Levítico 12
12
Wachakushqanpita imano purificakunanpaq nishqan
1Mastapis Moisésta Tayta Dios kayno nirqan: 2<<Israel runakunata kayno niy: <Mayqan warmipis olqu wamrata wacharqa qanchis junaqyaqmi impüru kanqa. Tsayno impüru kanqa killa qeshyanwan impüru kashqannömi. 3Wamratanami yurishqanpita pusaq junaqniyuq kaykaptin señalatsipäkunki.#Gén. 17.12; Luc. 2.21. 4Tsaypitana kimsa chunka kimsa (33) junaqyaq maman purificakunqa yawarnin aywashqanpita. Tsayyaqqa manami imatapis sagrädu kaqta yatanqatsu ni Sagrädu Toldu patiumanpis yaykunqatsu. 5Warmi wamrata wacharqa killa qeshyan aywaptin impüru kashqanno ishkay semänami impüru kanqa. Yawarnin aywashqanpita soqta chunka soqta (66) junaqyaqmi purificakunqa.
6<< <Olquta o warmita wacharpis purificakunanpaq kaq junaqkunata cumplirkur Tinkuna Toldu patiuman rupatsina sacrificiupaq juk watayuq carnishta apamunqa. Tsaynöpis purificatsina sacrificiupaq juk pushapa palumata karpis o juk kulkushta karpis apamunqa. Tsaykunata entreganqa cüratami. 7Yawarnin aywashqanpita püruna warmi rikakunanpaqmi Tayta Diospa nawpancho#Lev. 6.14. tsay uywakunata rupatsinqa. Olquta wacharpis o warmita wacharpis tsaynölami ruranqa.
8<< <Carnishta rantinanpaq qellaynin mana aypaptinqa ishkay kulkushta o ishkay pushapa palumata apamunqa.#Luc. 2.24. Jukaqmi kanqa rupatsina sacrificiupaq y jukaqnami kanqa purificatsina sacrificiupaq. Tsayno apamuptinmi warmi purificashqa kananpaq Tayta Diosta cüra manakunqa. Tsaynöpami tsay warmiqa püruna kanqa> >>.
Chwazi Kounye ya:
Levítico 12: qvmB
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2003, Wycliffe Bible Translators, Inc. All rights reserved.