ROMMA 5
5
Heɓpa u Lona
1Aygi mbuɗ ɗegee ii Lona ni u vira, cecemi aygi faygi heɓpa u Lona ni kay Bu Suuna Yesu Kristu. 2Aygi mbuɗ ndakira ni hu vi mayra u Yesura, cecemi aygi mbuɗ tok eg oora vi Lona ta nam miniygi huruɗta, u juɓpa ay furi hu ŋgolla vi Lonara. 3Su bella wanni lini aygi ka hu wihawra lay ni aygi furiya. Aygi wi ana wihawra hin mbuɗ ɗigil ira. 4Siɓpa lalamba ka mbuɗ maŋi hu tukaɗi, siɓpa juɓpa u ɗegeera. 5Juɓpa ka ganyam saɗi, Lona ɦaygi min mamba u Musuk mamba nam ɦaygira huruygira.
6Hu li ma saɓak maygina kaɗina Kristu miɗ ki kay suu cora hu buu ma Lona ŋgaamma. 7Loɓ ŋgol a sana vi kam a miɗ kay sa ma ɗegeena, kala sa ndak vi hurum a miɗ kay sa ma jivina. 8Aygi wi min mayra ŋgolla Lona takaygirara, Kristu miɗ kaygi ni hu li ma aygi ay jew ni suu cona. 9Ni u miɗ mamma aygi mbuɗ suu ɗegeena fok Lona, aygi suɗ ki ko yara vi Lonara ni umu. 10Aygi ay jewni suu gonokka u Lonna, nam hin taɓaygi egemmi u miɗna vi Goromma. Ni kay ndaɗta nam hoŋ taɓaygi cecemi u namu, ay hin suɗuygi kini u iirira vi Goromma. 11Aygi furiyuygi ŋgolo hu Lona u Bu Suuna Yesu Kristu ma taɓaygi cecemi u Lonna.
Adam u Kristu
12Cora mba hu duliyara halaŋŋi u sana dew, u Adam, cora mbaa miɗna, miɗna njay ki kay suuna halaŋ kay asi halaŋ li coo. 13Jew bay Lona ɦal gaɗta maŋ Moiz ni cora ka hu duliyara da, hu li ma gaɗta ka tuɗina Lona ka ndum coraɗi. 14Doli ni miɗna col ay ni eg Adam gak gak tew Moiz, miɗna njay ki kay suu li co ka ko Adam ma hum ka u gaɗta vi Lonaɗina,
Adammi sa ma tak ki kay sa ma hin mbay daganna. 15Cora vi Adamba ka a ŋga ko oora vi Lona ta ɦaɗ ɦawara naɗi. Suuna ŋgolo miɗ ki kay cora vi sa ma dew namma. Oora vi Lona ta ŋgolla nam ɦaɗ ɦawara u sa ma dewna Yesu Kristu ni ŋgol cocoo. 16Ҥala ɦawara vi Lona ka ko ndal cora vi sa ma dewna naɗi. Ɓakŋa kay cora mba ni u sa ma dewna, daɓ mamba ni kaɓakŋa, kay ndaɗta oora ɦawara Lona ɦaɗ ay ni kay cora vi suuna bolowo ni ana warak ki wa. 17Lini miɗna kak mulla kay suuna u cora vi sa ma dewna, u sa ma dewna Yesu Kristu aygi hin fini ŋgolla su halaŋga, suu fi oora vi Lona cocona u ɦala ɗegeera hin kak iiriya, ti mulla u Kristu lay.
18Kay ndaɗta cora vi sa ma dewna Adam mbaa ɓakŋa kay suuna halaŋ, na lay sunda ɗegeera vi sa ma dewna Yesu Kristu ma buɗ suuna ki hu ɓakŋa kay asi mba kak iiriya. 19Kay ndaɗta bay hum vunna vi sa ma dewna cuk suuna ki hu cora ŋgolo, ko ndaɗta na may u hum vunna vi sa ma dewna mbuɗ suuna ŋgolo ɗegee fok Lona.
20Gaɗta mbay ni a zul cora, lini cora zul wa ni, oora vi Lonara hin mbuɗ ŋgol suwa. 21Ni na may cora kak mulla kay miɗna, na may oora vi Lonara kak mulla kay ɗegeera tuɗuygi hu iirira bay daɓpa u Yesu Kristu Bu Suuna.
Chwazi Kounye ya:
ROMMA 5: BMS
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.
