AGaratio 2
2
Kura amokedi adi Pauro ku gume
1Garã ki du bawe na biama ani ki ndu ku Yerusarema yo berewe na Barunaba, ani andu na Tito a. 2Mi andu mbiko ga Mbori yugoti; mi ki ringbisi gu wene pangbanga fu yo mi anatungusa ku dagba aGendiria, ni rondo fu agu yo nangia abaworimo, mi ka do rogo gi pai, si ngia mi vura do rogo a. 3I asosoda nga Tito asosoda nadu na mi, nga Giriki, ya i yere ko a te, 4nga gu pai gu kungba awirina akpi nyemu ka manga, nga agu yo i adi yo ku gume, i aye ni gbuko ka maa rani wa ra ani ni rirani fu Kristo Yesu, i sa rani ni akanga. 5Ani awo nga be gayo pai ni ida ha wa sa te, ti saa sa a te; ya gu rengo nye na oni nga ga wene pangbanga. 6Ono agu yo i aniya ti yo aboro nga yo (pa agu aboro nangia yo re, pai ti re na ni te. Mbori adia nga boro kuti ngbanyani te) ― ya mi, agu yo nangia abaworimo i ayugo nga pai fere te. 7Ono i aini he ya Mbori aasia pa wene pangbanga fere tipa aGendiria, a wa ko aasia pa wene pangbanga fu Petero tipa aYudo. 8Bambiko gu ko namangi pa Petero ko du ni mokedi tipa aYudo, ko namangi pa re a tipa aGendiria. 9Ho i abi gu undahe ni i afu fere, aYakoba na Kefa nga Petero a Yoane, i aniya ti yo asongodi kanisa, i ki sa berani na Barunaba ni dia rani ku gume, ya ani ndu fuo aGendiria, i ki ndu fuo aYudo. 10I akpi kina nyemu ani tingidi pa rungorungo aboro; nga gu pai mi akpi nyemu manga ha a gbe.
Pauro arugu Petero nga Kefa Andiokia yo
11Ono ho Kefa nga Petero aye ni ku Andiokia yo, mi ki ta ngera kina ku bangiriko yo nirugu ko, bambiko pai adi adia ngbako. 12Bambiko mbata ka agu aboro ata ye nga yo du Yakoba ni ya, ko ari riahe ari na aGendiria; ono ho i aye ni, ko ki di tiko ki kpara tiko ti yo, nigunde be agu yo nangia aYudo. 13Kura aYudo ki gbu tiyo a na ko; wa i adi kina Barunaba adia a ku sa yo ni gayo gbuko. 14Ho mi aini he ni ya i amanga nga ha nzunzu wa gu rengo nga ga wene pangbanga te, mi ki ya fu Kefa ku bangiriyo dũ, “Wa du mo nga Yudo, ka mo amanga pai wa aGendiria, ka mo amanga nga pai wa aYudo ya, mo wiri pa sosoda aGendiria wãi i nimangi pai wa aYudo?”
AYudo gbia kuti aGendiria abati mbiko idapase
15Wa du ani ni aYudo mbiko vunga yo rani, ka ani adu nga ni agu aboro ingapai nga ga aGendiria yo ya, 16ani ini aina ya i asara nga ngbanga fu boro mbiko manga rugute te, kina mbiko ida pa Yesu Kristo. Ani aidi pa Kristo Yesu a tigaani, i sapu ngbanga fu rani mbiko ida pa Kristo, mbiko manga rugute te. Bambiko i asapa nga ngbanga fu boro mbiko manga rugute wa sa te. 17Ono, ka i abi rani ni aboro ingapai kindi tigaani a wa ani agbata sapa ngbanga fu rani rogo Kristo yo, i ya Kristo namanga pa ingapai? Wa sa te! 18Bambiko ka mi mbakadi agu ahe berewe mi agbarasi, mi yugu tire ayugo ya boro ingapai nga mi. 19Bambiko mi akpi fu rugute mbiko rugute, mi du ni ungare fu Mbori. 20I awagi rani na Kristo; mi ni kina ungare; ono mi du awetere, Kristo du ni unga rogo re yo. Gu unga du mi ngbaha awere ni borore mi ngbaha mbiko idapase, gu idapase nga ida pa Wiri Mbori, ko nakpi nyemu re, ki fu tiko tipa re. 21Mi agbarasa nga ga Mbori undahe te; bambiko ka Mbori sa boro ni ruru ni mbiko rugute, si wa Kristo akpí akpi gbua.
Chwazi Kounye ya:
AGaratio 2: ZB1978
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
La Sainte Bible en Zande © Alliance Biblique Universelle, 1978.
