Khiav Dim 13
13
Fij Cov Tub Hlob Rau Vajtswv
1Tus TSWV hais rau Mauxes tias, 2“Muab txhua tus tub hlob fij rau Kuv, rauqhov cov Yixalayees txhua tus tub hlob thiab tagnrho tej tsiaj thawjtug menyuam uas yog tus txiv puavleej yog Kuv tug.” #Teev 3:13; Lukas 2:23
Ua Kevcai Noj Ncuav Tsis Xyaw Keeb
3Mauxes hais rau cov pejxeem tias, “Nej yuavtsum ncontsoov hnubno, uas yog hnub nej tawm hauv tebchaws Iziv, qhov chaw uas nej ua luag qhev los. Hnubno yog hnub uas tus TSWV coj nej tawm los ntawm Nws lub hwjchim uas loj kawg nkaus. Nej tsis txhob noj tej ncuav uas xyaw keeb hlo li.
4“Hnubno yog lub ib hlis ntuj, uas yog lub hli Anpis, yog hnub uas nej khiav tawm hauv tebchaws Iziv los. 5Tus TSWV tau coglus tseg rau nej cov yawgkoob hais tias Nws yuav muab cov Kana-as, cov Hitis, cov Amaules, cov Hivis, thiab cov Yenpus lub tebchaws rau nej nyob. Thaum Nws coj nej mus txog rau hauv lub tebchaws uas muaj kua mis thiab zib ntab ntws nto, txhua xyoo thaum lub ib hlis ntuj nej yuavtsum ua kevcai Noj Ncuav Tsis Xyaw Keeb li no. 6Xya hnub ntawd nej yuavtsum noj cov ncuav tsis xyaw keeb nkaus xwb, mas hnub thib xya nej yuavtsum ua rooj mov noj ua tus TSWV tsaug. 7Nej yuavtsum Noj Ncuav Tsis Xyaw Keeb kom txwm nkaus xya hnub; thiab tsis pub kom muaj keeb lossis ncuav xyaw keeb nyob hauv nej lub tebchaws li.
8“Hnub uas pib ua kevcai ntawd, koj yuavtsum piav txhua yam rau koj cov menyuam hais tias, ‘Kuv ua li no rauqhov tus TSWV tau ua rau kuv thaum kuv khiav tawm hauv tebchaws Iziv los.’ 9Txoj kevcai no yog ib yam uas yuav ua rau nej ncontsoov, zooli ib yam uas nej muab khi rau ntawm nej txhais tes lossis saum nej lub hauvpliaj; kom tus TSWV tej lus yuav nyob hauv nej lub qhovncauj, rauqhov tus TSWV tau coj nej tawm hauv tebchaws Iziv los ntawm Nws lub hwjchim uas loj kawg nkaus. 10Nej yuavtsum ua txoj kevcai no txhua xyoo rawsli lub sijhawm uas tau teem tseg lawm.
Fij Thawjtug Tub Hlob Thiab Thawjtug Tsiaj
11“Tus TSWV yuav coj nej mus nyob hauv cov Kana-as lub tebchaws uas Nws twb coglus rau nej thiab nej cov yawgkoob lawm. Thaum Nws muab lub tebchaws ntawd pub rau nej, 12nej yuavtsum muab nej txhua tus tub hlob fij rau tus TSWV. Nej tej tsiaj thawjtug menyuam uas yog tus txiv puavleej yog tus TSWV tug, 13tiamsis txhua tus menyuam txiv neesluav, nej yuavtsum coj ib tug menyuam yaj mus txhiv ntawm tus TSWV rovqab. Yog nej tsis xav txhiv tus menyuam neesluav rovqab, nej ciali muab lov cajdab kom tuag. Nej yuavtsum txhiv nej cov tub hlob txhua tus rovqab huv tibsi thiab. #Khiav 34:19-20; Lukas 2:23
14“Lwmhnub, thaum koj tus tub nug koj hais tias, ‘Uacas thiaj ua li no?’ Koj qhia rau nws hais tias, ‘Tus TSWV txhais tes uas muaj hwjchim loj kawg nkaus tau coj peb tawm hauv tebchaws Iziv, qhov chaw uas peb ua luag qhev los. 15Thaum Falaus lub siab tawv tsis kam tso peb tawm, tus TSWV tau tua txhua tus tub hlob uas nyob hauv lub tebchaws Iziv, thiab tua tej tsiaj thawjtug menyuam uas yog tus txiv tuag tag huv tibsi. Vimli no, peb thiajli muab peb tej tsiaj thawjtug menyuam uas yog tus txiv tua fij rau tus TSWV, uas yog txhiv peb tej tub hlob rovqab. 16Txoj kevcai no yog ib yam uas yuav ua rau peb ncontsoov, zooli ib yam uas peb muab khi rau ntawm peb txhais tes lossis saum peb lub hauvpliaj; kom peb ncontsoov tias tus TSWV tau coj peb tawm hauv tebchaws Iziv los ntawm Nws lub hwjchim uas loj kawg nkaus.’ ”
Tus Ncej Huab Thiab Tus Ncej Hluavtaws
17Thaum Falaus tso cov Yixalayees mus lawm, Vajtswv tsis coj lawv taug txojkev uas raws ntug hiavtxwv ncajnraim mus rau pem tebchaws Filixatees, txawm yog txojkev ntawd ze los Nws tsis coj lawv mus txoj ntawd. Vajtswv xav tias, “Kuv ntshai tsam ib ntsis lawv mus ntsib tsovrog ces lawv yuav hloov siab khiav rovqab mus rau hauv tebchaws Iziv.” 18Yogli ntawd, Nws thiaj coj lawv taug kev raws tiaj suabpuam mus rau tom Hiavtxwv Liab.#13:18: Hiavtxwv Liab: (Rawsli lus Henplais mas yog “Hiavtxwv Lojkov”) uas yog hais txog (1) ib co pas dej uas nyob ntu nruabnrab ntawm Hiavtxwv Xu-es thiab Meditelanees, cheebtsam uas thaum ub hais nyob rau hauv phau Khiav Dim tshooj 13, uas yog hais txog (2) Hiavtxwv Xu-es thiab (3) Hiavtxwv Akanpas. Thaum cov Yixalayees taug kev tawm hauv tebchaws Iziv los, lawv yeej npaj cuabyeej uarog nrognraim lawv txhijzog xwb.
