Jeremi 25:32-38

Senyè ki gen tout pouvwa a di: — Malè a pral tonbe sou nasyon yo yonn apre lòt, yon gwo van tanpèt ap moute sòti nan bout latè. Jou sa a, depi yon bout latè rive lòt bout la, se va kadav moun Senyè a pral touye. P'ap gen pèsonn pou kriye pou yo, pèsonn pou ranmase yo atè a, pèsonn pou antere yo. Kadav yo va tounen fimye atè a. Nou menm chèf ki reskonsab pèp la, rele anmwe, woule kò nou atè. Lè a rive pou yo koupe tèt nou. Yo pral gaye nou. Nou pral tonbe atè. Nou pral kraze tankou bèl potich ki koute chè. P'ap gen kote pou chèf yo al kache. P'ap gen kote pou moun ki reskonsab pran swen pèp la ka ale pou yo jwenn pwoteksyon. Y'ap tande chèf yo ap rele, y'ap tande yo ap rele anmwe, paske Senyè a pral ravaje peyi yo. Tout bèl peyi yo pral tounen mazi, paske Senyè a move anpil. Tankou yon lyon ki kouri kite twou li, tout moun ap mete deyò. Peyi a pral tounen yon dezè apre lagè san manman sa a, apre gwo kòlè Senyè a.