II. Thesalonika. 1
1
1INYA Paulo, me Silevana, me Timoteo, öhmun e set ka ekalesia anyin at Thesalonika unyin Khong a Kamöta, me Than Iesu Keriso; 2E so e unyibun ibetengiö baû me hnahic ûnyi ge Khong a Kamen me Than Iesu Keriso.
3Hamöhmun he ka ole bala ka Khong gabun, hnyat me lakeiny, anyin ae ûcû e, anyin ame ti kû hmonyin anyibun labaʼ geju, kʼ ame si but anyibun ibetengiököu hia thithö; 4wale me öhmun e hobeluʼ öbun hnyi ta je ekalesia anyin Khong ûnyi hnyi hnobun hna hokhnyok me labageju hnyi hnödra hna sedʼ öbun, ke hnyi ta je vec öbun e vheno; 5wale haten ûhnei ae wisa anyin Khong; mʼ adre me haöûcû öbun ka hnyi dokhu dokhon Khong, wale öbun e vec minya can: 6ame ne ûnyi ae wisa ka Khong he ka bi hwaban vec ka tavat adre me oveci öbun, 7ke öbun tavat adre ovecâ, öbun e he ka tha menâ möhmun, e ka manen dut Than Iesu ûheny hnyi drany tha e me ta je angelainy maniny man 8hnyi meic ame ubâhlâ, he ka bi hwaban ka tavat ae ca khanʼ ödra Khong, me ka tavat adre me ca long hoton ûthumetu ae so anyin Tuhöta Iesu Keriso: 9tavat adre me he ka kap hwaban, wale hnaûhango ame ca ba balua ûnyi hnyi hnyimakan Than me hmanenanginy maniny man, 10e ka o me me ogânâ e hnen anyin wakap, me he ka lâiâ gan hnyi bong eling hnen tavat hia adre me labageju (anyin a öbun e kap hnöhmun hna thumetu öbun). 11Waleling mʼ öhmun e hic bala hobi köbun, me me he Khonguta ka haöûcû öbun ka hnyi hna hawʼ öbun kâu, me obekhötâ hneû man ta je weny ae so, me ta je huliwainy labageju; 12mʼ adre me he ka ogânâ unyibun ien Tuhöta Iesu, ke öbun minya unyin, hoton ibetengiö baû anyin Khonguta me Than Iesu Keriso.
maintained by the British and Foreign Bible Society