Haˬbaˬkuˆ 3
3
Haˬbaˬkuˆ guiˬ lahˬ shaˇ-euˬ
1Heu-aˬ, Miˬyehˇ gʼaˇ duˬ ngehˬ dah-eu Haˬbaˬkuˆ neh guiˬ lahˬ shaˇ-euˬ dawˬ meh.
2“Sahˬpaˬ Miˬyehˇ nawˬ-euˬ tsawˇ myahˇ,
tsawˇ myahˇ huiˬ-eu ngaˇ ya gaˬ-awˇ,
Sahˬpaˬ Miˬyehˇ nawˇ mˇ-euˬ gaˇ,
ngaˬ-ahˇ zahˬ dui dui leˇ miˇ-a.
Aˇ hu mˇ-euˬ huiˬ-eu gaˇ deuˬ,
iˬ nah paˇ mˇ poˆ nehˬ laꞈ yawˬ.
Nawˇ nui ma pehˇ dui dui ngeh kʼawꞈ,
gʼawˬ shaˬ gaˬ-eu taˬ byehˇ nehˬ laꞈ.
3Eˬdoˬ paw neh Miˬyehˇ oe meh.
Muiˬ-eu shawˇ-eu aˬ dui Miˬyehˇ,
Paˬlaˬ gawˬ jawˬ paw neh oe meh.
Mˬ-ahˇ yaw shehꞈ kʼahˬ sehˇ byah-awˇ,
miˇ tsa ja ceuˬ-eu dawˬ byah meh.
4Mˬ myawꞈ myawꞈ ngeh bya-eu loꞈ-ehˇ,
aˬ yawꞈ oe-eu yaw shehꞈ bya-awˇ,
baoˬ tuˆ zaꞈ-euˬ aˬ laꞈ kʼoeˇ laꞈ,
yaw shehꞈ bya cehˆ ni jaˆ-eu meh.
5Aˬ yawꞈ oe-eu kuiˇ toꞈ mehˬ hu,
naˇ gawˇ gawˇ ma yaw jaw oe-awˇ,
Aˬ yawꞈ iˇ-eu kuiˇ toꞈ mehˬ nah,
shaˆ shiˇ naˇ gawˇ caw teh-eu meh.
6Aˬ yawꞈ naˬ ngeh miˇ luˆ luˆ-awˇ,
aˬ yawꞈ myaˆ haw ciˬ pyawˇ leꞈ ngeh,
miˇ tsaˬ zaˬ yaw dzuˬ dzuˬ-eu meh.
Aˇ hu aˬ yawꞈ cah-euˬ gaˇ ma,
gawˬ jawˬ jawˬ oeˇ deuˬ byaˆ le-awˇ,
gawˬ duˇ duˇ mawˬ coˬ le-eu meh.
7Kuˇshaˬ tsawˇ jeuˬ guˆ dui dui-awˇ,
Miˇdiˬyaˬ tsawˇ haˬ dawˬ tawˆ luꞈ,
yaw dzuˬ dzuˬ gaˇ ngaˇ mawˇ-euˬ ma.
8Sahˬpaˬ Miˬyehˇ nui ma pehˇ-eu,
lawˇ baˬ lawˇ gawˆ kʼoeˇ deuˬ-a loˇ.
Nawˇ nui ma daˆ laˇ ni jahˇ-euˬ,
iˬ ma laˆ shaˆ lah ma-a loˇ.
Kʼoeˇ taˆ mˬ dmˇ-ahˇ nawˇ dziˬ-awˇ,
jaˬ lehˇ lehˇ ma laˆ lawˬ dziˬ-awˇ,
muiˇ-eu deuˬ-ahˇ deuˆ gʼaˬ-euˬ meh.
9Nawˬ-euˬ kaˆ-ahˇ nawˇ ngoꞈ daˆ-awˇ,
kaˆ myaˬ yuˇ daˆ-awˇ loꞈ-eu meh.
Miˇ tsaˬ paˆ-iˇ shaˆ-iˇ jiˇ ni,
lawˇ baˬ neh nawˇ kawˆ paˆ-euˬ meh.
10Gawˬ jawˬ deuˬ nawˬ-ahˇ ya mawˇ ngeh,
guˆ dui dui-awˇ yaw dzuˬ dzuˬ meh.
Mˬ-ahˇ iˇ cuꞈ shehˆ dzeh leꞈ-awˇ,
miˇ oˆ iˇ cuꞈ teˇ saˇ mahˇ-awˇ,
iˇ luˆ dzeh goˇ daˆ leꞈ-eu meh.