19Mauxes coj Yauxej cov pobtxha nrog nws mus, rawsli Yauxej tau hais kom cov Yixalayees coglus rau nws lawm. Yauxej tau hais tias, “Thaum Vajtswv los pab nej dim lawm, nej yuavtsum coj kuv tej pobtxha tawm hauv tebchaws Iziv no nrog nej mus.” #Chiv 50:25; Yaus 24:32
20Cov Yixalayees khiav tawm hauv Xukhaus mus tsuam chaw so rau ntawm Ethas uas nyob ntawm ntug tiaj suabpuam. 21Nruabhnub tus TSWV ua ib tug ncej huab mus ua lawv ntej coj lawv kev, thiab thaum hmontuj Nws ua ib tug ncej hluavtaws cig lamlug mus ua lawv ntej kom lawv pomkev. Yogli ntawd, lawv thiaj taug kev mus nruabhnub thiab hmontuj los tau huv tibsi. 22Nruabhnub los tus ncej huab yeej mus ua lawv ntej thiab coj lawv kev; hmontuj los tus ncej hluavtaws yeej mus ua lawv ntej thiab coj lawv kev tsis ncaim lawv li.
Chwazi Kounye ya:
Khiav Dim 13: MWW2022
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2022 United Bible Societies. All rights reserved.
Khiav Dim 13
13
Fij Cov Tub Hlob Rau Vajtswv
1Tus TSWV hais rau Mauxes tias, 2“Muab txhua tus tub hlob fij rau Kuv, rauqhov cov Yixalayees txhua tus tub hlob thiab tagnrho tej tsiaj thawjtug menyuam uas yog tus txiv puavleej yog Kuv tug.” #Teev 3:13; Lukas 2:23
Ua Kevcai Noj Ncuav Tsis Xyaw Keeb
3Mauxes hais rau cov pejxeem tias, “Nej yuavtsum ncontsoov hnubno, uas yog hnub nej tawm hauv tebchaws Iziv, qhov chaw uas nej ua luag qhev los. Hnubno yog hnub uas tus TSWV coj nej tawm los ntawm Nws lub hwjchim uas loj kawg nkaus. Nej tsis txhob noj tej ncuav uas xyaw keeb hlo li.
4“Hnubno yog lub ib hlis ntuj, uas yog lub hli Anpis, yog hnub uas nej khiav tawm hauv tebchaws Iziv los. 5Tus TSWV tau coglus tseg rau nej cov yawgkoob hais tias Nws yuav muab cov Kana-as, cov Hitis, cov Amaules, cov Hivis, thiab cov Yenpus lub tebchaws rau nej nyob. Thaum Nws coj nej mus txog rau hauv lub tebchaws uas muaj kua mis thiab zib ntab ntws nto, txhua xyoo thaum lub ib hlis ntuj nej yuavtsum ua kevcai Noj Ncuav Tsis Xyaw Keeb li no. 6Xya hnub ntawd nej yuavtsum noj cov ncuav tsis xyaw keeb nkaus xwb, mas hnub thib xya nej yuavtsum ua rooj mov noj ua tus TSWV tsaug. 7Nej yuavtsum Noj Ncuav Tsis Xyaw Keeb kom txwm nkaus xya hnub; thiab tsis pub kom muaj keeb lossis ncuav xyaw keeb nyob hauv nej lub tebchaws li.
8“Hnub uas pib ua kevcai ntawd, koj yuavtsum piav txhua yam rau koj cov menyuam hais tias, ‘Kuv ua li no rauqhov tus TSWV tau ua rau kuv thaum kuv khiav tawm hauv tebchaws Iziv los.’ 9Txoj kevcai no yog ib yam uas yuav ua rau nej ncontsoov, zooli ib yam uas nej muab khi rau ntawm nej txhais tes lossis saum nej lub hauvpliaj; kom tus TSWV tej lus yuav nyob hauv nej lub qhovncauj, rauqhov tus TSWV tau coj nej tawm hauv tebchaws Iziv los ntawm Nws lub hwjchim uas loj kawg nkaus. 10Nej yuavtsum ua txoj kevcai no txhua xyoo rawsli lub sijhawm uas tau teem tseg lawm.
