Logo Aplikasyon Bib
Chache Icon

Marcos 2

2
Ijnko chojni tsíkꞌen to̱té kuito̱he jína
(Mt. 9:1-8; Lc. 5:17-26)
1A̱ndá ó kꞌuatsínka iso ña̱o, ndá Jesús mé xíkjan chꞌan chjasin Capernaum. Ndá ti ó kónohe chojni kixin itjen chꞌan ntiha. 2La tuénxín kónkotsé nchónhña chojni la kjuachahya ti nchia la ko kja̱xin kjuachahya ti ndója nchia kꞌuíxin sin. A̱ndá chꞌin Jesús kjuako ti itan jína kuènté Díos.
3Ndá ikjui noó chojni tinkátsénkí jnko nkexro tsíkꞌen to̱té#2:3 tsíkꞌen to̱té paralítico, 4kjánchó xitjahya kóchjina sin ti itjen Jesús kixin nchónhña chojni siín. La kꞌui̱tꞌótjen sin chritaón ti nchia, la ntiha koxratꞌo̱ sin kixin kꞌuínkaji̱nxi̱n ti si̱níhi ti itjen chꞌin Jesús. 5Ndá ti ó kꞌuíkon chꞌin Jesús kixin chaxín titekaon sin ti jehe chꞌan, la nixje̱he̱ chꞌan ti si̱níhi, ndáchro chꞌan:
―Xje̱eni, ó kjuìin ti ijie̱ chonta.
6Ndá iso ti sin tjako ley tjejótja̱xi̱n ntiha la ikjo sin a̱sén sin, ndáchro sin: 7“¿Nkekuènté xi̱kaha nixja ti nkexro i? Tꞌántaxíhi̱n chꞌan Díos kixin ndáchro chꞌan kixin tja̱tse̱n chꞌan iji̱é chojni; jehó Díos mé chónta kjuachaxin tsja̱tse̱n ijie̱.” 8Ndá chꞌin Jesús nohe nkehe kjuénka̱yáxin sin. La ndáchro chꞌan:
―¿Nkekuènté xi̱kaha tjénka̱yáxinra? 9¿Nkehe a̱ntsí xra̱hya chróndátjan chꞌan: “Ó kjuixin kjuìihan ti ijie̱ chonta”, o̱ á a̱ntsí xra̱hya chróndátjan chꞌan: “Tꞌínkatjen tjatsían ti ka̱ni̱a̱a la sátjia”? 10Méxra̱ ijie tsjáko̱xia̱n kixin ti Xje̱en Díos kꞌóna Chojni la chonta kjuachaxin ntihi chjasintajni tsjakjìihin iji̱é chojni ―ichro chꞌan.
Ndá ndáche chꞌan ti nkexro xitjahya itji:
11―Tꞌínkatjen, tjatsían ti ka̱ni̱a̱a la sátjia ndo̱a.
12Ndá ti si̱níhi la tuénxín kꞌuínkatjen la kjua̱tse̱n ti kania la kꞌuaxrjexín ntiha sákjuí. Landá kaín ti sin siín ntiha kꞌuíkon sin kixin xi̱kaha kóhen la chrákon sin la chjéhe sin Díos kjuasáya la ndáchro sin:
―Kꞌuikonhyéni jnko nkehe xi̱kaha ―ichro sin.
Jesús kꞌuéye̱he̱ Mateo
(Mt. 9:9-13; Lc. 5:27-32)
13A̱ndá chrꞌéxi̱n chꞌin Jesús sákjuí chrínta nda̱ñao ínaá. Ndá kaín chojni kóchjina ndá kjuankíxin kjuako chꞌan. 14Ndá kꞌuatsínka chꞌan ntiha la kꞌuíkon chꞌan Mateo, xje̱en chꞌin Alfeo, tjetja̱xi̱n chꞌan tjenchekjènki̱. Ndá chꞌin Jesús ndáchro:
―Chréhé ti janhan.
Ndá tuénxín kꞌuínkatjen chꞌan la chréhe̱ chꞌan Jesús, la sákjuí sin.
15A̱ndá chrꞌéxi̱n Jesús kjuákꞌe chꞌan ndo̱e chꞌin Mateo, la ntiha kjuajon sin nkehe kjónie chꞌan la ko kja̱xin kjuíji itsjé ti sin nchekjènki̱#2:15 nchekjènki̱ publicanos, cobradores de impuestos la ko kja̱xin íso chojni chónta ijie̱, la kja̱xin kjonieko sin Jesús la ko ti sin kꞌuájiko chꞌan kixin nchónhña chojni chréhe̱ ti jehe chꞌan. 16Ndá ti sin tjako ley la ko ti sin fariseo kꞌuíkon sin kixin chꞌin Jesús tjenieko chꞌan kaín ti sin nchekjènki̱ la ko ti íso sin chónta ijie̱, ndá kjuanchankíhi sin ti sin kꞌuájiko chꞌan, ndáchro sin:
―¿Nkekuènté kixin ti maestro kuèntára la nieko chꞌan la ko tꞌika̱o chꞌan ti sin nchekjènki̱ la ko ti chojni chónta ijie̱?
17Ndá Jesús kuíhin chꞌan nkehe ti itjo sin. La nixje̱he̱ chꞌan sin, ndáchro chꞌan:
