Malako 11
11
1Ko enek’iy’oolamaka la Yelusalema, ko baoyela mbolimboli la Betefange la Betania, nk’ena lingonji lina Bilaya, Yesu aotoma bakili’anande bafe, 2amasumola, ate, Bocoaka en’ongili bonoyali meho en’oso’onino; ko eneng’in’otua meho, isasanga bongosungya bon’ona mpunda etungi, enetatalame boto; botungole, ko boyaka l’eho. 3Ko yomb’oto’omoi akufol’ino, ate, Bil’one lanai? bosumole, Mbo Nkolo alanga mpunda ene; ko isasanga angotom’eho mendo. 4Ko iyo baocoa, ko baosungya bon’ona mpunda, etungi ena fololo, nk’en’anza, en’atano’a mboka; ko bamotungola. 5Ko bamoi’aniyo banemalaki meho bamaufola, iy’ate, Nakamb’ino? Botungola bon’ona mpunda lanai? 6Ko baokutola yok’onoki Yesu oasumolaka; ko bamaf’etelo. 7Ko baoya l’on’ona mpunda eneyali Yesu; ko baotanda bekoto’eniyo en’okunju bona mpunda; ko aotalamel’eho. 8Ko bike bon’ato baotanda bekoto’eniyo ena mboka, ko bamoi baokesa bitange bina bete, ko baotanda biho ena mboka. 9Ko iy’anetaki en’oso ko l’iy’anokilaki en’otungu baosombola, iy’ate, Hosana! ende onoya ena lina lina Yawe aosakelama bosako! 10Lifoka linalingoya, nko lina bafango’oniso Dawidi, yosakelama bosako! Hosana en’edye eneleki ena liko!
11Ko Yesu aotua ena Yelusalema l’en’otumba bona Yakomba; ko eneki’nd’osisolaka baoyi bahatu, la likolo aofola ko aocoa Betania, ende l’akili jo l’afe.
12Ko en’ina bona loi, enek’iy’ocikaka Betania, aoka njala. 13Ko eneki’nd’oenaka bote bona liteli en’osana, ko boyaaki la nkase, aoya lacina aene, yombo angosungya bemamo meho; koko eneki’nd’oyelaka meho, atasungy’iyema yengoko nkase kei lacina esik’eho etayala esike en’ateli. 14Ko Yesu aosumola bote, ate, Boto atalake bemamo bene lakina bisike bihitu! Ko bakili baoka yoi liho.
15Ko baoya ena Yelusalema; ko eneki Yesu otuaka en’otumba bona Yakomba, aomatsa lifodya iy’anasombyaki baongwa ko l’iy’anasombaki en’otumba bona Yakomba, ko aokukumya mesa iniyo banengisolaki francs ko la nkici iniyo banatekyaki bikoso. 16Ko atimedy’oka boto atianya botumba bona Yakomba l’iyema ntola. 17Ko amalaka, ate, Yoi litatengama nde, Botumb’onami bongotangama botumba’bona beondo lacin’en’enyanga behetu? Ohonde ino bomil’oho nk’esusanelo ena baiya. 18Ko batengi ban’ekanda la nkanga ina toome baoka yoi liho, ko baofon’etelo lacina baoyake; lacin’oka baoangak ende, lacina bato bahatu bafefaki la lilako linande.
19Ko en’esike ena likolo aofola en’onyanga.
