MARK 15
15
Yesu fok Pilat
(Matiye 27.1-2,11-14; Luk 23.1-5; Jaŋ 18.28-38)
1Maɗii feɗet ni, muli suu li ɓivunna u suu ŋgolona u suu wi magara u suu ŋgolo suu kaɓakŋa halaŋ lay tok tasi a gi gagara kay Yesu. Asi ɗag Yesu, tuɗ ɦam maŋ Pilat. 2Nam joɓom ana, «Aŋŋi mulna vi suu Juifna su?» Yesu hoŋom dira ana, «Aŋ di na.» 3Muli suu li ɓivunna ka boyna eg Yesu na gak gak. 4Pilat hoŋ joɓom olo, «Aŋ ka hoŋ di na ndeɗi su? Gol asi yakaŋ gige!» 5Yesu ka dam vun dukgi lay. Pilat viɗ ki duk boy namma.
Asi kaɓakŋa ana ci Yesu kiyo
(Matiye 27.15-26; Luk 23.13-25; Jaŋ 18.39—19.16)
6Hu buu ma Pakŋa tew tew ni, sa daŋgay ma hurusi minimma, Pilat gasina ki voo. 7Sa ma daŋgay maa dew, yam ana Barabbas. Asi vam ay ni duk suu mbuɗ vunna u mul masina. Asi ci sa ma ki dew, nam duk may. 8Suuna yow tuɗ joɓ Pilat ana nam gasi sa ay ki dew ko nam gasisina ay ki fok jewra na. 9Pilat joɓosi ana, «An gagi ki ni mulna vi suu Juifna su?»
10Pilat ɓak na ni, kay nam wi ana muli suu li ɓivunna vi Yesu ni ii gonokka ɦawaa. 11Muli suu li ɓivunna cak suu molina ana gi Barabbas kina ɗow. 12Pilat hoŋ joɓosi ana, «Sa agi yam ana mulna vi suu Juifna an lammi nanage?» 13Asi tum soora ana, «Ɓalam ki eg garakŋa.» 14Pilat dasiya, «Dla cora nam laɗta ni taarage?» Asi tum soora su olo ana, «Ɓalam ki eg garakŋa! Ɓalam ki eg garakŋa.» 15Pilat min a heɓ hu suuna wanni, nam gasi Barabbas kiyo, Yesu nam poŋom poŋŋi, ɦasina a ɓalam kay gu ma garakŋa.
Suu asgaana pan Yesu
(Matiye 27.27-31; Jaŋ 19.2-3)
16Suu asgaana mbaa Yesu ay hu taraŋga vi Pilat mbaa ni, tok ndarayasi asgaana ay egesi halaŋ. 17Asi cukum baraw ma tlawna tam ca ni, hin cilim jumba mulla wayara kamu. 18Asi yam ana, «Gaŋ deɓpa, mulna vi suu Juifna.» 19Asi waɗam yam sesi bolowo u tokolora, tofoɗom yoyona irim may, tin usi tani, goɓ kaŋga fokom, gam deɓpa. 20Asi panam pan pan ni, fok baraw ma tlawna kiyo, cukum mamsina egemu. Asi gam ha ki fokosi bunsu a ndaa ɓalam kira.
Asi ɓal Yesu hu gu garakŋa
(Matiye 27.32-44; Luk 23.26-43; Jaŋ 19.17-27)
21Asi hu voɗta wanni, fi Simon, bu Aleksandre u Rufus, sa Sirenna. Nam ay hu sene mamma wanni, asi ɦeɓem duk gaw ana nam zii garak Yesuna. 22Asi tuɗ Yesu hu lii yam ana Golgota, u vun masina ana, «lii ŋgot yamba.» 23Suu asgaana ɦam summa tlumira u mbul ma yara, Yesu cam kaɗi. 24Asi ɓalam ki hu gu garakŋa, hin ɓorowom barawi mamsina ki kosi a ci ɓelera. 25Asi ɓalam ki kolo ni faɗta mbuɗ ki baŋŋa ma yowna. 26Asi ɓii ki kolo kam ana, «Mulna vi suu Juifna,» ni dlara asi cam ki kaɗta. 27Asi ɓalam suu kul suu buu suuna voɗna ki egem mba', maa dew kay bikim maa njufna, ma hiŋŋa kay bikim ma gulna may. [28Ni faɗ ki ni vun boy ma di ki hu magaara ana, «Asi gam ndumum ki duk suu cona.»]
