Ñwed Mbon Rom 7
7
Adikpọk Ñyaak ke Mbed ye Adimʌm Ndian ke Krais
1Nditọeka mmi ke Krais, ado nte ndufo idiọọñọke, sia ami ntañ ikọ nnọ mbon e-ediọọñọke mbed, ke mbed akara awo ke ini anye abaaha ke uwem? 2Nte uwọdñkpọ, ke mbed, awonwaan ufọk ndọ adiana ye ebe amọ adaña nte ebe amọ abaaha ke uwem, ado ebe akpekpa, e-etat awonwaan ado esio ke mbed ndọ. 3Ndin, adieke awonwaan ado anieghe ewuana ye awodeen mfen ke ini ebe amọ abaaha ke uwem, ekoot awonwaan ado asịn efịbe. Ado adieke ebe amọ akpaaha, e-etat anye esio ke idak mbed ndọ, ndin anye idooho asịn efịbe aba, akpekọm anye adọ ebe mfen.
4Ke ntoro, nditọeka mmi ke Krais, ndufo ñko emaekpañña ewuọọñọ ke mbed ato ke ikpọkidem Krais nọ ato do ndufo enie ewuana ye awo mfen, anye a-akesette ke ñkpa, nọ ñnyịn inwịm mfịd inọ Abasi. 5Sia ke ini abʌkidem akikarake ñnyịn, mme ndiọi udọñ a-mbed akedemmeke, e-ekebaaha ke utom ke idem ñnyịn, emaenam ñnyịn inwịm mfịd inọ ñkpa. 6Ado idahami, ke adikpa nnọọ ñkpọ se ikimʌm ñnyịn ikama ke usen edem, i-itat ñnyịn esio ke mbed nọ ñnyịn inam utom ke ufa usʌñ Sịbidịd, idooho ke akaan usʌñ uwewed mbed.
Mbed ye Idiọọkñkpọ
7Nsoo ke ñnyịn idiitañ ndin? Nte mbed ado idiọọkñkpọ? Nsa-o! Ado ke akpanikọ, ami ñkpekediọọñọke se idiọọkñkpọ ado ke esioho mbed efep. Sia ami ñkpekediọọñọke se isịnanyen ado adieke mbed imiikpikibooho, “Kuusịn anyen ke ñkpọ awo.” 8Ado idiọọkñkpọ, a-adidatta ifed a-mbed anọọhọ, asioño ke idem mmi mme nsio-nsio udọñ isịnanyen. Sia emaesio mbed efep, idiọọkñkpọ akpa. 9Idaha a-mbed imiikibaaha ami mmaadu uwem, ado ewʌhọ akedi, idiọọkñkpọ adakka ada anie uwem, ndin ami ñkpa. 10Ami mmaadikịt ke ado ewʌhọ ke idem amọ a-akpedatta uwem adi akappa adat ñkpa adi. 11Ndin idiọọkñkpọ a-adatta ufañ e-ewʌhọ anọọhọ, amambiaña miin, ndin ato ke ewʌhọ anye a-ansịn miin ke ñkpa. 12Do ndin mbed asana, ewʌhọ ñko asana, anen anyʌñ afọn.
13Nte eti ñkpọ amaakappa ado ñkpa annọ miin? Nwaaña nsa-o! Ado nọ ediọọñọ idiọọkñkpọ nte idiọọkñkpọ, anye a-adat ñkpa ansọk miin ato ke se ikifọn nọ ato ke ewʌhọ idiọọkñkpọ anenekke adiọọk.
