MARK 15
15
Jisu Pilat Mav khou Dingmei
(Met 27.1-2,11-14; Luk 23.1-5; Jhn 18.28-38)
1Tinggaanc pat rappui lev amuh daihmei nunc tei gaanvthaih nunc, Riakdanv dinhpouc nunc khatni peimei guay lev kaphianh kariu the, kumna kaniw rui Jisu ta karakcna zay tatna Pilat khou tiilou the.
2Khoutei, “Nang Jihudimei guangc cho?” twna Pilat rui Jisu khou thanv the.
“Ngguay, nang rui samei tei the,” twna Jisu rui mundaw the.
3Khoutei amuh daihmei nunc tei rui kakhuay mpeyna nkhamlouna sa the. 4Kum tina Pilat rui kakhou sa dat re, “Nang daw khang maek khe nah cho? Nang khuay hei zu kaniw rui nkhamlou bammei hei zauc lo!”
5Tiki Jisu lat baihmei daw katwan mak khe. Khoutei Pilat tei ngak the.
Jisu ta Swluai khang Latdanv Patmei
(Met 27.15-26; Luk 23.13-25; Jhn 18.39—19.16)
6Mi ngai khou tei meic nunc rui ney neymei kangkai khou bammei gaanv khat ta mpat pat raph rap bam khwan e. 7Guanghdic ruc khou rihthauna meicdowmei, kangkai khou bangclou bammei nunc pang khou kazanc Barabbas twna kawmeipu bam khwan e. 8Kumna meic kangdai tei tat kuna kaniw khou swlou raph rap bammei tei swlou khang Pilat khou sa the.
9Khoutei Pilat rui mundawna, “Ai rui nangniw khang Jihudimei guangc ti hei mpatloumei ta nangniw kahaw bu cho?” twna sa the. 10Kalam thu amuh daihmei nunc tei rui kata howtina tii kumei tuang e twmei kamei thay khwan e. 11Tiki Barabbas ta ti-mpatlou khang amuh daihmei nunc tei rui meic nunc ta kathouhlou the.
12“Kum e thei, nangniw rui Jihudimei guangc twna kawmeipu ti hei ai rui tabui sw o twna cho?” twna Pilat rui kaniw khou thanv the.
13Khoutei, “Kata kros khou thaengcluai nina de!” twna kaniw rui kauc the.
14“Tabui zaeng cho? Kamei tabui tuang simei taanclou thena cho?” twna Pilat rui kaniw khou sa the.
Tiki ranv hay hayna, “Kata kros khou swluai nina de!” twna kaniw rui kauc the.
15Khoutei Pilat rui meic nunc ta tei tipianlou nii lana Barabbas ta mpatlou the, kumna Jisu ta tikathamv kasiclouna kros khou thaengcluai khang tii pat the.
Jisu ta Rihmei nunc rui Sinnuimei
(Met 27.27-31; Jhn 19.2-3)
16Mi khou tei rui Jisu ta rihmei nunc rui Pretorium#Mi hei Rommei guangckai zanc e. khou zay gutna rihmei kang kapwm ta kaw kaduai the. 17Khoutei kaniw rui kakhou haengcmumhmei phey hwamlouna khatni sauh luai pykhim kasiatcna kakhou runlou the. 18Kumna, “dwan gay o, Jihudimei guangc,” twna sa the. 19Kumna kaniw guay tei rui kapy khou ntou bungc rui kagit the khatni kakhou nteih nsuklou the, kumna tangkhungh keyna kalum the. 20Mi kumcna kaniw rui kata sinnui tang lana, haengcmumhmei phey tei laa pat lana katuang phey piulou dat the. Kumna kata kros khou thaengcluai khang zay pat the.
Jisu ta Kros khou Thaengcluaimei
(Met 27.32-44; Luk 23.26-43; Jhn 19.17-27)
21Khoutei Alekzandar lev Rupa pu, kazanc Simon twna kawmeipu, karamc Kurini thangc rui nggin guangmeipu ta ariw lana, Jisu tuang kros puanh khang kaniw rui kata nym the.#Rom 16.13 22Kaniw rui Jisu ta Golgotha (mi kabac thu Pyrou bamv twna e) twmei bamv khou nduangh guang the. 23Khoutei mir loumei drakha zouc kaniw rui kakhang tii the, tiki kamei hei tei zangv mak ge. 24Khoutei kaniw rui kata kros khou thaengcluai the, kumna katuang pheybaan guay tei kaniw san zaucna nzanh the.#Kal 22.18
25Kaniw rui kata kros khou thaengcloumei tei laukhwan ganvdak chakiu khou e.
