Khiav Dim 15
15
Mauxes Zaj Nkauj
1Thaum ntawd Mauxes thiab cov Yixalayees thiaj hu zaj nkauj no rau tus TSWV:
“Kuv yuav hunkauj rau tus TSWV, rauqhov Nws tau kovyeej loj heev;
Nws tau muab cov nees thiab cov neeg caij nees pov rau hauv hiavtxwv. #Tshwm 15:3
2Tus TSWV yog kuv lub zog thiab yog kuv zaj nkauj;
Nws yog kuv txoj kev cawmdim.
Nws yog kuv tus Vajtswv, kuv yuav qhuas Nws,
Nws yog kuv txiv tus Vajtswv, kuv yuav hunkauj qhuas Nws lub hwjchim uas loj kawg nkaus. #Nnkauj 118:14; Yaxaya 12:2
3Tus TSWV yog tus thawj tubrog;
tus TSWV yog nws lub npe.
4“Nws muab cov Iziv tej tubrog thiab lawv tej tsheb nees pov rau hauv hiavtxwv;
lawv tej tubrog uas zoo tshajplaws tau raug tuag rau hauv Hiavtxwv Liab.
5Hiavtxwv tau nphau los nqos nkaus lawv;
lawv tog rau hauv qabthu ib yam li lub pobzeb.
6“Tus TSWV, Koj sab tes xis muaj hwjchim heev;
Koj sab tes xis tau ua rau tej yeebncuab tawg ntsoog tag.
7Los ntawm Koj lub hwjchim uas loj kawg nkaus ua rau Koj kovyeej Koj cov yeebncuab;
Koj txoj kev chim cig mus hlawv lawv yaj tag ib yam li tej quavnyab.
8Koj tshuab pa rau saum hiavtxwv ua rau dej ciali sawv sib tsub mus siab heev;
dej ciali sawv nres zoo ib yam li tus ntsayeej;
tej dej hauv qabthu hiavtxwv uas tob kawg nkaus ciali nkoog khovkho.
9Cov yeebncuab hais tias, ‘Kuv yuav caum lawv qab thiab ntes kom tau lawv;
kuv yuav muab lawv tej nyiajtxiag los sibfaib thiab huab txhua yam uas kuv xav tau;
kuv yuav rho kuv rab ntaj thiab txeeb tagnrho tej uas lawv muaj.’
10Tiamsis tus TSWV, Koj tshuab ib nyuag pas xwb, ua rau cov Iziv tog tagnrho rau hauv qabthu dej;
ib yam li tej quav txhuas tog rau hauv tej dej uas tsw phem.
11“Tus TSWV, puas yuav muaj tej nyuag vajtswv twg uas zooli Koj?
Leejtwg thiaj zooli Koj, uas yog dawbhuv kawg nkaus?
Leejtwg thiaj tsimnyog qhuas thiab ua tau tej txujci tseemceeb loj npaum li Koj?
12Koj tsa hlo Koj sab tes xis,
ces av txawm muab peb cov yeebncuab nqos kiag lawm.
13Los ntawm Koj txoj kev hlub uas ncajncees, Koj coj cov neeg uas Koj tau txhiv los lawm;
los ntawm Koj lub zog, Koj coj lawv mus rau lub tebchaws uas dawbhuv.
14Txhua haivneeg uas hnov tej no, lawv ntshai ua ibce tsheehnyo;
cov neeg Filixatees ntshai, ua rau lawv ciali mob hnyav heev.
15Cov neeg Edoos tej nomtswv puavleej ntshai;
Mau-am cov thawjcoj los ntshai ua ibce tsheehnyo;
cov neeg Kana-as ciali tag kev ciasiab.
16Tej kev txhawj kev ntshai thiab kev poobsiab tau los raug rau lawv.
Tus TSWV, lawv pom Koj lub hwjchim,
ua rau lawv ibce txhav tag ib yam li phab zeb
cia mus txog thaum Koj haivneeg mus dhau lawm,
uas yog haivneeg uas Koj tau coj tawm hauv txoj kev ua luag qhev los.
17Koj coj lawv los thiab muab lawv cog rau saum Koj lub roob,
uas yog qhov chaw uas tus TSWV, Koj tau xaiv cia ua Koj qhov chaw nyob,
uas yog lub Tuamtsev uas Koj tau ua.
18Tus TSWV, Koj yuav ua vajntxwv mus ibtxhiab ibtxhis.”
Mili-as Zaj Nkauj
19Cov Yixalayees taug kev qhuav qhawv hauv hiavtxwv mus rau sab tim ub, tiamsis thaum cov tubrog Iziv tej tsheb thiab cov neeg tsav tsheb nees mus hauv hiavtxwv, tus TSWV tau ua kom dej nphau los npog lawv tuag tag huv tibsi.
