Eklezyas 10:16-20

Ala malè pou yon peyi lè li gen yon timoun alatèt li, lè chèf li yo tonbe nan manje depi granmaten. Men, ala bon sa bon pou yon peyi lè wa a se moun ki sòti nan bon ras, lè chèf li yo manje lè pou yo manje pou yo ka jwenn fòs, epi ki pa lage kò yo nan banbòch. Lè yon moun twò parese pou l repare kay li, twati a ap koule, fetay la ap tonbe. Yo fè resèpsyon pou yo pran plezi yo, yo bwè diven pou fè kè yo kontan, men se lajan ki penmèt yo fè tou sa. Pa kritike yon wa, pa menm nan kè ou. Pa kritike rich yo, pa menm anndan chanm ou. Paske, raje gen zòrèy.