ROMMA 11
11
Lona ka noy suu Israelna kiɗi
1An joɓa, Lona noy suu mamma ki su? Ka noyosi kiɗi, kay an ni sa ma Israelna hu njafna vi Abraham duk suu deera vi Benjaminna. 2Lona ka noy suu mam suu nam wasi ay jewna kiɗi. Agi wagi boy ma Eli dam maŋ Lona kay suu Israelna kaɗi su? 3«Bu Suuna asi ci suu maŋ suu jokoŋ vunuŋŋa kiyo, tooŋ otel maŋ ma li ɓivunna ki gaa, an hin dew ni anu, asi ka hal a can ki lay.» 4Ni Lona hoŋom dira ana mege? «An ŋgom suu manna ka bup bup kiɗisiya suu goɓ ka gaa fok Baalɗina.» 5Suu Lona manasi ay ki u jivi mamba ka cecemi na nde daŋ. 6Nam manasi ay ni u jivi mamba, ni ka kay sun masira oloɗi, lini ka naɗi ni jivira vi Lona ni ka jivira oloɗi.
7Hin di ni ana me ologe? Va ma suu Israelna halamma asi fam kaɗi, suu Lona manasi kina famu, suu hiŋŋa ndak ka a hum u boy nammaɗi. 8Ko magaara dira na, «Lona ɦasi ŋgussa zolomba kay irisi wiɗi humusi humbi lay, gak gak karami asi ka na.» 9David di kasi olo ana,
«Tlegeyesi suu tira mbuɗ kasi
a diŋi ma casi kina,
ndira kaŋgara ni a warak masina.
10Kay irisi mba dug kiyo,
a asi mba wi va oloɗi,
ŋgorosi li goɓi kaŋga na tew tew.»
11An ka joɓ ɗaŋi suu Juifna daɓ sesi puk kaŋga na ni a fafatɗa su? Ni ka naɗi, u coosira ni va ma mbaa suɗta kay suu daŋŋa, ni kay a colosi hurusi ma honira kolo egesiya. 12Ndi kaŋgara vi suu Juifna mbuɗ suu hu ndaŋgarana halaŋ ki saɓakŋa wa, ni hoŋ masira hoŋ ki kaŋgara mbuɗ suuna ki saɓak wa na ɗaŋŋi, asi hin hoŋ ay hu suɗta wa ni dlaasira hin lini ŋgol ko ndal mi na ɗaŋge?
Suɗta vi suu ka njaf suu Juifnaɗina
13An dagi ha ni magi agi suu ka njaf suu Juifnaɗina, anni sa ma vovoɗta ma gam ay maŋ njaf suu ka Juifnaɗina, kay sun man ndaɗta an li furira kaɗu. 14An ɓeŋ huu suu hu njafanna kay yowmus masina hurusina kay a suɗ suu ki dukusi ɦiw. 15Hu li ma asi ay ki keŋŋa suu duk ndaŋgarana halaŋ duk hoŋosi taɓ u Lona, asi hin hoŋ ay wa ni hin lini nana ologe? Hin lini ana suu ay ki miɗina mbuɗ iiriya.
16Lini fu ma sana bulukum kom jew a ɦal maŋ Lona ni, umba hinda ni mam lay, lini sok guna ɦam maŋ Lona wa gorgor kommi mam lay. 17Suu Israelna ni ko gu conora sana zumuɗ uɗta na, gorgor koɗ ma ɦiw ay ki kaaya, aŋ sa ma ka hu njafna vi suu Juifnaɗina aŋŋi gorgor cono mayra daŋga paɗ fun ndarayaɗnara, aŋ ki cecemi taɓi u ndaɗ cono mayra sana zumuɗ uɗta dew. 18Ni aŋ ka ndak a ŋgul ko ma ki kaaynaɗi, aŋ hin ŋga taŋ ni nanage? Aŋ ka zii sarina ni aŋgi, sarina ziiriŋŋi nam ɗow.
19Aŋ a di ɗow ni ana, «Gorgor ko namma kaam ki ni kay an a varak balamamu.» 20Ni jiviya kaasi kini kay asi vi kaɗi, aŋ varak balamasi ni kay aŋ viya, ni aŋ ŋga taŋ ŋgaayɗi li ndaana na ɗow. 21Lona hin suu Juifna suu gorgor gu ma gasina kaɗi ni, nam ndak a hiniŋ ki mayɗi su. 22Gol jivira vi Lona u yaamba gige? Nam li yara kay asi suu puk kaŋgana, nam li jivira kaŋ aŋ may. Mariyaɗ ni aŋ kak hu jivi mamba gak gak. Li ka naɗi ni nam hin kaaŋ ki ko nam ka ma hiŋŋa kira na may. 23Lini suu Juifna hin hurusi ma cona ki wa ni, asi hin hoŋ balamasi ma asi ay pii huna. Lona ndak kay a hoŋ pasi hu olo. 24Aŋ sa ma ka Juifnaɗina aŋŋi gorgor gu cono mayra ŋgoo bagira, kaaŋ ka ni mba paŋ hu mayra vora, aŋ tli taŋ ka u ndaɗta zumuɗ uɗ voraɗi, nam hin hoŋ mba pasi balamasi ni bay loɓo.
