MARK 8
8
Yesu ɦal funa maŋ suuna bup bup fiɗi
(Matiye 15.32-39)
1Fali ndaɗta suuna moli eg Yesu cocoo. Vaasi ma ti kaɗi, ni Yesu yi suu haɗi mamsina ay egemu, dasi ana, 2«Suuna mbuɗ irin hahaw ɦay. Asi li buuna un ca ni hindi. Va ti funusi ka oloɗi. 3Lini an hinisi tuɗ vo u mayra ni, suu ziisi day dayna ka duk lay, asi hin say ha ki voɗo.» 4Suu haɗi mamsina hoŋom dira ana, «Sana fi fu ma hoɓ suu wanana ki duk gura bagi ni arage?» 5Yesu joɓosi ana, «Funa kogi gage?» Asi ana, «Funa kiɗisiya.»
6Yesu di suuna ana, «Mologi kaŋgaa.» Nam yow fu ma kiɗisiyana komu, gi deɓ Lona kamu, nam ɓorowom irim ki duk ɓorow ni, ɦam maŋ suu haɗi mamsina ana ɓorowom ha ki maŋ suuna. Asi ɓorowom ki gaw. 7Kuluf ma gorina ka kosi nde may. Yesu gi deɓ Lona kamu, ɦasina asi ɓorowom ha ki maŋ suuna lay. 8Suuna halaŋ ti funa, hoɓ ki lay. Suu haɗina taram umba hinda, oy kaalamina kiɗisiya. 9Suuna ii va ma bup bup fiɗi. Yesu dasi ana, Tuɗugi vo ɗaŋ. 10Na ɗaŋi nam ful hu lumba u suu haɗi mamsina. Asi tuɗ hu mbassa yaɗ ana Dalmanuta.
Suu Farisenna joɓ Yesu ana lasi dlara mbuɗta
(Matiye 16.1-4)
11Suu Farisenna mbay eg Yesu, gijaŋ ciwayra u namu. A duum delemba, asi joɓom ana nam lasi dlara mbuɗta a takasi saɓakam ma col ay kolo huulona. 12Yesu zam na ɦuu, hin dasi ana, «Suu cukuni asina hal dlara mbuɗta ni a mege? An dagi ni gasira, dlara mbuɗ ka li maŋ suu asina oloɗi.» 13Nam hinisi tani, gi tam hoŋ ful hu lumba, ɗiŋ ha ki ii lum ma hiŋŋa gaw.
Kuffa vi Farisenna u ta vi Herodta
(Matiye 16.5-12)
14Suu haɗina maa ay bay yow mappa kosiya. U mappana kosi hu lumba na dew ɗaŋ. 15Yesu gaɗasi ana, «Lagi tagi jiviya! Fuɗugi tagi ko kuffa vi suu Farisenna u ta vi Herodta.» 16Suu haɗina hosok tasi ana, «Nam ɓakŋi kay mappa ka koygiɗira.» 17Yesu wasi asi hosok tasi na ni, nam dasi ana, «Agi ɓak duk tagi ana an di ni kay mappa ka koygiɗira ni nanage. Agi hum ka tuɗi su? Agi ka wi kagiɗi su? Yagi eŋ coco ɦay su? 18Irigi kagi a wira, agi ka wiɗi su? Humugi a humba, agi ka humbi lay su? Humugi ka gagiɗi su? 19Falira an ɓorow fu ma vadlna maŋ suu bup bup vadlna, agi taaram umba hinda yow kaalamina ni gage?» Asi hoŋom dira ana, «Doogo yam mba.» 20Yesu dasi olo ana, «Falira an ɓorow fu ma kiɗisiyana maŋ suu bup bup fiɗina, agi taaram umba hinda oy kaalamina ni gage?» Asi dam ana, «Kiɗisiya.» 21Yesu dasi ana, «Agi bay hum tu olo su?»
Yesu mal ii sa dugina kiyo
22Yesu u suu mamsina tew hu Betsaida. Asi mbaa sa irim dugina ay fokomu. Asi joɓom ana nam ŋgenemu. 23Yesu vi ko sa dugina, tuɗ doŋ kaana u namu. Nam doom yoyona irimu, cuk kom kam may, nam joɓom ana, «Aŋ wi va su?» 24Sa dugina tli irim koloo, hin di ana, «An wi suuna tuɗ ko ŋgusugina na.» 25Yesu cuk kom kay irim olo. Sa dugina gol irim ha duk gayra na ɗegee, nam mbuɗ wi ki jiviya. 26Yesu dam ana, «Aŋ tuɗ voo. Tli ɦoŋzinaɗi.»
