2 Timoteo 4

1Kjuachaxíen Díos la ko Ìnchéni Jesucristo, ti rey itsi sinchekito̱exín iji̱é kaín ti chojni tjejóchón la ko ti chojni tsíkꞌen, la tétua̱han 2kixin chrókjuàkua ti itén Díos, á siín kjuachaxin o̱ náhí. Nixje̱hé sin kixin tsitekaon sin, nchexraxinkaoan sin la chji̱ñéhña chrókónínkáoan, chrókjuákohé sin nkojína. 3Kixin itsi ti ña̱o í tsotjinkakonhña sin tsihin sin ti nkehe jína, la jehó sichꞌe sin ti nkehe tsjenka̱yáxin sin. La tsjeyá sin ti chojni tsjako ti nkehe tóxríhi̱n sin chrókuihin sin ó. 4La tsíto̱he sin ti nkehe chaxín ndoá, ndá tsitekaon sin ti nkehe chaxínhña. 5Méxra̱ jaha, la nkojína chrókjuakꞌe kjónté chrókjuasótia, la chróchro̱nka ti itan kuènté Díos tsaáxini, la ko jína chrókjuíchꞌe ti ixra̱ kꞌuayéhé.

6Janhan la ó kjuixraká ti ña̱o tsjasótena la ó kjuixraká ti ña̱o itsꞌén janhan. 7Ó kjuixin kjuájo̱nki̱a̱n kaín ti nkehe jínahña, Ó kjuixina ti ixra̱ kuénta̱na, ó kui̱to̱a̱hya kuinkachónkia Ìnchéni. 8A̱ndá ijie la ó tjechóhen ti nkehe tsi̱to̱na kixin jína kjuakꞌé ntihi chjasintajni. Tíha mé tsjajon Ìnchéni ti ña̱o tsjixixín, kixin jehe chꞌan mé ijnko juez jína, la jehya janhuán tsꞌayáha̱ ti nkehe tsjajon chꞌan. Náhí. Kja̱xin kaín ti nkexro titekaon la tjejóchóhen sin kixin tsokjan chꞌan.

Pablo kꞌue̱to̱an tsjijitsjehe Timoteo ti jehe chꞌan

9Chrokóxakohan chrókꞌuinkatsjehé ti janhan 10#Col. 4:14; Flm. 1:24; 2Co. 8:23; Gá. 2:3; Tit. 1:4.*kixin chꞌin Demas la kuíto̱he ti janhan kixin imá kóxríhi̱n chꞌan ti nkehe kuènté chjasintajni la sákjuí chꞌan chjasin Tesalónica. Chꞌin Crescente mé sákjuí chjasin Galacia a̱ndá Tito sákjuí chjasin Dalmacia. 11#Col. 4:14; Flm. 1:24; Hch. 12:12, 25; 13:13; 15:37-39; Col. 4:10; Flm. 1:24.*La jehó chꞌin Lucas mé na̱xa̱ tjéki̱a̱n chꞌan. Méxra̱ tjéyá chꞌin Marcos tsjikuana chꞌan kixin jehe chꞌan mé jína tsjinki̱tsa chꞌan ti ixra̱ tjétꞌa̱ ntihi. 12#Hch. 20:4; Ef. 6:21, 22; Col. 4:7, 8.*A̱ndá chꞌin Tíquico mé kuétua̱ha̱n chꞌan sátsji chꞌan chjasin Éfeso. 13#Hch. 20:6.*Ndá ti ó tsjihá la tsjikuana ti ika tꞌínka̱yate kui̱to̱ha̱ Troas ndo̱e chꞌin Carpo, la ko kja̱xin tsjikuana ti libro kuénta̱na la ko ti íso xroon kui̱to̱ha̱ ntiha.

14 # 1Ti. 1:20; Sal. 62:12; Ro. 2:6. *A̱ndá chꞌin Alejandro, ti nkexro ichꞌe ixra̱ kuènté chika, mé nchónhña nkehe jínahña kjuíchꞌehe chꞌan ti janhan, kjánchó Ìnchéni tsje̱nke̱he ti jehe chꞌan kixin kaín ti nkehe náxrjónhña kjuíchꞌe chꞌan. 15Méxra̱ tsjehé jína kixin sitꞌayahya chꞌan kixin imá nínkakohen chꞌan ti itan tjakoni.

16Ti sa̱oxín sákjuia ti tjejó ti sin tꞌe̱to̱an la ninkexró kjuínki̱tsahya. Kaín sin mé kuíto̱he sin janhuán. La tjáncháha̱ Díos kixin xrokuahya kuentá ti nkehe kjuíchꞌe sin. 17Kjánchó Ìnchéni mé kjuínki̱tsa chꞌan la kjuajon chꞌan kjuachaxin kixin na̱xa̱ tsjacha tsjàkua ti itén chꞌan, la kuíhin kaín ti sin jehya judío. La xi̱kaha Ìnchéni kjuínki̱tsa kꞌuaxrjéxi̱a̱n ti siín ti koxra̱ la kohya nkehe kóna. 18Ìnchéni mé nkochríxín tꞌayakohen ti janhan. La jehe chꞌan mé sinchekaá chꞌan ti janhan hasta ti ña̱o sátjiki̱a̱n chꞌan ti tꞌe̱to̱axín chꞌan nkaya nka̱jní. Méxra̱ jehe chꞌan tꞌáyéhe̱ chꞌan kaín kjuasàya nkochríxín. Mé xi̱kaha tso̱hen.

Pablo kjuixixín nixja

19 # Hch. 18:2; 2Ti. 1:16, 17. *Nixje̱hé ti tjan Prisca la ko Aquila la ko ti sin tjejó ndo̱e chꞌin Onesíforo. 20#Hch. 19:22; Ro. 16:23; Hch. 20:4; 21:29.*Chꞌin Erasto la kuíto̱he chjasin Corinto. A̱ndá chꞌin Trófimo kui̱to̱ha̱ ti chjasin Mileto kixin kóníhi chꞌan. 21Tóxakohan chrókꞌuinka ti na̱xa̱ tꞌixenhña ti ña̱o tókin. Ti chꞌin Eubulo, la chꞌin Pudente, chꞌin Lino, tjan Claudia la ko kaín ti sin kíchóni ntihi nixjahára sin nkojína.

22Ìnchéni Jesucristo mé chrókjuakꞌekoára la ko Díos sintañaora kaínra kixin tjua̱hára chꞌan. Mé xi̱kaha tso̱hen.

Aprann plis bagay sou El Nuevo Testamento, Salmos y Proverbios

2 Timoteo 4

Vèsè popilè nan Bib la ki soti nan 2 Timoteo 4

Vèsè popilè nan Bib la ki soti nan
2 Timoteo 4