Kur 29
29
1Mbwenu oku nikwo oraagire Arooni n'abatabani waaza kubeeza, ngu babone kumpeereza bari abahongyerezi. Gira enimi nto n'empaya ibiri z'entaama ezitaine kamogo, 2n'emigaati etatumbisiibwe, na twakeeki otutatumbisiibwe, otuteekyesiibwe amajuta g'emioliva, na zaacapati ezitatumbisiibwe, ezimaamagiziibweho amajuta g'emioliva, obikore omu saano y'obunono ey'engano. 3Reero obite omu kiibo, kandi obikireeteremu, haza oreete egyo nimi n'ezo mpaya z'entaama zombi. 4Mpaho oreete Arooni n'abatabani, obahitsye aha rwigi rw'eihema ry'okubugabuganiramu, oboozye. 5Reero oreete ebijwaro ojwekye Arooni ekooti n'ekanzu ejwarirwaho ekitaahiro, kandi omujwekye ekitaahiro ekirukirwe omu buringaringo. 6Reero omujwekye ekikwemba omu mutwe, kandi ote ekirunga ekirikwera aha kikwemba. 7Mpaho oiheyo amajuta gu basiiga ogamushukye omu mutwe, haza omusiigye. 8Bwanyima oreete abatabani nabo obajwekye ekooti. 9Obazirikye emyeko, kandi obakomere obukofiira aha mutwe, obuhongyerezi bube obwabo obuhamiibwe ekiragiro ekitarihindurwa ebiro byona. Nikwo oraashoroore otyo Arooni n'abatabani.
10Bwanyima oreete egyo nimi omu maisho g'eihema ry'okubugabuganiramu, Arooni n'abatabani bate engaro zaabo aha mutwe gwayo. 11Haza ogiitire omu maisho ga Nyakubaho aha muryango gw'eihema ry'okubugabuganiramu. 12Reero oiheho ekitega ky'eshagama y'egyo nimi, ogisiigye aha mahembe g'eitambiro n'orukumu rwawe; eraatsigareho ogyate omu mizi y'eitambiro. 13Bwanyima ogire ebishaju byona ebishweka eby'omu nda, n'ekishaabo ky'aha kine n'entsigo zombi ziriho ebishaju byazo, obyokyeze aha itambiro. 14Kwonka enyama z'egyo nimi n'oruhu rwayo n'efa yaayo obyokyeze kimwe aheeru y'orusiisira, ahabw'okuba n'ekitambo ky'okuhongyerera ebibi.
15Bwanyima oiheyo emwe aha mpaya z'entaama, Arooni n'abatabani bate engaro zaabo aha mutwe gwayo. 16Haza ogiite, oiheho eshagama yaayo, ogimiisiire eitambiro ryona okuryehinguririza. 17Bwanyima egyo mpaya ogihirimburemu ebicweka, oyozye eby'omu nda byayo, obiteerane n'ezindi nyama n'omutwe gwayo. 18Yoona ogyokyeze aha itambiro. Ekyo n'ekitambo kicwekize ekihongyeirwe Nyakubaho eki bamwokyeize kikamutaamiranira ekisooroora kirungi.
19Otware endiijo mpaya y'entaama, Arooni n'abatabani bate engaro zaabo aha mutwe gwayo. 20Reero nayo ogiite, oiheho ekitega ky'eshagama yaayo, ogisiigye aha nshonga y'okutu kwa buryo okwa Arooni, n'aha nshonga z'amatu ga buryo ag'abatabani, n'aha bikumu bishaija by'engaro zaabo eza buryo, kandi n'aha bikumu bishaija by'ebigyere byabo ebya buryo; reero eshagama eraatsigareho ogimiisiire eitambiro okuryehinguririza. 21Bwanyima oihe ahari egyo shagama y'aha itambiro n'aha majuta gu basiiga, obimiisiire Arooni n'ebijwaro bye, kandi obimiisiire abatabani abari hamwe nawe n'ebijwaro byabo; mpaho we n'ebijwaro bye bibe ebirikwera, hamwe n'abatabani abari hamwe nawe n'ebijwaro byabo.
