Jòb 14:1-9

Nou menm moun, se nan vant fanm nou sòti. Lavi nou kout, men li pa manke traka! Nou parèt tankou yon flè. Epi lamenm nou fennen. Nou disparèt tankou yon nyaj k'ap pase. Epi, Bondye, se sa w'ap louvri je ou gade. Se sa w'ap fè kanpe devan ou pou jije l? Ki moun ki ka fè dlo pwòp sòti nan yon sous sal? Pèsonn moun. Tan chak moun gen pou l viv la fikse deja depi lontan. Kantite mwa li gen pou l viv la, se nan men ou sa rete. Anyen pa ka chanje. Tanpri, wete je ou sou mwen. Kite m pran yon ti souf. Tankou moun ki fin pase yon jounen ap travay di, kite m pran yon ti kanpo. Toujou gen yon ti espwa pou yon pyebwa. Yo te mèt koupe l, l'ap toujou pouse ankò, li p'ap mouri. Rasin li yo te mèt fin vye nan tè a, bout chouk la te mèt fin chèch, depi li jwenn dlo, l'ap boujonnen, l'ap pouse kreyòl.