Sòm 86:1-7

(1b) Senyè, tanpri panche zòrèy ou bò kote m, reponn mwen, paske se yon pòv malere san sekou mwen ye. Pa kite m mouri, paske mwen fè tou sa ou mande m fè. Bondye mwen, delivre m non, paske se ou menm m'ap sèvi, se nan ou menm sèl mwen mete konfyans mwen. Gen pitye pou mwen, Senyè, paske se tout lajounen m'ap kriye nan pye ou! Fè kè sèvitè ou la kontan, Senyè, paske se ou menm mwen rele lè m'ap lapriyè! Senyè, ala bon ou bon! Ou padonnen peche nou yo. Ou p'ap janm sispann renmen moun k'ap rele non ou. Senyè, koute m non lè m'ap lapriyè! Tande m non lè m'ap rele mande sekou! Lè m nan tray, se ou menm mwen rele, paske ou toujou reponn mwen.