Egzòd 30:22-25

Senyè a di Moyiz ankò: — Pran pi bon plant santi bon ki genyen: ven liv lami, dis liv kannèl bon kalite, dis liv fèy sitwonèl, ven liv kas. W'a mezire yo dapre mezi yo sèvi nan kote ki apa pou Bondye a. W'a pran tou senk ka lwil oliv. Avèk tou sa, w'a fè yon lwil jan moun ki konn fè odè a fè. Lwil sa a va sèvi pou konsakre moun pou sèvis Bondye. Se ak lwil sa a w'a sèvi pou konsakre moun osinon nenpòt bagay pou sèvis Bondye.