Suɗta vi suu Israelna
25Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta. 26Ni dla mayra suu Israelna halaŋ hin mba fi suɗtara, kay magaara di ana,
«Sa ma hin buɗ suuna kina
hin mbay ni hu Siyon
nam hin yow dla cora
kay suu hu njafna vi Yakobma ki halaŋ.
27Galamba an hin laɗ u asira wanni,
an hin yowosi coosira ki halaŋ.»
28Lini ŋga dla mayra suu Juifna noy Boy ma Ayra kira ni asi mbuɗ ni suu babalira vi Lona, kagi agiya lini ŋga ni manda Lona mansira ni asi ni suu nam minisi u sem somoyosina. 29Lona ka hoŋ tli va ma nam ɦam kinaɗi, nam ka hoŋ vunum dagan kay suu nam yasinaɗi lay. 30Kay li ay jew ni agi ka hum vun Lonaɗi, cecemi agi wi ana Lona wagi hahaw magira wa, kayra suu Juifna humum vunum kaɗira. 31Asi hum vun Lona kaɗi kay agi mba fi oora vi Lonara, asi lay mba wi oora agi fat ndaɗta. 32Lona njun suuna halaŋ hu ŋgel gaɗ masira kay nam a tak oo mamba maŋ suuna halaŋ.
Ŋgolla vi Lona ta mbuɗ mbuɗta
33Ҥizza vi Lonara ŋgolla nera u wiimba zul ɦay. Sa hin ndak a gam u dlaam ndaɗta kina ni gege? Va ma ŋgaamma sa ndak a humum um kina ni gege? 34Ko magaara dira na,
«Sa ma wi saara vi Bu Suuna ni gege?
Sa ma gaɗam hu boyna ana
nam li naɗina ni gege?
35Sa ma ndak a ɦam vana jew
a nam hin warakam ki balamma ni gege?»
36Tlena halaŋ mbay ni kom u tlesuu kana halaŋŋi kom namu asi ni mam lay. Geleɗta maŋ Lona a fafatɗa. Amin.
Chwazi Kounye ya:
ROMMA 11: BMS
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.
ROMMA 11
11
Lona ka noy suu Israelna kiɗi
1An joɓa, Lona noy suu mamma ki su? Ka noyosi kiɗi, kay an ni sa ma Israelna hu njafna vi Abraham duk suu deera vi Benjaminna. 2Lona ka noy suu mam suu nam wasi ay jewna kiɗi. Agi wagi boy ma Eli dam maŋ Lona kay suu Israelna kaɗi su? 3«Bu Suuna asi ci suu maŋ suu jokoŋ vunuŋŋa kiyo, tooŋ otel maŋ ma li ɓivunna ki gaa, an hin dew ni anu, asi ka hal a can ki lay.» 4Ni Lona hoŋom dira ana mege? «An ŋgom suu manna ka bup bup kiɗisiya suu goɓ ka gaa fok Baalɗina.» 5Suu Lona manasi ay ki u jivi mamba ka cecemi na nde daŋ. 6Nam manasi ay ni u jivi mamba, ni ka kay sun masira oloɗi, lini ka naɗi ni jivira vi Lona ni ka jivira oloɗi.
7Hin di ni ana me ologe? Va ma suu Israelna halamma asi fam kaɗi, suu Lona manasi kina famu, suu hiŋŋa ndak ka a hum u boy nammaɗi. 8Ko magaara dira na, «Lona ɦasi ŋgussa zolomba kay irisi wiɗi humusi humbi lay, gak gak karami asi ka na.» 9David di kasi olo ana,
«Tlegeyesi suu tira mbuɗ kasi
a diŋi ma casi kina,
ndira kaŋgara ni a warak masina.
10Kay irisi mba dug kiyo,
a asi mba wi va oloɗi,
ŋgorosi li goɓi kaŋga na tew tew.»
11An ka joɓ ɗaŋi suu Juifna daɓ sesi puk kaŋga na ni a fafatɗa su? Ni ka naɗi, u coosira ni va ma mbaa suɗta kay suu daŋŋa, ni kay a colosi hurusi ma honira kolo egesiya. 12Ndi kaŋgara vi suu Juifna mbuɗ suu hu ndaŋgarana halaŋ ki saɓakŋa wa, ni hoŋ masira hoŋ ki kaŋgara mbuɗ suuna ki saɓak wa na ɗaŋŋi, asi hin hoŋ ay hu suɗta wa ni dlaasira hin lini ŋgol ko ndal mi na ɗaŋge?
