Ezayi 44:1-5

Senyè a di ankò: — Koute m byen kounyeya, nou menm fanmi Jakòb, sèvitè m yo, nou menm pèp Izrayèl mwen te chwazi pou mwen an. Men sa Senyè ki te kreye nou an, Senyè k'ap ede nou depi nan vant manman nou an, di: — Nou pa bezwen pè anyen, nou menm fanmi Jakòb, sèvitè m yo, nou menm pèp Jechouwoun mwen te chwazi pou mwen an. M'ap vide dlo sou tè sèk la. M'ap fè sous dlo koule nan dezè a. M'ap bay pitit nou yo pouvwa lespri mwen. M'ap voye benediksyon m sou pitit pitit nou yo. Yo pral pouse tankou zèb ki jwenn lapli, tankou banbou bò larivyè. Yonn apre lòt, moun yo pral di: — Se pou Senyè a mwen ye! Y'a vin mete tèt yo ansanm ak fanmi Jakòb yo. Yo tout pral make non Senyè a nan pla men yo. Y'a di se moun pèp Izrayèl la yo ye tou.