22Kandi otware ebishaju by'egyo mpaya, n'omukira gwayo ogw'ebishaju, n'ebishaju ebishweka eby'omunda, n'ekishaabo ky'aha kine n'entsigo zombi n'ebishaju ebiziriho, n'ekivune kyayo ky'okuguru kwa buryo, ahabw'okuba egyo n'empaya y'entaama ey'omugyenzo gw'okushoroorwa. 23Kandi otware omugaati gumwe, n'akabumburi kateekyesiibwe amajuta g'omuoliva, n'ekibanda kimwe, noobiiha omu kiibo ky'emigaati etatumbisiibwe etairwe omu maisho ga Nyakubaho. 24Haza ebyo byona obikwatse Arooni n'abatabani, babizongazonzye bibe emitoijo ezongazongyeirwe Nyakubaho. 25Bwanyima obibaihe omu ngaro, obyokyeze aha itambiro hamwe n'ekitambo ky'okucwetsya, kibe ekisooroora kirungi ekirikutaamiranira omu maisho ga Nyakubaho, kiri ekitambo eki bamwokyeize. 26Kandi okwate enkoro y'empaya y'entaama, ey'okushoroorwa kwa Arooni, ogizongazonzye ebe ekitambo ky'okuzongazongyeza omu maisho ga Nyakubaho, haza ebe omugabo gwawe. 27Reero oyeze enkoro ei baatoija nibazongazonzya, oyeze n'ekivune ky'omugabo gw'abahongyerezi, nakyo eki baazongazonzya, kandi eki baatamba bakiihire aha mpaya y'okushoroorwa; ahabw'okuba n'ekya Arooni n'abatabani. 28Ekyo kivune kibe ekya Arooni n'abatabani; bagume nibakitoijerwa Abaisiraeli ebiro byona, ahabw'okuba n'omugabo gw'abahongyerezi oguriguma nigutoijwa Abaisiraeli nibagwiha aha bitambo byabo eby'okurya kumwe ebi batoijera Nyakubaho. 29Ebijwaro ebirikwera ebya Arooni biryaba eby'abatabani abarimuza omu bigyere, biri eby'okusiigirwamu amajuta n'okushoroorerwamu. 30Omutabani orimuhungurira omu buhongyerezi amare ebiro mushanju abijwaire, yaaba aizire omu ihema ry'okubugabuganiramu kuheerereza omu mwanya ogurikwera.
31Oryatwara egyo mpaya y'entaama ey'okushoroorwa, oteekyere enyama yaayo omu mwanya ogurikwera. 32Arooni n'abatabani bariire enyama yaayo n'emigaati y'omu kiibo aha muryango gw'eihema ry'okubugabuganiramu. 33Baryarya ebyo bintu bi baakarabisa ku bashoroora n'okubeeza, kwonka otari muhongyerezi ataribiryaho, ahabw'okuba n'ebirikwera. 34Reero ku harigira enyama y'okushoroorwa nari emigaati ebyatsigaraho okuhitsya omu kasheeshe, ebiriba bitsigaireho ebyo obyotsye, bitariibwa, ahabw'okuba n'ebirikwera. 35Okwo nikwo oraatwaze Arooni n'abatabani, nookuratira byona ebi naakuragiira. Obashoroore omu biro mushanju. 36Buri izooba ogume ohongye enimi, ebe empongano y'okukarabira ekibi. Kandi ogume ohe empongano y'okuhongyerera eitambiro, noorikarabira, noorisiiga amajuta kandi nooryeza. 37Omare ebiro mushanju nookarabira eitambiro kandi oryeze, ribone kuba eririkwerera kimwe; na kyona ekiririkoraho kiryaba ekirikwera.