26Kakhou nkhamloumei khuay: “Jihudimei Guangc” twmei tei karuc khou hylou the. 27Kumna kwamtumei gaanv nei ta ni kaniw rui Jisu tuang baanzat baandaw thangc mi khou tei thaengc nchamclou the. 28(Kumna kata nkhuai mbamei pang khou kasing phuc kariulou the, twna nthanmei latrik khou hyloumei tei tipat nthuihlou the.)#Baanhhy baibal asaekc khou thu kathaek 28 lat hei maek ge.
29Mi khou tei tat kalw bammei nunc kata matevna, kaniw py kangana, “Ravkai ra keyna zaeng neih thumh khou sw thau dat nimeipu,#Kal 22.7; 109.25; Mrk 14.58; Jhn 2.19 30kros khou rui keyna nang rana nang ta kan damc bu cho!” twna sa the.
31Hei tei kumcna, amuh daihmei nunc khatni Riakdanv dinhpouc nunc tei ni sinnuina khat khat khou sa the, “Meickai ta thu kamei kanlou lana, karana kata thu kan ngam mak khe! 32Aniw howna lwm khang, Isaraelmei guangc Khrista kiu kros khou rui key tho!”
Kamei lev kros khou thaengc nchamc bammei nei tei rui ni kata sinnui the.
Jisu Theihmei
(Met 27.45-56; Luk 23.44-49; 19.28-30)
33Kalaanv ganvdak ruhna kanei khou mi kandic kapwm tei zingc guangna tingzyn ganvdak kathumh nganv zingc the. 34Mi ganvdak khou tei Jisu rui kauc ranvna, “Eloi, Eloi, Lama Sabakthani?” twna kauc pat the. Mi kabac kiu thu, “ARacguangc, ARacguangc, tabui swna nang ata mpatlou tu cho?” twna e.#Kal 22.1
35Kadaeng khou ding bammei gaanvsaekc rui hei tei chu lana, “Zauclo, kamei Elija ta kaw bam e!” twna sa the.
36Khoutei gaanv khat drakha zouc khianghmei khou langhpanv kumhmei akhat ntin lana ntou zwan twan khou louna pak guangna Jisu khang tii the. Khoutei, “Nkhwan o, kata laa key khang Elija kiu guang puni ny zauc kho!” twna sa the.#Kal 69.21
37Tiki Jisu tei kauc ranvna kauc patlouna kabuc tut kan the.
38Khoutei Ravkai tuang khamvthingh phey tei kapy ruc thangc rui kandih ana nganv, kanei khang siat kaek kan the.#Tat 26.31-33 39Kadaeng khou ding bammei rihpypu tei, mi kumcna kabuc tut kanmei#kauclouna kabuc tut kanmei twna baanhhy baibal asaekc khou hylou e. ta tei how lana, “Kalingna kamei hei Ravguangc Nac Mpouh lana di the!” twna sa the.
40Khoutei, ntumei nunc ni duh thangc rui phaengc bam khwan e. Mi nunc pang khou kiu, Magadaleni Meri, Jakob alaucmei lev Josi pui Meri khatni Solomi kazauh khwan e.#Luk 8.2-3 41Mi nunc hei kamei Galili khou bammei douc rui kathei lay tatna kasiamruai sw bammei nunc e. Kathei Jerusalem khou lay nganghmei pui nunc mpeyna ni mi khou tei kazauh the.
Jisu ta Mbeihloumei
(Met 27.57-61; Luk 23.50-56; Jhn 19.38-42)
42Tingzyn key pwkhou, (hei tei chamdaanvmei tingmik twmei thu nthuanh thauna Sabbathneic nimei tingmik tina,) 43pei khou chakhwang sw bammeipu khatni Ravguangc guangcdic ta agwnna bammeipu Arimathiamei Josep guangna, baucna Pilat daeng thangc tatna Jisu pumc tei ney the. 44Khoutei Jisu tei theic the twmei chu la khou, Pilat tei ngak the. Kumna rihpy ta tei kawna Jisu tei theihmei kanak the ny twmei thanv the. 45Kumna rihpy khou tei rui thay nthan lana kapumc tei Josep khou tiilou the. 46Pheynuaihna mphwanmei liuna, kapumc tei laa keyna, mi phey tei rui kazihlou the. Kumna ntauh khou langcloumei tarou lang khou lou the. Mi tarou kaimun tei ntauh rui luangc thingclou the. 47Kata mbeihlou kanmei bamv tei Magadaleni Meri lev Josi pui Meri how khwan e.
