Joira ja Anamarumiwa 10
10
Joonihiwa ja Korneliyo
1Ohokala mulombwana mmohi eni eriwa Korneliyo, akala sidadi ya Sezariya eto ali musogolrelri wa anyakondo 100. Liye na anyakondo aye kali a nikuru naitaniwa Nikuru na Italiya. 2Liye vamohi na atu a vande vaye kali atu omuriheda Mulugu eto kali atu omuova Mulugu. Liye oavahetcha jovaha jidjindji atu osimela eto ali mutu akaleletcha lobela wa Mulugu.#10:2 Korneliyo vamohi na atu a vande vaye muwari mokala atu omuriheda Mulugu tchali aJudewu eto tchali atu oineliwa na makalelo a aJudewu. (Joira ja Anamarumiwa 10:27-28) Malambo a mundulrimu atu omuroromela Yesu oroma kali aJudewu owu hehi atu oharihamo ja aJudewu. Tempu yenno atu ohokala aJudewu, anno kahafuna harihamo ja aJudewu nnga Korneliyo, tchalaleyiwa mazu. 3Siku nimohi, pandi ya 15 ora, liye ohoonaga jengo mmuruni mwaye. Amuonnege mungelro wa Mulugu agazile mwa ibaribari, amuitanaga eraga: <<Korneliyo! Korneliyo!>> 4Evale agamuonne, ohorendjeyaga, liye roma muing'anaga pama aganna ova ulukulu, liye ira: <<Kawongani Nabwiya, munafuna nni?>> Evale mungelrole ohomuwandelaga liye ira: <<Jolobela jawo na jovaha jawo jejo jinaavaha we aliba simela, jihifiya wa Mulugu nnga mukuto onukela pama. 5Inafwanela waarume atu, kadowe sidadi ya Jope, kamuitane Simawu wenno uneriwa Peduru ira aze auwandele ibaribari youvulusa. 6Liye uhayile vande va Simawu mmohiwene, maliba uzula matembe a anavinyama, wenno unakala tcherela ya bara.>> 7Mungelro wenno amuwandela mazwale agavennyevo, Korneliyo ohaitana anamalabaye ambinli a vande vaye na munyakondo waye mmohi omuriheda Mulugu. 8Aliwa kagazile, ohawandelamo jatene, liye aruma ira kamudowele Peduru sidadi ya Jope.
Joonihiwa ja Peduru
9Unde ule mbe, ale karumiwe na Korneliyo ale kadowaga muulrendoni mwewa, kafunaga fiya sidadi ya Jope, wandamelana ora ya midiya, mulombwana Peduru ohodowaga gwela vazulu va nyumba#10:9 vazulu va nyumba: Malambo a mundulrimu atu komangetcha nyumba dokana nimburo eni notandeleya vazulu va nyumba ile. Ora ya tchiguwo atu keretcha gwela vazulu, aliwa vumaga jiwa. Owu hehi, tempu yodidila mutu owanda dowa vazulu evo ira aote nzuwa. Fwanyeya ira Peduru adowile ira alobele ekawo. ira adowe alobele. 10Evale Peduru ohokagana ndala, liye funaga nnga adje. Mwa enne anamurala a vande vale kampiyelaga jodja ira adje, morurumutcha liye ohokalaga nnga unaroha eto ahairaga roha. 11Ohoona zulu wagahuleyile. Mwa enne wohozaga nnga lensori nlukulu nititelaga mwilamboni ya vati nagamangeleliwe mendo minnayi.
12Emule mohokala anavinyama ohiyana-hiyana owenda na mendo minnayi, omburunuwa, vamohi na mbalrame dovava zulu. 13Mwa enne wohokalaga nizu nazilege, niwongaga na liye ira: <<Peduru kavenya, upe ira udje.>> 14Mbwenye Peduru ohowakula eraga: <<Kavali jowandeya Nabwiya! Tchoira miyo kannababihe dja yengo yotakala, yenno ikondihiwe mmalamuloni.>> 15Mwa enne nizu nne nohomuzelaga akoka, niwongaga ira: <<Kuwese nnga yengo yotakala yenno itchenihile Mulugu.>> 16Jejile johoireyagave fendo taru. Noira eno, lensori nne nohowelihediwaga zulu wakoka wene.
