2 Kɔ̀ɖéíntĩ̀ɔ̀ 3
3
À mɔ̀ dèè-wùɖù ɖìèɔ̀ kũ̀à-mú-nyùìn-nyɔ̀ ɓě
1À nìǎ à mìɔùn ɓàìn-ɓàìn gbɔ dèɛ̌n ɖeè? À ɓéɖé ɓɛ́ à ké nyɔ-dyí-dyuòìn-cèè-ɖɛ̀ ɓá à dyíɛɛ ɓě gbo dyàà, mɔɔ à ɓéɖé ɓɛ́ à kéɛ ɖéɛ ɓě gbo zà kà nyɔ ɖíɛ́ ɓě nyuà kɛɛ̀? 2Ɓě mìɔùn mɔ̀ céè-ɖɛ̀ ɓɛ́ à ɓéɖéà kɛ. Ɓě jè ɖǎ ɖé à hwòɖǒ-dyùà ɓěɔ̀ dyéɖéí céè, ɓɛ́ nyɔ séín kéɛ dyí dyuò, ɓɛ́ wa kéɛ wuɖuún zà. 3Nyɔ séín ɓɛ́ìn dyéɛ wáɖáá kà ɓɛ́ Kɛ́ɖɛ́ì céè ma céè-ɖɛ̀ nìà kɛ, ké ɔ dèɛ̀n ma à xwaa. Ɔ se céè-ɖɛ̀ céèìn-nì céèìn, kɛɛ nì-nì Gèɖèpɔ́ɔ̀ Zùùɔ̀ mɔ̀ ɖɛ ɔ céèìn. Ɔ se sɔ́ɔ́-pĩ̀à dyéɖéí céè, kɛɛ ɔ céè ɖé nyɔǔn-dyùɛ̀ hwòɖǒ-dyùàɔ̀ dyéɖéí.
4À cɛ̃ ɖɛ nìà kɛ, sepóɛɖé à dè Gèɖèpɔ́ɔ̀ hwòɖǒ kɔ̃ dyììn ɖé Kɛ́ɖɛ́ì mú. 5Sepóɛɖé à mìɔùn se ɖɛ ɓě nìà kɛ dyí ɓɛ́ìn. À seɛ cɛ̃ɛ ɓɛ́ìn kà ɓɛ́ ɖɛ ɖò sɔ̀ìn ɖé à múɛ. Gèɖèpɔ́ɔ̀ mɔ̀ nyɔ nyuɛ ké à ɓɛ́ìn ɖɛ ɓě nìà kɛ dyí. 6Ɔ nyuɛ ké à ɓɛ́ìn dèè-wùɖù ɖìèɔ̀ kũ̀à mú nyùɛ̀n. Dèè-wùɖù ɖìèɔ̀ se gma ɓɛ́ ɔ ké ma céè, kɛɛ ɔ mɔ̀ ɖɛ ɓɛ́ Zùùɔ̀ nyuɛ. Gma ɓɛ́ ɔ céè ma kà kɛɛ dyà mɛ́-mɛ́, kɛɛ Zùùɔ̀ nyí nyɔǔn fɛ̀ɛ̀.
7Gmaɔ̀ céè ma ɖé céè-dyèɖè ɖò-ɖò mú ɖé sɔ́ɔ́-pĩ̀à dyéɖéín. Gèɖèpɔ́ɔ̀ dĩ́ín-dĩ̀ìnɔ̀ wóɖó ma xwáɖáún ti ɓɛ́ Éézùɖùɛ̀-nyɔ̀ ɓěɔ̀ dyé ma gmaɔ̀ kɛ. Ɔ fã-fã nì ma kà Mózèɛ̀ dyúa-kpàɔ̀ kɔ̃ɛɛ nìǎ ma ɓó dyi hwɛ̀ǐn dyɛo, kɛɛ ɔ ku ma wɔ̃ ke mìɔ, ké Éézùɖùɛ̀-nyɔ̀ ɓěɔ̀ se ma ɔ dya gmɔ̀ɔ̀ ɓɛ́ìn. Ɔ jǔ ké gma dyàà mɛ́-mɛ́ɛ dyi ma dĩ́ín-dĩ̀ìn nì kǎà mú dyììn ní, 8nìí, xwɛ̌ dĩ́ín-dĩ̀ìnɔ̀ nyɔ muà dyiìn dyììn ɖé ɖɛ ɓɛ́ Zùùɔ̀ muà nyuùn wɛ̃ múɛɛ mu kpé wɔ̃ ɓɛ́ɛ nyuùn wɛ̃́? 9Ɖɛ mɔ̀ nyɔ dyà ma kà zɔ̃́ín-dúún-wáɖá-wáɖáa ɓéɖé ma dĩ́ín-dĩ̀ìn. Ɔ dyi ná nìǐn, nìí, ɖɛ mɔ̀ nyɔ dyàà zaa-xwaún-buɛ̀-buɛ̀ kɛɛ, ɔ dĩ́ín-dĩ̀ìnɔ̀ ɓúá kpéín mìɔ ké ɔ zi dĩ́ín-dĩ̀ìnɔ̀ nyɔa dyí. 10Ké, nìí, à ɓɛ́ìn cɛ̃ɛ kà ɓɛ́ ɖɛ ɓéɖé ma kà dĩ́ín-dĩ̀ìn nyɛɛ, ɔ ɖǎ ɔ dĩ́ín-dĩ̀ìnɔ̀ xwáɖáún sè. Ɔ sèɛ̀ xwáɖáún ɓó dĩ́ín-dĩ̀ìnɔ̀ nyɔ zià ɔ mɔ̀ùn dyíɛɛ jè. 11Ɔ jǔ ké ɖɛ hwɛ̀ ma kà ɓó dyiɛɛ dyi ma dĩ́ín-dĩ̀ìn ɓéɖéín, nìí, ɖɛ mɔ̀ nyɔ muà nììn kánáá pūɛɛ ɓéɖé dĩ́ín-dĩ̀ìn vɛ̀nɛ̀.
