Jɔn 20
20
Yeesu seo ta ira wa
(Mat 28:1-8; Mak 16:1-8; Luk 24:1-12)
1Tomun aa dɛ kpɔ Kwasiara waa ɛ tɔpeloɡle la, Mɛɛre waa le Maɡdala la la bela baa huɡe Yeesu la, dɛ ka na kɛŋɔ bwe baa kpɔa tɔ bɔɔ la nyoa la le o nyoa. 2Waa na ɡɛ la, o chwao la Seemɔn Pita ne o dɔŋ Yeesu aa dɛ nyinu kohona la be dɛ ka ŋɔ ba be ŋɔ, “Ba laa ya Dɔɔ kpɔ lalbɔɔ la bini, yaa jemɛ bela baa kpɔɔ bil.”
3Pita ne o dɔŋ habɔteŋre la iro dɛ la bela baa huɡe Yeesu la. 4Dɛ chwae baa chwa, asɛ Pita dɔŋ la chwa warane dɛ felu tel bɔɔ la ta. 5O boŋɔ haah dɛ na yapoŋ la chɔe, kɛ o ta lalbɔɔ la bini tenten joɛ. 6Belaa Pita waa ka mun la ba dɛ ba jo bɔɔ la bini, dɛ na yapoŋ la bela, 7dɛ na yapoŋ baa kpɔa vɔwɛ o nyu la kɛŋɔ waa ɡula chɔ pera. 8Belaa Yeesu habɔteŋre waa tɔ sie tel bela la ɡe berɛ jo lalbɔɔ la bini, dɛ na a bwa. Waa naa la, o den yarada. 9Dɛ ba ta waa aa lɔ Korowii Tɔn bini bobɛl dɛ baɡle kɛŋɔ a chɛ kɛ Yeesu ir seo ta la mun noɛ mɔɔ. 10Yeesu habɔteŋra la berɛ kaa ba deremi.
Yeesu kpɔ o te chaɡle Mɛɛre waa le Maɡdala
(Mat 28:9-10; Mak 16:9-11)
11Kɛ dɛ Mɛɛre te ta cheɡɛ bɔɔ la nyoa dɛɛ wi. Waa dɛ wi la, o boŋɔ dɛ haah lalbɔɔ la bini, 12asɛ dɛ na nyundua toroma banɛ. Ba do kompoŋa so bela baa kpɔ Yeesu lale bil la. Bɛl soɡe o nyu bɔr, asɛ bɛl so o nakpale bɔr.
13Belaa nyundua toroma la bɔɔro ŋɔ, “N nya, bɔkwa waa hɛɛ wi ken nɔ?”
Asɛ o ŋɔ, “Ba kpɔ n Dɔɔ kaa. Maa jemɛ bela baa kpɔɔ ka bil.” 14Waa bol ɡɛ tonɛ dɛ berɛ o te, dɛ Yeesuu cheɡa, kɛ o ta jemɛ kɛ onee.
15Belaa Yeesu ŋɔ, “N nya, bɔkwa waa bala hɛɛ wi ken nɔ? Ume bɔree hɛɛ nyin ɔ?”
Dɛ Mɛɛre dɛ lii kɛŋɔ nɛn waa dɛ nyiŋi bodɛɛɡe baa du daa bela laanee, anomanta, o chaŋo ŋɔ, “Nomoa, dɛ henee baa kpɔ n Dɔɔ kaa laa, hé ɡel n jemɛ bela haa kpɔɔ ka bil, ásɛ dɛ la ka kpɔɔ.”
16Anee Yeesu yerɔ ŋɔ, “Mɛɛre.”
Asɛ o berɛ sie o be dɛ kpɔ Aram tena wobol ŋɔ, “Raboni!” O munii Nomoa, dɛ ka lawɔ kpoŋe.
