Egzòd 36:4-7

Lè sa a, tout bòs atizan ki t'ap travay pou kay Bondye a kite travay yo t'ap fè a, yo vin jwenn Moyiz. Yo di l konsa: — Pèp la pote depase sa nou bezwen pou nou fini ak travay Senyè a te bay lòd fè a. Lè sa a, Moyiz fè pibliye lòd sa a nan tout kan an: — Pèsonn, ni gason ni fanm, pa bezwen pote okenn ofrann pou kay Bondye a ankò. Se konsa, yo te fè moun yo sispann pote lòt ofrann. Sa yo te pote deja a te menm twòp pou travay ki te gen pou fèt la.