Jenèz 49:29-33

Apre sa, Jakòb ba yo lòd sa a: — Mwen menm, mwen pral jwenn zansèt mwen yo. Antere m' kote yo antere yo nan kavo ki nan jaden Efwon, moun Et la, nan twou wòch ki nan jaden Makpela a, anfas Manmre, nan peyi Kanaran. Se Abraram ki te achte twou wòch sa a ak tout jaden an nan men Efwon, moun Et la, pou sèvi l simityè. Se la yo te antere Abraram ak Sara, madanm li. Se la yo te antere Izarak ak Rebeka, madanm li. Se la tou mwen te antere Leya. Se nan men mesye Et yo nou te achte jaden an ak tout twou wòch ki sou li a. Lè Jakòb fin pale konsa ak pitit gason l yo, li lonje kò l sou kabann lan, li mouri, l'al jwenn fanmi li yo ki te mouri deja.