ROMMA 5
5
Heɓpa u Lona
1Aygi mbuɗ ɗegee ii Lona ni u vira, cecemi aygi faygi heɓpa u Lona ni kay Bu Suuna Yesu Kristu. 2Aygi mbuɗ ndakira ni hu vi mayra u Yesura, cecemi aygi mbuɗ tok eg oora vi Lona ta nam miniygi huruɗta, u juɓpa ay furi hu ŋgolla vi Lonara. 3Su bella wanni lini aygi ka hu wihawra lay ni aygi furiya. Aygi wi ana wihawra hin mbuɗ ɗigil ira. 4Siɓpa lalamba ka mbuɗ maŋi hu tukaɗi, siɓpa juɓpa u ɗegeera. 5Juɓpa ka ganyam saɗi, Lona ɦaygi min mamba u Musuk mamba nam ɦaygira huruygira.
6Hu li ma saɓak maygina kaɗina Kristu miɗ ki kay suu cora hu buu ma Lona ŋgaamma. 7Loɓ ŋgol a sana vi kam a miɗ kay sa ma ɗegeena, kala sa ndak vi hurum a miɗ kay sa ma jivina. 8Aygi wi min mayra ŋgolla Lona takaygirara, Kristu miɗ kaygi ni hu li ma aygi ay jew ni suu cona. 9Ni u miɗ mamma aygi mbuɗ suu ɗegeena fok Lona, aygi suɗ ki ko yara vi Lonara ni umu. 10Aygi ay jewni suu gonokka u Lonna, nam hin taɓaygi egemmi u miɗna vi Goromma. Ni kay ndaɗta nam hoŋ taɓaygi cecemi u namu, ay hin suɗuygi kini u iirira vi Goromma. 11Aygi furiyuygi ŋgolo hu Lona u Bu Suuna Yesu Kristu ma taɓaygi cecemi u Lonna.
Adam u Kristu
12Cora mba hu duliyara halaŋŋi u sana dew, u Adam, cora mbaa miɗna, miɗna njay ki kay suuna halaŋ kay asi halaŋ li coo. 13Jew bay Lona ɦal gaɗta maŋ Moiz ni cora ka hu duliyara da, hu li ma gaɗta ka tuɗina Lona ka ndum coraɗi. 14Doli ni miɗna col ay ni eg Adam gak gak tew Moiz, miɗna njay ki kay suu li co ka ko Adam ma hum ka u gaɗta vi Lonaɗina,
Adammi sa ma tak ki kay sa ma hin mbay daganna. 15Cora vi Adamba ka a ŋga ko oora vi Lona ta ɦaɗ ɦawara naɗi. Suuna ŋgolo miɗ ki kay cora vi sa ma dew namma. Oora vi Lona ta ŋgolla nam ɦaɗ ɦawara u sa ma dewna Yesu Kristu ni ŋgol cocoo. 16Ҥala ɦawara vi Lona ka ko ndal cora vi sa ma dewna naɗi. Ɓakŋa kay cora mba ni u sa ma dewna, daɓ mamba ni kaɓakŋa, kay ndaɗta oora ɦawara Lona ɦaɗ ay ni kay cora vi suuna bolowo ni ana warak ki wa. 17Lini miɗna kak mulla kay suuna u cora vi sa ma dewna, u sa ma dewna Yesu Kristu aygi hin fini ŋgolla su halaŋga, suu fi oora vi Lona cocona u ɦala ɗegeera hin kak iiriya, ti mulla u Kristu lay.
18Kay ndaɗta cora vi sa ma dewna Adam mbaa ɓakŋa kay suuna halaŋ, na lay sunda ɗegeera vi sa ma dewna Yesu Kristu ma buɗ suuna ki hu ɓakŋa kay asi mba kak iiriya. 19Kay ndaɗta bay hum vunna vi sa ma dewna cuk suuna ki hu cora ŋgolo, ko ndaɗta na may u hum vunna vi sa ma dewna mbuɗ suuna ŋgolo ɗegee fok Lona.
20Gaɗta mbay ni a zul cora, lini cora zul wa ni, oora vi Lonara hin mbuɗ ŋgol suwa. 21Ni na may cora kak mulla kay miɗna, na may oora vi Lonara kak mulla kay ɗegeera tuɗuygi hu iirira bay daɓpa u Yesu Kristu Bu Suuna.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.