Fij Thawjtug Tub Hlob Thiab Thawjtug Tsiaj
11“Tus TSWV yuav coj nej mus nyob hauv cov Kana-as lub tebchaws uas Nws twb coglus rau nej thiab nej cov yawgkoob lawm. Thaum Nws muab lub tebchaws ntawd pub rau nej, 12nej yuavtsum muab nej txhua tus tub hlob fij rau tus TSWV. Nej tej tsiaj thawjtug menyuam uas yog tus txiv puavleej yog tus TSWV tug, 13tiamsis txhua tus menyuam txiv neesluav, nej yuavtsum coj ib tug menyuam yaj mus txhiv ntawm tus TSWV rovqab. Yog nej tsis xav txhiv tus menyuam neesluav rovqab, nej ciali muab lov cajdab kom tuag. Nej yuavtsum txhiv nej cov tub hlob txhua tus rovqab huv tibsi thiab. #Khiav 34:19-20; Lukas 2:23
14“Lwmhnub, thaum koj tus tub nug koj hais tias, ‘Uacas thiaj ua li no?’ Koj qhia rau nws hais tias, ‘Tus TSWV txhais tes uas muaj hwjchim loj kawg nkaus tau coj peb tawm hauv tebchaws Iziv, qhov chaw uas peb ua luag qhev los. 15Thaum Falaus lub siab tawv tsis kam tso peb tawm, tus TSWV tau tua txhua tus tub hlob uas nyob hauv lub tebchaws Iziv, thiab tua tej tsiaj thawjtug menyuam uas yog tus txiv tuag tag huv tibsi. Vimli no, peb thiajli muab peb tej tsiaj thawjtug menyuam uas yog tus txiv tua fij rau tus TSWV, uas yog txhiv peb tej tub hlob rovqab. 16Txoj kevcai no yog ib yam uas yuav ua rau peb ncontsoov, zooli ib yam uas peb muab khi rau ntawm peb txhais tes lossis saum peb lub hauvpliaj; kom peb ncontsoov tias tus TSWV tau coj peb tawm hauv tebchaws Iziv los ntawm Nws lub hwjchim uas loj kawg nkaus.’ ”
Tus Ncej Huab Thiab Tus Ncej Hluavtaws
17Thaum Falaus tso cov Yixalayees mus lawm, Vajtswv tsis coj lawv taug txojkev uas raws ntug hiavtxwv ncajnraim mus rau pem tebchaws Filixatees, txawm yog txojkev ntawd ze los Nws tsis coj lawv mus txoj ntawd. Vajtswv xav tias, “Kuv ntshai tsam ib ntsis lawv mus ntsib tsovrog ces lawv yuav hloov siab khiav rovqab mus rau hauv tebchaws Iziv.” 18Yogli ntawd, Nws thiaj coj lawv taug kev raws tiaj suabpuam mus rau tom Hiavtxwv Liab.#13:18: Hiavtxwv Liab: (Rawsli lus Henplais mas yog “Hiavtxwv Lojkov”) uas yog hais txog (1) ib co pas dej uas nyob ntu nruabnrab ntawm Hiavtxwv Xu-es thiab Meditelanees, cheebtsam uas thaum ub hais nyob rau hauv phau Khiav Dim tshooj 13, uas yog hais txog (2) Hiavtxwv Xu-es thiab (3) Hiavtxwv Akanpas. Thaum cov Yixalayees taug kev tawm hauv tebchaws Iziv los, lawv yeej npaj cuabyeej uarog nrognraim lawv txhijzog xwb.
19Mauxes coj Yauxej cov pobtxha nrog nws mus, rawsli Yauxej tau hais kom cov Yixalayees coglus rau nws lawm. Yauxej tau hais tias, “Thaum Vajtswv los pab nej dim lawm, nej yuavtsum coj kuv tej pobtxha tawm hauv tebchaws Iziv no nrog nej mus.” #Chiv 50:25; Yaus 24:32
20Cov Yixalayees khiav tawm hauv Xukhaus mus tsuam chaw so rau ntawm Ethas uas nyob ntawm ntug tiaj suabpuam. 21Nruabhnub tus TSWV ua ib tug ncej huab mus ua lawv ntej coj lawv kev, thiab thaum hmontuj Nws ua ib tug ncej hluavtaws cig lamlug mus ua lawv ntej kom lawv pomkev. Yogli ntawd, lawv thiaj taug kev mus nruabhnub thiab hmontuj los tau huv tibsi. 22Nruabhnub los tus ncej huab yeej mus ua lawv ntej thiab coj lawv kev; hmontuj los tus ncej hluavtaws yeej mus ua lawv ntej thiab coj lawv kev tsis ncaim lawv li.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2022 United Bible Societies. All rights reserved.