12Kà ɓɛ́ à ɓéɖéà ɖɛ-hwòɖǒ-kɔ̃-dè-dè nì kàà kɛɛ, à se fɛ̃̀ìn ɓɛ́ à ké wùɖù. 13À mɔ̀ùn se nì kà Mózè nì ma kà, ké ɔ wáɖá ma ɖɔ dúi, ɓɛ́ Éézùɖùɛ̀-nyɔ̀ ɓěɔ̀ ní kɔ̃̀ ɖà fã-fã ɓɛ́ ɔ nì ma kà ɔ dyúa-kpàɔ̀ kɔ̃, ké ɔ gã̀ ma kà ɓó dyi hwɛ̀ǐn dyi tee, ké ɔ hwɛ̀ ma kà ɓó dyi nyɛ̀nɛ̀ɛ̀ kɛɛ dya gmɔ̀. 14Kɛɛ wa kàmà ma ɖɛ múin wɔ̃́uń, sepóɛɖé sɔ̀ìn ɓó tia gbo ké tiɛ̀ gbo dyiɛɛ, ti ɓɛ́ wa zàà céè-ɖɛ̀ ɓá dèè-wùɖù sùàɔ̀ jè dyíɛɛ wuɖuún wɛ̃ɛ, ɔ nì pū kà dúi-wáɖá-ɖɔ̀ dyúáɖò ɓɛ́ Mózè ɓéɖé ma kà kɛɛ, wa mɔ̀ùn ɓéɖéɛ ɖé waà fɔ̀nɔ̀-hwòɖǒɔ̀ mú keɛ. Ɖɛ nìà kɛ ké nyɔ ɖò bũ̌ sɔ̀ǐn, nìí, ɔ kè Kɛ́ɖɛ́ì nì dyɛɛ dyúáɖò hwɛ̀. 15Kà ɔ nì ma kĩ́ín, hwɛ̀ ḿ po níiń, ɓó zɛ̃̌ɛ̀, ɔ jǔ ké wa dyi Mózèɛ̀ céè-ɖɛ̀ɔ̀ wuɖuún zàǐn, nìí, dúi-wáɖá-ɖɔ̀ɔ̀ nì waà fɔ̀nɔ̀-hwòɖǒɔ̀ mú. 16Kɛɛ ɔ jǔ ké nyɔ ɖò dyi Bounɓoɔ̀ gbo gmɔ̀ìn ní, nìí, ɖɔɔ̀ sɔ̀ ɔ fɔ̀nɔ̀-hwòɖǒɔ̀ dyí. 17Bounɓoɔ̀ mɔ̀ Zùùɔ̀, ké dɛ̀ ɓɛ́ Bounɓoɔ̀ Zùùɔ̀ nìɛɛ, buɛ̀-buɛ̀ nì ɓó. 18Ɖɔ ɖò se à dúi wáɖá. À séín nì kà sɛ́ɓɛ́ɛ̀ nìà kɛ, ké Bounɓoɔ̀ dĩ́ín-dĩ̀ìnɔ̀ fã̀ìn à dyai, ké à tò ce. Kà à nìǎ gbo zĩàǐn, ké à kèɔ̀ kè nìǎ hwɔǐn, ké ɔ dĩ́ín-dĩ̀ìnɔ̀ nìǎ kɔ̃ kpáuń. Bounɓo mɔ̀à Zùùɔ̀ kɛɛ kũ̀à nìà kɛ̀.
Chwazi Kounye ya:
2 Kɔ̀ɖéíntĩ̀ɔ̀ 3: ƁB02
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bassa Bible © Bible Society Liberia, 2002.
