Gàɖézìà 4
4
1Ḿ ɖáo, dyúɔ̀ mu ɔ ɓǎɔ̀ ɖɛ ɓěɔ̀ kɔ̃ sèìn, ké ɔ kɔ̃̀ wa séín dyɛo, kɛɛ kà ɓɛ́ ɔ mɔ̀ dyú-gbɔ́ɔ́ keɛɛ, wa kpɔ̃ ɔ kà wa kpɔ̃à gǐìɛ. 2Kà ɓɛ́ ɔ mɔ̀à dyú-gbɔ́ɔ́ keɛɛ, nyɔ ɓěɔ̀ gmɔ̀ ɔ dyí, ké ɔ ɖɛ ɓěɔ̀ sè wa gbo tee, ɓɛ́ ti ɓɛ́ ɔ ɓǎɔ̀ ɖǎ ma gbɔ poɛɛ ké nyini. 3Kà dyúáɖòɔ̀ kǎà à nì. Hwɛ̀ ɓɛ́ à ké ma nyɔ vɛ̀nɛ̀ jǔ cáa, à mɔ̀ ma ɖɛ ɓě ɓɛ́ wa kɔ̃̀à ɓóɖó-kpàà wuɖuíɛɛ gǐì ɓě. 4Kɛɛ ti ɓɛ́ ti jɛ́ɛ́ɔ̀ nyini ma kɛɛ, Gèɖèpɔ́ɔ̀ tò ma ɔ Dyú-gààɔ̀. Màa ɖò wóɖóìn ma ɔ, ké ɔ nì ma gmaɔ̀ xwíɖíi, 5ɓɛ́ ɔ ké nyɔ ɓě nì ma gmaɔ̀ xwíɖíiɛɛ gbǎà, ɓɛ́ à ké Gèɖèpɔ́ɔ̀ dyú ɓě jǔ.
6Gèɖèpɔ́ɔ̀ ɖoɓo ma ɔ Dyú-gààɔ̀ Zùùɔ̀ ɖé à hwòɖǒ-dyùà mú, ɓɛ́ ɔ kéɛ nyɔǔn dyí tɛ̀mɛ̀ìn kà ɓɛ́ à mɔ̀ ɔ dyú ɓěɛ. Ɔ mɔ̀ Zùù ɓɛ́ ɔ ɖáà “Ḿ ɓǎ” kɛ. 7Nìí, à se gǐì ɖe, kɛɛ à mɔ̀ǎ Gèɖèpɔ́ɔ̀ dyú. Ké kà à mɔ̀ǎ kà ɔ dyúɛɛ, ɔ muá ɖɛ séín ɓě ɓɛ́ ɔ ɓéɖé ɓó ɔ dyú ɓěɔ̀ bììɛɛ à nyíìn.
Gàɖézìà-nyɔ̀ ɓěɔ̀ jè kpɔ̃ Pɔ́ɔ̀ hwòɖǒ
8Kĩ́ín-kĩ́ín nyɛɛ, ɓě se ma Gèɖèpɔ́ɔ̀ dyí dyuò. Ɔ jèɛɛ, ɓě mɔ̀ ma ɖɛ ɓě se gèɖèpɔ́ɔ̀ ɓěɛɛ gǐì ɓě. 9Kɛɛ kàǔn, kà ɓɛ́ ɓě ɖǎà Gèɖèpɔ́ɔ̀ dyí dyuò wɛɛ, ḿ mɛ ɖá, kà Gèɖèpɔ́ɔ̀ ɖǎà ɓě mɔ̀ùn dyí dyuò wɛɛ, xwɛ̌ ɓě ɓɛ́ìn ɖɛ ɓě ɓɛ́ wa mɔ̀ kpéí-hwɛ̀-ɖɛ̀ nì wìì, ké wa kɔ̃̀ ma ɓě wuɖuíɛɛ gbo gmɔ̀ìn ɖeɛ́? Ɖɛ́ kɔ̃̀ jè ɓě mɔ́ ɓɛ́ ɓě kéà wa gǐì jǔ ɖeɛ́? 10Ɓě kpɔ̃ wé ɓě kè dɛ̀nɛ̀ ɓě kè ti ɓě ɔ kè zɔ̃ ɓě dyi. 11Ɓě nyuɛ ké ḿ fɛ̃̀ìn, ti ɖòɛ̀ ɓaɖaín, kũ̀à séín ɓě ḿ nyu ma kà ɓě bììɛɛ, mɔ́ún kɔ̃̀ ɖà wa nyu pídyi.
