MARK 13
13
Yesu ana zira vi Londa Yerusalemba hin to kiyo
(Matiye 24.1-2; Luk 21.5-6)
1Yesu kal ay ki hu Ziŋ Lonara wanni, sa haɗi mamma dew dam ana, «Malaŋ Haɗta, aŋ gol zira mini ŋgolla, jivira u ɦinira ŋgolora gige!» 2Yesu dam ana, «Aŋ wi zira ŋgol ndaɗta su? Ҥini ta dew hin ka a li jaki kolo kay ndaraɗɗi. Asi hin tooɗ ki kaŋga halaŋ.»
Hahawra hin mba kay suuna
(Matiye 24.3-14; Luk 21.7-19)
3Yesu kak kay ɦinira Conora, pay Ziŋ Lonara tok. Piyer, Jak, Jaŋ u Andre egemi asi doy hol joɓom ana, 4«Dami ay gige! Dla ndaɗta hin li ni saɓage? Va ma hin tak ana tle asina hin tok a liyana ni mege?»
5Yesu gijaŋ dasi ana, «Lagi tagi jiviya. Hin sa a ganagi yagiɗi. 6Suuna hin mba u sen bolow cocoo, hin di ana, Anni Sa Lona Fuurumma. Asi hin ganyam suuna ki usi cocoo. 7Falira agi li ka hum soora vi duuna tok lay, hum boy dla duuna ha hu mbassa day lay ni, lagi ndaaɗi. Dla ndaɗta hin mbaa. Ni ka daɓpa vi ndaŋgaraɗi tuwa. 8Njaf suu dewna tuɗ duu ha suu hiŋŋa may, mulla tuɗ duu ha mul hiŋga may. Ndaŋgara hin gijaŋ geŋeɗta, bakdarra ŋgolla ndi gaw may. Dla ndaɗta li ni ko cara wi hawra a gi jaŋ vuɗtara na.
9«Agi gologi tagi jiviya. Suuna hin tuɗugi fun ɓakŋa. Asi hin poŋogi u balafna hu Zira Tokka. Asi tuɗugi fok suu ŋgolona u mulina kay senu. Fokosiya agi ni suu vovoɗ manda. 10Boy ma Ayra ɓak ki jew kay yam mbassa halaŋ tuwa. 11Falira asi vagira, ɓigigi vun dikigi kay va ma agi dammaɗi. Fali ndaɗta boy ma agi damma ka dam agiɗi, dagina ay funugi ni Musuk Lonara. 12Hu li namma sana ɦal wayamma ki fun maɗna lay, bu goona hin ɦal goromma ki na lay. Kemba hin hoŋ irisi eg somoyosi a casi ki lay. 13Suuna halaŋ hin tinigi ira ki kanu. Sa ma tin hurum kan na din din, faɗ ha ki na faɗ na, nam hin suɗ kiyo.»
Hahawra ŋgolla sa bay waɗ tura
(Matiye 24.15-28; Luk 21.20-24)
14«Agi hin wi hahawra ŋgolla ka gin a mba kay sa ɗira. Sa ma ndum boy namma humum ki jivina. Hu buu namma suu Yudena hin njay liŋŋa kay ɦinira. 15Sa ma fam fun zirana ka kal kalafi a yow va kombi. 16Sa ma fam ha ki hu senena ka hoŋ vo a yow baraw mamma kombi lay. 17Boyogi suu wiina u suu gorra kosi fun ponana, hu buu namma asi mbuɗ ki hahawra na holiyok. 18Cenegi Lona kay boy namma mba li hu til semeɗnaɗi. 19Hu buu namma suuna hin wihawra cocoo. Wihaw ndaɗta ura tin ayra lay ni sa ka bay wihawra na tuwa. Wihawra ko ndaɗta na ka mba dagan oloɗi lay. 20Lini Bu Suuna ŋga buu namma ay gedeŋ ginɗi ni, sa ndak a hin iiriɗi. Nam hoŋ buu namma ki daganni kay suu nam manasi ki mamma.
21«Lini sa dagi ana, Sa Lona Fuurumma ka tani, ki ɗow ni, caa yagi kay boy nammaɗi. 22Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya. 23Na may ni, agi gologi tagi kay dlara hin mbayra, an neegi ki jewe.»