11Nawˬ-euˬ kaˆ myaˬ mˬ myawꞈ myawꞈ-awˇ,
nawˬ-euˬ gahˬ naˇ guiˇ guiˇ laˇ gaˇ,
ba la nahˇ ma naˬ leˇ-euˬ meh.
12Nawˇ nui ma pehˇ dui dui laˇ-awˇ,
miˇ tsaˬ nyiˬ tsehˆ-ehˇ iˇ-euˬ meh.
13Nawˬ-euˬ tsawˇ haˬ kʼoeˇ deuˬ hawˇ-eu,
nawˬ neh tseˇ doˆ-euˬ sahˬpaˬ-ahˇ,
ka kʼoꞈ-eu lehˇ nawˇ iˇ-euˬ meh.
Haiˬ-eu sahˬ paˬ-ahˇ kʼoˆ coˬ-awˇ,
gʼaˬ zaˬ gʼaˬ kʼehˇ dawˬ tawˆ luꞈ-ahˇ,
nawˇ laˆ piˬ laˆ byoˆ nehˬ-euˬ meh.
14Cehˆ zaꞈ taˬ-euˬ yaw shaˬ zaˬ-ahˇ,
nyehꞈ dzaˬ-eu lehˇ noeˬ tsoˆ taˬ-awˇ,
jaˬ lehˇ lehˇ zeuˆ loꞈ-ehˇ oe-eu,
guiˇ maꞈ kʼoeˇ maꞈ-euˬ aˬ yuiꞈ-ahˇ,
aˬ yawꞈ-euˬ gahˬ nawˇ yuˇ doˆ-awˇ,
uˬ duˬ joeˬ tsoˆ doˆ nehˬ-euˬ meh.
15Iˬ ma laˆ shaˆ iˇ cuꞈ kʼoeˇ taˆ,
nawˇ mahˬ pyehˬ teh sehˇ doˆ gʼeh ngeh,
boeˇ loeˇ yoˆ yoˆ-ehˇ jaˆ-eu meh.
16Gaˇ kawˆ kʼoeˇ ngaˇ ya gaˬ gʼaˬ ngeh,
gʼawˇ mawˇ mawˇ lah yaw dzuˬ dzuˬ-awˇ,
mehˬ luˬ mehˬ ma shaˬ dehꞈ dehꞈ nya.
Shaˬ yoeˬ shaˬ laꞈ peuˬ-iˇ jiˇ-awˇ,
kuiˇ toꞈ yaˇ laˇ jiˇ-euˬ miˇ-a.
Ngaˬ-ahˇ guiˇ deuˆ le-eu deuˬ-ahˇ,
Miˬyehˇ kʼehˬ nehˬ-eu aˇ nah-ahˇ,
ciˬ cuˇ ni ngaˇ dawˬ luꞈ-eu ma.
17Siˬ guˬ aˇ yehˆ maˬ yehˆ le-ehˇ,
aˬ gaꞈ aˇ siˬ maˬ siˬ le kʼawꞈ,
Saˬ loˬ aˇ siˬ maˬ sahˇ le-ehˇ,
dzaˬ la gʼo cehˇ maˬ za le kʼawꞈ,
ciˬ myehꞈ hawˇ-eu yawˇ shiˇ jiˇ-awˇ,
mawˇ neˇ mawˇ kuˆ ciˬ cuˇ jaˆ kʼawꞈ,
18Sahˬpaˬ Miˬyehˇ pyeuꞈ-eu Miˬyehˇ,
ka kʼoꞈ le gaˇ ngaˇ noeˬ tmˬ-awˇ,
laˬ kʼaˬ cehˇ taˆ ni jawˇ-euˬ ma.
19Sahˬpaˬ Miˬyehˇ ngaˬ-euˬ Miˬyehˇ,
ngaˬ-euˬ gʼaˬ kʼaˆ duˬ pyeuꞈ-eu ma.
Kʼaˬ tsehˆ loꞈ-ehˇ kuiˇ toꞈ ziꞈ-awˇ,
yaw goˇ-ahˇ daˆ keuˆ leˇ nya ni,
aˬ yawꞈ ngaˬ-ahˇ gʼaˬ biꞈ-eu meh.
Chwazi Kounye ya:
Haˬbaˬkuˆ 3: AHK
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Akha Bible Revision (Latin Script) © Thailand Bible Society, 2011.