2 Kɔ̀ɖéíntĩ̀ɔ̀ 3
3
À mɔ̀ dèè-wùɖù ɖìèɔ̀ kũ̀à-mú-nyùìn-nyɔ̀ ɓě
1À nìǎ à mìɔùn ɓàìn-ɓàìn gbɔ dèɛ̌n ɖeè? À ɓéɖé ɓɛ́ à ké nyɔ-dyí-dyuòìn-cèè-ɖɛ̀ ɓá à dyíɛɛ ɓě gbo dyàà, mɔɔ à ɓéɖé ɓɛ́ à kéɛ ɖéɛ ɓě gbo zà kà nyɔ ɖíɛ́ ɓě nyuà kɛɛ̀? 2Ɓě mìɔùn mɔ̀ céè-ɖɛ̀ ɓɛ́ à ɓéɖéà kɛ. Ɓě jè ɖǎ ɖé à hwòɖǒ-dyùà ɓěɔ̀ dyéɖéí céè, ɓɛ́ nyɔ séín kéɛ dyí dyuò, ɓɛ́ wa kéɛ wuɖuún zà. 3Nyɔ séín ɓɛ́ìn dyéɛ wáɖáá kà ɓɛ́ Kɛ́ɖɛ́ì céè ma céè-ɖɛ̀ nìà kɛ, ké ɔ dèɛ̀n ma à xwaa. Ɔ se céè-ɖɛ̀ céèìn-nì céèìn, kɛɛ nì-nì Gèɖèpɔ́ɔ̀ Zùùɔ̀ mɔ̀ ɖɛ ɔ céèìn. Ɔ se sɔ́ɔ́-pĩ̀à dyéɖéí céè, kɛɛ ɔ céè ɖé nyɔǔn-dyùɛ̀ hwòɖǒ-dyùàɔ̀ dyéɖéí.
4À cɛ̃ ɖɛ nìà kɛ, sepóɛɖé à dè Gèɖèpɔ́ɔ̀ hwòɖǒ kɔ̃ dyììn ɖé Kɛ́ɖɛ́ì mú. 5Sepóɛɖé à mìɔùn se ɖɛ ɓě nìà kɛ dyí ɓɛ́ìn. À seɛ cɛ̃ɛ ɓɛ́ìn kà ɓɛ́ ɖɛ ɖò sɔ̀ìn ɖé à múɛ. Gèɖèpɔ́ɔ̀ mɔ̀ nyɔ nyuɛ ké à ɓɛ́ìn ɖɛ ɓě nìà kɛ dyí. 6Ɔ nyuɛ ké à ɓɛ́ìn dèè-wùɖù ɖìèɔ̀ kũ̀à mú nyùɛ̀n. Dèè-wùɖù ɖìèɔ̀ se gma ɓɛ́ ɔ ké ma céè, kɛɛ ɔ mɔ̀ ɖɛ ɓɛ́ Zùùɔ̀ nyuɛ. Gma ɓɛ́ ɔ céè ma kà kɛɛ dyà mɛ́-mɛ́, kɛɛ Zùùɔ̀ nyí nyɔǔn fɛ̀ɛ̀.
7Gmaɔ̀ céè ma ɖé céè-dyèɖè ɖò-ɖò mú ɖé sɔ́ɔ́-pĩ̀à dyéɖéín. Gèɖèpɔ́ɔ̀ dĩ́ín-dĩ̀ìnɔ̀ wóɖó ma xwáɖáún ti ɓɛ́ Éézùɖùɛ̀-nyɔ̀ ɓěɔ̀ dyé ma gmaɔ̀ kɛ. Ɔ fã-fã nì ma kà Mózèɛ̀ dyúa-kpàɔ̀ kɔ̃ɛɛ nìǎ ma ɓó dyi hwɛ̀ǐn dyɛo, kɛɛ ɔ ku ma wɔ̃ ke mìɔ, ké Éézùɖùɛ̀-nyɔ̀ ɓěɔ̀ se ma ɔ dya gmɔ̀ɔ̀ ɓɛ́ìn. Ɔ jǔ ké gma dyàà mɛ́-mɛ́ɛ dyi ma dĩ́ín-dĩ̀ìn nì kǎà mú dyììn ní, 8nìí, xwɛ̌ dĩ́ín-dĩ̀ìnɔ̀ nyɔ muà dyiìn dyììn ɖé ɖɛ ɓɛ́ Zùùɔ̀ muà nyuùn wɛ̃ múɛɛ mu kpé wɔ̃ ɓɛ́ɛ nyuùn wɛ̃́? 9Ɖɛ mɔ̀ nyɔ dyà ma kà zɔ̃́ín-dúún-wáɖá-wáɖáa ɓéɖé ma dĩ́ín-dĩ̀ìn. Ɔ dyi ná nìǐn, nìí, ɖɛ mɔ̀ nyɔ dyàà zaa-xwaún-buɛ̀-buɛ̀ kɛɛ, ɔ dĩ́ín-dĩ̀ìnɔ̀ ɓúá kpéín mìɔ ké ɔ zi dĩ́ín-dĩ̀ìnɔ̀ nyɔa dyí. 10Ké, nìí, à ɓɛ́ìn cɛ̃ɛ kà ɓɛ́ ɖɛ ɓéɖé ma kà dĩ́ín-dĩ̀ìn nyɛɛ, ɔ ɖǎ ɔ dĩ́ín-dĩ̀ìnɔ̀ xwáɖáún sè. Ɔ sèɛ̀ xwáɖáún ɓó dĩ́ín-dĩ̀ìnɔ̀ nyɔ zià ɔ mɔ̀ùn dyíɛɛ jè. 11Ɔ jǔ ké ɖɛ hwɛ̀ ma kà ɓó dyiɛɛ dyi ma dĩ́ín-dĩ̀ìn ɓéɖéín, nìí, ɖɛ mɔ̀ nyɔ muà nììn kánáá pūɛɛ ɓéɖé dĩ́ín-dĩ̀ìn vɛ̀nɛ̀.