Chwazi Kounye ya:
MARK 15: RONGBSI
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
MARK 15
15
Jisu Pilat Mav khou Dingmei
(Met 27.1-2,11-14; Luk 23.1-5; Jhn 18.28-38)
1Tinggaanc pat rappui lev amuh daihmei nunc tei gaanvthaih nunc, Riakdanv dinhpouc nunc khatni peimei guay lev kaphianh kariu the, kumna kaniw rui Jisu ta karakcna zay tatna Pilat khou tiilou the.
2Khoutei, “Nang Jihudimei guangc cho?” twna Pilat rui Jisu khou thanv the.
“Ngguay, nang rui samei tei the,” twna Jisu rui mundaw the.
3Khoutei amuh daihmei nunc tei rui kakhuay mpeyna nkhamlouna sa the. 4Kum tina Pilat rui kakhou sa dat re, “Nang daw khang maek khe nah cho? Nang khuay hei zu kaniw rui nkhamlou bammei hei zauc lo!”
5Tiki Jisu lat baihmei daw katwan mak khe. Khoutei Pilat tei ngak the.
Jisu ta Swluai khang Latdanv Patmei
(Met 27.15-26; Luk 23.13-25; Jhn 18.39—19.16)
6Mi ngai khou tei meic nunc rui ney neymei kangkai khou bammei gaanv khat ta mpat pat raph rap bam khwan e. 7Guanghdic ruc khou rihthauna meicdowmei, kangkai khou bangclou bammei nunc pang khou kazanc Barabbas twna kawmeipu bam khwan e. 8Kumna meic kangdai tei tat kuna kaniw khou swlou raph rap bammei tei swlou khang Pilat khou sa the.
9Khoutei Pilat rui mundawna, “Ai rui nangniw khang Jihudimei guangc ti hei mpatloumei ta nangniw kahaw bu cho?” twna sa the. 10Kalam thu amuh daihmei nunc tei rui kata howtina tii kumei tuang e twmei kamei thay khwan e. 11Tiki Barabbas ta ti-mpatlou khang amuh daihmei nunc tei rui meic nunc ta kathouhlou the.
12“Kum e thei, nangniw rui Jihudimei guangc twna kawmeipu ti hei ai rui tabui sw o twna cho?” twna Pilat rui kaniw khou thanv the.
13Khoutei, “Kata kros khou thaengcluai nina de!” twna kaniw rui kauc the.
14“Tabui zaeng cho? Kamei tabui tuang simei taanclou thena cho?” twna Pilat rui kaniw khou sa the.
Tiki ranv hay hayna, “Kata kros khou swluai nina de!” twna kaniw rui kauc the.
15Khoutei Pilat rui meic nunc ta tei tipianlou nii lana Barabbas ta mpatlou the, kumna Jisu ta tikathamv kasiclouna kros khou thaengcluai khang tii pat the.
Jisu ta Rihmei nunc rui Sinnuimei
(Met 27.27-31; Jhn 19.2-3)
16Mi khou tei rui Jisu ta rihmei nunc rui Pretorium#Mi hei Rommei guangckai zanc e. khou zay gutna rihmei kang kapwm ta kaw kaduai the. 17Khoutei kaniw rui kakhou haengcmumhmei phey hwamlouna khatni sauh luai pykhim kasiatcna kakhou runlou the. 18Kumna, “dwan gay o, Jihudimei guangc,” twna sa the. 19Kumna kaniw guay tei rui kapy khou ntou bungc rui kagit the khatni kakhou nteih nsuklou the, kumna tangkhungh keyna kalum the. 20Mi kumcna kaniw rui kata sinnui tang lana, haengcmumhmei phey tei laa pat lana katuang phey piulou dat the. Kumna kata kros khou thaengcluai khang zay pat the.
Jisu ta Kros khou Thaengcluaimei
(Met 27.32-44; Luk 23.26-43; Jhn 19.17-27)
21Khoutei Alekzandar lev Rupa pu, kazanc Simon twna kawmeipu, karamc Kurini thangc rui nggin guangmeipu ta ariw lana, Jisu tuang kros puanh khang kaniw rui kata nym the.#Rom 16.13 22Kaniw rui Jisu ta Golgotha (mi kabac thu Pyrou bamv twna e) twmei bamv khou nduangh guang the. 23Khoutei mir loumei drakha zouc kaniw rui kakhang tii the, tiki kamei hei tei zangv mak ge. 24Khoutei kaniw rui kata kros khou thaengcluai the, kumna katuang pheybaan guay tei kaniw san zaucna nzanh the.#Kal 22.18
25Kaniw rui kata kros khou thaengcloumei tei laukhwan ganvdak chakiu khou e.