AGaratio 2
2
Kura amokedi adi Pauro ku gume
1Garã ki du bawe na biama ani ki ndu ku Yerusarema yo berewe na Barunaba, ani andu na Tito a. 2Mi andu mbiko ga Mbori yugoti; mi ki ringbisi gu wene pangbanga fu yo mi anatungusa ku dagba aGendiria, ni rondo fu agu yo nangia abaworimo, mi ka do rogo gi pai, si ngia mi vura do rogo a. 3I asosoda nga Tito asosoda nadu na mi, nga Giriki, ya i yere ko a te, 4nga gu pai gu kungba awirina akpi nyemu ka manga, nga agu yo i adi yo ku gume, i aye ni gbuko ka maa rani wa ra ani ni rirani fu Kristo Yesu, i sa rani ni akanga. 5Ani awo nga be gayo pai ni ida ha wa sa te, ti saa sa a te; ya gu rengo nye na oni nga ga wene pangbanga. 6Ono agu yo i aniya ti yo aboro nga yo (pa agu aboro nangia yo re, pai ti re na ni te. Mbori adia nga boro kuti ngbanyani te) ― ya mi, agu yo nangia abaworimo i ayugo nga pai fere te. 7Ono i aini he ya Mbori aasia pa wene pangbanga fere tipa aGendiria, a wa ko aasia pa wene pangbanga fu Petero tipa aYudo. 8Bambiko gu ko namangi pa Petero ko du ni mokedi tipa aYudo, ko namangi pa re a tipa aGendiria. 9Ho i abi gu undahe ni i afu fere, aYakoba na Kefa nga Petero a Yoane, i aniya ti yo asongodi kanisa, i ki sa berani na Barunaba ni dia rani ku gume, ya ani ndu fuo aGendiria, i ki ndu fuo aYudo. 10I akpi kina nyemu ani tingidi pa rungorungo aboro; nga gu pai mi akpi nyemu manga ha a gbe.
Pauro arugu Petero nga Kefa Andiokia yo
11Ono ho Kefa nga Petero aye ni ku Andiokia yo, mi ki ta ngera kina ku bangiriko yo nirugu ko, bambiko pai adi adia ngbako. 12Bambiko mbata ka agu aboro ata ye nga yo du Yakoba ni ya, ko ari riahe ari na aGendiria; ono ho i aye ni, ko ki di tiko ki kpara tiko ti yo, nigunde be agu yo nangia aYudo. 13Kura aYudo ki gbu tiyo a na ko; wa i adi kina Barunaba adia a ku sa yo ni gayo gbuko. 14Ho mi aini he ni ya i amanga nga ha nzunzu wa gu rengo nga ga wene pangbanga te, mi ki ya fu Kefa ku bangiriyo dũ, “Wa du mo nga Yudo, ka mo amanga pai wa aGendiria, ka mo amanga nga pai wa aYudo ya, mo wiri pa sosoda aGendiria wãi i nimangi pai wa aYudo?”
AYudo gbia kuti aGendiria abati mbiko idapase
15Wa du ani ni aYudo mbiko vunga yo rani, ka ani adu nga ni agu aboro ingapai nga ga aGendiria yo ya, 16ani ini aina ya i asara nga ngbanga fu boro mbiko manga rugute te, kina mbiko ida pa Yesu Kristo. Ani aidi pa Kristo Yesu a tigaani, i sapu ngbanga fu rani mbiko ida pa Kristo, mbiko manga rugute te. Bambiko i asapa nga ngbanga fu boro mbiko manga rugute wa sa te. 17Ono, ka i abi rani ni aboro ingapai kindi tigaani a wa ani agbata sapa ngbanga fu rani rogo Kristo yo, i ya Kristo namanga pa ingapai? Wa sa te! 18Bambiko ka mi mbakadi agu ahe berewe mi agbarasi, mi yugu tire ayugo ya boro ingapai nga mi. 19Bambiko mi akpi fu rugute mbiko rugute, mi du ni ungare fu Mbori. 20I awagi rani na Kristo; mi ni kina ungare; ono mi du awetere, Kristo du ni unga rogo re yo. Gu unga du mi ngbaha awere ni borore mi ngbaha mbiko idapase, gu idapase nga ida pa Wiri Mbori, ko nakpi nyemu re, ki fu tiko tipa re. 21Mi agbarasa nga ga Mbori undahe te; bambiko ka Mbori sa boro ni ruru ni mbiko rugute, si wa Kristo akpí akpi gbua.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
La Sainte Bible en Zande © Alliance Biblique Universelle, 1978.