17Belaa Yeesu ŋɔ, “Kpɔ mɛ ta, n ta n Mɛɛ be laŋɛ mɔɔ. Kaa ka ŋɔ n nimanar be ŋɔ, ‘N berɔ dɛɛ kaa nyundua n ne he bwa Mɛɛ waa ɛ ya bwa Korowii la be.’ ”
18Asɛ Mɛɛre waa le Maɡdala la la Yeesu habɔteŋra la be dɛ ka ŋɔ, “N na ya Dɔɔ la!” O bol waa Yeesu aa bola la ba be.
Yeesu kpɔ o te chaɡle o habɔteŋra
(Mat 28:16-20; Mak 16:14-18; Luk 24:36-49)
19Awola Kwasiara la jwaana la, Yeesu habɔteŋra la cheme dea bɛl bini. Dɛ ba dɛ ɔmɛ Juu tena, anomanta, ba tɔɔɡe ɡbeni la dɛ laa karɛ ba nɛ. Belaa ba ŋɔ ba nyiŋi, dɛ Yeesu baa che ba baah dɛ ŋɔ, “Kórowii tɛ heyaa bosɔɔhna.”#Jɔn 16:20-22 20Waa bol ɡɛ la, o kpɔ o nɔɔra ne o loŋi baɡ ba, asɛ ba sie lɛ kohona kɛŋɔ baa na ba Dɔɔ la.
21Yeesu berɔ bol ja ŋɔ, “Kórowii tɛ heyaa bambisɔɔhna. Gɛ n Mɛɛ aa tom mɛ la, ɡɛɛ n ɡe ɛɛ tomɛ heya.” 22Waa bol ɡɛ tonɛ la, o hweero ta ba nɛɛ dɛ ŋɔ, “Hé lɛ Korowii Domadɛɛɡe la. 23Dɛ he ŋɔ Korowii kpɔ nɛra wechɔɡa kɛ ba aa, wɛɛ kpɔɔ kɛ ba, kɛ dɛ he ŋɔ Korowii bɛ nɛra wechɔɡa kpɔ kɛ ba aa, aa do ba nɛɛ.”
Yeesu ne Tɔmas
24Dɛ Tɔmas baa dɛ yerɔ Kpar o ɛ Yeesu habɔteŋra la bini bɛl la toole o bala la be ɡɛ saŋ Yeesu aa ba bela la. 25Anomanta, dɛ ba dɛ bol o be ŋɔ, “Ya na ya Dɔɔ la.”
Asɛ o chaŋ ba ŋɔ, “Dɛ n te ta dadowɛre la buɡe aa lɔ o nɔɔra ta la nae, dɛ kpɔ n nonii do bela, dɛ berɛ kpɔ n nɔn do o loŋi bela baa kpɔ lampea yaɡɛ la aa, maa waa nɔɔ yarada.”
26A yawanyoa la, Yeesu habɔteŋra la berɔ ba cheme dea la bini ja, dɛ Tɔmas ja ba nɛ. Ba kaɡre dea la ɡbeni, kɛ Yeesu baa jo che ba baah, dɛ ŋɔ, “Kórowii tɛ heyaa bambisɔɔhna!” 27Asɛ dɛ ŋɔ Tɔmas be ŋɔ, “Kpɔ he nonii ba do n nɔɔra bɔɔne la ta, dɛ́ kpɔ he nɔn do n loŋi bɔɔ la ɡe ta, dɛɛ yarada mɛ, dɛ́ ɡel aahna aahna la haa dɛ ɛ la.”
28Asɛ Tɔmas ŋɔ, “N Dɔɔ, n Korowii!”
29Belaa Yeesu ŋɔ o be ŋɔ, “Haa na mɛ nɔ waa he yarada mɛ nɔ kɛɛ? Nɛra baa wola men nae dɛ yarada mɛ la, ba na som.”