Ekitambo ky'okucwetsya ekya buri izooba
38Mbwenu ebi nibyo oraagume nootambira aha itambiro: abaana b'entaama babiri b'omwaka gumwe nibo oraagume nootamba buri izooba. 39Omwana gumwe gw'entaama ogume ogutambe omu kasheeshe, n'ogundi ogutambe omu mwabazyo. 40Hamwe n'ogwo mwana gw'entaama ogw'okubanza, otoije kimwe kya ikumi ky'encuro y'esaano y'obunono ejwangizemu kimwe kya kana ky'ecupa ya viino y'okuhongwa. 41Reero omwana gw'entaama ogundi ogutambe omu mwabazyo, kandi ogutoijereho ebyokurya by'omujuma n'ebyokunywa, nk'oku kyatwazibwa omu kasheeshe; gube ekisooroora kirungi ekirikutaamirana eky'ekitambo ki bookyeize Nyakubaho. 42Kigume kibe ekitambo ky'okucwetsya omu busingye bwanyu bwona oburikuratana, nikitambirwa aha muryango gw'eihema ry'okubugabuganiramu, ahi ndiguma nimbugaabuganira naimwe, nkagira eki naabagambira. 43Okwo niyo ndibugabuganira n'Abaisiraeli, kandi eryo ihema riryayezibwa ekitiinisa kyangye. 44Niinyija kweza eryo ihema ry'okubugabuganiramu, nyeze n'eitambiro; Arooni nawe n'abatabani mbeeze, bampeereze bari abahongyerezi. 45Kandi ndyatuura omu Baisiraeli, mbe Ruhanga waabo. 46Haza bamanye ku ndi Mukama Ruhanga waabo, owaabaihire omu nsi ya Misiri, ngu mbone kubatuuramu: Nyowe Mukama Ruhanga waabo.
Eitambiro ry'okwotereraho obubaani
Chwazi Kounye ya:
Kur 29: RKK2008
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kur 29
29
1Mbwenu oku nikwo oraagire Arooni n'abatabani waaza kubeeza, ngu babone kumpeereza bari abahongyerezi. Gira enimi nto n'empaya ibiri z'entaama ezitaine kamogo, 2n'emigaati etatumbisiibwe, na twakeeki otutatumbisiibwe, otuteekyesiibwe amajuta g'emioliva, na zaacapati ezitatumbisiibwe, ezimaamagiziibweho amajuta g'emioliva, obikore omu saano y'obunono ey'engano. 3Reero obite omu kiibo, kandi obikireeteremu, haza oreete egyo nimi n'ezo mpaya z'entaama zombi. 4Mpaho oreete Arooni n'abatabani, obahitsye aha rwigi rw'eihema ry'okubugabuganiramu, oboozye. 5Reero oreete ebijwaro ojwekye Arooni ekooti n'ekanzu ejwarirwaho ekitaahiro, kandi omujwekye ekitaahiro ekirukirwe omu buringaringo. 6Reero omujwekye ekikwemba omu mutwe, kandi ote ekirunga ekirikwera aha kikwemba. 7Mpaho oiheyo amajuta gu basiiga ogamushukye omu mutwe, haza omusiigye. 8Bwanyima oreete abatabani nabo obajwekye ekooti. 9Obazirikye emyeko, kandi obakomere obukofiira aha mutwe, obuhongyerezi bube obwabo obuhamiibwe ekiragiro ekitarihindurwa ebiro byona. Nikwo oraashoroore otyo Arooni n'abatabani.
