2 KORINTNA 3
3
Sunda vi banara wilira
1Na ni boy namma di ana aygi gijaŋ tli yaygi koloo na su? Ɗowba minigi ko suu dukugi tli magaara di ki kamira egegiya, ɗowba ami joɓ magaara ndaɗta kogi su? 2Agi tagira ni magaa mamira gaw ɓiira hurumiya suuna halaŋ ndak waɗu ndumuɗ lay. 3Ki gasi ana agi ni magaara Kristu ɓiiriɗ fokomira ki mami lay. Ndaɗ ay ɓiiri ka u va ma sa ɓii magaa u nambi, ay ɓiiri ni u Musukka vi Lona ma iirina, ndaɗ ay ka ɓiiri hu ɦinira beɗiraɗi, ay ɓiiri duk tliw sana hurugiya.
4Ami di dla ndaɗta ni kay gasi mayra hurumi tini kay Lona u Kristura. 5Kay ami kay tamira ka ndak a li va kay tamiɗi, ndak mamira mbay ni vi Lona. 6Sa ma mbuɗumi ndaki a suu sunda kay Galamba Wilira, ni ka u gaɗta ɓiiriraɗi, ni u Musukka. Gaɗta ɓiirira ci maɗna, Musukka ɦal iirira may.
7Gaɗta ay ki ɓiiri u boyna dew dew kay ɦinira beɗira, bibiŋilla vi Lonara ay ki taki hu li namma. Hu li namma suu Israelna ka ndak a gol ii Moizɗi kay irim weleɗa, naɗaŋŋi weleɗ mayra ndaɗta ka oloɗi. Bibiŋilla vi gaɗta mbay ni na a li ni sun maɗta ci maɗna, 8ni bibiŋil sunda vi Musukkara hin li ni ko menage? 9Lini bibiŋilla ɓak ma kaay kay suuna ayna, bibiŋil mayra mbuɗ suuna ki ɗegee fok Lonara hin lini ko menage? 10Aygi ndak di kaɗ ana bibiŋil mayra jew ndaɗta ka tew u mayra cecem wandaɗi, ta wanda su ki day. 11Lini va ma kak ew daŋŋa ay bibiŋil cocoo, ma ka daɓ kiɗina bibiŋil mamba mba li suwa.
12Kay ndaɗta juɓ mamira ka ni ko wanda na, ami lami ni u gasira. 13Ami ka ni ko Moiz ma baa irim ki ana suu Israelna wam irim mayra li weleɗ gin jew hin ka oloɗira naɗi. 14Yal masina ndak ay ka a hum u boy nammaɗi, hu li ma asi ndum galamba basira ni yam yal masina namma hoŋ kuluɓ olo gak gak karami asi bay wam tuwa, nam hin tak ki jivira ni ii sa ma taɓi u Kristuna. 15Karam lay hu li ma asi ndum magaara vi Moiz, ni yal masina yam hoŋ kuluɓ kaŋga olo. 16Ko magaara dira na, «sa ma pereɗ irim eg Bu Suuna, va yam kuluɓina mal ki kamu.» 17Doli Bu Suuna ma magaara ɓak kam namma ni Musukka hu li ma Musukka vi Bu Suuna ka huna buɗta kira ka may. 18Aygi halaŋ vana ki mali kay iriygiya, aygi waygi taygi ni u bibiŋilla vi Bu Suuna, ni aygi mbuɗ ki wa zeɗ kay aygi tli taygi u Bu Suuna ni aygi jak hu bibiŋilla ŋgolla su ndaraɗtara. Sunda Musukka vi Bu Suuna laɗta ni na.
Chwazi Kounye ya:
2 KORINTNA 3: BMS
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.
2 KORINTNA 3
3
Sunda vi banara wilira
1Na ni boy namma di ana aygi gijaŋ tli yaygi koloo na su? Ɗowba minigi ko suu dukugi tli magaara di ki kamira egegiya, ɗowba ami joɓ magaara ndaɗta kogi su? 2Agi tagira ni magaa mamira gaw ɓiira hurumiya suuna halaŋ ndak waɗu ndumuɗ lay. 3Ki gasi ana agi ni magaara Kristu ɓiiriɗ fokomira ki mami lay. Ndaɗ ay ɓiiri ka u va ma sa ɓii magaa u nambi, ay ɓiiri ni u Musukka vi Lona ma iirina, ndaɗ ay ka ɓiiri hu ɦinira beɗiraɗi, ay ɓiiri duk tliw sana hurugiya.
4Ami di dla ndaɗta ni kay gasi mayra hurumi tini kay Lona u Kristura. 5Kay ami kay tamira ka ndak a li va kay tamiɗi, ndak mamira mbay ni vi Lona. 6Sa ma mbuɗumi ndaki a suu sunda kay Galamba Wilira, ni ka u gaɗta ɓiiriraɗi, ni u Musukka. Gaɗta ɓiirira ci maɗna, Musukka ɦal iirira may.
7Gaɗta ay ki ɓiiri u boyna dew dew kay ɦinira beɗira, bibiŋilla vi Lonara ay ki taki hu li namma. Hu li namma suu Israelna ka ndak a gol ii Moizɗi kay irim weleɗa, naɗaŋŋi weleɗ mayra ndaɗta ka oloɗi. Bibiŋilla vi gaɗta mbay ni na a li ni sun maɗta ci maɗna, 8ni bibiŋil sunda vi Musukkara hin li ni ko menage? 9Lini bibiŋilla ɓak ma kaay kay suuna ayna, bibiŋil mayra mbuɗ suuna ki ɗegee fok Lonara hin lini ko menage? 10Aygi ndak di kaɗ ana bibiŋil mayra jew ndaɗta ka tew u mayra cecem wandaɗi, ta wanda su ki day. 11Lini va ma kak ew daŋŋa ay bibiŋil cocoo, ma ka daɓ kiɗina bibiŋil mamba mba li suwa.
12Kay ndaɗta juɓ mamira ka ni ko wanda na, ami lami ni u gasira. 13Ami ka ni ko Moiz ma baa irim ki ana suu Israelna wam irim mayra li weleɗ gin jew hin ka oloɗira naɗi. 14Yal masina ndak ay ka a hum u boy nammaɗi, hu li ma asi ndum galamba basira ni yam yal masina namma hoŋ kuluɓ olo gak gak karami asi bay wam tuwa, nam hin tak ki jivira ni ii sa ma taɓi u Kristuna. 15Karam lay hu li ma asi ndum magaara vi Moiz, ni yal masina yam hoŋ kuluɓ kaŋga olo. 16Ko magaara dira na, «sa ma pereɗ irim eg Bu Suuna, va yam kuluɓina mal ki kamu.» 17Doli Bu Suuna ma magaara ɓak kam namma ni Musukka hu li ma Musukka vi Bu Suuna ka huna buɗta kira ka may. 18Aygi halaŋ vana ki mali kay iriygiya, aygi waygi taygi ni u bibiŋilla vi Bu Suuna, ni aygi mbuɗ ki wa zeɗ kay aygi tli taygi u Bu Suuna ni aygi jak hu bibiŋilla ŋgolla su ndaraɗtara. Sunda Musukka vi Bu Suuna laɗta ni na.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.