Éxodo 17
17
Qaqapita yaku yarqamushqan
1Sin nishqan chunyaq jirkacho tarkaykashqanpitami Tayta Dios nishqannöla Israel runakuna patsakur patsakur Refidim partiman chayapäkurqan. Tsaychöpis yaku manami karqantsu. 2Tsawraqa runakuna Moisésta rabyashqa nipäkurqan: <<¿Ima yakutataq kaycho upupäkushaq?>>
Niptinmi Moisés nirqan: << <Yaku manami kantsu> nipäkamaptikipis ¿imatataq rurashaq? ¿Imanirtaq Tayta Diosta obligayta munarkaykanki yakuta kamaripäshunaykipaq?>>
3Moisés tsayno niptinpis runakuna fiyupa yakunashpanmi qayapar kayno nipäkurqan: <<¿Kayno nakatsimänaykipaqku Egiptupita jorqamarqayki? ¿Lapan wamräkunata y uywäkunata yakunaypita wanutsimänaykipaqku jorqapäkamashqanki?>>
4Runakuna tsayno niptinmi Tayta Diosta manakur Moisés kayno nirqan: <<Kay runakunata ¿imatataq rurashaq, Tayta? Tsaynöla karqa saqmaykälarmi wanutsimanqapaq>>.
5Tsawraqa Moisésta Tayta Dios kayno nirqan: <<Juk ishkay Israel mayor runakunata pushakurkur lapan runakunapa nawpanta aywanki. Paykunawan aywar mayuta wirushqayki tukruykita apanki. 6Horeb#17.6 Horebqa Sinaí jirkapa jukaq jutinmi karqan. jirkacho kaykaq qaqachömi noqa shuyaraykäshayki. Tsay qaqata tukruykiwan wiruptiki yaku yarqamunqa lapan runakuna upunanpaq>>.
Tsaymi Tayta Dios nishqanno Moisés rurarqan Israel mayor runakuna rikaykaptin.
7Tsay partipa jutinta churaparqan Masah#17.7a Masah ninanqa probaq ninanmi. jutin kananpaq y Meriba#17.7b Meriba ninanqa reclamay ninanmi. jutin kananpaq. Tsay jutikunata churaparqan Israel runakuna descontentu kar <<¿noqantsiwan Tayta Dios kaykanku o manaku?>> nishqanpitami.
Amalecita runakunata vincishqan
8Israel runakuna Refidimcho tarkaykaptinmi amalecita runakuna aywarqan paykunata atacananpaq. 9Tsawraqa Josuéta Moisés kayno nirqan: <<Runakunata akray amalecita runakunawan pelyaq aywapäkunaykipaq. Wara tutalami puntacho kaykäshaq Tayta Dios <apay> nimashqan tukrü aptashqa>>.
10Moisés nishqannölami Josuéqa runakunata akrarkur amalecita runakunawan pelyaq aywarqan. Moisés, Aarón y Hurmi puntaman witsäpäkurqan. 11Moisés ishkan rikranta joqariraptin Israel runakuna amalecita runakunata vincipäkuq. Rikranta Moisés utikar bäjatsiptinnami amalecita runakuna vincipäkuq. 12Tsayno utikaptinmi Aarónwan Hur rumita churaparqan Moisés jamananpaq. Nirkur ishkan lädupa Moiséspa rikranta joqarirarqan inti jeqananyaq. 13Tsaynöpami Josué y akrashqan runakuna espädankunawan wanutsir amalecita runakunata ushakätsirqan.
14Tsawraqa Moisésta Tayta Dios kayno nirqan: <<Mana qonqakänanpaq kay pelya kashqanta juk rölluman qelqay. Josuétana wilanki amalecita runakunata lapanta ushakätsinäpaq kashqanta>>.#Deut. 25.17-19; 1Sam. 15.2-9.
15Tsaypita Moisés juk altarta perqarkur jutinta churaparqan Tayta Diosmi Bandërä nir.#17.15 Hebreo idiömachömi tsay juti kaykan Yahweh-nissi. 16Nirkurna kayno nirqan: <<Tayta Diospa contran amalecita runakuna sharkushqanpitami paykunawan Tayta Dios imayyaqpis pelyanqa>>.
Chwazi Kounye ya:
Éxodo 17: qvmB
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2003, Wycliffe Bible Translators, Inc. All rights reserved.
