza Sezariya ira kamulondjele Festo. 14Kagazile, voira kohomalawo malambo madjindjene wewule, mulombwana Festo ohonfolrelamo mwenole mulandu wa Pawulo, liye ira: <<Felekisi avenyagavo, odihiyeda munyakadeya mmohi. 15Miyo dagadowile Jeruzalemu, andimuwa a anamakuta na andimuwa a aJudewu kodiwandela makani kanna atu zela wa liye. Aliwa kohofuna nnga dimugwihena mulandu, liye mwinnya ahanawakule yengo. 16Miyo dohoira: <Hiyo aRoma kannairana eno. Kavali wandeya mutu osumeliwa atongiwe mmandani mwa aliba musumela. Hiyo nlamulo ninna hiyo, nnamugaratiha maliba suma na maliba sumeliwa, kaing'anane kove na kove. Eto maliba sumeliwa gunawakula jinawonga aliba musumela.> 17Dagazile uno, aJudewu na aliwene kohoza. Miyo mohodibeliwa mmetcheloni muwa dohogarati mpando wa namatonga, miyo muitaniha mutuwa ira aze. 18Aliba musumela kafolragamo, tchamusumenle na miselu dabure edo daumbuwela miyo. 19So mbwenye kamusumenle zela jimohi jiwa zela mangano ewa. Eto karunihana zela mulombwana mmohi ukwile wanle eriwa Yesu. Tchoira Pawulo awonga ira: <Yesu ukalawo.> 20Muwari mohoiziwa ira: <Diye uvi na miselu edi?>, miyo dohonfuka Pawulo diiraga: <Kodi weyo unorumela dowa Jeruzalemu ira watongiwe wewo zela jeji jinawonga atu ji?> 21Pawulo mbwenye ohoira: <Nnafuna dikaleve munyakadeya, datongiwe na Sezare mwinnya.> Vevale miyo dohomutonga ira: <Mulombwanola unakalave mukadeya fiyeda ora inawanda miyo muruma ira adowe wa Sezare.> >> 22Evale mwene Agiripa ohowonga na nfwaye Festo ira: <<Miyo nnafuna dingumanena mutuyo ira na miyene divwe jowonga jaye.>> Evale mulombwana Festo kwi: <<Akala nyo munofuna vwa jowonga jaye, jatene ejo jinokala metchelo.>>
Festo ohagumaniha afwaye ira kanvwe Pawulo
23Kagagonne, unde ule mbe, Agiripa na Berenise kohoza nimburo nagumanetcha atu. Mazelo ewa, kohozaga movitukula nnga andimuwa. Kohoza eto andimuwa a anyakondo vamohi na andimuwa oteteliwa kafwanyeya Sezariya. Evale Festo oharuma atwaye ira kamuzena mulombwana Pawulo. 24Pawulo agazile, Festo ohowonga ira: <<Nyo so mwene Agiripa, andimuwa atene anafwanyeya eva na hiyo, mulombwanola gwenno aJudewu atene a Jeruzalemu masiki aJudewu a uno kadivepile atu ira dimpe, kakuwaga keraga: <Apiwe mobaranya!> 25Mbwenye kadawanda onavo mulandu ofuna mpela. Voira liye asakunlre eka ira: <Miyo nnafuna didowe datongiwe na mwene mundimuwa wenno unafwanyeya agali Sezare>, evale dohoumbuwela ira dimurume wewo. 26Mbwenye ira adowe atongiwe na Sezare, kadinna inafuna miyo lremba zela mulandu unna liye. Tcheniyo duitaniheleni miyo nyo mwatene, makamaka nyo so mwene Agiripa. Ili ira ninfukeni pama ira mudiwandele kodi mulandu guvi unafuna miyo lremba. 27Tchoira dionne ira kavali wandeya dimurume mutu ira adowe atongiwe sogolro dahawongile mulandu unafwanyeyana liye.>>
Chwazi Kounye ya:
Joira ja Anamarumiwa 25: iLolo
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral
Joira ja Anamarumiwa 25
25
AJudewu kafuna governadore Festo amurume Pawulo adowe Jeruzalemu
1Festo agazile porovinsiya ile ira arome tonga, agamanle malambo mararu, ohokumaga Sezariya, liye dowa Jeruzalemu. 2Agadowile Jeruzalemu ule, andimuwa a anamakuta na andimuwa amohiwa a aJudewu, kohovayela muwandela makani anna atu na mulombwana Pawulo. Kohonvepa 3yofuna yewa ira Pawulo arumiwe, adowe atongiwe Jeruzalemu. Aliwa kawongela eno mwasiwa kohokana zelru ira kavitale mundila ira Pawulo aviraga, kampe. 4-5Mbwenye Festo ohowonga ira: <<Pawulo unerege koyiwave Sezariya. Nyo mwakana makani na liye, miyo tchineneva nnodowa Sezariya. Dadowaga Sezariya, mwaarume andimuwinyu ira kadihare ira kamusumele wewo.>> 6Vevale mulombwana Festo agamanlewo malambo matanu na mararu owu malambo kumi, tchi tempu yadowa liye Sezariya.