12Ḿ ɖíí ɓě, ḿ ɓaà ɓě, ɓě mɛ nì kà ḿ nìà kɛ, sepóɛɖé ḿ nì kà ɓě nìà kɛ. Ɓě se ḿ ɖɛ gbà ɖò bũ̌ nyu. 13Ɖɛ kɔ̃̀ jè ḿ cɛ̃ ma kà ɓě bɔ̃̌ nɔ̀mɔ̀ dyíinɔ̀ gbo kĩ́ín nyɛɛ, ɓě dyuòɛ̀ dyí. Ɔ mɔ̀, ḿ nì ma wɛ́iń jè. 14Kà ɓɛ́ ḿ nyu ma nìɛ̀ kɛɛ, ɔ mɔ̀ ma mú-dɔ̃̌-dɔ̃̌ ɖé ɓě gbo dyɛo, kɛɛ ɓě se ma ḿ zùǔn zàìn, mɔɔ ɓě se ma ḿ ɓɔ́. Kɛɛ ɓě kpɔ̃ ma ḿ jè dyi kà ɓě kéɔ́ kà Gèɖèpɔ́ɔ̀ ínjà ɓěɔ̀ ɖò jè dyi kpɔ̃ɔ nyuɛ. Ɓě kpɔ̃ ma ḿ jè dyi kà ɓě kéɔ́ kà Kɛ́ɖɛ́ì Jízɛ̀ jè dyi kpɔ̃ɔ nyuɛ. 15Ɓě kpá ma múàǔn, kɛɛ ɖɛ́ kpá kàǔn wɛ̃́? Ḿ ɓɛ́ìn ɓě bìì zàse nyuɛ. Ɔ mɔ̀, ɓě dyi ma ɓě mìɔùn dyéɖé dú zàà ɓɛ́ìn ní, nìí, ɓě muɛ ma náa nyuùn, ké ɓě muɛ ma ḿ nyíìn. 16Kà ɓɛ́ ḿ ɖǎà ɓě jǎàɔ̀ gbo cɛ̃ɛ, ḿ mɔ̀ǎ ɓěɛ̀ mú-nyɛ́-nyɔ̀ kàǔne?
17Ɓě jè kpɔ̃ nyɔ tɔ̀ɔ̀ ɓě nìà kɛ hwòɖǒ, kɛɛ ɖɛ kɔ̃̀ jè ɓě jè kpɔ̃à wa hwòɖǒɛɛ se dyíin nɔ̀mɔ̀. Wa mɔ́ ɓɛ́ wa ké ɓě ḿ gbo zà, ɓɛ́ wa jè ké ɓě hwòɖǒ kpɔ̃. 18Ɔ nɔ̀mɔ̀ dyíin ɓɛ́ nyɔ ɖò jè ké ɓě hwòɖǒ kpɔ̃, ɔ jǔ ké ɖɛ kɔ̃̀ jè ɔ jè kpɔ̃à ɓě hwòɖǒɛɛ dyi xwíníín nɔ̀mɔ̀ dyíin ɓéɖéín. Ɖɛ nìà kɛ mɔ̀ jǎà tee. Ɔ se ɖɛ ɓɛ́ ḿ ké ɓó ɓě gbo nì hwɛ̀ɛ. 19Ní dyú ɓě, màa ɖò dyi ɓíɖíi dyiɛń nìǐn, kà ɔ nyuà gǎ dyéɛ kɛɛ, kǎà ḿ nì ɓě mɔ̀ùn jè gǎɔ̀ ɖò dyéɛń ɖe tee ɓɛ́ Kɛ́ɖɛ́ìɛ̀ kpeɖeɔ̀ ké ɖé ɓě mú mɛ hwɛ̀. 20Nyɛ́ ɖá ḿ nìɔ̌ ɖé ɓě gbo kàǔn, ɓɛ́ ḿ ké se kà ḿ nìà wùɖùɛ̌n nyɛɛ wùɖù kɛ́? Sepóɛɖé ɓě jè kpèìn ḿ hwìɖǐi.
