1 KORINTNA 9
9
Voɗta sunda maŋ sa vovoɗta vi Lona
1An ka ki buɗiɗi su? An ni ka sa vovoɗta vi Lonaɗi su? An wi Yesu Bu Suuna may naɗi su? Agi ni vuɗ sun manda hu Bu Suunaɗi su? 2Lini suu daŋŋa ka wan ana an a sa vovoɗta vi Lonaɗi lay, agi ndak a wi ana an ni sa vovoɗta vi Lona. Kay taɓ magira u Bu Suunara, agi ni suu diki kan ana anni sa vovoɗta na.
3An di boy namma na ni kay suu ka njaɗ u senna. 4Ami ka u voɗta kay tina u cina kay sun mamiraɗi Su? 5Voɗta ka kami a tay cara vira ay umi ko caamira na, ko suu vovoɗta gorseŋ Bu Suuna na u Piyer na layɗi su? 6Ɗowba ami u Barnabas a li sunda a hal tina funumi ni ami hol su? 7Agi wi ana asgaa ma ka li sunda ma warak tam kay tam ka su? Sa pi guna pi ka tam vuɗumbina ni gege? Sa ma taa mbutlina ka casi mbirisiɗina ni gege?
8Tlesuu an ɓak kasi wanna ni ka u boyna vi suuna cecemi wanna ɦawaɗi, gaɗta vi Moiz lay ni di na. 9Ɓiiri hu gaɗ ndaɗta anaba «Njun vun mbutlna ki hu li ma nam a to wanaɗi,» Lona saa ni kay mbutlina su? 10Nam di dla ndaɗta ka ni kami amiɗi su? A gasira boy namma ay ɓiiri ni kamiya. Sa ma zum wana u sa ma to wanna daɓ sun masira kiyo, fi va ma asi loɓ kamma. 11Ami zaarami tlesuu ŋgussa hurugiya, lini ami feɗemi tlegeyegi suu hu duliyara tanna ni va ma ŋgol su? 12Lini suu daŋŋa ka u voɗta kay joɓ va egegiya ni ami joɓmi suusiɗi su?
Ami lay hin li ka naɗi. Ami hoŋ siɓimi siɓi na ɗow kay ami min ɓeŋ voɗta vi Boy ma Ayra kay sem Kristu kiɗi. 13Wagi ki kaki anaba suu li sunda hu Ziŋ Lonara fi tiisina ni hu Ziŋ Lonara may, suu li ɓivun ma ŋgalam ki ŋgalina fi tiisina ni hu givin ma togolla namma may. 14Na may Bu Suuna di ana suu di Boy ma Ayra fi tiisina ni huwa.
15An may ni manda ka naɗi, an ɓii magaara ni ka kay an a fi huwa naɗi, an min miɗ ni miɗi mariyaɗ ka a sa ŋgaan kay boy nammaɗi. 16Boy ma Ayra ma an ka damma an ka ŋga tan kambi, li ni nanagelay ni an a li dla ndaɗta, lini an ka di Boy ma Ayraɗi ni yoora mba kanni ndaɗu. 17An ŋgaɓ sun ndaɗta ni kay tanu ni an ndak a juɓ gin warak tuwa. Ni dlaanda daŋ may an vi nek manda tininda kanda wa. 18Warak manna ni mege? Ni furira kay di Boy ma Ayra, dam ki maŋ suuna, ka joɓ va ana an sa di boyna ni warakan kayamiraɗi.
19An ni ka mbaɓuna vi saɗi, an ki buɗiya, ni kay ndaɗta an mbuɗ tan mbaɓuna vi suuna kay a fasi ŋgol suwa. 20Hu li ma an li sunda duk suu Juifna ni an lini ko asi na may kay an mba fasi unu, an ka man hum u gaɗta vi Moizɗi lay ni an li sunda ko asi suu hum u gaɗtana na, kay an hin mba fasi unu. 21Duk suu ka wi gaɗta vi Moizɗina, an lini ko asi na may, an ka tin yan kay gaɗtaɗi kay an a mba fasi unu. Ni ka ana an ka hum u gaɗta vi Lonaraɗi naɗi, an hum u gaɗta vi Kristu. 22Hu li ma an ka duk suu maŋi hu vira an mbuɗ tan maŋi ko asi na may. Kay an a mba fasi unu, an li tlena ki zeɗ zeɗ halaŋ kay an a suɗ suu ki dukusi ɦiw. 23An li tlena ki halaŋ kay Boy ma Ayra kay an mba fi mansina dukusi may.
24Agi wi ana suuna cuk liŋŋa ni suuna cukŋi halaŋ, sa ma hin fi warakŋa hin lini dew. 25Agi wi ana suu njokoɗta doo tasi, kay tlena ŋgolo, asi li na ni kay a fi ni jumba maŋira ɦawaa, aygi li ni kay fi ni jumba mulla mayra didinda. 26Kay ndaɗta an liŋ irin ŋgarasi kay va ma an liŋ kamma, ni kay ndaɗta an ka ko sa ma ci gotopoŋga ɦawa ɦayna naɗi. 27An doo tan u saɓakŋa cocoo, kay an sa di boyna maŋ suuna, an tanda kaɗak kiɗi may.
Chwazi Kounye ya:
1 KORINTNA 9: BMS
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.