Pawulo ohosumeliwa vamentoni va Festo
Governadore Festo agadowile Sezariya, mmetcheloni muwa ohodowa garati mpando wa namatonga, liye muitaniha mulombwana Pawulo ira atongiwe. 7Pawulo agazile, aJudewu ale kakuma Jeruzalemu ira kamusumele kohozaga imela vakwikwi valigi Pawulo. Aliwa kohoroma munukeda Pawulo jengo jidjindji jene jabure johokala ja masika. Aliwa mbwenye tchanna umboni zela jawonga atu. 8Evale Pawulo ohoroma wonga mbalume yaye eraga: <<Miyo vano kadidawile nne zela malamulo a aJudewu, nne zela Nyumba ya Yehova, nne zela malamulo a Sezare.>>
9Evale mundimuwa Festo mofuna aziveliwiha aJudewu ale, ohowonga na Pawulo eraga: <<Kodi weyo unofuna weyo na miyo nivenye, nidowe Jeruzalemu ira miyo dautonge wewo zela jatene jinawonga atwala?>> 10Evale Pawulo ohowakula kwi: <<Eni dili mmandani mwa anamatonga a Sezare. Inafwanela ditongiwe vevano. Nyo muhuiziwa pama pama ira kadirile yengo yabure zela aJudewu ala. 11Miyo dahakale mutu ofwanyeyana yabure, dahairena muselu ofwanela piwa, miyo dogorumela piwa. Mbwenye voira aliwa kinna umboni zela jodinukeda jinawonga atu ji, kalivo unawanda divaheda mmandani mwewa. Nona miyo nnafuna didowe datongiwe na mwinnya Sezare!>> 12Evale mundimuwa Festo agavwile mazwale, agadowile marondoni na anamatonga afwaye, agawenlewo, ohowonga na Pawulo ira: <<Voira weyo usakunlre weka ira: <Nnafuna didowe datongiwe na Sezare>, weyo unodowa watongiwe na Sezare.>>
13Vagamanle malambo mangasi mangasi, mwene Agiripa na murongoliye Berenise kohoza Sezariya ira kamulondjele Festo. 14Kagazile, voira kohomalawo malambo madjindjene wewule, mulombwana Festo ohonfolrelamo mwenole mulandu wa Pawulo, liye ira: <<Felekisi avenyagavo, odihiyeda munyakadeya mmohi. 15Miyo dagadowile Jeruzalemu, andimuwa a anamakuta na andimuwa a aJudewu kodiwandela makani kanna atu zela wa liye. Aliwa kohofuna nnga dimugwihena mulandu, liye mwinnya ahanawakule yengo. 16Miyo dohoira: <Hiyo aRoma kannairana eno. Kavali wandeya mutu osumeliwa atongiwe mmandani mwa aliba musumela. Hiyo nlamulo ninna hiyo, nnamugaratiha maliba suma na maliba sumeliwa, kaing'anane kove na kove. Eto maliba sumeliwa gunawakula jinawonga aliba musumela.> 17Dagazile uno, aJudewu na aliwene kohoza. Miyo mohodibeliwa mmetcheloni muwa dohogarati mpando wa namatonga, miyo muitaniha mutuwa ira aze. 18Aliba musumela kafolragamo, tchamusumenle na miselu dabure edo daumbuwela miyo. 19So mbwenye kamusumenle zela jimohi jiwa zela mangano ewa. Eto karunihana zela mulombwana mmohi ukwile wanle eriwa Yesu. Tchoira Pawulo awonga ira: <Yesu ukalawo.> 20Muwari mohoiziwa ira: <Diye uvi na miselu edi?>, miyo dohonfuka Pawulo diiraga: <Kodi weyo unorumela dowa Jeruzalemu ira watongiwe wewo zela jeji jinawonga atu ji?> 21Pawulo mbwenye ohoira: <Nnafuna dikaleve munyakadeya, datongiwe na Sezare mwinnya.> Vevale miyo dohomutonga ira: <Mulombwanola unakalave mukadeya fiyeda ora inawanda miyo muruma ira adowe wa Sezare.> >> 22Evale mwene Agiripa ohowonga na nfwaye Festo ira: <<Miyo nnafuna dingumanena mutuyo ira na miyene divwe jowonga jaye.>> Evale mulombwana Festo kwi: <<Akala nyo munofuna vwa jowonga jaye, jatene ejo jinokala metchelo.>>
Festo ohagumaniha afwaye ira kanvwe Pawulo
23Kagagonne, unde ule mbe, Agiripa na Berenise kohoza nimburo nagumanetcha atu. Mazelo ewa, kohozaga movitukula nnga andimuwa. Kohoza eto andimuwa a anyakondo vamohi na andimuwa oteteliwa kafwanyeya Sezariya. Evale Festo oharuma atwaye ira kamuzena mulombwana Pawulo. 24Pawulo agazile, Festo ohowonga ira: <<Nyo so mwene Agiripa, andimuwa atene anafwanyeya eva na hiyo, mulombwanola gwenno aJudewu atene a Jeruzalemu masiki aJudewu a uno kadivepile atu ira dimpe, kakuwaga keraga: <Apiwe mobaranya!> 25Mbwenye kadawanda onavo mulandu ofuna mpela. Voira liye asakunlre eka ira: <Miyo nnafuna didowe datongiwe na mwene mundimuwa wenno unafwanyeya agali Sezare>, evale dohoumbuwela ira dimurume wewo. 26Mbwenye ira adowe atongiwe na Sezare, kadinna inafuna miyo lremba zela mulandu unna liye. Tcheniyo duitaniheleni miyo nyo mwatene, makamaka nyo so mwene Agiripa. Ili ira ninfukeni pama ira mudiwandele kodi mulandu guvi unafuna miyo lremba. 27Tchoira dionne ira kavali wandeya dimurume mutu ira adowe atongiwe sogolro dahawongile mulandu unafwanyeyana liye.>>
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral