Máà 5
5
Jízɛ̀ kánáìn gàa ɖò ɓɛ́ ɔ ɓéɖé zùù gbà ɓěɛɛ dyi
(Máfíò 8:28-34; Ɖúù 8:26-39)
1Ké Jízɛ̀ kè ɔ ɖeín-nà-nyɔ̀ ɓěɔ̀ nyini ma ɖé dòùnɓìǎɔ̀ ɖeín ɖé Gádàwíɖíìn-nyɔ̀ ɓěɔ̀ ɓíɖí-ɓòɖòɔ̀ kɔ̃. 2Ti ɓɛ́ Jízɛ̀ ɖǎ ma ɖé ɓáɖáàɔ̀ mú sɔ̀ kɛɛ, gàa ɖò ɓɛ́ zùù gbà nì ma múɛɛ sɔ̀ìn ma ɖé kú-toɖo ɖò mú, ké ɔ kè Jízɛ̀ gmɔ̌ìn ma. 3Gàaɔ̀ cĩ́ ma ɖé kú-toɖoɔ̀ mú, ké nyɔ ɖò se ma ɔ sãa ɓɛ́ìn fóɖóún, hwɛ̀ ḿ po níiń, wa ké ɔ dyɔ̀ɔ̌ sã̀ìn nyɛ. 4Sepóɛɖé wa ɖǎ ɔ dyɔ̀ɔ̌ sã̀ìn ɓó ti pàɖǎ mú, kɛɛ ɔ cɛ̃ dyɔ̀ɔ̌ ɔ sɔ̃ kè ɓoi, ké ɔ wàìn dyɔ̀ɔ̌ɔ̀ dyi, ké ɔ nyuɛ pĩ́á mɛ́nɛ́ɛ́ mú. Ké nyɔ ɖò se kpé ɓɛ́ìn ɓɛ́ ɔ kéɛ nyu ɓɛ́ gàaɔ̀ ké gìɖìǐ nì. 5Ɔ nì ɖé kú-toɖoɔ̀ mú ɔ kè ɖé toɖo ɓěɔ̀ dya, ké ɔ nì mú pánáuń máaún kè dyóɖóaún, ké ɔ ɖú sɔ́ɔ́-pĩ̀à dyí, ké ɔ ɖaɓaìn ɔ mìɔùn dyi tee.
6Ti ɓɛ́ ɔ dyé ma Jízɛ̀ ɖé nya kɛɛ, ɔ kpa peɖeɛ, ké ɔ taɓa ma kɔ́-dù hwuɖu ɓó ɔ dyúa. 7Ké ɔ páná ma mú, ké ɔ ɖá, “Jízɛ̀, mɔ̀ mɔ̀à Ɖɛɓíɔ́ Gèɖèpɔ́ɔ̀ Dyú-gààɔ̀ kɛɛ, ɖɛ́ kɔ̃̀ jè m̀ nì ḿ fũ̀à-fṹá nyùɛ̌n nyɛ́? Ḿ ɓaà m̀ ní ɖé Gèɖèpɔ́ɔ̀ dyúa, mɔ̀ǔn ɖá ɓɛ́ m̀ ké ḿ gǎ dyéìn.” 8Sepóɛɖé Jízɛ̀ ɖǎa ma zùù gbàɔ̀ gbo cɛ̃, ké ɔ ɖá, “Zùù gbà, sɔ̀ gàaɔ̀ mú kàà-ɖɛ̀ǐn!”
9Ké Jízɛ̀ diè ma zùù gbàɔ̀ dyi, ké ɔ ɖá, “Xwɛ̌ nì nyɛ́nɛ́ jǔ kɛ́?”
Ké ɔ ɖá, “Ní nyɛ́nɛ́ mɔ̀ Vòò-nyɔ̀, sepóɛɖé à vò dyí mìɔ.” 10Ké zùù gbàɔ̀ nì ma Jízɛ̀ ɓaàǔn hwòɖǒɛ̀-ɖé-hwɛ̀-kà, ɓɛ́ Jízɛ̀ ní kɔ̃̀ ɖà wa ɓóɖóɔ̀ mú dyi kúmú.
11Ɔ nì ná kɛɛ, ɓeé kúɖúú ɓě nì ma dyi ɖiɛń ɓó toɖo ɖò nì ɓóɛɛ dya. 12Ké zùù gbà ɓěɔ̀ ɓaà ma Jízɛ̀, ké wa ɖá, “Tò à ɖé ɓeé ɓěɔ̀ mú.” 13Ké Jízɛ̀ wɔ̃́ ma, ké zùù gbà ɓěɔ̀ sɔ̀ ma gàaɔ̀ mú, ké wa kpá ɓeé ɓěɔ̀ mú. Ké wa kpa peɖeɛ ɖé dòùnɓìǎɔ̀ kpóó dyeinɔ̀ kɔ̃, ké wa wáɖá ma ɖé níɔ̀ kɔ̃, ké wa sè ɓó nyɛ̀nɛ̀ɛ̀. Ɓeé ɓěɔ̀ ɓɛ́ìn ma ɓeé táázĩ̀ìn sɔ̃́ jǔɛ.
14Hwɛ̀ ké ɓeé ɓěɔ̀ dyí-gmɔ̀-nyɔ̀ ɓěɔ̀ gbǔ ma, ké wa mu ma ɖé hwɔɖɔɔ̀ mú ɔ kè ɖé hwɔɖɔ-kpàǎ ɓěɔ̀ kɔ̃, ké wa cɛ̃ ma ɖɛ séín kpá ma kɛ. Ké nyɔǔn ɓě dyi, ɓɛ́ wa ké ɖɛ kpá ma kà kɛɛ dyé. 15Wa dyi, ké wa dyé ma Jízɛ̀, ké gàa ɓɛ́ zùù gbà kúɖúú ɓěɔ̀ nì ma kà múɛɛ kò ma ɓó dyi. Ɔ po ma ɖɔún, ké ɔ fɔ̀nɔ̀-hwòɖǒɔ̀ ɖǎ ma ɔ gbo dyi ɖe. Púɛɛ, wa fɛ̃̀ìn ma ní. 16Ké nyɔ ɓě ɓɛ́ wa dyé ma kà ɖɛ kpá ma gàa ɓɛ́ zùù gbà ɓěɔ̀ sɔ̀ ma kà múɛ kè ɓeé ɓěɔ̀ gboɛɛ zaìn ma wa séín kɔ̃in. 17Púɛɛ, hwɔɖɔɔ̀ nyɔ ɓěɔ̀ ɖú ma Jízɛ̀ ɓaà kpàǐ, ɓɛ́ ɔ ké waà páɔ̀ mú sɔ̀.
18Ti ɓɛ́ Jízɛ̀ nì ma ɖé ɓáɖáàɔ̀ mú dyáuń wɛ̃ɛ, gàa ɓɛ́ zùù gbà ɓěɔ̀ sɔ̀ ma kà múɛɛ ɓaà ma Jízɛ̀, ɓɛ́ ɔ ké ma Jízɛ̀ kíɖíí sí. 19Kɛɛ Jízɛ̀ nɔ́ɔ̀ ma, ké ɔ cɛ̃ɛ ma gàaɔ̀ gbo, ké ɔ ɖá, “Mu m̀ ɓíɖí-taún ɖé nì nyɔ ɓěɔ̀ gbo, ɓɛ́ m̀ ké ɖɛ séín Bounɓoɔ̀ ɖǎà m̀ bìì nyuɛ kè kà ɔ dyé m̀ wìǐn nyɛɛ jè cɛ̃.”
20Ké gàaɔ̀ mu ma, ké ɔ kpa ɖɛ ɖǎ ma kà kpáa jè zio mú pòɛ̀n ɖé Dìkápòɖè Gbɛ̌ɛ̀ɔ̀ mú. Ɔ cɛ̃ ma ɖɛ ɓě ɓɛ́ Jízɛ̀ ɖǎ ma ɔ bìì nyuɛɛ jè, ké hwòɖǒ kpèìn ma nyɔǔn séín wɔ̃́ɔ ma kɛɛ kɔ̃in.
Jáíwɛ̀ɖɛ̀ɛ̀ dyú-màà kè màa ɖò tìnììn ma Jízɛ̀ɛ̀ mú-po-ɖɔ̀ɔ̀ dyiɛɛ jè
(Máfíò 9:18-26; Ɖúù 8:40-56)
21Ti ɓɛ́ Jízɛ̀ ɖǎ ma dòùnɓìǎɔ̀ péɖé ɖeɛɛ, nyɔ ɓáún-ɓáún poìn ma ɓó ɔ gbo dyí, ké ɔ nì ma ɓó dòùnɓìǎɔ̀ kpóóɔ̀ kɔ̃. 22Púɛɛ, gàa ɖò ɓɛ́ wa ɖáìn Jáíwɛ̀ɖɛ̀, ɓɛ́ ɔ mɔ̀ ma Júù-nyɔ̀ ɓěɔ̀ cɔ́cì-gbò ɖò wuɖuí-kɔ̃̀-nyɔ̀ ɖò kɛɛ dyi ma Jízɛ̀ gbo. Ti ɔ dyé ma Jízɛ̀ kɛɛ, ɔ jìɖǐ ma ɓó ɔ ɓo zɔ̃̌ dyi, 23ké ɔ ɓaà ma Jízɛ̀, ké ɔ ɖá, “Ní dyú-màà sèǎ ɖɛ tííwè ɓɛ́ ɔ kéá mɛ́. Dyi, ɓɛ́ m̀ ké ɔ sɔ̃ kɔ̃ pɛ̃́ìn, ɓɛ́ ɔ ké dyi káná, ɓɛ́ ɔ ké cĩ́ ɖe.” 24Ké ɔ kè Jáíwɛ̀ɖɛ̀ mu ma. Ké nyɔ pàɖǎ sí ma ɔ kíɖíí, ké wa nì ma ɔ dyí dèɛ̌n.
25Ɓó tia ɓaɖaa, màa ɖò ɓɛ́ ɔ ɓéɖé ma nyɔmɔɔ-mú-sɔ̀-wɛ̀ ɖò ɓó zɔ̃ ɓaɖa-bùè sè sɔ̃́ xwíníín nyɛɛ nì ma ɓó. 26Hwǒò-nyɔ̀ ɓě ɓɛ́ wa nyí ma ɔ kũùn wɛ̃ɛ nyuɛ ké ɔ dyé ma gǎ mìɔ. Ɔ ɖǎ ma ɖɛ séín ɓɛ́ ɔ ɓéɖé ma kɛɛ peɖeɛ hwɔ nyɛ̀nɛ̀ɛ̀, ké ɔ wɛ́ɔ̀ se ma ɓɔ́uń nì, kɛɛ ɔ kpá ma gbàà gbo kánáá pū. 27Màaɔ̀ ɖǎ ma ɖɛ ɓě ɓɛ́ nyɔ ɓě nì ma cɛ̃iń ɓá Jízɛ̀ jè dyíɛɛ wɔ̃́. Ɔ jèɛɛ, ɔ dyììn ma Jízɛ̀ ɖeín ɖé nyɔ kúɖúú ɓěɔ̀ hwìɛ̀, ké ɔ tìnììn ma Jízɛ̀ɛ̀ mú-po-ɖɔ̀ɔ̀ dyi. 28Sepóɛɖé màaɔ̀ cɛ̃ɛ ma ɖé ɔ hwòɖǒ bũ̌, ké ɔ ɖá, “Ḿ dyi ɔ mú-po-ɖɔ̀ɔ̀ dyi tìnììn fóɖóún ní, nìí, ní mu dyi kánáùn.”
29Wàɖà kɛɛ, wɛ́ɔ̀ ɓɔ́ ma, ké màaɔ̀ dyuòɛ̀ kà ɔ ɖǎ ma dyi káná kɛ. 30Jízɛ̀ dyuòɛ̀ ma ɖé ɔ mìɔùn mú kà ɓɛ́ ɔ nyɔ-dyi-kánáìn-kpèɔ̀ ɖò ɖǎ ma ɔ mú sɔ̀ kɛ, ké ɔ cɛ́ɛ̀ ma xwa wàɖà ɖé nyɔ kúɖúú ɓěɔ̀ hwìɛ̀, ké ɔ ɖá, “Nyɛ́ tìnììn kà ní ɖɔɔ̀ dyiɛ́?”
31Ké ɔ ɖeín-nà-nyɔ̀ ɓěɔ̀ ɖá, “M̀ dyé nyɔ kúɖúú ɓěɛ̀, ké wa nì m̀ dyí dèɛ̌n, ké m̀ ɖá, ‘Nyɛ́ tìnììn kà ní ɖɔɔ̀ dyi kɛ́ɛ̀?’ ”
32Kɛɛ ɔ gmɔìn ma dyi, ɓɛ́ ɔ ké ma nyɔ nyu ma kà ɖɛ nìà kɛɛ dyé. 33Màaɔ̀ dyuòɛ̀ ma dyí ɖɛ ɓɛ́ ɔ ɖǎ ma ɔ gbo kpáa, ké ɔ fɛ̃̀ìn ma mìɔ. Ɔ jèɛɛ, ɔ dyà ma tɛɖɛɛ, ké ɔ jìɖǐ ma ɓó Jízɛ̀ ɓo zɔ̃̌ dyi, ké ɔ zaìn ma ɖɛ séín ɓěɔ̀ Jízɛ̀ gbo kɔ̃in. 34Ké Jízɛ̀ cɛ̃ɛ ma ɔ gbo, ké ɔ ɖá, “Ní dyú-màà, nì hwìɖǐǐ-taɓa-taɓaɔ̀ ɖǎ m̀ dyi kánáìn. Mu, nì hwòɖǒɔ̀ mɛ ɓɔ́ ɓaɖaa. Nì wɛ́ɔ̀ ɖǎ ɓɔ́.”
35Ti Jízɛ̀ nì ma wùɖùɛ̌n keɛɛ, nyɔǔn ɓě sɔ̀ ma ɖé Jáíwɛ̀ɖɛ̀ ɓíɖí-taún, ké wa cɛ̃ɛ ma Jáíwɛ̀ɖɛ̀ gbo, ké wa ɖá, “Nì dyú-mààɔ̀ ɖǎ mɛ́. Ɖɛ́ kɔ̃̀ jè m̀ nìà nyɔ-ɖɛ-tɛ̀mɛ̀ìn-nyɔ̀ɔ̀ fũ̀à-fṹá nyùɛ̌n nyɛ́?”
36Kɛɛ Jízɛ̀ wɔ̃́ ɖɛ wa nì ma kà cɛ̃iń nyɛ, ké ɔ cɛ̃ɛ ma Jáíwɛ̀ɖɛ̀ gbo, ké ɔ ɖá, “Mɔ̀ǔn ɖá ɓɛ́ m̀ ké fɛ̃̀ìn. Dè ḿ hwòɖǒ kɔ̃.” 37Ké Jízɛ̀ se ma wɔ̃́ ɓɛ́ nyɔ ɖò ké ma ɔ kíɖíí sí, ɔ sèìn Píɖɛ̀ kè Jĩ́ìn ɔ kè Jɔ̃́ɔ́ mɔ̀à Jĩ́ìn ɖíí-gààɔ̀ kɛ. 38Ti ɓɛ́ wa nyini ma ɓó Jáíwɛ̀ɖɛ̀ ɓíɖí-taún wɛ̃ɛ, Jízɛ̀ dyéɛ ké nyɔ ɓěɔ̀ nì ma kuɖu-kuɖu nyuɛń, ké wa nì ma kpé poɛń mìɔ. 39Ti ɓɛ́ ɔ ɖǎ ma ɖé gbǒɔ̀ mú dyáa, ɔ cɛ̃ɛ ma wa gbo, ké ɔ ɖá, “Ɖɛ́ kɔ̃̀ jè ɓě nìà kuɖu-kuɖu jĩ̀ kàà nyuɛń, ké ɓě dyià kpé poɛń nì kɛ́? Dyúɔ̀ se mɛ́. Ɔ nì mɔ́uń.”
40Ké nyɔ ɓěɔ̀ kéɛ̀ ma ɔ, kɛɛ ɔ kúmú ma wa séín, ké wa sí ma píé. Ké ɔ kpa ma dyúɔ̀ ɖe kè ɓǎ ɔ kè nyɔ ɓě nì ma kà ɓó ɔ gboɛ, ké wa dyá ma dɛ̀ ɓɛ́ dyúɔ̀ nì ma kà kɛ. 41Ké ɔ kpɔ̃ ma dyúɔ̀ sɔ̃ɔ̀ dyi, ké ɔ ɖá, “Táɖìtà kúmà.” Ɔ xwíníín mɔ̀, “Neě-dyù-gbɔ́ɔ́ wè, sɔ̀ dyí.”
42Wàɖà kɛɛ, neě-dyù-gbɔ́ɔ̀ sɔ̀ ma dyí, ké ɔ nà ma. Neě-dyùɔ̀ mɔ̀ ma zɔ̃-ɓaɖa-bùè-sè-sɔ̃́-dyù. Púɛɛ, díɖí taɓa ma nyɔ séín ɓěɔ̀. 43Ké Jízɛ̀ po ma wa náún kóɖó-kóɖó, ɓɛ́ wa ní kɔ̃̀ ɖà ɖɛ ɖǎà kpáa jè nyɔ ɖò gbo cɛ̃, ké ɔ cɛ̃ɛ wa gbo, ɓɛ́ wa ké ma dyúɔ̀ ɖii-ɖɛ̀ ɖò nyí.
Chwazi Kounye ya:
Máà 5: ƁB02
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bassa Bible © Bible Society Liberia, 2002.
Máà 5
5
Jízɛ̀ kánáìn gàa ɖò ɓɛ́ ɔ ɓéɖé zùù gbà ɓěɛɛ dyi
(Máfíò 8:28-34; Ɖúù 8:26-39)
1Ké Jízɛ̀ kè ɔ ɖeín-nà-nyɔ̀ ɓěɔ̀ nyini ma ɖé dòùnɓìǎɔ̀ ɖeín ɖé Gádàwíɖíìn-nyɔ̀ ɓěɔ̀ ɓíɖí-ɓòɖòɔ̀ kɔ̃. 2Ti ɓɛ́ Jízɛ̀ ɖǎ ma ɖé ɓáɖáàɔ̀ mú sɔ̀ kɛɛ, gàa ɖò ɓɛ́ zùù gbà nì ma múɛɛ sɔ̀ìn ma ɖé kú-toɖo ɖò mú, ké ɔ kè Jízɛ̀ gmɔ̌ìn ma. 3Gàaɔ̀ cĩ́ ma ɖé kú-toɖoɔ̀ mú, ké nyɔ ɖò se ma ɔ sãa ɓɛ́ìn fóɖóún, hwɛ̀ ḿ po níiń, wa ké ɔ dyɔ̀ɔ̌ sã̀ìn nyɛ. 4Sepóɛɖé wa ɖǎ ɔ dyɔ̀ɔ̌ sã̀ìn ɓó ti pàɖǎ mú, kɛɛ ɔ cɛ̃ dyɔ̀ɔ̌ ɔ sɔ̃ kè ɓoi, ké ɔ wàìn dyɔ̀ɔ̌ɔ̀ dyi, ké ɔ nyuɛ pĩ́á mɛ́nɛ́ɛ́ mú. Ké nyɔ ɖò se kpé ɓɛ́ìn ɓɛ́ ɔ kéɛ nyu ɓɛ́ gàaɔ̀ ké gìɖìǐ nì. 5Ɔ nì ɖé kú-toɖoɔ̀ mú ɔ kè ɖé toɖo ɓěɔ̀ dya, ké ɔ nì mú pánáuń máaún kè dyóɖóaún, ké ɔ ɖú sɔ́ɔ́-pĩ̀à dyí, ké ɔ ɖaɓaìn ɔ mìɔùn dyi tee.
6Ti ɓɛ́ ɔ dyé ma Jízɛ̀ ɖé nya kɛɛ, ɔ kpa peɖeɛ, ké ɔ taɓa ma kɔ́-dù hwuɖu ɓó ɔ dyúa. 7Ké ɔ páná ma mú, ké ɔ ɖá, “Jízɛ̀, mɔ̀ mɔ̀à Ɖɛɓíɔ́ Gèɖèpɔ́ɔ̀ Dyú-gààɔ̀ kɛɛ, ɖɛ́ kɔ̃̀ jè m̀ nì ḿ fũ̀à-fṹá nyùɛ̌n nyɛ́? Ḿ ɓaà m̀ ní ɖé Gèɖèpɔ́ɔ̀ dyúa, mɔ̀ǔn ɖá ɓɛ́ m̀ ké ḿ gǎ dyéìn.” 8Sepóɛɖé Jízɛ̀ ɖǎa ma zùù gbàɔ̀ gbo cɛ̃, ké ɔ ɖá, “Zùù gbà, sɔ̀ gàaɔ̀ mú kàà-ɖɛ̀ǐn!”
9Ké Jízɛ̀ diè ma zùù gbàɔ̀ dyi, ké ɔ ɖá, “Xwɛ̌ nì nyɛ́nɛ́ jǔ kɛ́?”
Ké ɔ ɖá, “Ní nyɛ́nɛ́ mɔ̀ Vòò-nyɔ̀, sepóɛɖé à vò dyí mìɔ.” 10Ké zùù gbàɔ̀ nì ma Jízɛ̀ ɓaàǔn hwòɖǒɛ̀-ɖé-hwɛ̀-kà, ɓɛ́ Jízɛ̀ ní kɔ̃̀ ɖà wa ɓóɖóɔ̀ mú dyi kúmú.