20Mili-as uas yog tus xibhwb cev Vajtswv lus, uas yog Aloos tus muam; nws nqa ib lub nruas npuaj mus uantej thiab cov pojniam ib leeg nqa ib lub nruas npuaj seevcev raws nws qab. 21Mili-as hunkauj rau lawv mloog hais tias:
“Hunkauj ua Vajtswv tsaug, rauqhov Nws tau kovyeej loj heev;
Nws tau muab cov nees thiab cov neeg caij nees pov tag rau hauv hiavtxwv lawm.”
Dej Iab
22Dhau ntawd, Mauxes thiaj coj cov Yixalayees tawm ntawm ntug Hiavtxwv Liab mus rau tom tiaj suabpuam Saws. Lawv mus tau peb hnub ke hauv lub tiaj suabpuam, tiamsis nrhiav tsis muaj dej haus li. 23Lawv mus txog ntawm ib qho chaw npe hu ua Malas, tiamsis lub qhovdej uas nyob ntawd iab heev, lawv haus tsis taus li. Vimli ntawd, qhov chaw ntawd thiaj hu ua Malas.#15:23: Malas: Lub npe no lus Henplais txhais hais tias “Iab.” 24Cov Yixalayees yws Mauxes thiab nug hais tias, “Peb yuav haus dabtsi no?” 25Mauxes quaj qw thov tus TSWV thiab tus TSWV qhia ib ya ntoo rau Mauxes, ces Mauxes muab yav ntoo ntawd pov rau hauv lub qhovdej, dej txawm ciali zoo haus thiab tsis iab lawm.
Tus TSWV tau muab kevcai rau lawv thiab Nws sim lawv siab ntawm qhov chaw ntawd. 26Tus TSWV hais rau lawv tias, “Yog nej ua tibzoo mloog Kuv lus thiab ua rawsli tej uas Kuv pom tias yog lawm, los ntawm qhov uas nej ua rawsli Kuv tej lus xaaj, Kuv yuav tsis rautxim rau nej kom muaj mob muaj nkeeg li uas Kuv tso rau cov Iziv; rauqhov Kuv yog tus TSWV, tus uas kho nej tej mob tej nkeeg.”
27Tomqab ntawd lawv los txog rau ntawm Elimes, nyob rau qhov ntawd muaj kaum-ob lub qhovdej cag, thiab muaj xyacaum tsob toovlaj; lawv tsuam chaw so ze rau ntawm cov qhovdej ntawd.
Chwazi Kounye ya:
Khiav Dim 15: MWW2022
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2022 United Bible Societies. All rights reserved.
Khiav Dim 15
15
Mauxes Zaj Nkauj
1Thaum ntawd Mauxes thiab cov Yixalayees thiaj hu zaj nkauj no rau tus TSWV:
“Kuv yuav hunkauj rau tus TSWV, rauqhov Nws tau kovyeej loj heev;
Nws tau muab cov nees thiab cov neeg caij nees pov rau hauv hiavtxwv. #Tshwm 15:3
2Tus TSWV yog kuv lub zog thiab yog kuv zaj nkauj;
Nws yog kuv txoj kev cawmdim.
Nws yog kuv tus Vajtswv, kuv yuav qhuas Nws,
Nws yog kuv txiv tus Vajtswv, kuv yuav hunkauj qhuas Nws lub hwjchim uas loj kawg nkaus. #Nnkauj 118:14; Yaxaya 12:2
3Tus TSWV yog tus thawj tubrog;
tus TSWV yog nws lub npe.
4“Nws muab cov Iziv tej tubrog thiab lawv tej tsheb nees pov rau hauv hiavtxwv;
lawv tej tubrog uas zoo tshajplaws tau raug tuag rau hauv Hiavtxwv Liab.
5Hiavtxwv tau nphau los nqos nkaus lawv;
lawv tog rau hauv qabthu ib yam li lub pobzeb.
6“Tus TSWV, Koj sab tes xis muaj hwjchim heev;
Koj sab tes xis tau ua rau tej yeebncuab tawg ntsoog tag.
7Los ntawm Koj lub hwjchim uas loj kawg nkaus ua rau Koj kovyeej Koj cov yeebncuab;
Koj txoj kev chim cig mus hlawv lawv yaj tag ib yam li tej quavnyab.
8Koj tshuab pa rau saum hiavtxwv ua rau dej ciali sawv sib tsub mus siab heev;
dej ciali sawv nres zoo ib yam li tus ntsayeej;
tej dej hauv qabthu hiavtxwv uas tob kawg nkaus ciali nkoog khovkho.
9Cov yeebncuab hais tias, ‘Kuv yuav caum lawv qab thiab ntes kom tau lawv;
kuv yuav muab lawv tej nyiajtxiag los sibfaib thiab huab txhua yam uas kuv xav tau;
kuv yuav rho kuv rab ntaj thiab txeeb tagnrho tej uas lawv muaj.’