Éxodo 17
17
Qaqapita yaku yarqamushqan
1Sin nishqan chunyaq jirkacho tarkaykashqanpitami Tayta Dios nishqannöla Israel runakuna patsakur patsakur Refidim partiman chayapäkurqan. Tsaychöpis yaku manami karqantsu. 2Tsawraqa runakuna Moisésta rabyashqa nipäkurqan: <<¿Ima yakutataq kaycho upupäkushaq?>>
Niptinmi Moisés nirqan: << <Yaku manami kantsu> nipäkamaptikipis ¿imatataq rurashaq? ¿Imanirtaq Tayta Diosta obligayta munarkaykanki yakuta kamaripäshunaykipaq?>>
3Moisés tsayno niptinpis runakuna fiyupa yakunashpanmi qayapar kayno nipäkurqan: <<¿Kayno nakatsimänaykipaqku Egiptupita jorqamarqayki? ¿Lapan wamräkunata y uywäkunata yakunaypita wanutsimänaykipaqku jorqapäkamashqanki?>>
4Runakuna tsayno niptinmi Tayta Diosta manakur Moisés kayno nirqan: <<Kay runakunata ¿imatataq rurashaq, Tayta? Tsaynöla karqa saqmaykälarmi wanutsimanqapaq>>.
5Tsawraqa Moisésta Tayta Dios kayno nirqan: <<Juk ishkay Israel mayor runakunata pushakurkur lapan runakunapa nawpanta aywanki. Paykunawan aywar mayuta wirushqayki tukruykita apanki. 6Horeb#17.6 Horebqa Sinaí jirkapa jukaq jutinmi karqan. jirkacho kaykaq qaqachömi noqa shuyaraykäshayki. Tsay qaqata tukruykiwan wiruptiki yaku yarqamunqa lapan runakuna upunanpaq>>.
Tsaymi Tayta Dios nishqanno Moisés rurarqan Israel mayor runakuna rikaykaptin.
7Tsay partipa jutinta churaparqan Masah#17.7a Masah ninanqa probaq ninanmi. jutin kananpaq y Meriba#17.7b Meriba ninanqa reclamay ninanmi. jutin kananpaq. Tsay jutikunata churaparqan Israel runakuna descontentu kar <<¿noqantsiwan Tayta Dios kaykanku o manaku?>> nishqanpitami.
Amalecita runakunata vincishqan
8Israel runakuna Refidimcho tarkaykaptinmi amalecita runakuna aywarqan paykunata atacananpaq. 9Tsawraqa Josuéta Moisés kayno nirqan: <<Runakunata akray amalecita runakunawan pelyaq aywapäkunaykipaq. Wara tutalami puntacho kaykäshaq Tayta Dios <apay> nimashqan tukrü aptashqa>>.
10Moisés nishqannölami Josuéqa runakunata akrarkur amalecita runakunawan pelyaq aywarqan. Moisés, Aarón y Hurmi puntaman witsäpäkurqan. 11Moisés ishkan rikranta joqariraptin Israel runakuna amalecita runakunata vincipäkuq. Rikranta Moisés utikar bäjatsiptinnami amalecita runakuna vincipäkuq. 12Tsayno utikaptinmi Aarónwan Hur rumita churaparqan Moisés jamananpaq. Nirkur ishkan lädupa Moiséspa rikranta joqarirarqan inti jeqananyaq. 13Tsaynöpami Josué y akrashqan runakuna espädankunawan wanutsir amalecita runakunata ushakätsirqan.
14Tsawraqa Moisésta Tayta Dios kayno nirqan: <<Mana qonqakänanpaq kay pelya kashqanta juk rölluman qelqay. Josuétana wilanki amalecita runakunata lapanta ushakätsinäpaq kashqanta>>.#Deut. 25.17-19; 1Sam. 15.2-9.
15Tsaypita Moisés juk altarta perqarkur jutinta churaparqan Tayta Diosmi Bandërä nir.#17.15 Hebreo idiömachömi tsay juti kaykan Yahweh-nissi. 16Nirkurna kayno nirqan: <<Tayta Diospa contran amalecita runakuna sharkushqanpitami paykunawan Tayta Dios imayyaqpis pelyanqa>>.
Chwazi Kounye ya:
:
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2003, Wycliffe Bible Translators, Inc. All rights reserved.