10Bwanyima oreete egyo nimi omu maisho g'eihema ry'okubugabuganiramu, Arooni n'abatabani bate engaro zaabo aha mutwe gwayo. 11Haza ogiitire omu maisho ga Nyakubaho aha muryango gw'eihema ry'okubugabuganiramu. 12Reero oiheho ekitega ky'eshagama y'egyo nimi, ogisiigye aha mahembe g'eitambiro n'orukumu rwawe; eraatsigareho ogyate omu mizi y'eitambiro. 13Bwanyima ogire ebishaju byona ebishweka eby'omu nda, n'ekishaabo ky'aha kine n'entsigo zombi ziriho ebishaju byazo, obyokyeze aha itambiro. 14Kwonka enyama z'egyo nimi n'oruhu rwayo n'efa yaayo obyokyeze kimwe aheeru y'orusiisira, ahabw'okuba n'ekitambo ky'okuhongyerera ebibi.
15Bwanyima oiheyo emwe aha mpaya z'entaama, Arooni n'abatabani bate engaro zaabo aha mutwe gwayo. 16Haza ogiite, oiheho eshagama yaayo, ogimiisiire eitambiro ryona okuryehinguririza. 17Bwanyima egyo mpaya ogihirimburemu ebicweka, oyozye eby'omu nda byayo, obiteerane n'ezindi nyama n'omutwe gwayo. 18Yoona ogyokyeze aha itambiro. Ekyo n'ekitambo kicwekize ekihongyeirwe Nyakubaho eki bamwokyeize kikamutaamiranira ekisooroora kirungi.
19Otware endiijo mpaya y'entaama, Arooni n'abatabani bate engaro zaabo aha mutwe gwayo. 20Reero nayo ogiite, oiheho ekitega ky'eshagama yaayo, ogisiigye aha nshonga y'okutu kwa buryo okwa Arooni, n'aha nshonga z'amatu ga buryo ag'abatabani, n'aha bikumu bishaija by'engaro zaabo eza buryo, kandi n'aha bikumu bishaija by'ebigyere byabo ebya buryo; reero eshagama eraatsigareho ogimiisiire eitambiro okuryehinguririza. 21Bwanyima oihe ahari egyo shagama y'aha itambiro n'aha majuta gu basiiga, obimiisiire Arooni n'ebijwaro bye, kandi obimiisiire abatabani abari hamwe nawe n'ebijwaro byabo; mpaho we n'ebijwaro bye bibe ebirikwera, hamwe n'abatabani abari hamwe nawe n'ebijwaro byabo.
22Kandi otware ebishaju by'egyo mpaya, n'omukira gwayo ogw'ebishaju, n'ebishaju ebishweka eby'omunda, n'ekishaabo ky'aha kine n'entsigo zombi n'ebishaju ebiziriho, n'ekivune kyayo ky'okuguru kwa buryo, ahabw'okuba egyo n'empaya y'entaama ey'omugyenzo gw'okushoroorwa. 23Kandi otware omugaati gumwe, n'akabumburi kateekyesiibwe amajuta g'omuoliva, n'ekibanda kimwe, noobiiha omu kiibo ky'emigaati etatumbisiibwe etairwe omu maisho ga Nyakubaho. 24Haza ebyo byona obikwatse Arooni n'abatabani, babizongazonzye bibe emitoijo ezongazongyeirwe Nyakubaho. 25Bwanyima obibaihe omu ngaro, obyokyeze aha itambiro hamwe n'ekitambo ky'okucwetsya, kibe ekisooroora kirungi ekirikutaamiranira omu maisho ga Nyakubaho, kiri ekitambo eki bamwokyeize. 26Kandi okwate enkoro y'empaya y'entaama, ey'okushoroorwa kwa Arooni, ogizongazonzye ebe ekitambo ky'okuzongazongyeza omu maisho ga Nyakubaho, haza ebe omugabo gwawe. 27Reero oyeze enkoro ei baatoija nibazongazonzya, oyeze n'ekivune ky'omugabo gw'abahongyerezi, nakyo eki baazongazonzya, kandi eki baatamba bakiihire aha mpaya y'okushoroorwa; ahabw'okuba n'ekya Arooni n'abatabani. 28Ekyo kivune kibe ekya Arooni n'abatabani; bagume nibakitoijerwa Abaisiraeli ebiro byona, ahabw'okuba n'omugabo gw'abahongyerezi oguriguma nigutoijwa Abaisiraeli nibagwiha aha bitambo byabo eby'okurya kumwe ebi batoijera Nyakubaho. 29Ebijwaro ebirikwera ebya Arooni biryaba eby'abatabani abarimuza omu bigyere, biri eby'okusiigirwamu amajuta n'okushoroorerwamu. 30Omutabani orimuhungurira omu buhongyerezi amare ebiro mushanju abijwaire, yaaba aizire omu ihema ry'okubugabuganiramu kuheerereza omu mwanya ogurikwera.