Mulugu ohomuwandela Peduru ira arumele ahara atu anne kamuzenle
17Alombwana aarumile mulombwana Korneliyo ale, kohofukedaga ante aliwa fiya vande va mulombwana Simawu. Mwa enne Peduru agali omaliwene zelru, aumbuwelaga zela jengo jaonne liye mmuruni mwaye, mobaranya alombwanale kohozaga, aliwa imela va mulango vande vafwanyeya Peduru vale. 18Evale kohomuitanaga mutu wa vande vale, aliwa fukeda keraga: <<Kodi Simawu wenno uneriwa Peduru unakala evano?>> 19Peduru aumbuwelagave zela jaonihiwe liye jile, Munemba ohomuwongana eraga: <<Kohokalawo alombwana araru kazile, anausaka weyo. 20Kavenya, utite, waaharege aliwa mohowanganyeda yengo ili yatene mwasiwa uarumile gu miyo.>> 21Vevale Peduru ohotita vazulu vale, liye dowa afwanya alombwana karumiwe na Korneliyo ale, liye ira: <<Mulombwana munanvenda nyo gu miyo vano. Kawongani, mwazela nni?>> 22Aliwa kohowonga keraga: <<Unirumile gu Korneliyo, musogolrelri wa anyakondo 100. Liye gu mulombwana wapama, omuova Mulugu eto gu mutu oteteliwa mwa aJudewu atene. Ukala mungelro mmohi otchena azile muwandela ira auitaniheni nyo ira liye avwe jejo jinafuna nyo muwandela.>> 23Evale Peduru ohaitana ira kavolowe, liye awatchela ira kahaye vande evale.
Unde ule mbe, Peduru ohovenya, liye dowaga vamohi na aliwa eto kadowaga kohokalawo abali angasi angasi omuroromela Yesu a Jope ule kadowilege vamohi na aliwa. 24Mwa enne mmetcheloni muwa, kohofiyaga sidadi ya Sezariya. Mwa tempu yenne mulombwana Korneliyo ohaitana abalaye vamohi na afwaye asimbwa liye aziveliwa. Korneliyo vamohi na atu atene anne kafwanyeyaga kamuing'anelaga Peduru.
Peduru agali vande va Korneliyo
25Peduru afiyaga, Korneliyo ohomuharelaga ndila, liye dowa mutambilra momukokorela, liye gwela vati vamanyaloni va Peduru, liye mutamalela. 26Mbwenye Peduru ohomusumulula, liye muvenyiha, eraga: <<Kavenya, mwasiwa miyo dili mutu nnga weyo.>> 27Vevale Peduru ohoromaga tapanya na Korneliyo, aliwa dowaga vande vaye vale. Agafiyile vande vale, ohafwanya anamwindji kagumannege evale.