26Kakhou nkhamloumei khuay: “Jihudimei Guangc” twmei tei karuc khou hylou the. 27Kumna kwamtumei gaanv nei ta ni kaniw rui Jisu tuang baanzat baandaw thangc mi khou tei thaengc nchamclou the. 28(Kumna kata nkhuai mbamei pang khou kasing phuc kariulou the, twna nthanmei latrik khou hyloumei tei tipat nthuihlou the.)#Baanhhy baibal asaekc khou thu kathaek 28 lat hei maek ge.
29Mi khou tei tat kalw bammei nunc kata matevna, kaniw py kangana, “Ravkai ra keyna zaeng neih thumh khou sw thau dat nimeipu,#Kal 22.7; 109.25; Mrk 14.58; Jhn 2.19 30kros khou rui keyna nang rana nang ta kan damc bu cho!” twna sa the.
31Hei tei kumcna, amuh daihmei nunc khatni Riakdanv dinhpouc nunc tei ni sinnuina khat khat khou sa the, “Meickai ta thu kamei kanlou lana, karana kata thu kan ngam mak khe! 32Aniw howna lwm khang, Isaraelmei guangc Khrista kiu kros khou rui key tho!”
Kamei lev kros khou thaengc nchamc bammei nei tei rui ni kata sinnui the.
Jisu Theihmei
(Met 27.45-56; Luk 23.44-49; 19.28-30)
33Kalaanv ganvdak ruhna kanei khou mi kandic kapwm tei zingc guangna tingzyn ganvdak kathumh nganv zingc the. 34Mi ganvdak khou tei Jisu rui kauc ranvna, “Eloi, Eloi, Lama Sabakthani?” twna kauc pat the. Mi kabac kiu thu, “ARacguangc, ARacguangc, tabui swna nang ata mpatlou tu cho?” twna e.#Kal 22.1
35Kadaeng khou ding bammei gaanvsaekc rui hei tei chu lana, “Zauclo, kamei Elija ta kaw bam e!” twna sa the.
36Khoutei gaanv khat drakha zouc khianghmei khou langhpanv kumhmei akhat ntin lana ntou zwan twan khou louna pak guangna Jisu khang tii the. Khoutei, “Nkhwan o, kata laa key khang Elija kiu guang puni ny zauc kho!” twna sa the.#Kal 69.21
37Tiki Jisu tei kauc ranvna kauc patlouna kabuc tut kan the.
38Khoutei Ravkai tuang khamvthingh phey tei kapy ruc thangc rui kandih ana nganv, kanei khang siat kaek kan the.#Tat 26.31-33 39Kadaeng khou ding bammei rihpypu tei, mi kumcna kabuc tut kanmei#kauclouna kabuc tut kanmei twna baanhhy baibal asaekc khou hylou e. ta tei how lana, “Kalingna kamei hei Ravguangc Nac Mpouh lana di the!” twna sa the.
40Khoutei, ntumei nunc ni duh thangc rui phaengc bam khwan e. Mi nunc pang khou kiu, Magadaleni Meri, Jakob alaucmei lev Josi pui Meri khatni Solomi kazauh khwan e.#Luk 8.2-3 41Mi nunc hei kamei Galili khou bammei douc rui kathei lay tatna kasiamruai sw bammei nunc e. Kathei Jerusalem khou lay nganghmei pui nunc mpeyna ni mi khou tei kazauh the.
Jisu ta Mbeihloumei
(Met 27.57-61; Luk 23.50-56; Jhn 19.38-42)
42Tingzyn key pwkhou, (hei tei chamdaanvmei tingmik twmei thu nthuanh thauna Sabbathneic nimei tingmik tina,) 43pei khou chakhwang sw bammeipu khatni Ravguangc guangcdic ta agwnna bammeipu Arimathiamei Josep guangna, baucna Pilat daeng thangc tatna Jisu pumc tei ney the. 44Khoutei Jisu tei theic the twmei chu la khou, Pilat tei ngak the. Kumna rihpy ta tei kawna Jisu tei theihmei kanak the ny twmei thanv the. 45Kumna rihpy khou tei rui thay nthan lana kapumc tei Josep khou tiilou the. 46Pheynuaihna mphwanmei liuna, kapumc tei laa keyna, mi phey tei rui kazihlou the. Kumna ntauh khou langcloumei tarou lang khou lou the. Mi tarou kaimun tei ntauh rui luangc thingclou the. 47Kata mbeihlou kanmei bamv tei Magadaleni Meri lev Josi pui Meri how khwan e.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.