11Ɔ nì ná kɛɛ, ɓeé kúɖúú ɓě nì ma dyi ɖiɛń ɓó toɖo ɖò nì ɓóɛɛ dya. 12Ké zùù gbà ɓěɔ̀ ɓaà ma Jízɛ̀, ké wa ɖá, “Tò à ɖé ɓeé ɓěɔ̀ mú.” 13Ké Jízɛ̀ wɔ̃́ ma, ké zùù gbà ɓěɔ̀ sɔ̀ ma gàaɔ̀ mú, ké wa kpá ɓeé ɓěɔ̀ mú. Ké wa kpa peɖeɛ ɖé dòùnɓìǎɔ̀ kpóó dyeinɔ̀ kɔ̃, ké wa wáɖá ma ɖé níɔ̀ kɔ̃, ké wa sè ɓó nyɛ̀nɛ̀ɛ̀. Ɓeé ɓěɔ̀ ɓɛ́ìn ma ɓeé táázĩ̀ìn sɔ̃́ jǔɛ.
14Hwɛ̀ ké ɓeé ɓěɔ̀ dyí-gmɔ̀-nyɔ̀ ɓěɔ̀ gbǔ ma, ké wa mu ma ɖé hwɔɖɔɔ̀ mú ɔ kè ɖé hwɔɖɔ-kpàǎ ɓěɔ̀ kɔ̃, ké wa cɛ̃ ma ɖɛ séín kpá ma kɛ. Ké nyɔǔn ɓě dyi, ɓɛ́ wa ké ɖɛ kpá ma kà kɛɛ dyé. 15Wa dyi, ké wa dyé ma Jízɛ̀, ké gàa ɓɛ́ zùù gbà kúɖúú ɓěɔ̀ nì ma kà múɛɛ kò ma ɓó dyi. Ɔ po ma ɖɔún, ké ɔ fɔ̀nɔ̀-hwòɖǒɔ̀ ɖǎ ma ɔ gbo dyi ɖe. Púɛɛ, wa fɛ̃̀ìn ma ní. 16Ké nyɔ ɓě ɓɛ́ wa dyé ma kà ɖɛ kpá ma gàa ɓɛ́ zùù gbà ɓěɔ̀ sɔ̀ ma kà múɛ kè ɓeé ɓěɔ̀ gboɛɛ zaìn ma wa séín kɔ̃in. 17Púɛɛ, hwɔɖɔɔ̀ nyɔ ɓěɔ̀ ɖú ma Jízɛ̀ ɓaà kpàǐ, ɓɛ́ ɔ ké waà páɔ̀ mú sɔ̀.
18Ti ɓɛ́ Jízɛ̀ nì ma ɖé ɓáɖáàɔ̀ mú dyáuń wɛ̃ɛ, gàa ɓɛ́ zùù gbà ɓěɔ̀ sɔ̀ ma kà múɛɛ ɓaà ma Jízɛ̀, ɓɛ́ ɔ ké ma Jízɛ̀ kíɖíí sí. 19Kɛɛ Jízɛ̀ nɔ́ɔ̀ ma, ké ɔ cɛ̃ɛ ma gàaɔ̀ gbo, ké ɔ ɖá, “Mu m̀ ɓíɖí-taún ɖé nì nyɔ ɓěɔ̀ gbo, ɓɛ́ m̀ ké ɖɛ séín Bounɓoɔ̀ ɖǎà m̀ bìì nyuɛ kè kà ɔ dyé m̀ wìǐn nyɛɛ jè cɛ̃.”
20Ké gàaɔ̀ mu ma, ké ɔ kpa ɖɛ ɖǎ ma kà kpáa jè zio mú pòɛ̀n ɖé Dìkápòɖè Gbɛ̌ɛ̀ɔ̀ mú. Ɔ cɛ̃ ma ɖɛ ɓě ɓɛ́ Jízɛ̀ ɖǎ ma ɔ bìì nyuɛɛ jè, ké hwòɖǒ kpèìn ma nyɔǔn séín wɔ̃́ɔ ma kɛɛ kɔ̃in.