30Nyokpowaa Yeesu aa ɛa o habɔteŋra la siwi ta warɔ taeh. A bwa laa n chwerɛ do tɔn nɔ bini. 31Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.#1Jɔ 5:13
Chwazi Kounye ya:
Jɔn 20: mzw
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Jɔn 20
20
Yeesu seo ta ira wa
(Mat 28:1-8; Mak 16:1-8; Luk 24:1-12)
1Tomun aa dɛ kpɔ Kwasiara waa ɛ tɔpeloɡle la, Mɛɛre waa le Maɡdala la la bela baa huɡe Yeesu la, dɛ ka na kɛŋɔ bwe baa kpɔa tɔ bɔɔ la nyoa la le o nyoa. 2Waa na ɡɛ la, o chwao la Seemɔn Pita ne o dɔŋ Yeesu aa dɛ nyinu kohona la be dɛ ka ŋɔ ba be ŋɔ, “Ba laa ya Dɔɔ kpɔ lalbɔɔ la bini, yaa jemɛ bela baa kpɔɔ bil.”
3Pita ne o dɔŋ habɔteŋre la iro dɛ la bela baa huɡe Yeesu la. 4Dɛ chwae baa chwa, asɛ Pita dɔŋ la chwa warane dɛ felu tel bɔɔ la ta. 5O boŋɔ haah dɛ na yapoŋ la chɔe, kɛ o ta lalbɔɔ la bini tenten joɛ. 6Belaa Pita waa ka mun la ba dɛ ba jo bɔɔ la bini, dɛ na yapoŋ la bela, 7dɛ na yapoŋ baa kpɔa vɔwɛ o nyu la kɛŋɔ waa ɡula chɔ pera. 8Belaa Yeesu habɔteŋre waa tɔ sie tel bela la ɡe berɛ jo lalbɔɔ la bini, dɛ na a bwa. Waa naa la, o den yarada. 9Dɛ ba ta waa aa lɔ Korowii Tɔn bini bobɛl dɛ baɡle kɛŋɔ a chɛ kɛ Yeesu ir seo ta la mun noɛ mɔɔ. 10Yeesu habɔteŋra la berɛ kaa ba deremi.
Yeesu kpɔ o te chaɡle Mɛɛre waa le Maɡdala
(Mat 28:9-10; Mak 16:9-11)
11Kɛ dɛ Mɛɛre te ta cheɡɛ bɔɔ la nyoa dɛɛ wi. Waa dɛ wi la, o boŋɔ dɛ haah lalbɔɔ la bini, 12asɛ dɛ na nyundua toroma banɛ. Ba do kompoŋa so bela baa kpɔ Yeesu lale bil la. Bɛl soɡe o nyu bɔr, asɛ bɛl so o nakpale bɔr.
13Belaa nyundua toroma la bɔɔro ŋɔ, “N nya, bɔkwa waa hɛɛ wi ken nɔ?”
Asɛ o ŋɔ, “Ba kpɔ n Dɔɔ kaa. Maa jemɛ bela baa kpɔɔ ka bil.” 14Waa bol ɡɛ tonɛ dɛ berɛ o te, dɛ Yeesuu cheɡa, kɛ o ta jemɛ kɛ onee.
15Belaa Yeesu ŋɔ, “N nya, bɔkwa waa bala hɛɛ wi ken nɔ? Ume bɔree hɛɛ nyin ɔ?”
Dɛ Mɛɛre dɛ lii kɛŋɔ nɛn waa dɛ nyiŋi bodɛɛɡe baa du daa bela laanee, anomanta, o chaŋo ŋɔ, “Nomoa, dɛ henee baa kpɔ n Dɔɔ kaa laa, hé ɡel n jemɛ bela haa kpɔɔ ka bil, ásɛ dɛ la ka kpɔɔ.”
16Anee Yeesu yerɔ ŋɔ, “Mɛɛre.”
Asɛ o berɛ sie o be dɛ kpɔ Aram tena wobol ŋɔ, “Raboni!” O munii Nomoa, dɛ ka lawɔ kpoŋe.