10Tiamsis tus TSWV, Koj tshuab ib nyuag pas xwb, ua rau cov Iziv tog tagnrho rau hauv qabthu dej;
ib yam li tej quav txhuas tog rau hauv tej dej uas tsw phem.
11“Tus TSWV, puas yuav muaj tej nyuag vajtswv twg uas zooli Koj?
Leejtwg thiaj zooli Koj, uas yog dawbhuv kawg nkaus?
Leejtwg thiaj tsimnyog qhuas thiab ua tau tej txujci tseemceeb loj npaum li Koj?
12Koj tsa hlo Koj sab tes xis,
ces av txawm muab peb cov yeebncuab nqos kiag lawm.
13Los ntawm Koj txoj kev hlub uas ncajncees, Koj coj cov neeg uas Koj tau txhiv los lawm;
los ntawm Koj lub zog, Koj coj lawv mus rau lub tebchaws uas dawbhuv.
14Txhua haivneeg uas hnov tej no, lawv ntshai ua ibce tsheehnyo;
cov neeg Filixatees ntshai, ua rau lawv ciali mob hnyav heev.
15Cov neeg Edoos tej nomtswv puavleej ntshai;
Mau-am cov thawjcoj los ntshai ua ibce tsheehnyo;
cov neeg Kana-as ciali tag kev ciasiab.
16Tej kev txhawj kev ntshai thiab kev poobsiab tau los raug rau lawv.
Tus TSWV, lawv pom Koj lub hwjchim,
ua rau lawv ibce txhav tag ib yam li phab zeb
cia mus txog thaum Koj haivneeg mus dhau lawm,
uas yog haivneeg uas Koj tau coj tawm hauv txoj kev ua luag qhev los.
17Koj coj lawv los thiab muab lawv cog rau saum Koj lub roob,
uas yog qhov chaw uas tus TSWV, Koj tau xaiv cia ua Koj qhov chaw nyob,
uas yog lub Tuamtsev uas Koj tau ua.
18Tus TSWV, Koj yuav ua vajntxwv mus ibtxhiab ibtxhis.”
Mili-as Zaj Nkauj
19Cov Yixalayees taug kev qhuav qhawv hauv hiavtxwv mus rau sab tim ub, tiamsis thaum cov tubrog Iziv tej tsheb thiab cov neeg tsav tsheb nees mus hauv hiavtxwv, tus TSWV tau ua kom dej nphau los npog lawv tuag tag huv tibsi.
20Mili-as uas yog tus xibhwb cev Vajtswv lus, uas yog Aloos tus muam; nws nqa ib lub nruas npuaj mus uantej thiab cov pojniam ib leeg nqa ib lub nruas npuaj seevcev raws nws qab. 21Mili-as hunkauj rau lawv mloog hais tias:
“Hunkauj ua Vajtswv tsaug, rauqhov Nws tau kovyeej loj heev;
Nws tau muab cov nees thiab cov neeg caij nees pov tag rau hauv hiavtxwv lawm.”
Dej Iab
22Dhau ntawd, Mauxes thiaj coj cov Yixalayees tawm ntawm ntug Hiavtxwv Liab mus rau tom tiaj suabpuam Saws. Lawv mus tau peb hnub ke hauv lub tiaj suabpuam, tiamsis nrhiav tsis muaj dej haus li. 23Lawv mus txog ntawm ib qho chaw npe hu ua Malas, tiamsis lub qhovdej uas nyob ntawd iab heev, lawv haus tsis taus li. Vimli ntawd, qhov chaw ntawd thiaj hu ua Malas.#15:23: Malas: Lub npe no lus Henplais txhais hais tias “Iab.” 24Cov Yixalayees yws Mauxes thiab nug hais tias, “Peb yuav haus dabtsi no?” 25Mauxes quaj qw thov tus TSWV thiab tus TSWV qhia ib ya ntoo rau Mauxes, ces Mauxes muab yav ntoo ntawd pov rau hauv lub qhovdej, dej txawm ciali zoo haus thiab tsis iab lawm.
Tus TSWV tau muab kevcai rau lawv thiab Nws sim lawv siab ntawm qhov chaw ntawd. 26Tus TSWV hais rau lawv tias, “Yog nej ua tibzoo mloog Kuv lus thiab ua rawsli tej uas Kuv pom tias yog lawm, los ntawm qhov uas nej ua rawsli Kuv tej lus xaaj, Kuv yuav tsis rautxim rau nej kom muaj mob muaj nkeeg li uas Kuv tso rau cov Iziv; rauqhov Kuv yog tus TSWV, tus uas kho nej tej mob tej nkeeg.”
27Tomqab ntawd lawv los txog rau ntawm Elimes, nyob rau qhov ntawd muaj kaum-ob lub qhovdej cag, thiab muaj xyacaum tsob toovlaj; lawv tsuam chaw so ze rau ntawm cov qhovdej ntawd.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2022 United Bible Societies. All rights reserved.