Hégà kè Seɖɔ́ mɔ̀ dyí-tɛ̀mɛ̀ìn-ɖɛ̀
21Ɓě mɔ̀ nyɔ mɔ́ ɓɛ́ ɓě kéà gmaɔ̀ xwíɖíi nìɛɛ, ɓě se ɖɛ gmaɔ̀ cɛ̃ɛ wɔ̃́ɔ̀? Ɓě cɛ̃ɛ ḿ gbo. 22Ɔ céè ɖé gmaɔ̀ mú kà ɓɛ́ Ééɓòɖòhɛ̃́ɛ̀ ɓéɖé ma dyú sɔ̃́ɛ. Ɔ kè gǐì-mààɔ̀ wóɖóìn dyúáɖò, ké ɔ kè màa se gǐìɛɛ wóɖóìn ma dyúɔ̀ tɔ̀ɔ̀. 23Dyú ɓɛ́ ɔ kè gǐì-mààɔ̀ wóɖóìn ma kà kɛɛ wóɖó ma kà nyɔ tɔ̀ɔ̀ ɓě wóɖóà kɛ. Kɛɛ dyú ɓɛ́ ɔ kè màa seà gǐìɛɛ wóɖóìn ma kà kɛɛ wóɖó ma dyììn ɖé Gèɖèpɔ́ɔ̀ nyɛ́nɛ́ín-ɖáìn-ɖɛ̀ɔ̀ mú. 24Ɖɛ nìà kɛ mɔ̀ dyí-tɛ̀mɛ̀ìn-ɖɛ̀. Màa sɔ̃́ ɓě nìà kɛ mɔ̀ dèè-wùɖù-dù sɔ̃́. Dyúáɖò sɔ̀ Sányà-tòɖòɔ̀ dya. Dyú ɓě ɓɛ́ ɔ wóɖóìn nyɛɛ mɔ̀ gǐì. Nyɔ nìà kɛ mɔ̀ Hégà. 25Hégà mɔ̀ ma Sányà-tòɖò nìà ɖé Àwéɖéɓìà-ɓòɖòɔ̀ kɔ̃ɛɛ hwɔìn-ɖɛ̀. Ké ɔ mɔ̀ Jùɖúsɛ̀ɖɛ̀ìn-hwɔ̀ɖɔ̀ nìà kàǔn wɛ̃ɛ dyí-tɛ̀mɛ̀ìn-ɖɛ̀, sepóɛɖé Jùɖúsɛ̀ɖɛ̀ìn-hwɔ̀ɖɔ̀ɔ̀ nì gǐì-kũ̀àǔn, ké nyɔ ɓě nì ɔ múɛɛ mɔ̀ gǐì ɓě. 26Kɛɛ Jùɖúsɛ̀ɖɛ̀ìn-hwɔ̀ɖɔ̀ nìà ɖé dyiíɛɛ se gǐì-kũ̀àǔn nì. Ɔ hwɔìn kà ɔ mɔ̀ɔ̌ kà à ɖeɛ. 27Sepóɛɖé Gèɖèpɔ́ɔ̀-cèè-ɖɛ̀ɔ̀ ɖá,
“Mɔ̀ hwɔìn kà ɖàà-màà kɛɛ,
nyu múà-kùɖǔ-kuɖu.
