Kur 33
33
1Nyakubaho akagambira Musa ati: Ruga aha, iwe n'abantu bu waihire Misiri, muze omu nsi ei naarahiire kuha Aburahamu, Isaaka na Yakobo, ningira nti: Ndyagiha baijukuru baanyu. 2Kandi niinyija kubooherereza maraika w'okubeebembera; mbingyemu Abanyakanaani, Abaamori, Abahiivi, Abapeerizi, Abaahiiti n'Abayebusi. 3Nimwirooko muze omu nsi erikuhimintikwamu amate n'obwoki. Kwonka Nyowe tindikwija kugyenda naimwe ntakaabamariraho omu muhanda; ahabw'okuba muri abantu engangaazi.
4Abantu ku baahuriire egyo nkuru mbi eyaabagambwaho, baacura; tihaagira n'omwe owaajwara eby'okwehunda. 5Ahabw'okuba Nyakubaho akagira ati: Gambira Abaisiraeli oti: Muri abantu entahurira; hati ku naakugyenda naimwe akaanya kakye kati nkaabamaraho. Mbwenu nu nimujuure amahunde gaanyu, mbone kumanya oku ndaabagire. 6Abaisiraeli nabo nikwo kujuurira amahunde gaabo aha rushozi Horebu, bakareka kugajwara obundi.
Eby'eihema
7Mbwenu obwo Musa akaba atwara eihema, ariteera aheeru y'orusiisira hare narwo; haza aryeta Eihema ry'Okubugabuganiramu. Mpaho weena owaabaire aba aine eky'okwehabuza ahari Nyakubaho, ashohora, aza aha ihema ry'okubugabuganiramu, eryabaire riri aheeru y'orusiisira. 8Musa ku yaabaire ashohora kuza ahari eryo ihema, abantu boona baimuka, buri omwe ayemerera aha muryango gw'eihema rye; baguma bamutaireho amaisho okuhitsya obu yaabaire aritaahamu. 9Musa ku yaabaire ataaha omu ihema, enyomyo y'ekicu eshuuma, eyemerera aha muryango gwaryo, Nyakubaho agaaniira na Musa. 10Kandi abantu boona, ku baabaire bareeba enyomyo y'ekicu eyemereire aha muryango gw'eihema, boona baimuka, baramya, buri omwe ari aha muryango gw' eihema rye. 11Nyakubaho nikwo yaabaire agamba atyo na Musa boorekyeraine, nk'oku omuntu agaaniira na mugyenzi we. Reero Musa ku yaabaire agaruka omu rusiisira, omuheereza we Yoshwa mwene Nuuni, akaba ataruga omuri eryo ihema.
Musa okweshengyereza Ruhanga okutamurugaho
12Bwanyima Musa akagambira Nyakubaho ati: Reeba, wangira oti: Twara abo bantu, kwonka tiwaamanyisa ou orantume nawe. Haza wangira oti: Ninkumanya eiziina, kandi ori omutetsi ahariinye. 13Mbwenu nu, ninkweshengyereza, ku oraabe nooreeba ngu wangirira embabazi, mpabura emitwarize yaawe mbone kukumanya, haza ngume ndi omutetsi ahariiwe. Kandi hoona oijukye ku eri ihanga riri eryawe. 14Nyakubaho amugira ati: Niinyija kugyenda naimwe, mbahe obuhuumure. 15Musa nawe amugira ati: Ku oraabe otagyenzire naitwe, otatwiha aha. 16Mbwenu nyowe n'abantu baawe nitwija kumanyirwa hi ku turi abatetsi ahariiwe? Tiiwe okugyenda naitwe, nyowe n'abantu baawe kikatureetera okuba ab'omutaano aha bandi bantu boona abari omu egi nsi?
Ruhanga okweyoreka Musa
17Mpaho Nyakubaho agira Musa ati: Ekyo kintu ki waagamba, buzima niinyija kukikora ahabw'okuba ori omutetsi ahariinye, kandi ninkumanya eiziina. 18Musa amugarukamu ati: Naakweshengyereza nyoreka ekitiinisa kyawe. 19Nyakubaho amugira ati: Niinyija kurabya oburungi bwangye bwona omu maisho gaawe, ndangire omu maisho gaawe eiziina ryangye “Nyakubaho”; kandi ngirire embabazi ou ndaayende kuzigirira, ngirire esaasi abu ndaayende kuzigirira. 20Kwonka agira ati: Torikubaasa kundeeba hamaisho, ahabw'okuba tihariho muntu orindeeba akakira. 21Bwanyima Nyakubaho agira Musa ati: Reeba aha rubaju rwangye hariho omwanya gu oraayemerereho aha rukiri. 22Reero ku ndaabe nindabaho ndi omu kitiinisa, niinyija kukuta omu bwatika bw'orwo rukiri, nkukingize omukono gwangye okuhitsya obu ndaarabeho. 23Bwanyima nyiheho omukono gwangye, obone kundeeba omugongo, kutari kundeeba ahamaisho.
