2 Korinti 2
2
1M kan yaali ayen m biisi bipagrik ate ku nye ate ni sue ŋman kaasi. Dila ale soa ate mi an jam ni jigi ya. 2M daam dan poom jam ni jigi ate ni sue kaasi, ka wana ale wa boro a nye ate mi sui a peenti? Ka nama baai ate mi a nye ate ni sueŋa a kaasi la. 3Dila ale soa ate m jam ŋmarisi gbaŋka a te ni. Dila mɛ be ale soa ate mi an ŋman pilim jam ayen m nya ni, dii nyiŋla, nama baai ale ni jam nye ate m sui peenti la, ni te jam nye kama ate di kaasi. Mi dek seba m suinum po ayen wie ŋaai ale bo m suinum po la, ŋa a nye ate nama mɛ sue a peenti kama. 4M le jam ŋmarisi gbaŋka a te ni diipo la, m sui ale jam kaasi nna yegayega ni nyiŋ. M suinni a jam kaasi ka nna yegayega ate m ninyiam a zi m popo. Ni kan te ni sue kaasi, kude a sak ka mi yaalika ale ni.
5Waai a dan basi ate sui kaasuŋ a boro, wa an basi ate daa mi nyiini sui a kaasi ya, ka ni meena sue ale kaasi. Mi kan yaali ayen m nyeka a toa ale wa. 6Ni yega ale namsi wa diila a zuak kama a te wa. 7Ni vɔŋ a te wa abe ni a te wa nyiŋbiiri ate wa suipuurumu kan te ate wa basi ni. 8Mi a saalim ni kama ayen ni weeni wa ayen ni a yaali wa kama nna yegayega. 9Dila ale soa ate m jam ŋmarisi gbaŋka a te ni. M jam a yaali ayen m seba kama ase ni a va m nɔi wie meena po ya. M jam a yaali ayen m nye ni a nya kama. 10Ni dan vɔŋ a te nuru, mi mɛ vɔŋ a te wa kama. Mi a nye dila kama dii nyiŋla, mi a yaali ayen m maari ni kama. Ku a nye se Kirisita a nya m le a nye diila kama. 11Ti seba Sitaana ale kasim a tom diila kama. Dila ale soa ate ku a fɛ ayen ni va suik kula ate wa kan baga a nak ni a yiagi.
12M le jam paari Torowas tɛŋka la, ti Naawenni a jam te mu ka suik nalimnyiini ayen m sak nuruba Kirisita wamaŋsaŋa. 13Alege ku jam daani mu yegayega m le jam kan baga a nya m suoku Titus la. Dila ale soa ate mi an jam bo ale Torowas demma a beni ya ale ge cheŋ Masidoniya tɛŋka la.
14Ni basi ate ti a te Wen jiam. Wa basi kama ate tama ale Kirisita a chim bunyi. Wa soa ti kama yɔgyɔgla. Wa kasim a basi ti kama ate ti a nyiem a sak nuruba ate ba nya suik a seba Kirisita. 15Ti le a sak nuruma diila a peenti ka Wen sui nna yegayega. Baai ale a wom wa wamaŋsaŋa a magsi chaab ale Kirisita la, Wen a vari ba tuimbaata po kama a basi ate ba a va wa. Baai ale a zɛri wa wamaŋsaŋa womka la, Wen le nya ba kaasuŋku ate wa basi ate ba kan ta kiri ya. 16Jigi meena ate ti ga a paari la, ti a nyuŋ ka nna biokbiokwa baai ate Wen le basi ate ba kan ta kiri la nyue po. Alege ti a nyuŋ ka nna masimasiga baai ale nya varibasika la nyue po. Ka wana dek ale pagrɔ ate wa tom tuimaŋa dɛ a te Wen yaa? 17Nuruba yegayega ale a sak nuruba Wen wamaŋsaŋa wie ale ba noa nyiini, ayen ba nya nyuenta a te badek. Tama kan nye se nuru bala chaaba. Wen a tom ti kama ayen ti a sak nuruba wa wie ale popola yena. Ku a nye se Wen a nya ti kama la.