14Ñnyịn imidiọọñọ ke mbed ado sịbidịd; ado ami ndooho sịbidịd, ndo abʌkidem e-emaekenyam nte afʌn enọ idiọọkñkpọ. 15Ami ndiọọñọke se ami nnam. Sia se ami ñyem adinam ami nnamma, ado se ami nsua, kpa ado ke ami nnam. 16Ndin adieke ami nnamma se ami mmeñyemme inam, ami mmenyịmme ke mbed afọn. 17Awuọ idooho ami ke idem mmi nnam ñkpọ, ado idiọọkñkpọ a-adʌññọ ke idem mmi anam. 18Sia ami mmediọọñọ ke eti ñkpọ ndomokeed idʌññọ ke idem mmi, ado ado ke idiọọk uduud mmi. Sia ami mmenie udọñ adinam se ifọn, ado ñkanna nnam. 19Sia ami nnamma eti ñkpọ se ami ñyem inam, ado idiọọkñkpọ a-ami mmiiyemme inam, kpa ado ke ami nnam. 20Ndin adieke ami nnamma se ami mmiiyemme inam, idooho ami nnam aba, ado idiọọkñkpọ a-adʌññọ ke idem mmi anam.
21Do ndin ami mmekịt ke mbed a-anam utom amọ ke idem mi sia akpesʌkado a-ami ñyemme inam se ifọn, idiọọkñkpọ iyakka nnam. 22Sia ke ataa esịd idem mmi ami mmenem esịd ke adinịm mbed Abasi. 23Ado ami mmekịt mbed mfen a-anamma utom ke idem mmi, a-anwanake ekọñ ye mbed a-abaaha ke akikere mmi anyʌñ anam ami ndo awo ñkpakọb nnọ mbed idiọọkñkpọ a-anamma utom ke esịd idem mmi. 24Nsoo utọ atịme awo ke ami ndo! Anie idiimfak miin isio ke ubọk abʌkidem ñkpa ami? 25Ekọọm anie Abasi, amfakka miin ato ke Yisọs Krais Abọọñ ñnyịn!
Do ndin, ami ke esịd idem mmi ndo afʌn nnọ mbed Abasi, ado ke idiọọk abod mmi ndo afʌn nnọ mbed idiọọkñkpọ.
Chwazi Kounye ya:
Ñwed Mbon Rom 7: ICB
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Ñwed Mbon Rom 7
7
Adikpọk Ñyaak ke Mbed ye Adimʌm Ndian ke Krais
1Nditọeka mmi ke Krais, ado nte ndufo idiọọñọke, sia ami ntañ ikọ nnọ mbon e-ediọọñọke mbed, ke mbed akara awo ke ini anye abaaha ke uwem? 2Nte uwọdñkpọ, ke mbed, awonwaan ufọk ndọ adiana ye ebe amọ adaña nte ebe amọ abaaha ke uwem, ado ebe akpekpa, e-etat awonwaan ado esio ke mbed ndọ. 3Ndin, adieke awonwaan ado anieghe ewuana ye awodeen mfen ke ini ebe amọ abaaha ke uwem, ekoot awonwaan ado asịn efịbe. Ado adieke ebe amọ akpaaha, e-etat anye esio ke idak mbed ndọ, ndin anye idooho asịn efịbe aba, akpekọm anye adọ ebe mfen.
4Ke ntoro, nditọeka mmi ke Krais, ndufo ñko emaekpañña ewuọọñọ ke mbed ato ke ikpọkidem Krais nọ ato do ndufo enie ewuana ye awo mfen, anye a-akesette ke ñkpa, nọ ñnyịn inwịm mfịd inọ Abasi. 5Sia ke ini abʌkidem akikarake ñnyịn, mme ndiọi udọñ a-mbed akedemmeke, e-ekebaaha ke utom ke idem ñnyịn, emaenam ñnyịn inwịm mfịd inọ ñkpa. 6Ado idahami, ke adikpa nnọọ ñkpọ se ikimʌm ñnyịn ikama ke usen edem, i-itat ñnyịn esio ke mbed nọ ñnyịn inam utom ke ufa usʌñ Sịbidịd, idooho ke akaan usʌñ uwewed mbed.