Jáíwɛ̀ɖɛ̀ɛ̀ dyú-màà kè màa ɖò tìnììn ma Jízɛ̀ɛ̀ mú-po-ɖɔ̀ɔ̀ dyiɛɛ jè
(Máfíò 9:18-26; Ɖúù 8:40-56)
21Ti ɓɛ́ Jízɛ̀ ɖǎ ma dòùnɓìǎɔ̀ péɖé ɖeɛɛ, nyɔ ɓáún-ɓáún poìn ma ɓó ɔ gbo dyí, ké ɔ nì ma ɓó dòùnɓìǎɔ̀ kpóóɔ̀ kɔ̃. 22Púɛɛ, gàa ɖò ɓɛ́ wa ɖáìn Jáíwɛ̀ɖɛ̀, ɓɛ́ ɔ mɔ̀ ma Júù-nyɔ̀ ɓěɔ̀ cɔ́cì-gbò ɖò wuɖuí-kɔ̃̀-nyɔ̀ ɖò kɛɛ dyi ma Jízɛ̀ gbo. Ti ɔ dyé ma Jízɛ̀ kɛɛ, ɔ jìɖǐ ma ɓó ɔ ɓo zɔ̃̌ dyi, 23ké ɔ ɓaà ma Jízɛ̀, ké ɔ ɖá, “Ní dyú-màà sèǎ ɖɛ tííwè ɓɛ́ ɔ kéá mɛ́. Dyi, ɓɛ́ m̀ ké ɔ sɔ̃ kɔ̃ pɛ̃́ìn, ɓɛ́ ɔ ké dyi káná, ɓɛ́ ɔ ké cĩ́ ɖe.” 24Ké ɔ kè Jáíwɛ̀ɖɛ̀ mu ma. Ké nyɔ pàɖǎ sí ma ɔ kíɖíí, ké wa nì ma ɔ dyí dèɛ̌n.
25Ɓó tia ɓaɖaa, màa ɖò ɓɛ́ ɔ ɓéɖé ma nyɔmɔɔ-mú-sɔ̀-wɛ̀ ɖò ɓó zɔ̃ ɓaɖa-bùè sè sɔ̃́ xwíníín nyɛɛ nì ma ɓó. 26Hwǒò-nyɔ̀ ɓě ɓɛ́ wa nyí ma ɔ kũùn wɛ̃ɛ nyuɛ ké ɔ dyé ma gǎ mìɔ. Ɔ ɖǎ ma ɖɛ séín ɓɛ́ ɔ ɓéɖé ma kɛɛ peɖeɛ hwɔ nyɛ̀nɛ̀ɛ̀, ké ɔ wɛ́ɔ̀ se ma ɓɔ́uń nì, kɛɛ ɔ kpá ma gbàà gbo kánáá pū. 27Màaɔ̀ ɖǎ ma ɖɛ ɓě ɓɛ́ nyɔ ɓě nì ma cɛ̃iń ɓá Jízɛ̀ jè dyíɛɛ wɔ̃́. Ɔ jèɛɛ, ɔ dyììn ma Jízɛ̀ ɖeín ɖé nyɔ kúɖúú ɓěɔ̀ hwìɛ̀, ké ɔ tìnììn ma Jízɛ̀ɛ̀ mú-po-ɖɔ̀ɔ̀ dyi. 28Sepóɛɖé màaɔ̀ cɛ̃ɛ ma ɖé ɔ hwòɖǒ bũ̌, ké ɔ ɖá, “Ḿ dyi ɔ mú-po-ɖɔ̀ɔ̀ dyi tìnììn fóɖóún ní, nìí, ní mu dyi kánáùn.”
29Wàɖà kɛɛ, wɛ́ɔ̀ ɓɔ́ ma, ké màaɔ̀ dyuòɛ̀ kà ɔ ɖǎ ma dyi káná kɛ. 30Jízɛ̀ dyuòɛ̀ ma ɖé ɔ mìɔùn mú kà ɓɛ́ ɔ nyɔ-dyi-kánáìn-kpèɔ̀ ɖò ɖǎ ma ɔ mú sɔ̀ kɛ, ké ɔ cɛ́ɛ̀ ma xwa wàɖà ɖé nyɔ kúɖúú ɓěɔ̀ hwìɛ̀, ké ɔ ɖá, “Nyɛ́ tìnììn kà ní ɖɔɔ̀ dyiɛ́?”
31Ké ɔ ɖeín-nà-nyɔ̀ ɓěɔ̀ ɖá, “M̀ dyé nyɔ kúɖúú ɓěɛ̀, ké wa nì m̀ dyí dèɛ̌n, ké m̀ ɖá, ‘Nyɛ́ tìnììn kà ní ɖɔɔ̀ dyi kɛ́ɛ̀?’ ”
32Kɛɛ ɔ gmɔìn ma dyi, ɓɛ́ ɔ ké ma nyɔ nyu ma kà ɖɛ nìà kɛɛ dyé. 33Màaɔ̀ dyuòɛ̀ ma dyí ɖɛ ɓɛ́ ɔ ɖǎ ma ɔ gbo kpáa, ké ɔ fɛ̃̀ìn ma mìɔ. Ɔ jèɛɛ, ɔ dyà ma tɛɖɛɛ, ké ɔ jìɖǐ ma ɓó Jízɛ̀ ɓo zɔ̃̌ dyi, ké ɔ zaìn ma ɖɛ séín ɓěɔ̀ Jízɛ̀ gbo kɔ̃in. 34Ké Jízɛ̀ cɛ̃ɛ ma ɔ gbo, ké ɔ ɖá, “Ní dyú-màà, nì hwìɖǐǐ-taɓa-taɓaɔ̀ ɖǎ m̀ dyi kánáìn. Mu, nì hwòɖǒɔ̀ mɛ ɓɔ́ ɓaɖaa. Nì wɛ́ɔ̀ ɖǎ ɓɔ́.”