28Evale Peduru ohoromaga awandela eraga: <<Nyo muhumala iziwa ira muwari mwa mangano a aJudewu, kavili wandeya muJudewu agumanele vamohi na mutu ahali muJudewu nari dowa vande va mutu wa nlogo nimohi niwa nene. Mbwenye Mulugu uhudioniha ira kakalevo mutu nnafuna miyo mbalra nnga otakala, ohofwanela kalana vamohi. 29Nona miyo dagaitaniwe, dihiwanda za mohokana wanganyeda yengo ili yatene. Mbwenye va nnafuna dufukeni muselu mudiitanele nyo.>>
30Evale Korneliyo ohoromaga wonga eraga: <<Malambo mannayi kavirile, ora nnga ha yenna ya 15 ora, miyo dilobelaga mmba mwaga, morurumutcha dohomuona mulombwana owara jowara jojerimela, liye za imela vasogolro vaga, 31liye ira: <Korneliyo, lobela wawo uhuvweya eto jovaha jawo jejo jinaavaha we aliba simela, jihifiya wa Mulugu nnga mukuto onukela pama. 32Nona inafwanela umuitanihe Simawu wenno uneriwa Peduru. Unakala sidadi ya Jope eto uhayile vande va Simawu unauzula matembe a anavinyama, wenno nyumbaye inafwanyeya tcherela ya bara. Liye aza, ukana mazu unafuna liye uwandela.> 33Nona mobaranya miyo duitanihani eto nyo muhusakanya pama muzaga eni. Hiyo atu atene nili eva vamentoni va Mulugu ira nivwe mazu anno murumiwe nyo na Nabwiya ira muniwandele.>>
Laleya wa Peduru
34Vevale Peduru ohoroma wonga, kwi: <<Mwa ibaribari dihiiziwa ira Mulugu kanna nsakulro muwari mwa atu. 35Mbwenye unomurumela mutu uli watene wenno unamuova eto unairana japama vamentoni vaye. 36Nipangano Mulugu aarumihede liye Ana Izarayeli ali noira mutu unokana wandana na liye mwa Yesu Kiristu. Peno Yesu gwenno unafwanyeya agali Nabwiya wa atu atenene.>>
37<<Nyo eto muhumala iziwa ira mulombwana Juwawu agamanle alaleya atu ira kabatiziwe, laleya waye wagavirile, muselu wa Yesu ohoroma laleyiwa roma ilambo ya Galileya dowaga ilambo yatene ya Judeya. 38Eto muhuiziwa ira Mulugu ohomuhambiha Yesu wa Nazareti na Munemba Otchena na kopolo. Mwa enne liye ohoroma wendawenda airagana jatene japama, aavulumutchaga ale kazuzumihiwa na Diyabo mwasiwa Mulugu ali na liye. 39Eto hiyo anamarumiwa nili amboni zela jatene jaira Yesu mwilamboni mwa aJudewu dowagave vamohi na ilambo ya Jeruzalemu. Mwa enne aliwa kohompa, kamukomelaga vamuradini. 40Mbwenye vagamanle malambo mararu, Mulugu ohomuvenyiha mokwani ira awande oniwa mwa atu. 41Muwari mooniwa mule, kaali ira aoniwe na atu atene, mbwenye ali ira aoniwe muwari mwa amboni anne aasakunlre Mulugu. Mwa eno, hiyo atu osakulriwa ira niwande hidedela umboni ira Yesu ohovenya mokwani, nohowanda muona liye agavenyihiwe, hiyo dja vamohi eto nihing'wa vamohi na liye. 42Eto Yesu anirumile ira nidowe namuhidedele umboni ira Mulugu umuhambihile liyene ira akale Namatonga wa atu atene, nari ale kakwile nari ale kaliwove.
43<<Liye gwenno unahidedeliwa umboni na anamafiyiheda atene a wanle ira mutu uli watene unamuroromela, unoleveleliwa jotega muwari mwa nzina naye.>>
Munemba Otchena ohamorela aKorneliyo
44Peduru awongagave enne, Munemba Otchena ohoza, amorela atu atene anne kavuruwana mazwale. 45-46Munemba Otchena ule agaamorenle, atwale kohoroma wonga na viwongelo dimohi diwa dahafundjile atu, kamutamalelaga Mulugu. Evale aJudewu omuroromela Yesu anno kazilege muulrendoni vamohi na Peduru, kagaaonne atu ohokala aJudewu ale kawongaga na viwongelo didjindji dimohi diwa, kohokala otikiniheyene. Evale mulombwana Peduru ohafuka afwaye ale eraga: 47<<Alombwana, atwala kohomuwatchela Munemba Otchena nnga makalelo namuwatchenle hiyo. Kodi ukala unawanda runiha ira aliwa kahabatiziwe?>> 48Evale Peduru ohawandela ira kabatiziwe na nzina na Nabwiya Yesu Kiristu. Nomala eno, kohonvepaga Peduru ira akale vamohi na aliwa malambo mangasi mangasi.