29Suu jak keŋ voɗ ndaɗtana panam, kisik yasi um ana, «Waw! Waw! Aŋ sa ma ana to Ziŋ Lonara ki to ni, miniɗ hu buuna hindina, 30suɗ taŋ ki may ɗaŋgi su! Taɓa ay ki gaa hu garakŋa.» 31Muli suu li ɓivunna u suu wi magaara panam ko ndaɗta na lay, ɓak tasi ana, «Nam suɗ suu daŋŋa ki ɗow ɦak ni, suɗ tamba ki mayɗi su! 32Sa Lona Fuurumma, mulna vi suu Israelna taɓa ay ki kaŋga, ami wi u irimi wa ni, hin tin hurumi kaŋ tuwa.» Suu ki ɓali kolo eg Yesuna ŋgulum lay.
Miɗna vi Yesu
(Matiye 27.45-56; Luk 23.44-49; Jaŋ 19.28-30)
33Faali faɗta col duk wanni, lina mbuɗ ki ndufunda na gim, gak gak, faɗta leŋ ki u ndaɗta. 34Faɗta leŋ ki a boyogina du barra, Yesu ɓak u delemba eŋga ana, «Elowi, Elowi lema sabaktani,» u vun masina ni ana, «Loonna, Loonna, aŋ hinin ki ni kay mege?» 35Suu moli ga um suu ɦiw di ana, «Gologiya nam ka yi Eli.» 36Sa maa dew ndi liŋŋa, tluɓ va mbus ŋgotina ay duk sum dlayna kalam vun ŋgayra, ɦamma ana nam soɓomu, hin di ana, «Goloygi tuwa. Elie hin mba paɗam ki ga kalage.» 37Yesu bay eŋga na haŋgakŋi, seeɗ gaw.
38Baraw ma ŋgol ma jaki hu Ziŋ Lonara haa ki duk mba' col ay kay yamu ndi ki kaŋga mbot mbot. 39Mul asgaana coli fokom na kay wi ana nam bay bay ni, miɗ gaw, nam di ana, «Sa namma gasi ni Goŋ Lonna.»
40Boyogi suu ɦiw ay laki keŋ a gola lay. Dukusi wanni Mari ta Magdalara u Salome may, Mari su Jak ma goona u Joses may. 41Boyogi suu hindi asina mayra Yesu ay Galilera ni, asi tuɗ um sunum ni asiya. Boyogi suu tuɗ ay Yerusalem u namma duk bolow may.
Asi pi maɗ Yesu
(Matiye 27.57-61; Luk 23.50-56; Jaŋ 19.38-42)
42Fiɗigira ca ca ni, vin ni buu ma vi Lonna, asi min tasi kay buu namma. 43Yosef sa ma Arimatena, ni sa ŋgol ma gi ii boyna, nam juɓ Mul Lonara lay, nam so um ki so ni, tuɗ joɓ maɗ Yesu ay ko Pilat. 44Pilat ŋgusum paɗ ki na fak ana Yesu miɗ na zak su? Nam yi mul asgaana, joɓom ana, «Yesu miɗ ni kof day su?» 45Nam hum vun mul asgaana hummi, hin Yosef tuɗ tli maɗ Yesu. 46Yosef gus baktana kom gus ni, tuɗ paɗ Yesu ay ki hu gu ma garakŋa, ganam u baktana gan ni, gam hu zulla vekeɗ duk ɦinira. Nam lagaɗ ɦinira ŋgolla duguɗ fun zulla. 47Mari ta Magdalara u Mari su Joses gol hu li ma asi gi Yesu huna.
Chwazi Kounye ya:
MARK 15: BMS
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.
