ዮናኣሴ ማፃኣፖ ዓይፆ ካሮ
ዓይፆ ካሮ
ፆኦሲ ማሊፆ ኬኤዜ ዮናኣሴ ማፃኣፓ ፆኦሲ ዓይሤ ባኮ ዋይዞ ዒፄ፥ ዮናኣሴይዳ ሄሌ ሜቶ ሃይሴ ኬኤዛያ ማዒፆና ሃንጎ ፆኦሲ ማሊፆ ኬኤዛ ማፃኣፖይዳፓ ዱማዻያኬ። ፆኦሲ ዒማና፦ «ዒስራዔኤሌ ዓሶኮ ሞርኬ ማዒ ናንጋ፥ ዼኤፖ ዓሶኦሬ ካኣቲ ካኣታዺ ዴዒ ዎይሣ ኔኔዌ ካታሞ ዴንዴ!» ጌይ ዮናኣሴ ዓይሤኔ፤ ዮናኣሴ ጋዓንቴ፦ «ፆኦሲ ካታሜሎ ‹ባይዛንዳኔ› ጌይ ዶዲሺ ኬኤዜ ጎይፆ ማዺንዱዋሴ» ጌይ ማሌሢሮ ፆኦሲኮ ኪኢቶ ዔኪ ኔኔዌ ዴንዳኒ ኮይባኣሴ።
ዬካፓ ሚርጌ ባኣዚ ዒዛና ካኣሜም ናሽኪባኣዖ ፆኦሲም ኪኢቲንቲ ኔኔዌ ዴንዳዛ ፆኦሲ ጌዔ ጎይፆ ማዺባኣሢሮ ዒዚ ዻጋዼኔ። ማፃኣፔላ፦ ማዢንቴ ባኮ ቢያይዳ ፆኦሲኮ ቢታንቶ ዓኣሢ ኬኤዛኔ፤ ዬያ ሌሊቱዋንቴ ፆኦሲ ዓሲ ናሽካያና ማኣራ ጎዳ ማዒፆና ፔ ዴሮኮ ሞርኮይዳ ሜቶ ዓጊ ዔያቶ ባይዚፆይዳፓ ዔያቶም ዓቶም ጋዓኒና ዓውሳኒ ናሽካሢ ኬኤዛኔ።
ማፃኣፔላ ዱማ ዱማ ዓርቄ ባኮ
ናንጊና ናንጋ ጎዳ ቤርታፓ ዮናኣሴ ዓኣሺንታኒ ማሌሢ (1፡1-17)
ዮናኣሴ ናንጊና ናንጋ ጎዳ ሺኢቄ ሺኢጲፆ (2፡1-10)
ዮናኣሴኮ ኔኔዌ ዓኣዺፆና ዴሮኮዋ ጎሞ ቡኡፂፆ (3፡1-10)
ዴሮ ፆኦሲ ማኣሬሢሮ ዮናኣሴኮ ዻጎ (4፡1-11)
Chwazi Kounye ya:
ዮናኣሴ ማፃኣፖ ዓይፆ ካሮ: ጌኤ.ማፃ
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Maale Full Bible © 2008 by The Word for the World International and The Bible Society of Ethiopia, 2008.