12Kà ɓɛ́ à ɓéɖéà ɖɛ-hwòɖǒ-kɔ̃-dè-dè nì kàà kɛɛ, à se fɛ̃̀ìn ɓɛ́ à ké wùɖù. 13À mɔ̀ùn se nì kà Mózè nì ma kà, ké ɔ wáɖá ma ɖɔ dúi, ɓɛ́ Éézùɖùɛ̀-nyɔ̀ ɓěɔ̀ ní kɔ̃̀ ɖà fã-fã ɓɛ́ ɔ nì ma kà ɔ dyúa-kpàɔ̀ kɔ̃, ké ɔ gã̀ ma kà ɓó dyi hwɛ̀ǐn dyi tee, ké ɔ hwɛ̀ ma kà ɓó dyi nyɛ̀nɛ̀ɛ̀ kɛɛ dya gmɔ̀. 14Kɛɛ wa kàmà ma ɖɛ múin wɔ̃́uń, sepóɛɖé sɔ̀ìn ɓó tia gbo ké tiɛ̀ gbo dyiɛɛ, ti ɓɛ́ wa zàà céè-ɖɛ̀ ɓá dèè-wùɖù sùàɔ̀ jè dyíɛɛ wuɖuún wɛ̃ɛ, ɔ nì pū kà dúi-wáɖá-ɖɔ̀ dyúáɖò ɓɛ́ Mózè ɓéɖé ma kà kɛɛ, wa mɔ̀ùn ɓéɖéɛ ɖé waà fɔ̀nɔ̀-hwòɖǒɔ̀ mú keɛ. Ɖɛ nìà kɛ ké nyɔ ɖò bũ̌ sɔ̀ǐn, nìí, ɔ kè Kɛ́ɖɛ́ì nì dyɛɛ dyúáɖò hwɛ̀. 15Kà ɔ nì ma kĩ́ín, hwɛ̀ ḿ po níiń, ɓó zɛ̃̌ɛ̀, ɔ jǔ ké wa dyi Mózèɛ̀ céè-ɖɛ̀ɔ̀ wuɖuún zàǐn, nìí, dúi-wáɖá-ɖɔ̀ɔ̀ nì waà fɔ̀nɔ̀-hwòɖǒɔ̀ mú. 16Kɛɛ ɔ jǔ ké nyɔ ɖò dyi Bounɓoɔ̀ gbo gmɔ̀ìn ní, nìí, ɖɔɔ̀ sɔ̀ ɔ fɔ̀nɔ̀-hwòɖǒɔ̀ dyí. 17Bounɓoɔ̀ mɔ̀ Zùùɔ̀, ké dɛ̀ ɓɛ́ Bounɓoɔ̀ Zùùɔ̀ nìɛɛ, buɛ̀-buɛ̀ nì ɓó. 18Ɖɔ ɖò se à dúi wáɖá. À séín nì kà sɛ́ɓɛ́ɛ̀ nìà kɛ, ké Bounɓoɔ̀ dĩ́ín-dĩ̀ìnɔ̀ fã̀ìn à dyai, ké à tò ce. Kà à nìǎ gbo zĩàǐn, ké à kèɔ̀ kè nìǎ hwɔǐn, ké ɔ dĩ́ín-dĩ̀ìnɔ̀ nìǎ kɔ̃ kpáuń. Bounɓo mɔ̀à Zùùɔ̀ kɛɛ kũ̀à nìà kɛ̀.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bassa Bible © Bible Society Liberia, 2002.