Piyer di ki kay Yesu ana nammi Sa Suɗta
(Matiye 16.13-20; Luk 9.18-21)
27Yesu u suu haɗi mamsina tuɗ irisi ha ɦoŋzina pay zi ma ŋgolona Sesare vi Filip tok. Asi hu voɗta wanni, nam joɓ suu haɗi mamsina ana, «Suuna ɓak kan ana an ni gege?» 28Asi hoŋom dira ana, «Suu ɦiw ana aŋŋi Jaŋ ma mbus batem maŋ suuna, suu hiŋŋa ana aŋŋi Eli, suu hiŋŋa olo ana aŋŋi duk suu jok vun Lonna.» 29Yesu joɓosi ana, «Agi may ni? Agi di kan ana mi may ge?» Piyer hoŋ dam ana, «Aŋŋi Sa Lona Fuurumma.» 30Yesu dasi ana asi gam um ki maŋ saɗi.
Yesu di ki kay miɗ mamma u paɗ mamba kolora
(Matiye 16.21-28; Luk 9.22-27)
31Yesu gijaŋ haɗasi ana, «Goŋ sanna hin fi lassa cocoo. Suu ŋgolona u muli suu li ɓivunna u suu wi magaara hin noyom kiyo. Asi hin cam kiyo. Hu buu ma hindina nam hin paɗ ki kolo iiriya.» 32Nam dasi boy namma ki ni na ɗal ɗal. Piyer yam ay ki keŋ yi ni, yalamu. 33Yesu pereɗ irim eg suu haɗi mamsina, golosi na ni, yal Piyer ana, «Ҥuɗ taŋ ha ki ŋgoron day, Satanna. Saaraŋ ka kora vi Lonara naɗi. Ni vi suu warna.»
34Ŋgoo daganda Yesu yi suuna ay u suu haɗi mamsina, dasi ana, «Lini sana min a tuɗ kay cerenu ni, saa kay tambi, nam tli guum ma garakŋa, tuɗ ay unu. 35Sa min suɗ iiri mambana, ndaɗ hin ba kiyo. Sa ma ba iiri mamba ki kan may, kay Boy ma Ayra mayna, nam hin suɗuɗu. 36Sana li ana tlesuu kay ndaŋgarana halaŋ li ni komu ni, nam ba iiri mamba ki wani, tlesuu asina hin mbuɗum mege? 37Va sana fam a mbuɗ iiri mamba ni mege? 38Lini sana li zolona kanu, kay boy manna lay, fok suu cukunina ni, suu li zoŋgana lay, li cora lay, Goŋ Sanna hin li zolona kam may, falira nam mbay u saɓakŋa vi Bumma u suu mam suu sunda huulona may.»
Chwazi Kounye ya:
MARK 8: BMS
Pati Souliye
Pataje
Kopye

Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.
MARK 8
8
Yesu ɦal funa maŋ suuna bup bup fiɗi
(Matiye 15.32-39)
1Fali ndaɗta suuna moli eg Yesu cocoo. Vaasi ma ti kaɗi, ni Yesu yi suu haɗi mamsina ay egemu, dasi ana, 2«Suuna mbuɗ irin hahaw ɦay. Asi li buuna un ca ni hindi. Va ti funusi ka oloɗi. 3Lini an hinisi tuɗ vo u mayra ni, suu ziisi day dayna ka duk lay, asi hin say ha ki voɗo.» 4Suu haɗi mamsina hoŋom dira ana, «Sana fi fu ma hoɓ suu wanana ki duk gura bagi ni arage?» 5Yesu joɓosi ana, «Funa kogi gage?» Asi ana, «Funa kiɗisiya.»
6Yesu di suuna ana, «Mologi kaŋgaa.» Nam yow fu ma kiɗisiyana komu, gi deɓ Lona kamu, nam ɓorowom irim ki duk ɓorow ni, ɦam maŋ suu haɗi mamsina ana ɓorowom ha ki maŋ suuna. Asi ɓorowom ki gaw. 7Kuluf ma gorina ka kosi nde may. Yesu gi deɓ Lona kamu, ɦasina asi ɓorowom ha ki maŋ suuna lay. 8Suuna halaŋ ti funa, hoɓ ki lay. Suu haɗina taram umba hinda, oy kaalamina kiɗisiya. 9Suuna ii va ma bup bup fiɗi. Yesu dasi ana, Tuɗugi vo ɗaŋ. 10Na ɗaŋi nam ful hu lumba u suu haɗi mamsina. Asi tuɗ hu mbassa yaɗ ana Dalmanuta.
Suu Farisenna joɓ Yesu ana lasi dlara mbuɗta
(Matiye 16.1-4)
11Suu Farisenna mbay eg Yesu, gijaŋ ciwayra u namu. A duum delemba, asi joɓom ana nam lasi dlara mbuɗta a takasi saɓakam ma col ay kolo huulona. 12Yesu zam na ɦuu, hin dasi ana, «Suu cukuni asina hal dlara mbuɗta ni a mege? An dagi ni gasira, dlara mbuɗ ka li maŋ suu asina oloɗi.» 13Nam hinisi tani, gi tam hoŋ ful hu lumba, ɗiŋ ha ki ii lum ma hiŋŋa gaw.
