LEVITHOUC 1
1
Kapwm Rawna Khaengmei
1 Ringhpouc rui Mousi ta Ringhpouc tuang kalummei pheykai khou rui kawna kabangc khou hyloumei 2Isaraelmei rui khaeng pwkhou taanc nimei riak guay hei dinclou the.
Thowkumhmei rui khouringh khaeng pwkhou, guaih pwni, lauziu pwni, ziuh pwni khaeng nuh e. 3Kamei rui guaih rawna khaengpui ganv khou, hiaksuimei guaituamchic khaeng nina e. Ringhpouc rui kata laalou diu khang kamei rui hei tei Ringhpouc tuang kalummei pheykai kaimun khou guangna katlou nina e. 4Mipu tei rui mi guaichic py khou tei kabaanc mbaenglou pwkhou, hei tei kapaap kuaklou khang katloumei ravkhaeng puat swna laalou puni. 5Kamei guaituamchic tei mi bamv khou tei dowluai nina the, kumna Aron kaikhwangmei amuh nunc rui zei tei Ringhpouc khang katlou lana kalummei pheykai kaimun daeng khou naimei ravchapaeng naek padeih khou tei mi zei tei kazinhlou nina e. 6Mi tangv tei kamei rui guaihgic tei luapna dim nina e. 7Amuh nunc tei rui ravchapaeng khou tei thing tei peiclouna mai swthau nina e. 8Zanh bangv guay tei kapy lev kathav kazauhna kaniw rui mai khou tei lou puni the. 9Mipu tei rui kalungcna khatni katan guay tei khiu nina e kumna thouh sw bammei amuh tei rui mi kapwm tei ravchapaeng khou tei raw nina e. Mi hei rawna khaengmei e, mi rym rui Ringhpouc ta tipian e.
10Thowkumhmei rui lauziu kat re thei, hiaksuimei chic kat nina e. 11Kamei rui hei tei ravchapaeng tuang dihpy biak thangc tei swluai nina e, kumna amuh nunc tei rui zei tei ravchapaeng naek padeih khou tei kazinhlou nina e. 12Mipu tei rui dimlou tang pw e thei, thouh sw bammei amuh tei rui kapy khatni kathav kazauhna mi zanc kapwm tei mai khou tei phaiclou nina e. 13Mipu tei rui kalungcna khatni katan guay tei khiulou e thei amuh tei rui mi ravcha tei Ringhpouc khang katlouna mi kapumna tei ravchapaeng khou raw nina e. Mi hei rawna khaengmei e, mi rym rui Ringhpouc ta tipian e.
14Thowkumhmei rui nruay rawna khaeng nii e thei, hei tei akhouhna hamh e thei aphyna nina e. 15Amuh tei rui hei tei ravchapaeng khou katlouna, kaguang karai tapna, kapy tei mai khou raw nina e. Kazei tei ravchapaeng daeng khou tei nzuk keylou nina e. 16Kamei rui kagangv khatni mi khou naimei guay tei laapatna ravchapaeng tuang neihpat biak thangc mbut loumei bamv khou tei hei tei ganclou nina e. 17Kamei rui kaswkaeng kanei tei sinna, kaswkaeng tei thaek tap pat makna kapumc tei phaek raek pat nina e, kumlana mi kapumc kapwm tei ravchapaeng khou tei raw nina e. Mi hei rawna khaengmei e, mi rym rui Ringhpouc ta tipian e.
Chwazi Kounye ya:
LEVITHOUC 1: RONGBSI
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
LEVITHOUC 1
1
Kapwm Rawna Khaengmei
1 Ringhpouc rui Mousi ta Ringhpouc tuang kalummei pheykai khou rui kawna kabangc khou hyloumei 2Isaraelmei rui khaeng pwkhou taanc nimei riak guay hei dinclou the.
Thowkumhmei rui khouringh khaeng pwkhou, guaih pwni, lauziu pwni, ziuh pwni khaeng nuh e. 3Kamei rui guaih rawna khaengpui ganv khou, hiaksuimei guaituamchic khaeng nina e. Ringhpouc rui kata laalou diu khang kamei rui hei tei Ringhpouc tuang kalummei pheykai kaimun khou guangna katlou nina e. 4Mipu tei rui mi guaichic py khou tei kabaanc mbaenglou pwkhou, hei tei kapaap kuaklou khang katloumei ravkhaeng puat swna laalou puni. 5Kamei guaituamchic tei mi bamv khou tei dowluai nina the, kumna Aron kaikhwangmei amuh nunc rui zei tei Ringhpouc khang katlou lana kalummei pheykai kaimun daeng khou naimei ravchapaeng naek padeih khou tei mi zei tei kazinhlou nina e. 6Mi tangv tei kamei rui guaihgic tei luapna dim nina e. 7Amuh nunc tei rui ravchapaeng khou tei thing tei peiclouna mai swthau nina e. 8Zanh bangv guay tei kapy lev kathav kazauhna kaniw rui mai khou tei lou puni the. 9Mipu tei rui kalungcna khatni katan guay tei khiu nina e kumna thouh sw bammei amuh tei rui mi kapwm tei ravchapaeng khou tei raw nina e. Mi hei rawna khaengmei e, mi rym rui Ringhpouc ta tipian e.
10Thowkumhmei rui lauziu kat re thei, hiaksuimei chic kat nina e. 11Kamei rui hei tei ravchapaeng tuang dihpy biak thangc tei swluai nina e, kumna amuh nunc tei rui zei tei ravchapaeng naek padeih khou tei kazinhlou nina e. 12Mipu tei rui dimlou tang pw e thei, thouh sw bammei amuh tei rui kapy khatni kathav kazauhna mi zanc kapwm tei mai khou tei phaiclou nina e. 13Mipu tei rui kalungcna khatni katan guay tei khiulou e thei amuh tei rui mi ravcha tei Ringhpouc khang katlouna mi kapumna tei ravchapaeng khou raw nina e. Mi hei rawna khaengmei e, mi rym rui Ringhpouc ta tipian e.
14Thowkumhmei rui nruay rawna khaeng nii e thei, hei tei akhouhna hamh e thei aphyna nina e. 15Amuh tei rui hei tei ravchapaeng khou katlouna, kaguang karai tapna, kapy tei mai khou raw nina e. Kazei tei ravchapaeng daeng khou tei nzuk keylou nina e. 16Kamei rui kagangv khatni mi khou naimei guay tei laapatna ravchapaeng tuang neihpat biak thangc mbut loumei bamv khou tei hei tei ganclou nina e. 17Kamei rui kaswkaeng kanei tei sinna, kaswkaeng tei thaek tap pat makna kapumc tei phaek raek pat nina e, kumlana mi kapumc kapwm tei ravchapaeng khou tei raw nina e. Mi hei rawna khaengmei e, mi rym rui Ringhpouc ta tipian e.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.