―Ti sin níehña la ticháxie̱nhña sin nkexro tsjajon xro̱a̱n. Jehó ti sin níhi mé tichánxi̱hin sin nkexro tsjajon xro̱a̱n. Janhan la kꞌuinkakjéyáhya chojni chóntahya ijie̱; náhí, jehó chojni chónta ijie̱.
Xranchankí kuèntÊ ti niehùa chojni ti ó nixje̹he̹ sin Díos
(Mt. 9:14-17; Lc. 5:33-39)
18Ijnko ña̱o mé ti sin kuékꞌajiko chꞌin Juan Bautista la ko ti sin fariseo mé kjoniehña sin kuenté ña̱o kixin nixje̱he̱ sin Díos. A̱ndá iso sin mé ikui sin ti itjen Jesús la kjuanchankí sin:
―¿Nkekuènté kixin ti sin xriko chꞌin Juan la ko ti sin fariseo la niehña sin ijie kixin chjéhe sin Díos kjuasáya, a̱ndá ti sin xriko̱a la náhí?
19Ndá kjuáte̱he chꞌin Jesús, ndáchro:
―¿Xá jína chrókjoniehña ti chojni tsíkꞌeye̱he̱ sin tso̱chjina ijnko kia ti na̱xa̱ tjejóko sin ti nkexro tsíkóte̱he ní? Ti na̱xa̱ itjen ti nkexro tsíkóte̱he la xitjahya siniehña sin. 20Kjánchó itsi ijnko ña̱o la tsotsé chojni ti nkexro tsíkóte̱he, sátsjiko sin chꞌan, a̱ndá ti ña̱o a la chaxín siniehña sin, tsꞌává sin.
21’Ninkexró tjakꞌeñéhña ijnko ika ó ntaxin itꞌo̱ ika ni̱xin kixin ti ika ni̱xin la chrókjui̱xéhe̱ ndá chrókꞌuichje ti ika ndaxin. 22La kja̱xin ninkexró ti̱ki̱ahya ixran ni̱xin ijnko tjua̱xran ó ndaxin; kixin ti ixran ni̱xin la tsótséchje ti tjua̱xran ndaxin ndá tsꞌitjáña ti ixran la ko ti tjua̱xran kja̱xin. Méxra̱ ti ixran ni̱xin la chrókuikia ijnko tjua̱xran ni̱xin.
Ti sin kꞌuájiko chꞌin Jesús tsétaón iso noatrigo
(Mt. 12:1-8; Lc. 6:1-5)
23 # Dt. 23:25. *Ijnko ña̱o to̱kꞌéhe chojni la Jesús la ko ti sin kꞌuájiko chꞌan mé kꞌuatsínka sin ijnko nonte tsíkꞌínká noatrigo. Landá ti sin kꞌuájiko chꞌan kjuankíxin sin tsétaón sin iso ti noatrigo. 24Ndá iso ti sin fariseo kjuanchankíhi sin ti chꞌin Jesús:
―¿Nkekuènté kixin ti sin xriko̱a la tjejóchꞌe sin ti nkehe kohya kjuachaxin tso̱hen ti ña̱o to̱kꞌéheni?
25Ndá kjuáte̱he chꞌin Jesús, ndáchro:
―¿Á kjui̱nchekuáxinhñara ti xroon chrónka nkehe kjuíchꞌe David la ko ti sin kꞌuájiko chꞌan ti ó ikꞌuén sin kjinta ní? 26#Lv. 24:9.#1Sam. 21:1-6.*Jehe chꞌan mé kꞌuíxehen chꞌan ti nchia kuènté Díos ti ña̱o kꞌue̱to̱an ti ncha̱tꞌá Abiatar, la kjónie chꞌan ti nio̱tja̱ tsíkóñao kuènté Díos, jehó ti sin ncha̱tꞌá kꞌuéchónta kjuachaxin kꞌuékjinie, la kja̱xin chjéhe chꞌan ti sin kꞌuájiko chꞌan kjónie sin.
27Kja̱xin ndáchro chꞌin Jesús:
―Kꞌóna ti ña̱o tso̱kꞌéhe chojni kixin tichánxi̱hin sin, la jehya kixin chrókjuikosáyehe chojni ti ña̱o a. 28A̱ndá ti Xje̱en Díos kꞌóna Chojni mé chónta kjuachaxin tsꞌe̱to̱an nkehe tso̱hen ti ña̱o to̱kꞌéhe chojni ―ichro chꞌin Jesús.

Chwazi Kounye ya:

Marcos 2: poeNTplus

Pati Souliye

Kopye

Konpare

Pataje

None

Ou vle gen souliye ou yo sere sou tout aparèy ou yo? Enskri oswa konekte

Š 2016, Wycliffe Bible Translators, Inc. All rights reserved.

Aprann plis bagay sou El Nuevo Testamento, Salmos y Proverbios

Vèsè popilè nan Bib la ki soti nan

Marcos 2

Bib:

San Juan Atzingo Popoloca

Vèsyon: El Nuevo Testamento, Salmos y Proverbios - poeNTplus

Marcos 2

Chapit Avan yo
Chapit suivan