17Belaa Yeesu ŋɔ, “Kpɔ mɛ ta, n ta n Mɛɛ be laŋɛ mɔɔ. Kaa ka ŋɔ n nimanar be ŋɔ, ‘N berɔ dɛɛ kaa nyundua n ne he bwa Mɛɛ waa ɛ ya bwa Korowii la be.’ ”
18Asɛ Mɛɛre waa le Maɡdala la la Yeesu habɔteŋra la be dɛ ka ŋɔ, “N na ya Dɔɔ la!” O bol waa Yeesu aa bola la ba be.
Yeesu kpɔ o te chaɡle o habɔteŋra
(Mat 28:16-20; Mak 16:14-18; Luk 24:36-49)
19Awola Kwasiara la jwaana la, Yeesu habɔteŋra la cheme dea bɛl bini. Dɛ ba dɛ ɔmɛ Juu tena, anomanta, ba tɔɔɡe ɡbeni la dɛ laa karɛ ba nɛ. Belaa ba ŋɔ ba nyiŋi, dɛ Yeesu baa che ba baah dɛ ŋɔ, “Kórowii tɛ heyaa bosɔɔhna.”#Jɔn 16:20-22 20Waa bol ɡɛ la, o kpɔ o nɔɔra ne o loŋi baɡ ba, asɛ ba sie lɛ kohona kɛŋɔ baa na ba Dɔɔ la.
21Yeesu berɔ bol ja ŋɔ, “Kórowii tɛ heyaa bambisɔɔhna. Gɛ n Mɛɛ aa tom mɛ la, ɡɛɛ n ɡe ɛɛ tomɛ heya.” 22Waa bol ɡɛ tonɛ la, o hweero ta ba nɛɛ dɛ ŋɔ, “Hé lɛ Korowii Domadɛɛɡe la. 23Dɛ he ŋɔ Korowii kpɔ nɛra wechɔɡa kɛ ba aa, wɛɛ kpɔɔ kɛ ba, kɛ dɛ he ŋɔ Korowii bɛ nɛra wechɔɡa kpɔ kɛ ba aa, aa do ba nɛɛ.”
Yeesu ne Tɔmas
24Dɛ Tɔmas baa dɛ yerɔ Kpar o ɛ Yeesu habɔteŋra la bini bɛl la toole o bala la be ɡɛ saŋ Yeesu aa ba bela la. 25Anomanta, dɛ ba dɛ bol o be ŋɔ, “Ya na ya Dɔɔ la.”
Asɛ o chaŋ ba ŋɔ, “Dɛ n te ta dadowɛre la buɡe aa lɔ o nɔɔra ta la nae, dɛ kpɔ n nonii do bela, dɛ berɛ kpɔ n nɔn do o loŋi bela baa kpɔ lampea yaɡɛ la aa, maa waa nɔɔ yarada.”
26A yawanyoa la, Yeesu habɔteŋra la berɔ ba cheme dea la bini ja, dɛ Tɔmas ja ba nɛ. Ba kaɡre dea la ɡbeni, kɛ Yeesu baa jo che ba baah, dɛ ŋɔ, “Kórowii tɛ heyaa bambisɔɔhna!” 27Asɛ dɛ ŋɔ Tɔmas be ŋɔ, “Kpɔ he nonii ba do n nɔɔra bɔɔne la ta, dɛ́ kpɔ he nɔn do n loŋi bɔɔ la ɡe ta, dɛɛ yarada mɛ, dɛ́ ɡel aahna aahna la haa dɛ ɛ la.”
28Asɛ Tɔmas ŋɔ, “N Dɔɔ, n Korowii!”
29Belaa Yeesu ŋɔ o be ŋɔ, “Haa na mɛ nɔ waa he yarada mɛ nɔ kɛɛ? Nɛra baa wola men nae dɛ yarada mɛ la, ba na som.”
30Nyokpowaa Yeesu aa ɛa o habɔteŋra la siwi ta warɔ taeh. A bwa laa n chwerɛ do tɔn nɔ bini. 31Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.#1Jɔ 5:13
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.