Mɔ̀ mɔ̀ nyɔ ɓɛ́ m̀ séè kà póó-gbò ɖeín nì ɖòɛɛ,
kpá múàǔn, ɓɛ́ m̀ ké mú páná.
Sepóɛɖé mɔ̀ mɔ̀ nyɔ seà dyú ɖò ɓéɖéɛɛ, nì dyú mu dyí vòùn,
ɓɛ́ ɔ ké màa tɔ̀ɔ̀ ɓě dyí zi.”
28Ké ɓě mɔ̀à ḿ ɖíí ɓěɛɛ, ɓě mɔ̀ Gèɖèpɔ́ɔ̀ dyú ɓě dyììn ɖé ɔ nyɛ́nɛ́ín-ɖáìn-ɖɛ̀ɔ̀ mú kà Áázè nì ma kà kɛ. 29Ké ɓó tia ɓaɖaa, dyúɔ̀ nyɔ wóɖóà kà nyɔ tɔ̀ɔ̀ ɓě wóɖóà kɛɛ dyéìn ma nyɔ ɓɛ́ Zùùɔ̀ nyuɛ ké ɔ wóɖó ma kɛɛ gǎ. Ké kǎà ɔ nì ke kàǔn. 30Kɛɛ ɖɛ́ Gèɖèpɔ́ɔ̀-cèè-ɖɛ̀ɔ̀ cɛ̃ɛ́? Ɔ ɖá, “Kúmú gǐì-màà nìà kɛ kè ɔ dyúɔ̀, sepóɛɖé gǐì-mààɔ̀ dyúɔ̀ kè màa seà gǐìɛɛ dyúɔ̀ se dúí-sè-ɖɛ̀ɔ̀ mú peɖeɛ̌n mu.” 31Ɔ jèɛɛ, ḿ ɖíí ɓě, à se gǐì-màà dyú, kɛɛ à mɔ̀ǎ màa se gǐìɛɛ dyú ɓě.
Chwazi Kounye ya:
Gàɖézìà 4: ƁB02
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bassa Bible © Bible Society Liberia, 2002.
Gàɖézìà 4
4
1Ḿ ɖáo, dyúɔ̀ mu ɔ ɓǎɔ̀ ɖɛ ɓěɔ̀ kɔ̃ sèìn, ké ɔ kɔ̃̀ wa séín dyɛo, kɛɛ kà ɓɛ́ ɔ mɔ̀ dyú-gbɔ́ɔ́ keɛɛ, wa kpɔ̃ ɔ kà wa kpɔ̃à gǐìɛ. 2Kà ɓɛ́ ɔ mɔ̀à dyú-gbɔ́ɔ́ keɛɛ, nyɔ ɓěɔ̀ gmɔ̀ ɔ dyí, ké ɔ ɖɛ ɓěɔ̀ sè wa gbo tee, ɓɛ́ ti ɓɛ́ ɔ ɓǎɔ̀ ɖǎ ma gbɔ poɛɛ ké nyini. 3Kà dyúáɖòɔ̀ kǎà à nì. Hwɛ̀ ɓɛ́ à ké ma nyɔ vɛ̀nɛ̀ jǔ cáa, à mɔ̀ ma ɖɛ ɓě ɓɛ́ wa kɔ̃̀à ɓóɖó-kpàà wuɖuíɛɛ gǐì ɓě. 4Kɛɛ ti ɓɛ́ ti jɛ́ɛ́ɔ̀ nyini ma kɛɛ, Gèɖèpɔ́ɔ̀ tò ma ɔ Dyú-gààɔ̀. Màa ɖò wóɖóìn ma ɔ, ké ɔ nì ma gmaɔ̀ xwíɖíi, 5ɓɛ́ ɔ ké nyɔ ɓě nì ma gmaɔ̀ xwíɖíiɛɛ gbǎà, ɓɛ́ à ké Gèɖèpɔ́ɔ̀ dyú ɓě jǔ.