1 KORINTNA 9
9
Voɗta sunda maŋ sa vovoɗta vi Lona
1An ka ki buɗiɗi su? An ni ka sa vovoɗta vi Lonaɗi su? An wi Yesu Bu Suuna may naɗi su? Agi ni vuɗ sun manda hu Bu Suunaɗi su? 2Lini suu daŋŋa ka wan ana an a sa vovoɗta vi Lonaɗi lay, agi ndak a wi ana an ni sa vovoɗta vi Lona. Kay taɓ magira u Bu Suunara, agi ni suu diki kan ana anni sa vovoɗta na.
3An di boy namma na ni kay suu ka njaɗ u senna. 4Ami ka u voɗta kay tina u cina kay sun mamiraɗi Su? 5Voɗta ka kami a tay cara vira ay umi ko caamira na, ko suu vovoɗta gorseŋ Bu Suuna na u Piyer na layɗi su? 6Ɗowba ami u Barnabas a li sunda a hal tina funumi ni ami hol su? 7Agi wi ana asgaa ma ka li sunda ma warak tam kay tam ka su? Sa pi guna pi ka tam vuɗumbina ni gege? Sa ma taa mbutlina ka casi mbirisiɗina ni gege?
8Tlesuu an ɓak kasi wanna ni ka u boyna vi suuna cecemi wanna ɦawaɗi, gaɗta vi Moiz lay ni di na. 9Ɓiiri hu gaɗ ndaɗta anaba «Njun vun mbutlna ki hu li ma nam a to wanaɗi,» Lona saa ni kay mbutlina su? 10Nam di dla ndaɗta ka ni kami amiɗi su? A gasira boy namma ay ɓiiri ni kamiya. Sa ma zum wana u sa ma to wanna daɓ sun masira kiyo, fi va ma asi loɓ kamma. 11Ami zaarami tlesuu ŋgussa hurugiya, lini ami feɗemi tlegeyegi suu hu duliyara tanna ni va ma ŋgol su? 12Lini suu daŋŋa ka u voɗta kay joɓ va egegiya ni ami joɓmi suusiɗi su?
Ami lay hin li ka naɗi. Ami hoŋ siɓimi siɓi na ɗow kay ami min ɓeŋ voɗta vi Boy ma Ayra kay sem Kristu kiɗi. 13Wagi ki kaki anaba suu li sunda hu Ziŋ Lonara fi tiisina ni hu Ziŋ Lonara may, suu li ɓivun ma ŋgalam ki ŋgalina fi tiisina ni hu givin ma togolla namma may. 14Na may Bu Suuna di ana suu di Boy ma Ayra fi tiisina ni huwa.
15An may ni manda ka naɗi, an ɓii magaara ni ka kay an a fi huwa naɗi, an min miɗ ni miɗi mariyaɗ ka a sa ŋgaan kay boy nammaɗi. 16Boy ma Ayra ma an ka damma an ka ŋga tan kambi, li ni nanagelay ni an a li dla ndaɗta, lini an ka di Boy ma Ayraɗi ni yoora mba kanni ndaɗu. 17An ŋgaɓ sun ndaɗta ni kay tanu ni an ndak a juɓ gin warak tuwa. Ni dlaanda daŋ may an vi nek manda tininda kanda wa. 18Warak manna ni mege? Ni furira kay di Boy ma Ayra, dam ki maŋ suuna, ka joɓ va ana an sa di boyna ni warakan kayamiraɗi.
19An ni ka mbaɓuna vi saɗi, an ki buɗiya, ni kay ndaɗta an mbuɗ tan mbaɓuna vi suuna kay a fasi ŋgol suwa. 20Hu li ma an li sunda duk suu Juifna ni an lini ko asi na may kay an mba fasi unu, an ka man hum u gaɗta vi Moizɗi lay ni an li sunda ko asi suu hum u gaɗtana na, kay an hin mba fasi unu. 21Duk suu ka wi gaɗta vi Moizɗina, an lini ko asi na may, an ka tin yan kay gaɗtaɗi kay an a mba fasi unu. Ni ka ana an ka hum u gaɗta vi Lonaraɗi naɗi, an hum u gaɗta vi Kristu. 22Hu li ma an ka duk suu maŋi hu vira an mbuɗ tan maŋi ko asi na may. Kay an a mba fasi unu, an li tlena ki zeɗ zeɗ halaŋ kay an a suɗ suu ki dukusi ɦiw. 23An li tlena ki halaŋ kay Boy ma Ayra kay an mba fi mansina dukusi may.
24Agi wi ana suuna cuk liŋŋa ni suuna cukŋi halaŋ, sa ma hin fi warakŋa hin lini dew. 25Agi wi ana suu njokoɗta doo tasi, kay tlena ŋgolo, asi li na ni kay a fi ni jumba maŋira ɦawaa, aygi li ni kay fi ni jumba mulla mayra didinda. 26Kay ndaɗta an liŋ irin ŋgarasi kay va ma an liŋ kamma, ni kay ndaɗta an ka ko sa ma ci gotopoŋga ɦawa ɦayna naɗi. 27An doo tan u saɓakŋa cocoo, kay an sa di boyna maŋ suuna, an tanda kaɗak kiɗi may.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.