Jenèz 13:1-4

Abram kite peyi Lejip, li moute nan nò, li tounen nan rejyon Negèv la, ansanm ak madanm li avèk tou sa li genyen. Lòt, neve l la, te avèk li tou. Abram te rich anpil, li te gen anpil mouton, anpil kabrit ak anpil bèf, li te gen anpil lajan ak anpil lò. Li vwayaje toujou jouk li kite Negèv la dèyè. Bout pou bout li rive bò Betèl, kote li te moute tant li anvan an, ant lavil Betèl ak lavil Ayi. Li tounen kote li te moute yon lotèl premye fwa a. Li fè sèvis pou Bondye ankò.