6Gèɖèpɔ́ɔ̀ ɖoɓo ma ɔ Dyú-gààɔ̀ Zùùɔ̀ ɖé à hwòɖǒ-dyùà mú, ɓɛ́ ɔ kéɛ nyɔǔn dyí tɛ̀mɛ̀ìn kà ɓɛ́ à mɔ̀ ɔ dyú ɓěɛ. Ɔ mɔ̀ Zùù ɓɛ́ ɔ ɖáà “Ḿ ɓǎ” kɛ. 7Nìí, à se gǐì ɖe, kɛɛ à mɔ̀ǎ Gèɖèpɔ́ɔ̀ dyú. Ké kà à mɔ̀ǎ kà ɔ dyúɛɛ, ɔ muá ɖɛ séín ɓě ɓɛ́ ɔ ɓéɖé ɓó ɔ dyú ɓěɔ̀ bììɛɛ à nyíìn.
Gàɖézìà-nyɔ̀ ɓěɔ̀ jè kpɔ̃ Pɔ́ɔ̀ hwòɖǒ
8Kĩ́ín-kĩ́ín nyɛɛ, ɓě se ma Gèɖèpɔ́ɔ̀ dyí dyuò. Ɔ jèɛɛ, ɓě mɔ̀ ma ɖɛ ɓě se gèɖèpɔ́ɔ̀ ɓěɛɛ gǐì ɓě. 9Kɛɛ kàǔn, kà ɓɛ́ ɓě ɖǎà Gèɖèpɔ́ɔ̀ dyí dyuò wɛɛ, ḿ mɛ ɖá, kà Gèɖèpɔ́ɔ̀ ɖǎà ɓě mɔ̀ùn dyí dyuò wɛɛ, xwɛ̌ ɓě ɓɛ́ìn ɖɛ ɓě ɓɛ́ wa mɔ̀ kpéí-hwɛ̀-ɖɛ̀ nì wìì, ké wa kɔ̃̀ ma ɓě wuɖuíɛɛ gbo gmɔ̀ìn ɖeɛ́? Ɖɛ́ kɔ̃̀ jè ɓě mɔ́ ɓɛ́ ɓě kéà wa gǐì jǔ ɖeɛ́? 10Ɓě kpɔ̃ wé ɓě kè dɛ̀nɛ̀ ɓě kè ti ɓě ɔ kè zɔ̃ ɓě dyi. 11Ɓě nyuɛ ké ḿ fɛ̃̀ìn, ti ɖòɛ̀ ɓaɖaín, kũ̀à séín ɓě ḿ nyu ma kà ɓě bììɛɛ, mɔ́ún kɔ̃̀ ɖà wa nyu pídyi.
12Ḿ ɖíí ɓě, ḿ ɓaà ɓě, ɓě mɛ nì kà ḿ nìà kɛ, sepóɛɖé ḿ nì kà ɓě nìà kɛ. Ɓě se ḿ ɖɛ gbà ɖò bũ̌ nyu. 13Ɖɛ kɔ̃̀ jè ḿ cɛ̃ ma kà ɓě bɔ̃̌ nɔ̀mɔ̀ dyíinɔ̀ gbo kĩ́ín nyɛɛ, ɓě dyuòɛ̀ dyí. Ɔ mɔ̀, ḿ nì ma wɛ́iń jè. 14Kà ɓɛ́ ḿ nyu ma nìɛ̀ kɛɛ, ɔ mɔ̀ ma mú-dɔ̃̌-dɔ̃̌ ɖé ɓě gbo dyɛo, kɛɛ ɓě se ma ḿ zùǔn zàìn, mɔɔ ɓě se ma ḿ ɓɔ́. Kɛɛ ɓě kpɔ̃ ma ḿ jè dyi kà ɓě kéɔ́ kà Gèɖèpɔ́ɔ̀ ínjà ɓěɔ̀ ɖò jè dyi kpɔ̃ɔ nyuɛ. Ɓě kpɔ̃ ma ḿ jè dyi kà ɓě kéɔ́ kà Kɛ́ɖɛ́ì Jízɛ̀ jè dyi kpɔ̃ɔ nyuɛ. 15Ɓě kpá ma múàǔn, kɛɛ ɖɛ́ kpá kàǔn wɛ̃́? Ḿ ɓɛ́ìn ɓě bìì zàse nyuɛ. Ɔ mɔ̀, ɓě dyi ma ɓě mìɔùn dyéɖé dú zàà ɓɛ́ìn ní, nìí, ɓě muɛ ma náa nyuùn, ké ɓě muɛ ma ḿ nyíìn. 16Kà ɓɛ́ ḿ ɖǎà ɓě jǎàɔ̀ gbo cɛ̃ɛ, ḿ mɔ̀ǎ ɓěɛ̀ mú-nyɛ́-nyɔ̀ kàǔne?
