Amosi 9
9
Wuling'anizi wo Muwaha Mulungu
1Nane namuwona Muwaha Mulungu yemile ha cikumbicilo. Yakanyitya, “Wutowe mu midumo ye masumbili gono gawukamizye wuhembelo, ne likumbo lyose lyosinjisika. Nagwe wugabenanjize no kugaleka gawagwile wanhu mu mitwe ye wanhu. Ne wanhu wono wasigaye ku wulugu ane nolowawulaga no mumaje. Hasina hamba munhu monga mono yalatiga, hamba yumonga mono yalapona muli wene. 2Hamba wahimbe nzila zawo hasi, sunga zifice ko ku yinze ye wafu. Ane nowebata du. Hamba wabite ko ku wulanga, ane nowatimya hasi. 3Hamba nha wehundice ku cizuli ce litunda lya Kalimeli, ane nowalondola sunga niwebate. Hono wehundice mu visolo vye lilenga, nolilajiliza lilimu liwaha lya mwilenga liwalume. 4Na hono wasolwe wawopwe ne walugu wawo, nowalonjela wawo walugu wawo wawawulaje. Nane hamba si nowataza yaye, anga ndumuye nghani niwongomeze du.”
5Muwaha Mulungu we mihanga kayipamizaga yisi,
nayo yinze yiwa kucicima,
na wose wono wekaye mumo wolila.
Ne yinze yose yolokwibuka no kug'welela kotya
nhe likolongo lye Nile ku Misili.
6Muwaha Mulungu kazengaga wikalo wakwe ku wulanga,
no kuwika misinji yo mwanya mono'si.
Mwene kacemaga malenga
ge lilenga no kugakupa mu'si,
Muwaha Mulungu, lye 'tagwa lyakwe!
7Muwaha Mulungu yakutya, “Nye nyo Waisilayeli, ane nghuwehwesa wanhu wa Etiyopiya, nha vyono nghumwihwesenyi nyenye. Ane nawatonga Wafilisiti, ku wulawa ku Kilete, nawo Waashuli, ku wulawa ku Kili, nha vyono namutonjenyi 'nye ku wulawa ku Misili. 8Nane yo nene Muwaha Mulungu, mono nghuwulanga wutemi wa Isilayeli, wono wina wubi, nane nowongomezeza lukulu mono yinze. Ninga hamba nhavivyo si nolongomeza lulelo lose lwa Yakobo.
9“Langa nolavya wulajilize no kuwapemenha wanhu wa Isilayeli, nha vyono wapemenhaga wuhemba mu luheneko. Nowapemenha wene, ku wulawa mu makungugo, no kuwawusa wose wono wasina cambuzi. 10Na wanyo wubi wa muli wanhu wangu, wolowulagwa ku wulugu, na wose wono wakutya, ‘Mulungu sikoleka zimbi zicagane.’ ”
Mhonelo yono yowaziza Waisilayeli
11Muwaha Mulungu yakutya, “Lizuwa likuza lyono ane nolowusimya wutemi wa Dawudi, wono winha kaya yono yigwiye so wongomezwe. Nolonozeleza majinji gose gono gamwaguka, no kugasimya kanyhi. Noloyizenga no kuyinoza yiwe nha vyono yali katali. 12Holeka wanhu wa Isilayeli, wolowatema i wanhu wono wali wasigaye mu yisi ya Edomu, na wa muli makungugo gose wono ku wulawa ha mwamulizo wali wangu.” Vyo yakutya Muwaha mono kolozinoza zizi zijele. 13Muwaha Mulungu yakutya,
“Ivilo vikuza.
Lono vilimwa vilawiluka musunho kuciza
mu nghango yono vyowa vyisumice ku wududule
ne zizabibu zolowiluka mbela mbela kuciza
mu nghango yono divayi yikusuma kunozwa,
ne matunda golosuluza divayi swanu,
ne vigongo vyose vyolosipa divayi.
14Nane nolowagomola
wanhu wangu sunga ko ku yisi yawo.
Wolozenga makaya gawo
gono gahodangwa no kwikala mumo,
wolopanha migunda ye mizabibu
no kung'wa divayi wolopanha migunda
no kulya vilimwa vyono walimile.
15Nane nolowagomola no kuwawika wanhu wangu, mu'si yono nawapela,
hamba si wolowuswa kanyhi yaye.”
Muwaha Mulungu,
u Mulungu wenyu, vyo yakutya.
Chwazi Kounye ya:
Amosi 9: LLKWW
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Cigogo Bible © Bible Society of Tanzania, 2002.
