ROMMA 14
14
Kaɓakŋa kay wayaŋŋaɗi
1Sa viimba maŋina agi vam ugiya, kaɓak kay saa mambaɗi 2Ko ndal sa ma vina ti tlesuu nam fasina halaŋ, nam sa ma ka saɓak hu viraɗina tini mbalara ɦawara may. 3Sa ma ti halaŋŋa ŋgul sa ma ka tiɗinaɗi sa ka ti tlesuu taa ɦiwɗina kaɓak kay sa ma tasi halaŋŋaɗi may. Kay Lona vam u furira. 4Sa ma ndak a kaɓakŋa kay sa sunda vi ndaramma ni gege? Lini nam li sun mamba jivi ɗowba ka laɗ jiviɗi, waɗni malamma, nam li jiviya ni Bu Suuna ndak a vam kommi namu.
5Sa ma kaa ni saa ana buu na ɦiw ni su ndarayamma, sa ma hiŋŋa saa mamba ni ana buuna halaŋŋi fun tam dew, gege lay mba wi ki ɗal ɗal hu saa mamba. 6Sa ma di ana buu ma ɦiw ni ŋgolo su ndaramana ɦal ŋgolla ni maŋ Bu Suuna. Sa ma ti tlena halaŋ halaŋŋa ɦal ŋgolla ni maŋ Bu Suuna lay, nam gi deɓpa maŋ Lona kay va ma nam ɦammana. Sa ma ka tiɗina geleɗ ni Bu Suuna kay nam gi deɓ Lona. 7Sa ma dukuygi ma kak iiri kay tam kaɗi, ma miɗ kay tam kaɗi lay. 8Lini aygi kak iiriya aygi kak iiri ni kay Bu Suuna, lini aygi miɗ lay ay miɗni maŋ Bu Suuna lay. Lini ay ka iiri lay, miɗi lay, ni kay Bu Suuna. 9Kristu miɗa paɗ ki kolo iiriya, a li Bu Suuna vi suu miɗina u suu iirina. 10Aŋ kaɓakŋa kay wayaŋŋa ni kay mege? Aŋ may ni ŋgul wayaŋŋa ni kay mege? Aygi halaŋi mba coloygi ki fok Lona nam hin kaɓakŋa kaygi ni namu. 11Kay magaara di ana,
«Bu Suuna di ana an ka iiriya,
suuna halaŋ hin mba goɓ
vun givisi kaŋga fokonu,
vun suuna halaŋ hin di ki
u vunusi kolo a ŋga Lona.»
12Gegelay hin mba di dlaamba ki fok Lona u tamba.
Li dlara puk wayaŋŋa kaŋgaɗi
13Hiniygi dlara kaɓakŋa kay taygira kiyo, saaraygi na ɗow ko di ana, li dla mayra daɓ sem wayaŋŋa ɗowba kalam hu coraɗi. 14Hu taɓpa vi Bu Suuna Yesu an wi kan gasi ana tlena halaŋ va ma njenje kaɗi, lini sana saa ana vana wanni njenjee nam mbuɗ ki irim njenje gasi may. 15Lini wayaŋŋa mbuɗ ki hahawra u va ma aŋ tamma ɦawaa ni, aŋ ka poy u minda oloɗi, ba sa ma Kristu miɗ kamma ki kay tlesuu aŋ tasina ɦawaɗi. 16Va ma jivi iriŋŋa mbuɗum ki a va ma sa di co kambi. 17Mul Lonara ni ka kay tlesuu tira u cira ɦawaɗi, ni kay ɗegeera u heɓpa u furira hu Musuk Lonara. 18Sa ma sun Kristu ko ndaɗta nana nam ii Lona jiviya. Suuna saa kam jivi lay.
19Halaygi dla mayra jivi a tuɗ u heɓpa, hiniygi aygi fi eŋga ko taygi dew hu vira. 20Ɓeŋ sunda vi Lona ki kay dlara tina ɦawaɗi, gorsenna tlena belni kay a tira halaŋ, aŋ li tiya gol wa a ndi wayaŋŋa ki kaŋga hu cora ni ka jiviɗi. 21Va ma jivina ni aŋ kom tliwnaɗi, ci summaɗi noy tlesuu puk wayaŋŋa kaŋgana ki halaŋ. 22Viiŋga huruŋga aŋ vaɗ eŋ fok Lona, furira ka kay sa ma li va wi ana nam lini cooɗina. 23Sa ma min a ti va u ciwayra hurumma ɓakŋa vi Lona vam wa, kay nam ti ka u vira hurumbi. Dlara sana laɗ bay vira halaŋŋi cora.
Chwazi Kounye ya:
ROMMA 14: BMS
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.