17Ɓě jè kpɔ̃ nyɔ tɔ̀ɔ̀ ɓě nìà kɛ hwòɖǒ, kɛɛ ɖɛ kɔ̃̀ jè ɓě jè kpɔ̃à wa hwòɖǒɛɛ se dyíin nɔ̀mɔ̀. Wa mɔ́ ɓɛ́ wa ké ɓě ḿ gbo zà, ɓɛ́ wa jè ké ɓě hwòɖǒ kpɔ̃. 18Ɔ nɔ̀mɔ̀ dyíin ɓɛ́ nyɔ ɖò jè ké ɓě hwòɖǒ kpɔ̃, ɔ jǔ ké ɖɛ kɔ̃̀ jè ɔ jè kpɔ̃à ɓě hwòɖǒɛɛ dyi xwíníín nɔ̀mɔ̀ dyíin ɓéɖéín. Ɖɛ nìà kɛ mɔ̀ jǎà tee. Ɔ se ɖɛ ɓɛ́ ḿ ké ɓó ɓě gbo nì hwɛ̀ɛ. 19Ní dyú ɓě, màa ɖò dyi ɓíɖíi dyiɛń nìǐn, kà ɔ nyuà gǎ dyéɛ kɛɛ, kǎà ḿ nì ɓě mɔ̀ùn jè gǎɔ̀ ɖò dyéɛń ɖe tee ɓɛ́ Kɛ́ɖɛ́ìɛ̀ kpeɖeɔ̀ ké ɖé ɓě mú mɛ hwɛ̀. 20Nyɛ́ ɖá ḿ nìɔ̌ ɖé ɓě gbo kàǔn, ɓɛ́ ḿ ké se kà ḿ nìà wùɖùɛ̌n nyɛɛ wùɖù kɛ́? Sepóɛɖé ɓě jè kpèìn ḿ hwìɖǐi.
Hégà kè Seɖɔ́ mɔ̀ dyí-tɛ̀mɛ̀ìn-ɖɛ̀
21Ɓě mɔ̀ nyɔ mɔ́ ɓɛ́ ɓě kéà gmaɔ̀ xwíɖíi nìɛɛ, ɓě se ɖɛ gmaɔ̀ cɛ̃ɛ wɔ̃́ɔ̀? Ɓě cɛ̃ɛ ḿ gbo. 22Ɔ céè ɖé gmaɔ̀ mú kà ɓɛ́ Ééɓòɖòhɛ̃́ɛ̀ ɓéɖé ma dyú sɔ̃́ɛ. Ɔ kè gǐì-mààɔ̀ wóɖóìn dyúáɖò, ké ɔ kè màa se gǐìɛɛ wóɖóìn ma dyúɔ̀ tɔ̀ɔ̀. 23Dyú ɓɛ́ ɔ kè gǐì-mààɔ̀ wóɖóìn ma kà kɛɛ wóɖó ma kà nyɔ tɔ̀ɔ̀ ɓě wóɖóà kɛ. Kɛɛ dyú ɓɛ́ ɔ kè màa seà gǐìɛɛ wóɖóìn ma kà kɛɛ wóɖó ma dyììn ɖé Gèɖèpɔ́ɔ̀ nyɛ́nɛ́ín-ɖáìn-ɖɛ̀ɔ̀ mú. 24Ɖɛ nìà kɛ mɔ̀ dyí-tɛ̀mɛ̀ìn-ɖɛ̀. Màa sɔ̃́ ɓě nìà kɛ mɔ̀ dèè-wùɖù-dù sɔ̃́. Dyúáɖò sɔ̀ Sányà-tòɖòɔ̀ dya. Dyú ɓě ɓɛ́ ɔ wóɖóìn nyɛɛ mɔ̀ gǐì. Nyɔ nìà kɛ mɔ̀ Hégà. 25Hégà mɔ̀ ma Sányà-tòɖò nìà ɖé Àwéɖéɓìà-ɓòɖòɔ̀ kɔ̃ɛɛ hwɔìn-ɖɛ̀. Ké ɔ mɔ̀ Jùɖúsɛ̀ɖɛ̀ìn-hwɔ̀ɖɔ̀ nìà kàǔn wɛ̃ɛ dyí-tɛ̀mɛ̀ìn-ɖɛ̀, sepóɛɖé Jùɖúsɛ̀ɖɛ̀ìn-hwɔ̀ɖɔ̀ɔ̀ nì gǐì-kũ̀àǔn, ké nyɔ ɓě nì ɔ múɛɛ mɔ̀ gǐì ɓě. 26Kɛɛ Jùɖúsɛ̀ɖɛ̀ìn-hwɔ̀ɖɔ̀ nìà ɖé dyiíɛɛ se gǐì-kũ̀àǔn nì. Ɔ hwɔìn kà ɔ mɔ̀ɔ̌ kà à ɖeɛ. 27Sepóɛɖé Gèɖèpɔ́ɔ̀-cèè-ɖɛ̀ɔ̀ ɖá,
“Mɔ̀ hwɔìn kà ɖàà-màà kɛɛ,
nyu múà-kùɖǔ-kuɖu.
Mɔ̀ mɔ̀ nyɔ ɓɛ́ m̀ séè kà póó-gbò ɖeín nì ɖòɛɛ,
kpá múàǔn, ɓɛ́ m̀ ké mú páná.
Sepóɛɖé mɔ̀ mɔ̀ nyɔ seà dyú ɖò ɓéɖéɛɛ, nì dyú mu dyí vòùn,
ɓɛ́ ɔ ké màa tɔ̀ɔ̀ ɓě dyí zi.”
28Ké ɓě mɔ̀à ḿ ɖíí ɓěɛɛ, ɓě mɔ̀ Gèɖèpɔ́ɔ̀ dyú ɓě dyììn ɖé ɔ nyɛ́nɛ́ín-ɖáìn-ɖɛ̀ɔ̀ mú kà Áázè nì ma kà kɛ. 29Ké ɓó tia ɓaɖaa, dyúɔ̀ nyɔ wóɖóà kà nyɔ tɔ̀ɔ̀ ɓě wóɖóà kɛɛ dyéìn ma nyɔ ɓɛ́ Zùùɔ̀ nyuɛ ké ɔ wóɖó ma kɛɛ gǎ. Ké kǎà ɔ nì ke kàǔn. 30Kɛɛ ɖɛ́ Gèɖèpɔ́ɔ̀-cèè-ɖɛ̀ɔ̀ cɛ̃ɛ́? Ɔ ɖá, “Kúmú gǐì-màà nìà kɛ kè ɔ dyúɔ̀, sepóɛɖé gǐì-mààɔ̀ dyúɔ̀ kè màa seà gǐìɛɛ dyúɔ̀ se dúí-sè-ɖɛ̀ɔ̀ mú peɖeɛ̌n mu.” 31Ɔ jèɛɛ, ḿ ɖíí ɓě, à se gǐì-màà dyú, kɛɛ à mɔ̀ǎ màa se gǐìɛɛ dyú ɓě.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bassa Bible © Bible Society Liberia, 2002.