Amosi 9
9
Wuling'anizi wo Muwaha Mulungu
1Nane namuwona Muwaha Mulungu yemile ha cikumbicilo. Yakanyitya, “Wutowe mu midumo ye masumbili gono gawukamizye wuhembelo, ne likumbo lyose lyosinjisika. Nagwe wugabenanjize no kugaleka gawagwile wanhu mu mitwe ye wanhu. Ne wanhu wono wasigaye ku wulugu ane nolowawulaga no mumaje. Hasina hamba munhu monga mono yalatiga, hamba yumonga mono yalapona muli wene. 2Hamba wahimbe nzila zawo hasi, sunga zifice ko ku yinze ye wafu. Ane nowebata du. Hamba wabite ko ku wulanga, ane nowatimya hasi. 3Hamba nha wehundice ku cizuli ce litunda lya Kalimeli, ane nowalondola sunga niwebate. Hono wehundice mu visolo vye lilenga, nolilajiliza lilimu liwaha lya mwilenga liwalume. 4Na hono wasolwe wawopwe ne walugu wawo, nowalonjela wawo walugu wawo wawawulaje. Nane hamba si nowataza yaye, anga ndumuye nghani niwongomeze du.”
5Muwaha Mulungu we mihanga kayipamizaga yisi,
nayo yinze yiwa kucicima,
na wose wono wekaye mumo wolila.
Ne yinze yose yolokwibuka no kug'welela kotya
nhe likolongo lye Nile ku Misili.
6Muwaha Mulungu kazengaga wikalo wakwe ku wulanga,
no kuwika misinji yo mwanya mono'si.
Mwene kacemaga malenga
ge lilenga no kugakupa mu'si,
Muwaha Mulungu, lye 'tagwa lyakwe!
7Muwaha Mulungu yakutya, “Nye nyo Waisilayeli, ane nghuwehwesa wanhu wa Etiyopiya, nha vyono nghumwihwesenyi nyenye. Ane nawatonga Wafilisiti, ku wulawa ku Kilete, nawo Waashuli, ku wulawa ku Kili, nha vyono namutonjenyi 'nye ku wulawa ku Misili. 8Nane yo nene Muwaha Mulungu, mono nghuwulanga wutemi wa Isilayeli, wono wina wubi, nane nowongomezeza lukulu mono yinze. Ninga hamba nhavivyo si nolongomeza lulelo lose lwa Yakobo.
9“Langa nolavya wulajilize no kuwapemenha wanhu wa Isilayeli, nha vyono wapemenhaga wuhemba mu luheneko. Nowapemenha wene, ku wulawa mu makungugo, no kuwawusa wose wono wasina cambuzi. 10Na wanyo wubi wa muli wanhu wangu, wolowulagwa ku wulugu, na wose wono wakutya, ‘Mulungu sikoleka zimbi zicagane.’ ”
Mhonelo yono yowaziza Waisilayeli
11Muwaha Mulungu yakutya, “Lizuwa likuza lyono ane nolowusimya wutemi wa Dawudi, wono winha kaya yono yigwiye so wongomezwe. Nolonozeleza majinji gose gono gamwaguka, no kugasimya kanyhi. Noloyizenga no kuyinoza yiwe nha vyono yali katali. 12Holeka wanhu wa Isilayeli, wolowatema i wanhu wono wali wasigaye mu yisi ya Edomu, na wa muli makungugo gose wono ku wulawa ha mwamulizo wali wangu.” Vyo yakutya Muwaha mono kolozinoza zizi zijele. 13Muwaha Mulungu yakutya,
“Ivilo vikuza.
Lono vilimwa vilawiluka musunho kuciza
mu nghango yono vyowa vyisumice ku wududule
ne zizabibu zolowiluka mbela mbela kuciza
mu nghango yono divayi yikusuma kunozwa,
ne matunda golosuluza divayi swanu,
ne vigongo vyose vyolosipa divayi.
14Nane nolowagomola
wanhu wangu sunga ko ku yisi yawo.
Wolozenga makaya gawo
gono gahodangwa no kwikala mumo,
wolopanha migunda ye mizabibu
no kung'wa divayi wolopanha migunda
no kulya vilimwa vyono walimile.
15Nane nolowagomola no kuwawika wanhu wangu, mu'si yono nawapela,
hamba si wolowuswa kanyhi yaye.”
Muwaha Mulungu,
u Mulungu wenyu, vyo yakutya.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Cigogo Bible © Bible Society of Tanzania, 2002.