Haˬbaˬkuˆ 3
3
Haˬbaˬkuˆ guiˬ lahˬ shaˇ-euˬ
1Heu-aˬ, Miˬyehˇ gʼaˇ duˬ ngehˬ dah-eu Haˬbaˬkuˆ neh guiˬ lahˬ shaˇ-euˬ dawˬ meh.
2“Sahˬpaˬ Miˬyehˇ nawˬ-euˬ tsawˇ myahˇ,
tsawˇ myahˇ huiˬ-eu ngaˇ ya gaˬ-awˇ,
Sahˬpaˬ Miˬyehˇ nawˇ mˇ-euˬ gaˇ,
ngaˬ-ahˇ zahˬ dui dui leˇ miˇ-a.
Aˇ hu mˇ-euˬ huiˬ-eu gaˇ deuˬ,
iˬ nah paˇ mˇ poˆ nehˬ laꞈ yawˬ.
Nawˇ nui ma pehˇ dui dui ngeh kʼawꞈ,
gʼawˬ shaˬ gaˬ-eu taˬ byehˇ nehˬ laꞈ.
3Eˬdoˬ paw neh Miˬyehˇ oe meh.
Muiˬ-eu shawˇ-eu aˬ dui Miˬyehˇ,
Paˬlaˬ gawˬ jawˬ paw neh oe meh.
Mˬ-ahˇ yaw shehꞈ kʼahˬ sehˇ byah-awˇ,
miˇ tsa ja ceuˬ-eu dawˬ byah meh.
4Mˬ myawꞈ myawꞈ ngeh bya-eu loꞈ-ehˇ,
aˬ yawꞈ oe-eu yaw shehꞈ bya-awˇ,
baoˬ tuˆ zaꞈ-euˬ aˬ laꞈ kʼoeˇ laꞈ,
yaw shehꞈ bya cehˆ ni jaˆ-eu meh.
5Aˬ yawꞈ oe-eu kuiˇ toꞈ mehˬ hu,
naˇ gawˇ gawˇ ma yaw jaw oe-awˇ,
Aˬ yawꞈ iˇ-eu kuiˇ toꞈ mehˬ nah,
shaˆ shiˇ naˇ gawˇ caw teh-eu meh.
6Aˬ yawꞈ naˬ ngeh miˇ luˆ luˆ-awˇ,
aˬ yawꞈ myaˆ haw ciˬ pyawˇ leꞈ ngeh,
miˇ tsaˬ zaˬ yaw dzuˬ dzuˬ-eu meh.
Aˇ hu aˬ yawꞈ cah-euˬ gaˇ ma,
gawˬ jawˬ jawˬ oeˇ deuˬ byaˆ le-awˇ,
gawˬ duˇ duˇ mawˬ coˬ le-eu meh.
7Kuˇshaˬ tsawˇ jeuˬ guˆ dui dui-awˇ,
Miˇdiˬyaˬ tsawˇ haˬ dawˬ tawˆ luꞈ,
yaw dzuˬ dzuˬ gaˇ ngaˇ mawˇ-euˬ ma.
8Sahˬpaˬ Miˬyehˇ nui ma pehˇ-eu,
lawˇ baˬ lawˇ gawˆ kʼoeˇ deuˬ-a loˇ.
Nawˇ nui ma daˆ laˇ ni jahˇ-euˬ,
iˬ ma laˆ shaˆ lah ma-a loˇ.
Kʼoeˇ taˆ mˬ dmˇ-ahˇ nawˇ dziˬ-awˇ,
jaˬ lehˇ lehˇ ma laˆ lawˬ dziˬ-awˇ,
muiˇ-eu deuˬ-ahˇ deuˆ gʼaˬ-euˬ meh.
9Nawˬ-euˬ kaˆ-ahˇ nawˇ ngoꞈ daˆ-awˇ,
kaˆ myaˬ yuˇ daˆ-awˇ loꞈ-eu meh.
Miˇ tsaˬ paˆ-iˇ shaˆ-iˇ jiˇ ni,
lawˇ baˬ neh nawˇ kawˆ paˆ-euˬ meh.
10Gawˬ jawˬ deuˬ nawˬ-ahˇ ya mawˇ ngeh,
guˆ dui dui-awˇ yaw dzuˬ dzuˬ meh.
Mˬ-ahˇ iˇ cuꞈ shehˆ dzeh leꞈ-awˇ,
miˇ oˆ iˇ cuꞈ teˇ saˇ mahˇ-awˇ,
iˇ luˆ dzeh goˇ daˆ leꞈ-eu meh.
