2 Samyèl 22:30-35

Avè ou, mwen fonse sou bann lènmi m yo ki ame jouk nan dan. Avè ou, mwen eskalade miray ki sèvi yo defans. Bondye o! Tou sa ou fè bon nèt ale. Ou pa gen de pawòl. Ou pwoteje tout moun ki chache pwoteksyon anba zèl ou. Ki moun ki Bondye si se pa Senyè a? Ki moun ki defans nou si se pa Bondye nou an? Se Bondye ki pwoteje m avè fòs li. Li fè m mennen yon lavi san repwòch. Li asire pye m tankou pye kabrit, li fè m mache sou mòn yo san m pa tonbe. Li moutre m jan pou m goumen. Li ban m fòs pou m sèvi ak pi gwo banza ki genyen.