Goŋ Sanna hin hoŋ aya
(Matiye 24.29-31; Luk 21.25-28)
24«Hu buu namma ŋgoo lassa dagan wanni, faɗta hin mbuɗ ki ndufunu, tilna ka wi haɓ oloɗi lay, 25ciciwra hin yak ay ki kaŋgaa, saɓakŋa vi tlesuu huulona hin geŋeɗa. 26Na ɗaŋ asi hin wi Goŋ Sanna mbay duk ɗugulla u saɓakŋa kom halaŋ, u bibiŋil mamba lay. 27Nam hin sun suu sunda huulona ay foko, a tok suu Lona manasina ki kay tasiya, kay yam mbassa halaŋ ay vun ndaŋgara dodora u maɗiina, u fiɗigina, mbayaw lay, dali lay.»
Haɗta kay tulumma
(Matiye 24.32-35; Luk 21.29-33)
28«Agi gol u ɗuf tlena gege! Dulumma gijaŋ ɗuffa wani, agi wi ana ndolla hin tok. 29Agi wi ki wa ana tle asina ka li na ni, agi wi kagi ana dla ndaɗta hin tok, ka doŋ kaana. 30Gasi an dagi ni u voɗoɗu, njaf namma ka daɓ ki miɗna bay wi dla ndaɗta u irigiɗi. 31Huulona u ndaŋgara hin daɓ kiyo, boy manna ka daɓ kiɗi.»
Lona wi buu namma ni nam dew
(Matiye 24.36-44)
32«Buu ma dla ndaɗta li huna, sa ka wambi. Suu sunda huulona ka wambi lay. Goŋ Lonna ka wambi lay. Buna wammi nam dew. 33Lagi tagi jiviya. Buurugi senɗi. Agi ka wi buu ma dla ndaɗta mba hunaɗi. 34Dla ndaɗta ni ko san tuɗ koyra na. Nam hin ziim ka maŋ suu varamma, gegelay u sun mamba komu. Sa juɓ u zina hin juɓum ni iiriya. 35Agi lay ni kakagi iiri na may, kayme agi ka wi buu ma malaŋ zina hoŋ ay vo hunaɗi. Nam hin hoŋ ay ni fiɗigi kala, duk ŋgikka kala, ŋgarapii kala, maɗii kala, agi ka wiɗi. 36Ko nam kafagi, fagi ki senɗi. 37Boy ma an daginana, ni maŋ suuna bel, juɓugi iiriya.»
Chwazi Kounye ya:
MARK 13: BMS
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.
MARK 13
13
Yesu ana zira vi Londa Yerusalemba hin to kiyo
(Matiye 24.1-2; Luk 21.5-6)
1Yesu kal ay ki hu Ziŋ Lonara wanni, sa haɗi mamma dew dam ana, «Malaŋ Haɗta, aŋ gol zira mini ŋgolla, jivira u ɦinira ŋgolora gige!» 2Yesu dam ana, «Aŋ wi zira ŋgol ndaɗta su? Ҥini ta dew hin ka a li jaki kolo kay ndaraɗɗi. Asi hin tooɗ ki kaŋga halaŋ.»
Hahawra hin mba kay suuna
(Matiye 24.3-14; Luk 21.7-19)
3Yesu kak kay ɦinira Conora, pay Ziŋ Lonara tok. Piyer, Jak, Jaŋ u Andre egemi asi doy hol joɓom ana, 4«Dami ay gige! Dla ndaɗta hin li ni saɓage? Va ma hin tak ana tle asina hin tok a liyana ni mege?»
5Yesu gijaŋ dasi ana, «Lagi tagi jiviya. Hin sa a ganagi yagiɗi. 6Suuna hin mba u sen bolow cocoo, hin di ana, Anni Sa Lona Fuurumma. Asi hin ganyam suuna ki usi cocoo. 7Falira agi li ka hum soora vi duuna tok lay, hum boy dla duuna ha hu mbassa day lay ni, lagi ndaaɗi. Dla ndaɗta hin mbaa. Ni ka daɓpa vi ndaŋgaraɗi tuwa. 8Njaf suu dewna tuɗ duu ha suu hiŋŋa may, mulla tuɗ duu ha mul hiŋga may. Ndaŋgara hin gijaŋ geŋeɗta, bakdarra ŋgolla ndi gaw may. Dla ndaɗta li ni ko cara wi hawra a gi jaŋ vuɗtara na.