11Nawˬ-euˬ kaˆ myaˬ mˬ myawꞈ myawꞈ-awˇ,
nawˬ-euˬ gahˬ naˇ guiˇ guiˇ laˇ gaˇ,
ba la nahˇ ma naˬ leˇ-euˬ meh.
12Nawˇ nui ma pehˇ dui dui laˇ-awˇ,
miˇ tsaˬ nyiˬ tsehˆ-ehˇ iˇ-euˬ meh.
13Nawˬ-euˬ tsawˇ haˬ kʼoeˇ deuˬ hawˇ-eu,
nawˬ neh tseˇ doˆ-euˬ sahˬpaˬ-ahˇ,
ka kʼoꞈ-eu lehˇ nawˇ iˇ-euˬ meh.
Haiˬ-eu sahˬ paˬ-ahˇ kʼoˆ coˬ-awˇ,
gʼaˬ zaˬ gʼaˬ kʼehˇ dawˬ tawˆ luꞈ-ahˇ,
nawˇ laˆ piˬ laˆ byoˆ nehˬ-euˬ meh.
14Cehˆ zaꞈ taˬ-euˬ yaw shaˬ zaˬ-ahˇ,
nyehꞈ dzaˬ-eu lehˇ noeˬ tsoˆ taˬ-awˇ,
jaˬ lehˇ lehˇ zeuˆ loꞈ-ehˇ oe-eu,
guiˇ maꞈ kʼoeˇ maꞈ-euˬ aˬ yuiꞈ-ahˇ,
aˬ yawꞈ-euˬ gahˬ nawˇ yuˇ doˆ-awˇ,
uˬ duˬ joeˬ tsoˆ doˆ nehˬ-euˬ meh.
15Iˬ ma laˆ shaˆ iˇ cuꞈ kʼoeˇ taˆ,
nawˇ mahˬ pyehˬ teh sehˇ doˆ gʼeh ngeh,
boeˇ loeˇ yoˆ yoˆ-ehˇ jaˆ-eu meh.
16Gaˇ kawˆ kʼoeˇ ngaˇ ya gaˬ gʼaˬ ngeh,
gʼawˇ mawˇ mawˇ lah yaw dzuˬ dzuˬ-awˇ,
mehˬ luˬ mehˬ ma shaˬ dehꞈ dehꞈ nya.
Shaˬ yoeˬ shaˬ laꞈ peuˬ-iˇ jiˇ-awˇ,
kuiˇ toꞈ yaˇ laˇ jiˇ-euˬ miˇ-a.
Ngaˬ-ahˇ guiˇ deuˆ le-eu deuˬ-ahˇ,
Miˬyehˇ kʼehˬ nehˬ-eu aˇ nah-ahˇ,
ciˬ cuˇ ni ngaˇ dawˬ luꞈ-eu ma.
17Siˬ guˬ aˇ yehˆ maˬ yehˆ le-ehˇ,
aˬ gaꞈ aˇ siˬ maˬ siˬ le kʼawꞈ,
Saˬ loˬ aˇ siˬ maˬ sahˇ le-ehˇ,
dzaˬ la gʼo cehˇ maˬ za le kʼawꞈ,
ciˬ myehꞈ hawˇ-eu yawˇ shiˇ jiˇ-awˇ,
mawˇ neˇ mawˇ kuˆ ciˬ cuˇ jaˆ kʼawꞈ,
18Sahˬpaˬ Miˬyehˇ pyeuꞈ-eu Miˬyehˇ,
ka kʼoꞈ le gaˇ ngaˇ noeˬ tmˬ-awˇ,
laˬ kʼaˬ cehˇ taˆ ni jawˇ-euˬ ma.
19Sahˬpaˬ Miˬyehˇ ngaˬ-euˬ Miˬyehˇ,
ngaˬ-euˬ gʼaˬ kʼaˆ duˬ pyeuꞈ-eu ma.
Kʼaˬ tsehˆ loꞈ-ehˇ kuiˇ toꞈ ziꞈ-awˇ,
yaw goˇ-ahˇ daˆ keuˆ leˇ nya ni,
aˬ yawꞈ ngaˬ-ahˇ gʼaˬ biꞈ-eu meh.
Chwazi Kounye ya:
:
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Akha Bible Revision (Latin Script) © Thailand Bible Society, 2011.