Nonb 12:10-15

Nyaj la leve anwo tant lan, l ale. Menm lè a, yon sèl maladi tonbe sou Miryam: tout po kò l vin blanch kou koton. Arawon gade Miryam, li wè Miryam te kouvri ak bouton sou tout po li. Arawon di Moyiz konsa: — Tanpri, mèt mwen. Pa kite nou peye pou sa nou fè a. Tèt nou pat la! Tanpri, pa kite Miryam tounen tankou yon tibebe ki fèt tou mouri ak tout mwatye nan kò l manje. Se konsa, Moyiz rele nan pye Bondye, li di l konsa: — Bondye, tanpri, geri l non! Men, Senyè a di Moyiz: — Si se te papa li ki te krache nan figi li, li t'ap blije pote wont la pandan sèt jou, pa vre? Enben se pou yo fèmen li poukont li pandan sèt jou yon kote deyò limit kan an. Apre sa, y'a kite li retounen. Yo fèmen Miryam pou kont li pandan sèt jou yon kote andeyò limit kan an. Pèp la pat leve pati toutotan yo pat kite Miryam tounen nan kan an ankò.