MARK 15
15
Yesu fok Pilat
(Matiye 27.1-2,11-14; Luk 23.1-5; Jaŋ 18.28-38)
1Maɗii feɗet ni, muli suu li ɓivunna u suu ŋgolona u suu wi magara u suu ŋgolo suu kaɓakŋa halaŋ lay tok tasi a gi gagara kay Yesu. Asi ɗag Yesu, tuɗ ɦam maŋ Pilat. 2Nam joɓom ana, «Aŋŋi mulna vi suu Juifna su?» Yesu hoŋom dira ana, «Aŋ di na.» 3Muli suu li ɓivunna ka boyna eg Yesu na gak gak. 4Pilat hoŋ joɓom olo, «Aŋ ka hoŋ di na ndeɗi su? Gol asi yakaŋ gige!» 5Yesu ka dam vun dukgi lay. Pilat viɗ ki duk boy namma.
Asi kaɓakŋa ana ci Yesu kiyo
(Matiye 27.15-26; Luk 23.13-25; Jaŋ 18.39—19.16)
6Hu buu ma Pakŋa tew tew ni, sa daŋgay ma hurusi minimma, Pilat gasina ki voo. 7Sa ma daŋgay maa dew, yam ana Barabbas. Asi vam ay ni duk suu mbuɗ vunna u mul masina. Asi ci sa ma ki dew, nam duk may. 8Suuna yow tuɗ joɓ Pilat ana nam gasi sa ay ki dew ko nam gasisina ay ki fok jewra na. 9Pilat joɓosi ana, «An gagi ki ni mulna vi suu Juifna su?»
10Pilat ɓak na ni, kay nam wi ana muli suu li ɓivunna vi Yesu ni ii gonokka ɦawaa. 11Muli suu li ɓivunna cak suu molina ana gi Barabbas kina ɗow. 12Pilat hoŋ joɓosi ana, «Sa agi yam ana mulna vi suu Juifna an lammi nanage?» 13Asi tum soora ana, «Ɓalam ki eg garakŋa.» 14Pilat dasiya, «Dla cora nam laɗta ni taarage?» Asi tum soora su olo ana, «Ɓalam ki eg garakŋa! Ɓalam ki eg garakŋa.» 15Pilat min a heɓ hu suuna wanni, nam gasi Barabbas kiyo, Yesu nam poŋom poŋŋi, ɦasina a ɓalam kay gu ma garakŋa.
Suu asgaana pan Yesu
(Matiye 27.27-31; Jaŋ 19.2-3)
16Suu asgaana mbaa Yesu ay hu taraŋga vi Pilat mbaa ni, tok ndarayasi asgaana ay egesi halaŋ. 17Asi cukum baraw ma tlawna tam ca ni, hin cilim jumba mulla wayara kamu. 18Asi yam ana, «Gaŋ deɓpa, mulna vi suu Juifna.» 19Asi waɗam yam sesi bolowo u tokolora, tofoɗom yoyona irim may, tin usi tani, goɓ kaŋga fokom, gam deɓpa. 20Asi panam pan pan ni, fok baraw ma tlawna kiyo, cukum mamsina egemu. Asi gam ha ki fokosi bunsu a ndaa ɓalam kira.
Asi ɓal Yesu hu gu garakŋa
(Matiye 27.32-44; Luk 23.26-43; Jaŋ 19.17-27)
21Asi hu voɗta wanni, fi Simon, bu Aleksandre u Rufus, sa Sirenna. Nam ay hu sene mamma wanni, asi ɦeɓem duk gaw ana nam zii garak Yesuna. 22Asi tuɗ Yesu hu lii yam ana Golgota, u vun masina ana, «lii ŋgot yamba.» 23Suu asgaana ɦam summa tlumira u mbul ma yara, Yesu cam kaɗi. 24Asi ɓalam ki hu gu garakŋa, hin ɓorowom barawi mamsina ki kosi a ci ɓelera. 25Asi ɓalam ki kolo ni faɗta mbuɗ ki baŋŋa ma yowna. 26Asi ɓii ki kolo kam ana, «Mulna vi suu Juifna,» ni dlara asi cam ki kaɗta. 27Asi ɓalam suu kul suu buu suuna voɗna ki egem mba', maa dew kay bikim maa njufna, ma hiŋŋa kay bikim ma gulna may. [28Ni faɗ ki ni vun boy ma di ki hu magaara ana, «Asi gam ndumum ki duk suu cona.»]