Suɗta vi suu ka njaf suu Juifnaɗina
13An dagi ha ni magi agi suu ka njaf suu Juifnaɗina, anni sa ma vovoɗta ma gam ay maŋ njaf suu ka Juifnaɗina, kay sun man ndaɗta an li furira kaɗu. 14An ɓeŋ huu suu hu njafanna kay yowmus masina hurusina kay a suɗ suu ki dukusi ɦiw. 15Hu li ma asi ay ki keŋŋa suu duk ndaŋgarana halaŋ duk hoŋosi taɓ u Lona, asi hin hoŋ ay wa ni hin lini nana ologe? Hin lini ana suu ay ki miɗina mbuɗ iiriya.
16Lini fu ma sana bulukum kom jew a ɦal maŋ Lona ni, umba hinda ni mam lay, lini sok guna ɦam maŋ Lona wa gorgor kommi mam lay. 17Suu Israelna ni ko gu conora sana zumuɗ uɗta na, gorgor koɗ ma ɦiw ay ki kaaya, aŋ sa ma ka hu njafna vi suu Juifnaɗina aŋŋi gorgor cono mayra daŋga paɗ fun ndarayaɗnara, aŋ ki cecemi taɓi u ndaɗ cono mayra sana zumuɗ uɗta dew. 18Ni aŋ ka ndak a ŋgul ko ma ki kaaynaɗi, aŋ hin ŋga taŋ ni nanage? Aŋ ka zii sarina ni aŋgi, sarina ziiriŋŋi nam ɗow.
19Aŋ a di ɗow ni ana, «Gorgor ko namma kaam ki ni kay an a varak balamamu.» 20Ni jiviya kaasi kini kay asi vi kaɗi, aŋ varak balamasi ni kay aŋ viya, ni aŋ ŋga taŋ ŋgaayɗi li ndaana na ɗow. 21Lona hin suu Juifna suu gorgor gu ma gasina kaɗi ni, nam ndak a hiniŋ ki mayɗi su. 22Gol jivira vi Lona u yaamba gige? Nam li yara kay asi suu puk kaŋgana, nam li jivira kaŋ aŋ may. Mariyaɗ ni aŋ kak hu jivi mamba gak gak. Li ka naɗi ni nam hin kaaŋ ki ko nam ka ma hiŋŋa kira na may. 23Lini suu Juifna hin hurusi ma cona ki wa ni, asi hin hoŋ balamasi ma asi ay pii huna. Lona ndak kay a hoŋ pasi hu olo. 24Aŋ sa ma ka Juifnaɗina aŋŋi gorgor gu cono mayra ŋgoo bagira, kaaŋ ka ni mba paŋ hu mayra vora, aŋ tli taŋ ka u ndaɗta zumuɗ uɗ voraɗi, nam hin hoŋ mba pasi balamasi ni bay loɓo.
Suɗta vi suu Israelna
25Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta. 26Ni dla mayra suu Israelna halaŋ hin mba fi suɗtara, kay magaara di ana,
«Sa ma hin buɗ suuna kina
hin mbay ni hu Siyon
nam hin yow dla cora
kay suu hu njafna vi Yakobma ki halaŋ.
27Galamba an hin laɗ u asira wanni,
an hin yowosi coosira ki halaŋ.»
28Lini ŋga dla mayra suu Juifna noy Boy ma Ayra kira ni asi mbuɗ ni suu babalira vi Lona, kagi agiya lini ŋga ni manda Lona mansira ni asi ni suu nam minisi u sem somoyosina. 29Lona ka hoŋ tli va ma nam ɦam kinaɗi, nam ka hoŋ vunum dagan kay suu nam yasinaɗi lay. 30Kay li ay jew ni agi ka hum vun Lonaɗi, cecemi agi wi ana Lona wagi hahaw magira wa, kayra suu Juifna humum vunum kaɗira. 31Asi hum vun Lona kaɗi kay agi mba fi oora vi Lonara, asi lay mba wi oora agi fat ndaɗta. 32Lona njun suuna halaŋ hu ŋgel gaɗ masira kay nam a tak oo mamba maŋ suuna halaŋ.
Ŋgolla vi Lona ta mbuɗ mbuɗta
33Ҥizza vi Lonara ŋgolla nera u wiimba zul ɦay. Sa hin ndak a gam u dlaam ndaɗta kina ni gege? Va ma ŋgaamma sa ndak a humum um kina ni gege? 34Ko magaara dira na,
«Sa ma wi saara vi Bu Suuna ni gege?
Sa ma gaɗam hu boyna ana
nam li naɗina ni gege?
35Sa ma ndak a ɦam vana jew
a nam hin warakam ki balamma ni gege?»
36Tlena halaŋ mbay ni kom u tlesuu kana halaŋŋi kom namu asi ni mam lay. Geleɗta maŋ Lona a fafatɗa. Amin.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.