35Ti Jízɛ̀ nì ma wùɖùɛ̌n keɛɛ, nyɔǔn ɓě sɔ̀ ma ɖé Jáíwɛ̀ɖɛ̀ ɓíɖí-taún, ké wa cɛ̃ɛ ma Jáíwɛ̀ɖɛ̀ gbo, ké wa ɖá, “Nì dyú-mààɔ̀ ɖǎ mɛ́. Ɖɛ́ kɔ̃̀ jè m̀ nìà nyɔ-ɖɛ-tɛ̀mɛ̀ìn-nyɔ̀ɔ̀ fũ̀à-fṹá nyùɛ̌n nyɛ́?”
36Kɛɛ Jízɛ̀ wɔ̃́ ɖɛ wa nì ma kà cɛ̃iń nyɛ, ké ɔ cɛ̃ɛ ma Jáíwɛ̀ɖɛ̀ gbo, ké ɔ ɖá, “Mɔ̀ǔn ɖá ɓɛ́ m̀ ké fɛ̃̀ìn. Dè ḿ hwòɖǒ kɔ̃.” 37Ké Jízɛ̀ se ma wɔ̃́ ɓɛ́ nyɔ ɖò ké ma ɔ kíɖíí sí, ɔ sèìn Píɖɛ̀ kè Jĩ́ìn ɔ kè Jɔ̃́ɔ́ mɔ̀à Jĩ́ìn ɖíí-gààɔ̀ kɛ. 38Ti ɓɛ́ wa nyini ma ɓó Jáíwɛ̀ɖɛ̀ ɓíɖí-taún wɛ̃ɛ, Jízɛ̀ dyéɛ ké nyɔ ɓěɔ̀ nì ma kuɖu-kuɖu nyuɛń, ké wa nì ma kpé poɛń mìɔ. 39Ti ɓɛ́ ɔ ɖǎ ma ɖé gbǒɔ̀ mú dyáa, ɔ cɛ̃ɛ ma wa gbo, ké ɔ ɖá, “Ɖɛ́ kɔ̃̀ jè ɓě nìà kuɖu-kuɖu jĩ̀ kàà nyuɛń, ké ɓě dyià kpé poɛń nì kɛ́? Dyúɔ̀ se mɛ́. Ɔ nì mɔ́uń.”
40Ké nyɔ ɓěɔ̀ kéɛ̀ ma ɔ, kɛɛ ɔ kúmú ma wa séín, ké wa sí ma píé. Ké ɔ kpa ma dyúɔ̀ ɖe kè ɓǎ ɔ kè nyɔ ɓě nì ma kà ɓó ɔ gboɛ, ké wa dyá ma dɛ̀ ɓɛ́ dyúɔ̀ nì ma kà kɛ. 41Ké ɔ kpɔ̃ ma dyúɔ̀ sɔ̃ɔ̀ dyi, ké ɔ ɖá, “Táɖìtà kúmà.” Ɔ xwíníín mɔ̀, “Neě-dyù-gbɔ́ɔ́ wè, sɔ̀ dyí.”
42Wàɖà kɛɛ, neě-dyù-gbɔ́ɔ̀ sɔ̀ ma dyí, ké ɔ nà ma. Neě-dyùɔ̀ mɔ̀ ma zɔ̃-ɓaɖa-bùè-sè-sɔ̃́-dyù. Púɛɛ, díɖí taɓa ma nyɔ séín ɓěɔ̀. 43Ké Jízɛ̀ po ma wa náún kóɖó-kóɖó, ɓɛ́ wa ní kɔ̃̀ ɖà ɖɛ ɖǎà kpáa jè nyɔ ɖò gbo cɛ̃, ké ɔ cɛ̃ɛ wa gbo, ɓɛ́ wa ké ma dyúɔ̀ ɖii-ɖɛ̀ ɖò nyí.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bassa Bible © Bible Society Liberia, 2002.