9«Agi gologi tagi jiviya. Suuna hin tuɗugi fun ɓakŋa. Asi hin poŋogi u balafna hu Zira Tokka. Asi tuɗugi fok suu ŋgolona u mulina kay senu. Fokosiya agi ni suu vovoɗ manda. 10Boy ma Ayra ɓak ki jew kay yam mbassa halaŋ tuwa. 11Falira asi vagira, ɓigigi vun dikigi kay va ma agi dammaɗi. Fali ndaɗta boy ma agi damma ka dam agiɗi, dagina ay funugi ni Musuk Lonara. 12Hu li namma sana ɦal wayamma ki fun maɗna lay, bu goona hin ɦal goromma ki na lay. Kemba hin hoŋ irisi eg somoyosi a casi ki lay. 13Suuna halaŋ hin tinigi ira ki kanu. Sa ma tin hurum kan na din din, faɗ ha ki na faɗ na, nam hin suɗ kiyo.»
Hahawra ŋgolla sa bay waɗ tura
(Matiye 24.15-28; Luk 21.20-24)
14«Agi hin wi hahawra ŋgolla ka gin a mba kay sa ɗira. Sa ma ndum boy namma humum ki jivina. Hu buu namma suu Yudena hin njay liŋŋa kay ɦinira. 15Sa ma fam fun zirana ka kal kalafi a yow va kombi. 16Sa ma fam ha ki hu senena ka hoŋ vo a yow baraw mamma kombi lay. 17Boyogi suu wiina u suu gorra kosi fun ponana, hu buu namma asi mbuɗ ki hahawra na holiyok. 18Cenegi Lona kay boy namma mba li hu til semeɗnaɗi. 19Hu buu namma suuna hin wihawra cocoo. Wihaw ndaɗta ura tin ayra lay ni sa ka bay wihawra na tuwa. Wihawra ko ndaɗta na ka mba dagan oloɗi lay. 20Lini Bu Suuna ŋga buu namma ay gedeŋ ginɗi ni, sa ndak a hin iiriɗi. Nam hoŋ buu namma ki daganni kay suu nam manasi ki mamma.
21«Lini sa dagi ana, Sa Lona Fuurumma ka tani, ki ɗow ni, caa yagi kay boy nammaɗi. 22Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya. 23Na may ni, agi gologi tagi kay dlara hin mbayra, an neegi ki jewe.»
Goŋ Sanna hin hoŋ aya
(Matiye 24.29-31; Luk 21.25-28)
24«Hu buu namma ŋgoo lassa dagan wanni, faɗta hin mbuɗ ki ndufunu, tilna ka wi haɓ oloɗi lay, 25ciciwra hin yak ay ki kaŋgaa, saɓakŋa vi tlesuu huulona hin geŋeɗa. 26Na ɗaŋ asi hin wi Goŋ Sanna mbay duk ɗugulla u saɓakŋa kom halaŋ, u bibiŋil mamba lay. 27Nam hin sun suu sunda huulona ay foko, a tok suu Lona manasina ki kay tasiya, kay yam mbassa halaŋ ay vun ndaŋgara dodora u maɗiina, u fiɗigina, mbayaw lay, dali lay.»
Haɗta kay tulumma
(Matiye 24.32-35; Luk 21.29-33)
28«Agi gol u ɗuf tlena gege! Dulumma gijaŋ ɗuffa wani, agi wi ana ndolla hin tok. 29Agi wi ki wa ana tle asina ka li na ni, agi wi kagi ana dla ndaɗta hin tok, ka doŋ kaana. 30Gasi an dagi ni u voɗoɗu, njaf namma ka daɓ ki miɗna bay wi dla ndaɗta u irigiɗi. 31Huulona u ndaŋgara hin daɓ kiyo, boy manna ka daɓ kiɗi.»
Lona wi buu namma ni nam dew
(Matiye 24.36-44)
32«Buu ma dla ndaɗta li huna, sa ka wambi. Suu sunda huulona ka wambi lay. Goŋ Lonna ka wambi lay. Buna wammi nam dew. 33Lagi tagi jiviya. Buurugi senɗi. Agi ka wi buu ma dla ndaɗta mba hunaɗi. 34Dla ndaɗta ni ko san tuɗ koyra na. Nam hin ziim ka maŋ suu varamma, gegelay u sun mamba komu. Sa juɓ u zina hin juɓum ni iiriya. 35Agi lay ni kakagi iiri na may, kayme agi ka wi buu ma malaŋ zina hoŋ ay vo hunaɗi. Nam hin hoŋ ay ni fiɗigi kala, duk ŋgikka kala, ŋgarapii kala, maɗii kala, agi ka wiɗi. 36Ko nam kafagi, fagi ki senɗi. 37Boy ma an daginana, ni maŋ suuna bel, juɓugi iiriya.»
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.