Jenèz 17:1-4

Lè Abram rive sou katrevendisnevan laj, Senyè a parèt devan l, li di l konsa: — Mwen se Bondye ki gen tout pouvwa a. Se pou ou toujou fè sa m di ou fè. Se pou ou mennen yon lavi san repwòch. M'ap pase yon kontra avè ou, m'ap ba ou anpil anpil pitit pitit. Lè sa a, Abram mete ajenou, li bese tèt li jouk atè. Bondye pale avè l ankò, li di l: — Men kontra m'ap pase avè ou la. W'ap zansèt moun anpil nasyon.