29Suu jak keŋ voɗ ndaɗtana panam, kisik yasi um ana, «Waw! Waw! Aŋ sa ma ana to Ziŋ Lonara ki to ni, miniɗ hu buuna hindina, 30suɗ taŋ ki may ɗaŋgi su! Taɓa ay ki gaa hu garakŋa.» 31Muli suu li ɓivunna u suu wi magaara panam ko ndaɗta na lay, ɓak tasi ana, «Nam suɗ suu daŋŋa ki ɗow ɦak ni, suɗ tamba ki mayɗi su! 32Sa Lona Fuurumma, mulna vi suu Israelna taɓa ay ki kaŋga, ami wi u irimi wa ni, hin tin hurumi kaŋ tuwa.» Suu ki ɓali kolo eg Yesuna ŋgulum lay.
Miɗna vi Yesu
(Matiye 27.45-56; Luk 23.44-49; Jaŋ 19.28-30)
33Faali faɗta col duk wanni, lina mbuɗ ki ndufunda na gim, gak gak, faɗta leŋ ki u ndaɗta. 34Faɗta leŋ ki a boyogina du barra, Yesu ɓak u delemba eŋga ana, «Elowi, Elowi lema sabaktani,» u vun masina ni ana, «Loonna, Loonna, aŋ hinin ki ni kay mege?» 35Suu moli ga um suu ɦiw di ana, «Gologiya nam ka yi Eli.» 36Sa maa dew ndi liŋŋa, tluɓ va mbus ŋgotina ay duk sum dlayna kalam vun ŋgayra, ɦamma ana nam soɓomu, hin di ana, «Goloygi tuwa. Elie hin mba paɗam ki ga kalage.» 37Yesu bay eŋga na haŋgakŋi, seeɗ gaw.
38Baraw ma ŋgol ma jaki hu Ziŋ Lonara haa ki duk mba' col ay kay yamu ndi ki kaŋga mbot mbot. 39Mul asgaana coli fokom na kay wi ana nam bay bay ni, miɗ gaw, nam di ana, «Sa namma gasi ni Goŋ Lonna.»
40Boyogi suu ɦiw ay laki keŋ a gola lay. Dukusi wanni Mari ta Magdalara u Salome may, Mari su Jak ma goona u Joses may. 41Boyogi suu hindi asina mayra Yesu ay Galilera ni, asi tuɗ um sunum ni asiya. Boyogi suu tuɗ ay Yerusalem u namma duk bolow may.
Asi pi maɗ Yesu
(Matiye 27.57-61; Luk 23.50-56; Jaŋ 19.38-42)
42Fiɗigira ca ca ni, vin ni buu ma vi Lonna, asi min tasi kay buu namma. 43Yosef sa ma Arimatena, ni sa ŋgol ma gi ii boyna, nam juɓ Mul Lonara lay, nam so um ki so ni, tuɗ joɓ maɗ Yesu ay ko Pilat. 44Pilat ŋgusum paɗ ki na fak ana Yesu miɗ na zak su? Nam yi mul asgaana, joɓom ana, «Yesu miɗ ni kof day su?» 45Nam hum vun mul asgaana hummi, hin Yosef tuɗ tli maɗ Yesu. 46Yosef gus baktana kom gus ni, tuɗ paɗ Yesu ay ki hu gu ma garakŋa, ganam u baktana gan ni, gam hu zulla vekeɗ duk ɦinira. Nam lagaɗ ɦinira ŋgolla duguɗ fun zulla. 47Mari ta Magdalara u Mari su Joses gol hu li ma asi gi Yesu huna.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.