20Ko l’okulu, enem’iy’oeta, baena bote bona liteli bomonyelala nk’ena beluo mene. 21Ko eneki Petelo okanedyaka, aosumola Yesu, ate, Labi, lenda, bote bona liteli bonok’omomaka bomonyelala. 22Ko Yesu amokutwela, ate, Boongya liyala l’imeedyo ina Yakomba; 23solosolo, lakosumol’ino, nko boto asumola lingonji line, ate, Oyoambole, ko oyofuse ena lose l’okwa; ko afakandakanda en’otem’onande, ohonde aimedya ate yoi linatend’ende lingilama: angena yoi liho yilama. 24La ncina ene, lakosumol’ino, baoyi bahatu banufol’ino ena beondo, bimedy’oka bomosila litamba baho, ko bongata baho. 25Ko enemal’ino lacina boonde, yombo boyali la likambo l’oto’omoi, biikya, lacina Bafango’onino onoyali ena loola akiiky’ino en’aoyi’owe’anino nkoho. 26(Koko yomb’ino bofiky’ato, tumbe Bafango’onino onoyali ena loola afakiikyak’ino en’aoyi’owe’anino.)
27Ko baoya lakina ena Yelusalema; ko enem’end’oselasela en’otumba bona Yakomba, nkanga ina toome l’atengi ban’ekanda la bingambe baoya eneyal’ende; 28ko bamufola, iy’ate, Oila baoyi’ane la lifoka lina nai? ko onokofaki lifoka lacina okambe baoyi’ane oka nai? 29Yesu amakutwela, ate, Emi nkoho nongokufol’ino yoi limoko; bonkutwela yoi liho, ko nongokosumol’ino lifoka linakamb’emi baoyi’ane: 30inelo eneki Yoane oinak’ato—eho eyaki ena loola, yombo enek’ato? Bonsumole. 31Ko baotendelana, Mbo yomb’is’ate, Eyaki ena loola, tumbe ende angotila, Mbo ino botimedy’ende lacina nai? 32Koko yombo is’ate, Enek’ato fo…; baangaki bato, lacin’oka bato bahatu batangaki Yoane nko bosumoli. 33Ko baokutwela Yesu, iy’ate, Iso tofeya; ko Yesu amasumola, ate, Ko l’emi mpakosumol’ino lifoka linakamb’emi baoyi’ane.
Chwazi Kounye ya:
Malako 11: BBY62
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bokanda Bona Yakomba Bon’ototo © Alliance Biblique de la R. D. Congo, 1962
Malako 11
11
1Ko enek’iy’oolamaka la Yelusalema, ko baoyela mbolimboli la Betefange la Betania, nk’ena lingonji lina Bilaya, Yesu aotoma bakili’anande bafe, 2amasumola, ate, Bocoaka en’ongili bonoyali meho en’oso’onino; ko eneng’in’otua meho, isasanga bongosungya bon’ona mpunda etungi, enetatalame boto; botungole, ko boyaka l’eho. 3Ko yomb’oto’omoi akufol’ino, ate, Bil’one lanai? bosumole, Mbo Nkolo alanga mpunda ene; ko isasanga angotom’eho mendo. 4Ko iyo baocoa, ko baosungya bon’ona mpunda, etungi ena fololo, nk’en’anza, en’atano’a mboka; ko bamotungola. 5Ko bamoi’aniyo banemalaki meho bamaufola, iy’ate, Nakamb’ino? Botungola bon’ona mpunda lanai? 6Ko baokutola yok’onoki Yesu oasumolaka; ko bamaf’etelo. 7Ko baoya l’on’ona mpunda eneyali Yesu; ko baotanda bekoto’eniyo en’okunju bona mpunda; ko aotalamel’eho. 8Ko bike bon’ato baotanda bekoto’eniyo ena mboka, ko bamoi baokesa bitange bina bete, ko baotanda biho ena mboka. 9Ko iy’anetaki en’oso ko l’iy’anokilaki en’otungu baosombola, iy’ate, Hosana! ende onoya ena lina lina Yawe aosakelama bosako! 10Lifoka linalingoya, nko lina bafango’oniso Dawidi, yosakelama bosako! Hosana en’edye eneleki ena liko!
11Ko Yesu aotua ena Yelusalema l’en’otumba bona Yakomba; ko eneki’nd’osisolaka baoyi bahatu, la likolo aofola ko aocoa Betania, ende l’akili jo l’afe.