Musa okuhaabwa ebindi bishate by'amabaare
Chwazi Kounye ya:
Kur 33: RKK2008
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kur 33
33
1Nyakubaho akagambira Musa ati: Ruga aha, iwe n'abantu bu waihire Misiri, muze omu nsi ei naarahiire kuha Aburahamu, Isaaka na Yakobo, ningira nti: Ndyagiha baijukuru baanyu. 2Kandi niinyija kubooherereza maraika w'okubeebembera; mbingyemu Abanyakanaani, Abaamori, Abahiivi, Abapeerizi, Abaahiiti n'Abayebusi. 3Nimwirooko muze omu nsi erikuhimintikwamu amate n'obwoki. Kwonka Nyowe tindikwija kugyenda naimwe ntakaabamariraho omu muhanda; ahabw'okuba muri abantu engangaazi.
4Abantu ku baahuriire egyo nkuru mbi eyaabagambwaho, baacura; tihaagira n'omwe owaajwara eby'okwehunda. 5Ahabw'okuba Nyakubaho akagira ati: Gambira Abaisiraeli oti: Muri abantu entahurira; hati ku naakugyenda naimwe akaanya kakye kati nkaabamaraho. Mbwenu nu nimujuure amahunde gaanyu, mbone kumanya oku ndaabagire. 6Abaisiraeli nabo nikwo kujuurira amahunde gaabo aha rushozi Horebu, bakareka kugajwara obundi.
Eby'eihema
7Mbwenu obwo Musa akaba atwara eihema, ariteera aheeru y'orusiisira hare narwo; haza aryeta Eihema ry'Okubugabuganiramu. Mpaho weena owaabaire aba aine eky'okwehabuza ahari Nyakubaho, ashohora, aza aha ihema ry'okubugabuganiramu, eryabaire riri aheeru y'orusiisira. 8Musa ku yaabaire ashohora kuza ahari eryo ihema, abantu boona baimuka, buri omwe ayemerera aha muryango gw'eihema rye; baguma bamutaireho amaisho okuhitsya obu yaabaire aritaahamu. 9Musa ku yaabaire ataaha omu ihema, enyomyo y'ekicu eshuuma, eyemerera aha muryango gwaryo, Nyakubaho agaaniira na Musa. 10Kandi abantu boona, ku baabaire bareeba enyomyo y'ekicu eyemereire aha muryango gw'eihema, boona baimuka, baramya, buri omwe ari aha muryango gw' eihema rye. 11Nyakubaho nikwo yaabaire agamba atyo na Musa boorekyeraine, nk'oku omuntu agaaniira na mugyenzi we. Reero Musa ku yaabaire agaruka omu rusiisira, omuheereza we Yoshwa mwene Nuuni, akaba ataruga omuri eryo ihema.
Musa okweshengyereza Ruhanga okutamurugaho
12Bwanyima Musa akagambira Nyakubaho ati: Reeba, wangira oti: Twara abo bantu, kwonka tiwaamanyisa ou orantume nawe. Haza wangira oti: Ninkumanya eiziina, kandi ori omutetsi ahariinye. 13Mbwenu nu, ninkweshengyereza, ku oraabe nooreeba ngu wangirira embabazi, mpabura emitwarize yaawe mbone kukumanya, haza ngume ndi omutetsi ahariiwe. Kandi hoona oijukye ku eri ihanga riri eryawe. 14Nyakubaho amugira ati: Niinyija kugyenda naimwe, mbahe obuhuumure. 15Musa nawe amugira ati: Ku oraabe otagyenzire naitwe, otatwiha aha. 16Mbwenu nyowe n'abantu baawe nitwija kumanyirwa hi ku turi abatetsi ahariiwe? Tiiwe okugyenda naitwe, nyowe n'abantu baawe kikatureetera okuba ab'omutaano aha bandi bantu boona abari omu egi nsi?
Ruhanga okweyoreka Musa
17Mpaho Nyakubaho agira Musa ati: Ekyo kintu ki waagamba, buzima niinyija kukikora ahabw'okuba ori omutetsi ahariinye, kandi ninkumanya eiziina. 18Musa amugarukamu ati: Naakweshengyereza nyoreka ekitiinisa kyawe. 19Nyakubaho amugira ati: Niinyija kurabya oburungi bwangye bwona omu maisho gaawe, ndangire omu maisho gaawe eiziina ryangye “Nyakubaho”; kandi ngirire embabazi ou ndaayende kuzigirira, ngirire esaasi abu ndaayende kuzigirira. 20Kwonka agira ati: Torikubaasa kundeeba hamaisho, ahabw'okuba tihariho muntu orindeeba akakira. 21Bwanyima Nyakubaho agira Musa ati: Reeba aha rubaju rwangye hariho omwanya gu oraayemerereho aha rukiri. 22Reero ku ndaabe nindabaho ndi omu kitiinisa, niinyija kukuta omu bwatika bw'orwo rukiri, nkukingize omukono gwangye okuhitsya obu ndaarabeho. 23Bwanyima nyiheho omukono gwangye, obone kundeeba omugongo, kutari kundeeba ahamaisho.
Musa okuhaabwa ebindi bishate by'amabaare
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Bible with Apocrypha in Runyankore-Rukiga, new revised joint translation © The Bible Society of Uganda, 2008.