Kuffa vi Farisenna u ta vi Herodta
(Matiye 16.5-12)
14Suu haɗina maa ay bay yow mappa kosiya. U mappana kosi hu lumba na dew ɗaŋ. 15Yesu gaɗasi ana, «Lagi tagi jiviya! Fuɗugi tagi ko kuffa vi suu Farisenna u ta vi Herodta.» 16Suu haɗina hosok tasi ana, «Nam ɓakŋi kay mappa ka koygiɗira.» 17Yesu wasi asi hosok tasi na ni, nam dasi ana, «Agi ɓak duk tagi ana an di ni kay mappa ka koygiɗira ni nanage. Agi hum ka tuɗi su? Agi ka wi kagiɗi su? Yagi eŋ coco ɦay su? 18Irigi kagi a wira, agi ka wiɗi su? Humugi a humba, agi ka humbi lay su? Humugi ka gagiɗi su? 19Falira an ɓorow fu ma vadlna maŋ suu bup bup vadlna, agi taaram umba hinda yow kaalamina ni gage?» Asi hoŋom dira ana, «Doogo yam mba.» 20Yesu dasi olo ana, «Falira an ɓorow fu ma kiɗisiyana maŋ suu bup bup fiɗina, agi taaram umba hinda oy kaalamina ni gage?» Asi dam ana, «Kiɗisiya.» 21Yesu dasi ana, «Agi bay hum tu olo su?»
Yesu mal ii sa dugina kiyo
22Yesu u suu mamsina tew hu Betsaida. Asi mbaa sa irim dugina ay fokomu. Asi joɓom ana nam ŋgenemu. 23Yesu vi ko sa dugina, tuɗ doŋ kaana u namu. Nam doom yoyona irimu, cuk kom kam may, nam joɓom ana, «Aŋ wi va su?» 24Sa dugina tli irim koloo, hin di ana, «An wi suuna tuɗ ko ŋgusugina na.» 25Yesu cuk kom kay irim olo. Sa dugina gol irim ha duk gayra na ɗegee, nam mbuɗ wi ki jiviya. 26Yesu dam ana, «Aŋ tuɗ voo. Tli ɦoŋzinaɗi.»
Piyer di ki kay Yesu ana nammi Sa Suɗta
(Matiye 16.13-20; Luk 9.18-21)
27Yesu u suu haɗi mamsina tuɗ irisi ha ɦoŋzina pay zi ma ŋgolona Sesare vi Filip tok. Asi hu voɗta wanni, nam joɓ suu haɗi mamsina ana, «Suuna ɓak kan ana an ni gege?» 28Asi hoŋom dira ana, «Suu ɦiw ana aŋŋi Jaŋ ma mbus batem maŋ suuna, suu hiŋŋa ana aŋŋi Eli, suu hiŋŋa olo ana aŋŋi duk suu jok vun Lonna.» 29Yesu joɓosi ana, «Agi may ni? Agi di kan ana mi may ge?» Piyer hoŋ dam ana, «Aŋŋi Sa Lona Fuurumma.» 30Yesu dasi ana asi gam um ki maŋ saɗi.
Yesu di ki kay miɗ mamma u paɗ mamba kolora
(Matiye 16.21-28; Luk 9.22-27)
31Yesu gijaŋ haɗasi ana, «Goŋ sanna hin fi lassa cocoo. Suu ŋgolona u muli suu li ɓivunna u suu wi magaara hin noyom kiyo. Asi hin cam kiyo. Hu buu ma hindina nam hin paɗ ki kolo iiriya.» 32Nam dasi boy namma ki ni na ɗal ɗal. Piyer yam ay ki keŋ yi ni, yalamu. 33Yesu pereɗ irim eg suu haɗi mamsina, golosi na ni, yal Piyer ana, «Ҥuɗ taŋ ha ki ŋgoron day, Satanna. Saaraŋ ka kora vi Lonara naɗi. Ni vi suu warna.»
34Ŋgoo daganda Yesu yi suuna ay u suu haɗi mamsina, dasi ana, «Lini sana min a tuɗ kay cerenu ni, saa kay tambi, nam tli guum ma garakŋa, tuɗ ay unu. 35Sa min suɗ iiri mambana, ndaɗ hin ba kiyo. Sa ma ba iiri mamba ki kan may, kay Boy ma Ayra mayna, nam hin suɗuɗu. 36Sana li ana tlesuu kay ndaŋgarana halaŋ li ni komu ni, nam ba iiri mamba ki wani, tlesuu asina hin mbuɗum mege? 37Va sana fam a mbuɗ iiri mamba ni mege? 38Lini sana li zolona kanu, kay boy manna lay, fok suu cukunina ni, suu li zoŋgana lay, li cora lay, Goŋ Sanna hin li zolona kam may, falira nam mbay u saɓakŋa vi Bumma u suu mam suu sunda huulona may.»
Chwazi Kounye ya:
:
Pati Souliye
Pataje
Kopye

Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.