Chwazi Kounye ya:
2 Korinti 2: BWU
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2023, Ghana Institute of Linguistics, Literacy and Bible Translation
2 Korinti 2
2
1M kan yaali ayen m biisi bipagrik ate ku nye ate ni sue ŋman kaasi. Dila ale soa ate mi an jam ni jigi ya. 2M daam dan poom jam ni jigi ate ni sue kaasi, ka wana ale wa boro a nye ate mi sui a peenti? Ka nama baai ate mi a nye ate ni sueŋa a kaasi la. 3Dila ale soa ate m jam ŋmarisi gbaŋka a te ni. Dila mɛ be ale soa ate mi an ŋman pilim jam ayen m nya ni, dii nyiŋla, nama baai ale ni jam nye ate m sui peenti la, ni te jam nye kama ate di kaasi. Mi dek seba m suinum po ayen wie ŋaai ale bo m suinum po la, ŋa a nye ate nama mɛ sue a peenti kama. 4M le jam ŋmarisi gbaŋka a te ni diipo la, m sui ale jam kaasi nna yegayega ni nyiŋ. M suinni a jam kaasi ka nna yegayega ate m ninyiam a zi m popo. Ni kan te ni sue kaasi, kude a sak ka mi yaalika ale ni.
5Waai a dan basi ate sui kaasuŋ a boro, wa an basi ate daa mi nyiini sui a kaasi ya, ka ni meena sue ale kaasi. Mi kan yaali ayen m nyeka a toa ale wa. 6Ni yega ale namsi wa diila a zuak kama a te wa. 7Ni vɔŋ a te wa abe ni a te wa nyiŋbiiri ate wa suipuurumu kan te ate wa basi ni. 8Mi a saalim ni kama ayen ni weeni wa ayen ni a yaali wa kama nna yegayega. 9Dila ale soa ate m jam ŋmarisi gbaŋka a te ni. M jam a yaali ayen m seba kama ase ni a va m nɔi wie meena po ya. M jam a yaali ayen m nye ni a nya kama. 10Ni dan vɔŋ a te nuru, mi mɛ vɔŋ a te wa kama. Mi a nye dila kama dii nyiŋla, mi a yaali ayen m maari ni kama. Ku a nye se Kirisita a nya m le a nye diila kama. 11Ti seba Sitaana ale kasim a tom diila kama. Dila ale soa ate ku a fɛ ayen ni va suik kula ate wa kan baga a nak ni a yiagi.
12M le jam paari Torowas tɛŋka la, ti Naawenni a jam te mu ka suik nalimnyiini ayen m sak nuruba Kirisita wamaŋsaŋa. 13Alege ku jam daani mu yegayega m le jam kan baga a nya m suoku Titus la. Dila ale soa ate mi an jam bo ale Torowas demma a beni ya ale ge cheŋ Masidoniya tɛŋka la.
14Ni basi ate ti a te Wen jiam. Wa basi kama ate tama ale Kirisita a chim bunyi. Wa soa ti kama yɔgyɔgla. Wa kasim a basi ti kama ate ti a nyiem a sak nuruba ate ba nya suik a seba Kirisita. 15Ti le a sak nuruma diila a peenti ka Wen sui nna yegayega. Baai ale a wom wa wamaŋsaŋa a magsi chaab ale Kirisita la, Wen a vari ba tuimbaata po kama a basi ate ba a va wa. Baai ale a zɛri wa wamaŋsaŋa womka la, Wen le nya ba kaasuŋku ate wa basi ate ba kan ta kiri ya. 16Jigi meena ate ti ga a paari la, ti a nyuŋ ka nna biokbiokwa baai ate Wen le basi ate ba kan ta kiri la nyue po. Alege ti a nyuŋ ka nna masimasiga baai ale nya varibasika la nyue po. Ka wana dek ale pagrɔ ate wa tom tuimaŋa dɛ a te Wen yaa? 17Nuruba yegayega ale a sak nuruba Wen wamaŋsaŋa wie ale ba noa nyiini, ayen ba nya nyuenta a te badek. Tama kan nye se nuru bala chaaba. Wen a tom ti kama ayen ti a sak nuruba wa wie ale popola yena. Ku a nye se Wen a nya ti kama la.
Chwazi Kounye ya:
:
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2023, Ghana Institute of Linguistics, Literacy and Bible Translation