Chwazi Kounye ya:
Joira ja Anamarumiwa 10: iLolo
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral
Joira ja Anamarumiwa 10
10
Joonihiwa ja Korneliyo
1Ohokala mulombwana mmohi eni eriwa Korneliyo, akala sidadi ya Sezariya eto ali musogolrelri wa anyakondo 100. Liye na anyakondo aye kali a nikuru naitaniwa Nikuru na Italiya. 2Liye vamohi na atu a vande vaye kali atu omuriheda Mulugu eto kali atu omuova Mulugu. Liye oavahetcha jovaha jidjindji atu osimela eto ali mutu akaleletcha lobela wa Mulugu.#10:2 Korneliyo vamohi na atu a vande vaye muwari mokala atu omuriheda Mulugu tchali aJudewu eto tchali atu oineliwa na makalelo a aJudewu. (Joira ja Anamarumiwa 10:27-28) Malambo a mundulrimu atu omuroromela Yesu oroma kali aJudewu owu hehi atu oharihamo ja aJudewu. Tempu yenno atu ohokala aJudewu, anno kahafuna harihamo ja aJudewu nnga Korneliyo, tchalaleyiwa mazu. 3Siku nimohi, pandi ya 15 ora, liye ohoonaga jengo mmuruni mwaye. Amuonnege mungelro wa Mulugu agazile mwa ibaribari, amuitanaga eraga: <<Korneliyo! Korneliyo!>> 4Evale agamuonne, ohorendjeyaga, liye roma muing'anaga pama aganna ova ulukulu, liye ira: <<Kawongani Nabwiya, munafuna nni?>> Evale mungelrole ohomuwandelaga liye ira: <<Jolobela jawo na jovaha jawo jejo jinaavaha we aliba simela, jihifiya wa Mulugu nnga mukuto onukela pama. 5Inafwanela waarume atu, kadowe sidadi ya Jope, kamuitane Simawu wenno uneriwa Peduru ira aze auwandele ibaribari youvulusa. 6Liye uhayile vande va Simawu mmohiwene, maliba uzula matembe a anavinyama, wenno unakala tcherela ya bara.>> 7Mungelro wenno amuwandela mazwale agavennyevo, Korneliyo ohaitana anamalabaye ambinli a vande vaye na munyakondo waye mmohi omuriheda Mulugu. 8Aliwa kagazile, ohawandelamo jatene, liye aruma ira kamudowele Peduru sidadi ya Jope.
Joonihiwa ja Peduru
9Unde ule mbe, ale karumiwe na Korneliyo ale kadowaga muulrendoni mwewa, kafunaga fiya sidadi ya Jope, wandamelana ora ya midiya, mulombwana Peduru ohodowaga gwela vazulu va nyumba#10:9 vazulu va nyumba: Malambo a mundulrimu atu komangetcha nyumba dokana nimburo eni notandeleya vazulu va nyumba ile. Ora ya tchiguwo atu keretcha gwela vazulu, aliwa vumaga jiwa. Owu hehi, tempu yodidila mutu owanda dowa vazulu evo ira aote nzuwa. Fwanyeya ira Peduru adowile ira alobele ekawo. ira adowe alobele. 10Evale Peduru ohokagana ndala, liye funaga nnga adje. Mwa enne anamurala a vande vale kampiyelaga jodja ira adje, morurumutcha liye ohokalaga nnga unaroha eto ahairaga roha. 11Ohoona zulu wagahuleyile. Mwa enne wohozaga nnga lensori nlukulu nititelaga mwilamboni ya vati nagamangeleliwe mendo minnayi.
12Emule mohokala anavinyama ohiyana-hiyana owenda na mendo minnayi, omburunuwa, vamohi na mbalrame dovava zulu. 13Mwa enne wohokalaga nizu nazilege, niwongaga na liye ira: <<Peduru kavenya, upe ira udje.>> 14Mbwenye Peduru ohowakula eraga: <<Kavali jowandeya Nabwiya! Tchoira miyo kannababihe dja yengo yotakala, yenno ikondihiwe mmalamuloni.>> 15Mwa enne nizu nne nohomuzelaga akoka, niwongaga ira: <<Kuwese nnga yengo yotakala yenno itchenihile Mulugu.>> 16Jejile johoireyagave fendo taru. Noira eno, lensori nne nohowelihediwaga zulu wakoka wene.