ROMMA 14
14
Kaɓakŋa kay wayaŋŋaɗi
1Sa viimba maŋina agi vam ugiya, kaɓak kay saa mambaɗi 2Ko ndal sa ma vina ti tlesuu nam fasina halaŋ, nam sa ma ka saɓak hu viraɗina tini mbalara ɦawara may. 3Sa ma ti halaŋŋa ŋgul sa ma ka tiɗinaɗi sa ka ti tlesuu taa ɦiwɗina kaɓak kay sa ma tasi halaŋŋaɗi may. Kay Lona vam u furira. 4Sa ma ndak a kaɓakŋa kay sa sunda vi ndaramma ni gege? Lini nam li sun mamba jivi ɗowba ka laɗ jiviɗi, waɗni malamma, nam li jiviya ni Bu Suuna ndak a vam kommi namu.
5Sa ma kaa ni saa ana buu na ɦiw ni su ndarayamma, sa ma hiŋŋa saa mamba ni ana buuna halaŋŋi fun tam dew, gege lay mba wi ki ɗal ɗal hu saa mamba. 6Sa ma di ana buu ma ɦiw ni ŋgolo su ndaramana ɦal ŋgolla ni maŋ Bu Suuna. Sa ma ti tlena halaŋ halaŋŋa ɦal ŋgolla ni maŋ Bu Suuna lay, nam gi deɓpa maŋ Lona kay va ma nam ɦammana. Sa ma ka tiɗina geleɗ ni Bu Suuna kay nam gi deɓ Lona. 7Sa ma dukuygi ma kak iiri kay tam kaɗi, ma miɗ kay tam kaɗi lay. 8Lini aygi kak iiriya aygi kak iiri ni kay Bu Suuna, lini aygi miɗ lay ay miɗni maŋ Bu Suuna lay. Lini ay ka iiri lay, miɗi lay, ni kay Bu Suuna. 9Kristu miɗa paɗ ki kolo iiriya, a li Bu Suuna vi suu miɗina u suu iirina. 10Aŋ kaɓakŋa kay wayaŋŋa ni kay mege? Aŋ may ni ŋgul wayaŋŋa ni kay mege? Aygi halaŋi mba coloygi ki fok Lona nam hin kaɓakŋa kaygi ni namu. 11Kay magaara di ana,
«Bu Suuna di ana an ka iiriya,
suuna halaŋ hin mba goɓ
vun givisi kaŋga fokonu,
vun suuna halaŋ hin di ki
u vunusi kolo a ŋga Lona.»
12Gegelay hin mba di dlaamba ki fok Lona u tamba.
Li dlara puk wayaŋŋa kaŋgaɗi
13Hiniygi dlara kaɓakŋa kay taygira kiyo, saaraygi na ɗow ko di ana, li dla mayra daɓ sem wayaŋŋa ɗowba kalam hu coraɗi. 14Hu taɓpa vi Bu Suuna Yesu an wi kan gasi ana tlena halaŋ va ma njenje kaɗi, lini sana saa ana vana wanni njenjee nam mbuɗ ki irim njenje gasi may. 15Lini wayaŋŋa mbuɗ ki hahawra u va ma aŋ tamma ɦawaa ni, aŋ ka poy u minda oloɗi, ba sa ma Kristu miɗ kamma ki kay tlesuu aŋ tasina ɦawaɗi. 16Va ma jivi iriŋŋa mbuɗum ki a va ma sa di co kambi. 17Mul Lonara ni ka kay tlesuu tira u cira ɦawaɗi, ni kay ɗegeera u heɓpa u furira hu Musuk Lonara. 18Sa ma sun Kristu ko ndaɗta nana nam ii Lona jiviya. Suuna saa kam jivi lay.
19Halaygi dla mayra jivi a tuɗ u heɓpa, hiniygi aygi fi eŋga ko taygi dew hu vira. 20Ɓeŋ sunda vi Lona ki kay dlara tina ɦawaɗi, gorsenna tlena belni kay a tira halaŋ, aŋ li tiya gol wa a ndi wayaŋŋa ki kaŋga hu cora ni ka jiviɗi. 21Va ma jivina ni aŋ kom tliwnaɗi, ci summaɗi noy tlesuu puk wayaŋŋa kaŋgana ki halaŋ. 22Viiŋga huruŋga aŋ vaɗ eŋ fok Lona, furira ka kay sa ma li va wi ana nam lini cooɗina. 23Sa ma min a ti va u ciwayra hurumma ɓakŋa vi Lona vam wa, kay nam ti ka u vira hurumbi. Dlara sana laɗ bay vira halaŋŋi cora.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.