Mbed ye Idiọọkñkpọ
7Nsoo ke ñnyịn idiitañ ndin? Nte mbed ado idiọọkñkpọ? Nsa-o! Ado ke akpanikọ, ami ñkpekediọọñọke se idiọọkñkpọ ado ke esioho mbed efep. Sia ami ñkpekediọọñọke se isịnanyen ado adieke mbed imiikpikibooho, “Kuusịn anyen ke ñkpọ awo.” 8Ado idiọọkñkpọ, a-adidatta ifed a-mbed anọọhọ, asioño ke idem mmi mme nsio-nsio udọñ isịnanyen. Sia emaesio mbed efep, idiọọkñkpọ akpa. 9Idaha a-mbed imiikibaaha ami mmaadu uwem, ado ewʌhọ akedi, idiọọkñkpọ adakka ada anie uwem, ndin ami ñkpa. 10Ami mmaadikịt ke ado ewʌhọ ke idem amọ a-akpedatta uwem adi akappa adat ñkpa adi. 11Ndin idiọọkñkpọ a-adatta ufañ e-ewʌhọ anọọhọ, amambiaña miin, ndin ato ke ewʌhọ anye a-ansịn miin ke ñkpa. 12Do ndin mbed asana, ewʌhọ ñko asana, anen anyʌñ afọn.
13Nte eti ñkpọ amaakappa ado ñkpa annọ miin? Nwaaña nsa-o! Ado nọ ediọọñọ idiọọkñkpọ nte idiọọkñkpọ, anye a-adat ñkpa ansọk miin ato ke se ikifọn nọ ato ke ewʌhọ idiọọkñkpọ anenekke adiọọk.
14Ñnyịn imidiọọñọ ke mbed ado sịbidịd; ado ami ndooho sịbidịd, ndo abʌkidem e-emaekenyam nte afʌn enọ idiọọkñkpọ. 15Ami ndiọọñọke se ami nnam. Sia se ami ñyem adinam ami nnamma, ado se ami nsua, kpa ado ke ami nnam. 16Ndin adieke ami nnamma se ami mmeñyemme inam, ami mmenyịmme ke mbed afọn. 17Awuọ idooho ami ke idem mmi nnam ñkpọ, ado idiọọkñkpọ a-adʌññọ ke idem mmi anam. 18Sia ami mmediọọñọ ke eti ñkpọ ndomokeed idʌññọ ke idem mmi, ado ado ke idiọọk uduud mmi. Sia ami mmenie udọñ adinam se ifọn, ado ñkanna nnam. 19Sia ami nnamma eti ñkpọ se ami ñyem inam, ado idiọọkñkpọ a-ami mmiiyemme inam, kpa ado ke ami nnam. 20Ndin adieke ami nnamma se ami mmiiyemme inam, idooho ami nnam aba, ado idiọọkñkpọ a-adʌññọ ke idem mmi anam.
21Do ndin ami mmekịt ke mbed a-anam utom amọ ke idem mi sia akpesʌkado a-ami ñyemme inam se ifọn, idiọọkñkpọ iyakka nnam. 22Sia ke ataa esịd idem mmi ami mmenem esịd ke adinịm mbed Abasi. 23Ado ami mmekịt mbed mfen a-anamma utom ke idem mmi, a-anwanake ekọñ ye mbed a-abaaha ke akikere mmi anyʌñ anam ami ndo awo ñkpakọb nnọ mbed idiọọkñkpọ a-anamma utom ke esịd idem mmi. 24Nsoo utọ atịme awo ke ami ndo! Anie idiimfak miin isio ke ubọk abʌkidem ñkpa ami? 25Ekọọm anie Abasi, amfakka miin ato ke Yisọs Krais Abọọñ ñnyịn!
Do ndin, ami ke esịd idem mmi ndo afʌn nnọ mbed Abasi, ado ke idiọọk abod mmi ndo afʌn nnọ mbed idiọọkñkpọ.
Chwazi Kounye ya:
:
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.