12Ko en’ina bona loi, enek’iy’ocikaka Betania, aoka njala. 13Ko eneki’nd’oenaka bote bona liteli en’osana, ko boyaaki la nkase, aoya lacina aene, yombo angosungya bemamo meho; koko eneki’nd’oyelaka meho, atasungy’iyema yengoko nkase kei lacina esik’eho etayala esike en’ateli. 14Ko Yesu aosumola bote, ate, Boto atalake bemamo bene lakina bisike bihitu! Ko bakili baoka yoi liho.
15Ko baoya ena Yelusalema; ko eneki Yesu otuaka en’otumba bona Yakomba, aomatsa lifodya iy’anasombyaki baongwa ko l’iy’anasombaki en’otumba bona Yakomba, ko aokukumya mesa iniyo banengisolaki francs ko la nkici iniyo banatekyaki bikoso. 16Ko atimedy’oka boto atianya botumba bona Yakomba l’iyema ntola. 17Ko amalaka, ate, Yoi litatengama nde, Botumb’onami bongotangama botumba’bona beondo lacin’en’enyanga behetu? Ohonde ino bomil’oho nk’esusanelo ena baiya. 18Ko batengi ban’ekanda la nkanga ina toome baoka yoi liho, ko baofon’etelo lacina baoyake; lacin’oka baoangak ende, lacina bato bahatu bafefaki la lilako linande.
19Ko en’esike ena likolo aofola en’onyanga.
20Ko l’okulu, enem’iy’oeta, baena bote bona liteli bomonyelala nk’ena beluo mene. 21Ko eneki Petelo okanedyaka, aosumola Yesu, ate, Labi, lenda, bote bona liteli bonok’omomaka bomonyelala. 22Ko Yesu amokutwela, ate, Boongya liyala l’imeedyo ina Yakomba; 23solosolo, lakosumol’ino, nko boto asumola lingonji line, ate, Oyoambole, ko oyofuse ena lose l’okwa; ko afakandakanda en’otem’onande, ohonde aimedya ate yoi linatend’ende lingilama: angena yoi liho yilama. 24La ncina ene, lakosumol’ino, baoyi bahatu banufol’ino ena beondo, bimedy’oka bomosila litamba baho, ko bongata baho. 25Ko enemal’ino lacina boonde, yombo boyali la likambo l’oto’omoi, biikya, lacina Bafango’onino onoyali ena loola akiiky’ino en’aoyi’owe’anino nkoho. 26(Koko yomb’ino bofiky’ato, tumbe Bafango’onino onoyali ena loola afakiikyak’ino en’aoyi’owe’anino.)
27Ko baoya lakina ena Yelusalema; ko enem’end’oselasela en’otumba bona Yakomba, nkanga ina toome l’atengi ban’ekanda la bingambe baoya eneyal’ende; 28ko bamufola, iy’ate, Oila baoyi’ane la lifoka lina nai? ko onokofaki lifoka lacina okambe baoyi’ane oka nai? 29Yesu amakutwela, ate, Emi nkoho nongokufol’ino yoi limoko; bonkutwela yoi liho, ko nongokosumol’ino lifoka linakamb’emi baoyi’ane: 30inelo eneki Yoane oinak’ato—eho eyaki ena loola, yombo enek’ato? Bonsumole. 31Ko baotendelana, Mbo yomb’is’ate, Eyaki ena loola, tumbe ende angotila, Mbo ino botimedy’ende lacina nai? 32Koko yombo is’ate, Enek’ato fo…; baangaki bato, lacin’oka bato bahatu batangaki Yoane nko bosumoli. 33Ko baokutwela Yesu, iy’ate, Iso tofeya; ko Yesu amasumola, ate, Ko l’emi mpakosumol’ino lifoka linakamb’emi baoyi’ane.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bokanda Bona Yakomba Bon’ototo © Alliance Biblique de la R. D. Congo, 1962