Sòm 89:46-52

(47) Senyè, jouk kilè w'ap rete kache pou nou pa wè ou? Gen lè se pou tout tan! W'ap kite kòlè ou boule nou tankou dife? (48) Senyè, chonje moun pa anyen, lavi yo kout. Chonje se ou ki kreye tout moun pou yo tounen pousyè. (49) Eske gen moun ki ka san l pa janm mouri? Kisa yon moun ka fè pou l pa janm al anba tè? (50) Senyè, kote sa ou te fè nan tan lontan pou fè nou wè jan ou renmen nou an? Kote tout bèl pwomès ou te fè David yo? (51) Senyè, pa bliye jan y'ap pase sèvitè ou yo nan betiz! Pa bliye jan moun lòt nasyon yo ap joure mwen! (52) Senyè, pa bliye jan lènmi ou yo ap joure, jan y'ap joure wa ou te chwazi a kote l pase. (53) Ann toujou fè lwanj Senyè a! Wi, se vre! Amèn!