Mulugu ohomuwandela Peduru ira arumele ahara atu anne kamuzenle
17Alombwana aarumile mulombwana Korneliyo ale, kohofukedaga ante aliwa fiya vande va mulombwana Simawu. Mwa enne Peduru agali omaliwene zelru, aumbuwelaga zela jengo jaonne liye mmuruni mwaye, mobaranya alombwanale kohozaga, aliwa imela va mulango vande vafwanyeya Peduru vale. 18Evale kohomuitanaga mutu wa vande vale, aliwa fukeda keraga: <<Kodi Simawu wenno uneriwa Peduru unakala evano?>> 19Peduru aumbuwelagave zela jaonihiwe liye jile, Munemba ohomuwongana eraga: <<Kohokalawo alombwana araru kazile, anausaka weyo. 20Kavenya, utite, waaharege aliwa mohowanganyeda yengo ili yatene mwasiwa uarumile gu miyo.>> 21Vevale Peduru ohotita vazulu vale, liye dowa afwanya alombwana karumiwe na Korneliyo ale, liye ira: <<Mulombwana munanvenda nyo gu miyo vano. Kawongani, mwazela nni?>> 22Aliwa kohowonga keraga: <<Unirumile gu Korneliyo, musogolrelri wa anyakondo 100. Liye gu mulombwana wapama, omuova Mulugu eto gu mutu oteteliwa mwa aJudewu atene. Ukala mungelro mmohi otchena azile muwandela ira auitaniheni nyo ira liye avwe jejo jinafuna nyo muwandela.>> 23Evale Peduru ohaitana ira kavolowe, liye awatchela ira kahaye vande evale.
Unde ule mbe, Peduru ohovenya, liye dowaga vamohi na aliwa eto kadowaga kohokalawo abali angasi angasi omuroromela Yesu a Jope ule kadowilege vamohi na aliwa. 24Mwa enne mmetcheloni muwa, kohofiyaga sidadi ya Sezariya. Mwa tempu yenne mulombwana Korneliyo ohaitana abalaye vamohi na afwaye asimbwa liye aziveliwa. Korneliyo vamohi na atu atene anne kafwanyeyaga kamuing'anelaga Peduru.
Peduru agali vande va Korneliyo
25Peduru afiyaga, Korneliyo ohomuharelaga ndila, liye dowa mutambilra momukokorela, liye gwela vati vamanyaloni va Peduru, liye mutamalela. 26Mbwenye Peduru ohomusumulula, liye muvenyiha, eraga: <<Kavenya, mwasiwa miyo dili mutu nnga weyo.>> 27Vevale Peduru ohoromaga tapanya na Korneliyo, aliwa dowaga vande vaye vale. Agafiyile vande vale, ohafwanya anamwindji kagumannege evale.
