1 KORINTNA 2
2
Di ki kay Kristu ɓali kolo hu gu ma garakŋa
1Gorsenna hu li ma an mba varagi a dagi gasira ŋgayra vi Lonara, ni an ɓakagi ka u boy ma hum loɓ ana an sa neeya naɗi. 2Buu ma an buu ay varagina an min ana an wi va ma daŋ dukugiɗi, va ma an minim ŋgolna ni ana Yesu Kristu ɓali hu gu ma garakŋa doy hol. 3Ni kay ndaɗta an mba dukugi ni saɓakan kaɗi, dlak ko ndaana, 4Haɗta an haɗagi u boy ma an damma halaŋŋi ka u yalna vi sa warnaɗi, ni kay tak dlara vi sanara u saɓakŋa vi Musuk Lonara. 5Viigira ka tini kay nera vi suuna ɦawaɗi, ni kay saɓakŋa vi Lona.
Nera vi Lonara
6An di boyna kay nera vi Lona maŋ suu vina suu ki ndakina, ni ka nera vi suu kay ndaŋgara tani ɦawaɗi, ka kay saɓakŋa vi suu kak ki kay ndaŋgara tani suu hin ba kina ɦawaɗi. 7An dini kay nera vi Lona ta ŋgay ii suu neeyna Lona ŋgaɓaygi ŋgolla ay ni maygi aygi hu li ma duliyara bay li tuwa. 8Hu ndaŋgara tani sa ma ndak a wi nera ndaɗta kaɗi, lini asi waɗu ni asi ka ndak a ɓal Bu Suuna vi ŋgolla ki kolo hu gu ma garakŋaɗi. 9Ko magaara dira na,
«Sa ma wi boy namma ay kaɗi lay, ma hum kaɗi lay,
sa saa ka kambi ni kay mege,
Lona min tle asina ni kay suu minimma.»
10Lona gaygi u ŋgay mamba kini u Musukka. Musukka ndak hal u dla mayra vi Lona ta ŋgay ga dayra ki lay. 11Sana ŋgus mamba ndak wam u dlamba kamba ki halaŋ, Musuk Lonara wam dlamba ki halaŋŋi na may. 12Aygi faygi ka ŋgussa kay ndaŋgara tanɗi, aygi faygi ni Musuk Lonara, kay a aygi waygi u tlesuu Lona ɦaygisina halaŋ. 13Aygi ɓakaygi ka u dlara sa haɗaygira hu ndaŋgara tanɗi, ni dlara Musuk Lonara haɗaygira. Ni kay mayra aygi vaygi ni u gasi mayra vi Musukkara maŋ suu ka u ndaɗna.
14Sa ma ka u Musuk Lonara hurumbina ndak ka wi gasira vi Musukkaɗi may. Gasi ndaɗta irimmi ko va ma laɓa na, nam ndak ka a hum u boy nammaɗi, sana ndak a gi ii dlara kini u Musukka. 15Sa ka u Musuk Lonara gi ii dlara kini u voɗoɗ halaŋ, sa ma ndak a gam ii dla kom kaɗi. 16Ko magaara dira na,
«Sa ma wi saara vi Bu Suuna ni gege?
Sa ma ndak a gaɗamma ni gege?»
Aygi may ni ka u saara vi Kristu huruygiya.
Chwazi Kounye ya:
1 KORINTNA 2: BMS
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.
1 KORINTNA 2
2
Di ki kay Kristu ɓali kolo hu gu ma garakŋa
1Gorsenna hu li ma an mba varagi a dagi gasira ŋgayra vi Lonara, ni an ɓakagi ka u boy ma hum loɓ ana an sa neeya naɗi. 2Buu ma an buu ay varagina an min ana an wi va ma daŋ dukugiɗi, va ma an minim ŋgolna ni ana Yesu Kristu ɓali hu gu ma garakŋa doy hol. 3Ni kay ndaɗta an mba dukugi ni saɓakan kaɗi, dlak ko ndaana, 4Haɗta an haɗagi u boy ma an damma halaŋŋi ka u yalna vi sa warnaɗi, ni kay tak dlara vi sanara u saɓakŋa vi Musuk Lonara. 5Viigira ka tini kay nera vi suuna ɦawaɗi, ni kay saɓakŋa vi Lona.
Nera vi Lonara
6An di boyna kay nera vi Lona maŋ suu vina suu ki ndakina, ni ka nera vi suu kay ndaŋgara tani ɦawaɗi, ka kay saɓakŋa vi suu kak ki kay ndaŋgara tani suu hin ba kina ɦawaɗi. 7An dini kay nera vi Lona ta ŋgay ii suu neeyna Lona ŋgaɓaygi ŋgolla ay ni maygi aygi hu li ma duliyara bay li tuwa. 8Hu ndaŋgara tani sa ma ndak a wi nera ndaɗta kaɗi, lini asi waɗu ni asi ka ndak a ɓal Bu Suuna vi ŋgolla ki kolo hu gu ma garakŋaɗi. 9Ko magaara dira na,
«Sa ma wi boy namma ay kaɗi lay, ma hum kaɗi lay,
sa saa ka kambi ni kay mege,
Lona min tle asina ni kay suu minimma.»
10Lona gaygi u ŋgay mamba kini u Musukka. Musukka ndak hal u dla mayra vi Lona ta ŋgay ga dayra ki lay. 11Sana ŋgus mamba ndak wam u dlamba kamba ki halaŋ, Musuk Lonara wam dlamba ki halaŋŋi na may. 12Aygi faygi ka ŋgussa kay ndaŋgara tanɗi, aygi faygi ni Musuk Lonara, kay a aygi waygi u tlesuu Lona ɦaygisina halaŋ. 13Aygi ɓakaygi ka u dlara sa haɗaygira hu ndaŋgara tanɗi, ni dlara Musuk Lonara haɗaygira. Ni kay mayra aygi vaygi ni u gasi mayra vi Musukkara maŋ suu ka u ndaɗna.
14Sa ma ka u Musuk Lonara hurumbina ndak ka wi gasira vi Musukkaɗi may. Gasi ndaɗta irimmi ko va ma laɓa na, nam ndak ka a hum u boy nammaɗi, sana ndak a gi ii dlara kini u Musukka. 15Sa ka u Musuk Lonara gi ii dlara kini u voɗoɗ halaŋ, sa ma ndak a gam ii dla kom kaɗi. 16Ko magaara dira na,
«Sa ma wi saara vi Bu Suuna ni gege?
Sa ma ndak a gaɗamma ni gege?»
Aygi may ni ka u saara vi Kristu huruygiya.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.