Hosea 1
1
1WALANG hofuc ho Iehova, waleji ame o ko Hosea, nöku Beeri, hnyi je bong bongu Uzia, me Jotham, me Ahaza, me Hezekia, je than Juda, ke hnyi ûö Jeroboama nöku Joasa, than Isaraela.
2Hnyi ûen Iehova ame bân ka fuc kö Hosea, me haingö Iehova kö Hosea, ka habe, He thö ka hok momo hnyi gethen ke lakon gethen: anyin ae gan hmâ bi ûuyi monu ge tavat, a gʼ adre me digic Iehova. 3Me e ame he me hum Gomera nöku Dibelaima; kʼ ame erkin bi, me hnokoâ nokon. 4Ke haba Iehova ame ha kâu, ka habe, Hwenyi ien do, ka habe, Jezerela; ke haba me okhaca me oge me he bi nya ka bi hwaban drö Jezerela ka lap anyi Jehu, ke oge me he ka bi obiny dokhu dokon lap anyi Isaraela. 5Ke haba hnyi bong eling, me oge me he ka thu cafana anyin Isaraela hnyi hnyigöulen bucen anyi Jezerela. 6Ke e ame erkin hmetu me nokoâ in. Ke haingo Iehova kâu, ka habe, Hwenyi ien dö e, ka habe, Lo-ruama: anyin oge me ca he hmetu ka betenge ge lap anyi Isaraela, wale he ka thang degeci ödra. 7Ke so bi, oge me he ka betenge ge lap anyi Juda me omeli ödra a deny Iehova Khongudrin, ke oge me he ka omeli ödra ge cefana, me hele vat, me vat, me je hors, me tavat tabô hors. 8Ke ame hia but momo hnebaio Lo-ruama, me e ame erkin hmetu me hnokoâ da. 9Ke haingö Iehova, ka habe, Hwenyi ien dö, me Lo-ami; anyin a ca lakeik ut öbun, me oge me ca he bi nya ka Khongubun.
10Ke so bi haba numerainy lakon Isaraela, me ame he ka ûcû me ûnyin köiö, wale ae ca khana bi ke at he ka tuluto me aû numerainy; ke haba hnyi dok wale adre me ha kodra, ka habe, Ca lakeik ut öbun, me adre me he bi ka ha kodra, ka habe, Öbun lakon Khong ae mot. 11Ke ame he ka ûkhacaköu je lakon Juda, me je lakon Isaraela, ke adre me he ka otilâ hobi kodra ke taben a khaca, ke adre me he ka he but ûnyi hnyi hnyei: anyin ame he ka bong ae gan bong bongu Jezerela.
maintained by the British and Foreign Bible Society