31Oryatwara egyo mpaya y'entaama ey'okushoroorwa, oteekyere enyama yaayo omu mwanya ogurikwera. 32Arooni n'abatabani bariire enyama yaayo n'emigaati y'omu kiibo aha muryango gw'eihema ry'okubugabuganiramu. 33Baryarya ebyo bintu bi baakarabisa ku bashoroora n'okubeeza, kwonka otari muhongyerezi ataribiryaho, ahabw'okuba n'ebirikwera. 34Reero ku harigira enyama y'okushoroorwa nari emigaati ebyatsigaraho okuhitsya omu kasheeshe, ebiriba bitsigaireho ebyo obyotsye, bitariibwa, ahabw'okuba n'ebirikwera. 35Okwo nikwo oraatwaze Arooni n'abatabani, nookuratira byona ebi naakuragiira. Obashoroore omu biro mushanju. 36Buri izooba ogume ohongye enimi, ebe empongano y'okukarabira ekibi. Kandi ogume ohe empongano y'okuhongyerera eitambiro, noorikarabira, noorisiiga amajuta kandi nooryeza. 37Omare ebiro mushanju nookarabira eitambiro kandi oryeze, ribone kuba eririkwerera kimwe; na kyona ekiririkoraho kiryaba ekirikwera.
Ekitambo ky'okucwetsya ekya buri izooba
38Mbwenu ebi nibyo oraagume nootambira aha itambiro: abaana b'entaama babiri b'omwaka gumwe nibo oraagume nootamba buri izooba. 39Omwana gumwe gw'entaama ogume ogutambe omu kasheeshe, n'ogundi ogutambe omu mwabazyo. 40Hamwe n'ogwo mwana gw'entaama ogw'okubanza, otoije kimwe kya ikumi ky'encuro y'esaano y'obunono ejwangizemu kimwe kya kana ky'ecupa ya viino y'okuhongwa. 41Reero omwana gw'entaama ogundi ogutambe omu mwabazyo, kandi ogutoijereho ebyokurya by'omujuma n'ebyokunywa, nk'oku kyatwazibwa omu kasheeshe; gube ekisooroora kirungi ekirikutaamirana eky'ekitambo ki bookyeize Nyakubaho. 42Kigume kibe ekitambo ky'okucwetsya omu busingye bwanyu bwona oburikuratana, nikitambirwa aha muryango gw'eihema ry'okubugabuganiramu, ahi ndiguma nimbugaabuganira naimwe, nkagira eki naabagambira. 43Okwo niyo ndibugabuganira n'Abaisiraeli, kandi eryo ihema riryayezibwa ekitiinisa kyangye. 44Niinyija kweza eryo ihema ry'okubugabuganiramu, nyeze n'eitambiro; Arooni nawe n'abatabani mbeeze, bampeereze bari abahongyerezi. 45Kandi ndyatuura omu Baisiraeli, mbe Ruhanga waabo. 46Haza bamanye ku ndi Mukama Ruhanga waabo, owaabaihire omu nsi ya Misiri, ngu mbone kubatuuramu: Nyowe Mukama Ruhanga waabo.
Eitambiro ry'okwotereraho obubaani
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Bible with Apocrypha in Runyankore-Rukiga, new revised joint translation © The Bible Society of Uganda, 2008.