28Evale Peduru ohoromaga awandela eraga: <<Nyo muhumala iziwa ira muwari mwa mangano a aJudewu, kavili wandeya muJudewu agumanele vamohi na mutu ahali muJudewu nari dowa vande va mutu wa nlogo nimohi niwa nene. Mbwenye Mulugu uhudioniha ira kakalevo mutu nnafuna miyo mbalra nnga otakala, ohofwanela kalana vamohi. 29Nona miyo dagaitaniwe, dihiwanda za mohokana wanganyeda yengo ili yatene. Mbwenye va nnafuna dufukeni muselu mudiitanele nyo.>>
30Evale Korneliyo ohoromaga wonga eraga: <<Malambo mannayi kavirile, ora nnga ha yenna ya 15 ora, miyo dilobelaga mmba mwaga, morurumutcha dohomuona mulombwana owara jowara jojerimela, liye za imela vasogolro vaga, 31liye ira: <Korneliyo, lobela wawo uhuvweya eto jovaha jawo jejo jinaavaha we aliba simela, jihifiya wa Mulugu nnga mukuto onukela pama. 32Nona inafwanela umuitanihe Simawu wenno uneriwa Peduru. Unakala sidadi ya Jope eto uhayile vande va Simawu unauzula matembe a anavinyama, wenno nyumbaye inafwanyeya tcherela ya bara. Liye aza, ukana mazu unafuna liye uwandela.> 33Nona mobaranya miyo duitanihani eto nyo muhusakanya pama muzaga eni. Hiyo atu atene nili eva vamentoni va Mulugu ira nivwe mazu anno murumiwe nyo na Nabwiya ira muniwandele.>>
Laleya wa Peduru
34Vevale Peduru ohoroma wonga, kwi: <<Mwa ibaribari dihiiziwa ira Mulugu kanna nsakulro muwari mwa atu. 35Mbwenye unomurumela mutu uli watene wenno unamuova eto unairana japama vamentoni vaye. 36Nipangano Mulugu aarumihede liye Ana Izarayeli ali noira mutu unokana wandana na liye mwa Yesu Kiristu. Peno Yesu gwenno unafwanyeya agali Nabwiya wa atu atenene.>>
37<<Nyo eto muhumala iziwa ira mulombwana Juwawu agamanle alaleya atu ira kabatiziwe, laleya waye wagavirile, muselu wa Yesu ohoroma laleyiwa roma ilambo ya Galileya dowaga ilambo yatene ya Judeya. 38Eto muhuiziwa ira Mulugu ohomuhambiha Yesu wa Nazareti na Munemba Otchena na kopolo. Mwa enne liye ohoroma wendawenda airagana jatene japama, aavulumutchaga ale kazuzumihiwa na Diyabo mwasiwa Mulugu ali na liye. 39Eto hiyo anamarumiwa nili amboni zela jatene jaira Yesu mwilamboni mwa aJudewu dowagave vamohi na ilambo ya Jeruzalemu. Mwa enne aliwa kohompa, kamukomelaga vamuradini. 40Mbwenye vagamanle malambo mararu, Mulugu ohomuvenyiha mokwani ira awande oniwa mwa atu. 41Muwari mooniwa mule, kaali ira aoniwe na atu atene, mbwenye ali ira aoniwe muwari mwa amboni anne aasakunlre Mulugu. Mwa eno, hiyo atu osakulriwa ira niwande hidedela umboni ira Yesu ohovenya mokwani, nohowanda muona liye agavenyihiwe, hiyo dja vamohi eto nihing'wa vamohi na liye. 42Eto Yesu anirumile ira nidowe namuhidedele umboni ira Mulugu umuhambihile liyene ira akale Namatonga wa atu atene, nari ale kakwile nari ale kaliwove.
43<<Liye gwenno unahidedeliwa umboni na anamafiyiheda atene a wanle ira mutu uli watene unamuroromela, unoleveleliwa jotega muwari mwa nzina naye.>>
Munemba Otchena ohamorela aKorneliyo
44Peduru awongagave enne, Munemba Otchena ohoza, amorela atu atene anne kavuruwana mazwale. 45-46Munemba Otchena ule agaamorenle, atwale kohoroma wonga na viwongelo dimohi diwa dahafundjile atu, kamutamalelaga Mulugu. Evale aJudewu omuroromela Yesu anno kazilege muulrendoni vamohi na Peduru, kagaaonne atu ohokala aJudewu ale kawongaga na viwongelo didjindji dimohi diwa, kohokala otikiniheyene. Evale mulombwana Peduru ohafuka afwaye ale eraga: 47<<Alombwana, atwala kohomuwatchela Munemba Otchena nnga makalelo namuwatchenle hiyo. Kodi ukala unawanda runiha ira aliwa kahabatiziwe?>> 48Evale Peduru ohawandela ira kabatiziwe na nzina na Nabwiya Yesu Kiristu. Nomala eno, kohonvepaga Peduru ira akale vamohi na aliwa malambo mangasi mangasi.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral