1 KORINTNA 15
15
Paɗta Kristu paɗ ki kolo iirira
1Gorsenna an ka gagi humugi ha kay Boy ma Ayra ma an ka damma, ma agi vi umma, ma viigira coli kamma. 2Agi suɗ kini u boy namma, lini agi vi um ko an haɗaginara na, li ka naɗini viigira kini ɦawaa.
3An haɗagi ni dlara ŋgolla an faɗ ayra, ana Kristu miɗ ni kay cooygira, ko magaara di ki jewra na. 4Nam ay ki pii kaŋgaa, paɗ ki kolo hu buu ma hindina iiri ko magaara dira na. 5Nam tak tam ii Piyer ŋgoo dagan ii suu doogo yam mbana. 6Ŋgoo dagan nam tak tam ii suu mam suu haɗina su kis kis vadl, suu ɦiw dukusi ka iiri cecemi tuwa, suu ɦiw ki miɗi may. 7Ŋgoo dagan nam tak tam ii Jak, hin tak tam ii suu vovoɗta halaŋ.
8Hin ŋgorosi halaŋ nam hin tak tam irin anu, an ni ko gogoo ma vuɗ liim bay ndak tuna na. 9Duk suu vovoɗta halaŋŋi an ni ma kaɗaki dukusina, an ka ndaki gin a sa yan a sa vovoɗta naɗi, kay an las suu vi suu vi Lonna cocoo. 10U oora vi Lona an mbuɗ wi tan ana ni anu, oora nam ɦandara ka va ma lalas ɦawaɗi. Ni na ɗow an li sunda susi halaŋ, ni ka an kay tanɗi, a gasira ni oora vi Lona ta ka u anda. 11Boyna mbay ni kon may kosi may, ni va ma ami damma agi vam may.
Paɗ maygira kolo iirira
12Va ma ami damma ana Kristu paɗ ki kolo hu miɗna iiriya, suu daŋŋa dukugi hin di ana suu miɗina ka paɗ ki kolo iiriɗi ni nanage? 13Li ka na ɗini Kristu paɗ ka ki kolo iiriɗi may. 14Lini Kristu paɗ ka ki kolo iiriɗi ni, boy ma ami damma ni ɦawaa, viigira ki ni ɦawa lay. 15Oloni ana ami kaboyna kay Lona ɦawaa, kay ami di ana nam paɗ Kristu ki kolo iiri hu miɗna, doli ni li ka naɗi, lini gasi ana suu miɗina ka paɗ ki kolo iiriɗi. 16Lini suu miɗina ka paɗ ki kolo iiriɗi, ni Kristu u tamba lay ni paɗ ka ki kolo iiriɗi. 17Lini Kristu paɗ ka ki kolo iiriɗi viigira kini ɦawaa, agi ba ki hu coogira wa. 18Ni di ana suu vi u Kristu suu miɗna ki baaya. 19Lini juɓ magira hu Kristu ni kay iirira cecemba ni ɦawaa ni aygi mbuɗ suu hahawra su suuna halaŋ.
20A gasira ni Kristu paɗ ki kolo hu miɗna iiriya, nammi sa ma gi vun miɗna jewna, kay suu miɗina hin paɗ ki kolo hu miɗna iiri may. 21Kay miɗna mba kay suuna u sana dew, ni paɗta kolora vi suu miɗina mbani u sana dew may. 22Ni kay ndaɗta suuna miɗa kay taɓ masira u Adamba, ko ndaɗta na may suu vina halaŋ paɗ ki kolo iiri ni kay taɓ masira u Kristura may. 23Gegelay ni hu liimma liimma, Kristu ni ma jewna vi tlena halaŋ, ŋgoo daganda ni suu mamma may, ni falira nam hin mbara. 24Ŋgoo dagan daɓ nduŋga, Kristu hin njay ŋgolla u eŋga, u saɓak ma kolona lay ki halaŋ, nam hin hin mulla maŋ bum Lona. 25Kristu hin kak mulla ni gak gak hu li ma Lona su kay suu mam suu gonokka, cukumsina u sem kaŋgaa. 26Sa ma gonok mamba nam hin a baam ki fat fat daganna ni miɗna. 27Kay ndaɗta ko magaara di ana, «Lona cukum tlena halaŋ kaŋga u semu.» Ni hu li ma nam di ana cukum tlena kaŋga halaŋ u semu ni nam Lona ma cuk tlena kaŋga u sem Kristuna ka dukgi. 28Hu li ma tlena halaŋ hum ki u Kristu wa ɗaŋa, nam tamba hin hum u Lona may, ni Lona hin kak mulla kay tlena halaŋ.
29Saari olo kay suu mbus tasi batemma kay suu miɗina, va asi fam huna ni mege? Lini gasi suu miɗina ka paɗ ki kolo iiriɗi, asi mbus tasi batemma kasi ni kay mege? 30Ami tamira may ni hin tami fun lassa, na tew tew ni kay mege? 31Gorsenna hu buun tew tew ni miɗna egen ni na tok, an dagi ni gasira an wi ti tara egen kagi ni kay iiri magira hu Yesu Kristu Bu Suuna maygina. 32Lini kay dlara vi sa warna ɦawaa, an duu tan u vabaki suu cona hu Efes ni kay an a fi me huge? Lini suu miɗina ka paɗ ki kolo iiriɗi. Ko vun ŋgolna di ana, «Taygiya caygiya, vini aygi hin miɗ kiyo.»
33Ganagi yam tagiɗi, «Banara cora ɓeŋ poyra vi sa ma jivina.» 34Hoŋogi ay hu gasira ko ay lira na, lagi coraɗi, suu dukugi ɦiw ni ka wi Lonaɗi an di na ni kay zolo magina.
Ta suu paɗ ki kolo iirina
35Sana hin joɓ ana, «Sa ma miɗina paɗ ki kolo iiri ni nanage? Mbalatasi ta asi paɗ ki kolo iiri u ndaɗta ni tara ologe?» 36Aŋ sa ma giniŋ namma aŋ zaa ii njafna kaŋga ni nam day ki kolo bay irim miɗ ki su? 37Aŋ zaa kaŋga ni njafna ɦawaa, lini ii wana kala ɗowba va daŋŋa, ka hin day kolo ni ta va ma aŋ zaaram kaŋganaɗi. 38Lona hin ɦal ta va day kolona ni u min mamba, ii njafna halaŋ halaŋ nam tinisi zeɗ zeɗ ko tasi na daŋ may.
39Tlesuu iirina halaŋ tasi ka ni fun tasi dewɗi, suu warna tasi ni zeɗ, mburina masina zeɗ, layagina tasi ni zeɗ, kulufna mamba ni zeɗ olo.
40Tara kolo huulona kaa ta kay ndaŋgara ka may, tara kolo huulona jivi maɗta zeɗ u mayra kay ndaŋgara. 41Faɗta jivi maɗta ni kay taɗu, tilna mamba ni zeɗ, ciciwra masira zeɗ may, duk ciciwra lay jivi masira ni zeɗ zeɗ ka fun taɗ dewɗi.
42Hu li ma suu miɗina mba paɗ ki kolo iirina hin li ni na may. Ta sanara asi paɗ ki kaŋgara miɗa, tamba col ki kolo iirira ka miɗɗi. 43Hu li ma pam kaŋgana ni nam coo, maŋiya, nam hin paɗ kolo iiri wani nam jiviya saɓak lay. 44Hu li ma pam kaŋgana ni nam sana ɦawaa, hu li ma nam hin paɗ ki kolona, nam mbuɗ iiri u saɓak Musuk Lonara. Ta sanda ɦawara ka may, ta sanda mbuɗi vi Londa ka may. 45Kay ndaɗta magaara di ana, «Sa ma jewna Adam lam ay ni a sa ma iirina,» Adam ma daganna ma Musukka ɦal iirira. 46Ni kaa na ta sanda mbuɗi vi Londa mbay jew ni ndaɗu naɗi, mbay jew ni ta ɦawara. Ta vi Londa mbay ni dagani. 47Adam ma jewna minim ay ni u gugum ndaŋgara, Adam ma mbana mbay ni kolo huulona. 48Suu hu ndaŋgarana tli tasi ni u nam ma minim u ndaŋgara may, suu kolo huulona tli tasi ni u nam ma mbay kolo huulonna may. 49Ni kay ndaɗta aygi tli taygi ni u nam ma minim u ndaŋgarana, ni na may aygi hin tlaygi taygi u nam ma ha kolo huulonna may.
50Gola gorsenna an min dagiya, va ma lam u tliwna u busuna ka ndak fi Mul Lonaraɗi, va ma ki miɗina ka ndak fi miɗɗira ɗi.
51An min takagi dlara ŋgay ha dew. Aygi ka miɗ ki halaŋgi aygi halaŋ hin mbuɗ kiyo. 52Kak na ew aŋ cemek iriŋ na ni, diffa daganda hin buwa. Hu li ma ndaɗ buwa ni suu miɗina halaŋ hin mbuɗ ki iiriya ka a miɗ oloɗi, aygi halaŋ hin mbuɗ kiyo. 53Kay ndaɗta ma ɓalak kina hin cuk ma ɓalak kiɗina kamu, ma miɗ kina hin cuk ma miɗ kiɗina kamu. 54Hu li ma mbalatara cim kira cuk ta cim kiɗira kaɗ wani, hu li ma miɗna cuk ma miɗ kiɗina kam lay, ni li kini boy ma magaara damma ɗaŋ, «Ni miɗna daɓ ki wa nam su kam wa.»
55«Miɗna ndak maŋga ka ni arage?
Miɗna saɓak maŋ ma li sana arage?»
56Miɗna vi saɓakŋa vi cora a li sana kiyo, saɓak ma vi cora ni gaɗta. 57Geleɗeygi Lona ma ɦaygi saɓakŋa u Bu Suuna maygina Yesu Kristu.
58Kay ndaɗta gorsenna lakagi eŋe geŋeɗɗi. Lagi tagi feɗ a li sunda vi Bu Suuna, kay mege agi wi ana sunda agi laɗ taɓi u Bu Suunara ka ki ɦawaɗi.
Chwazi Kounye ya:
1 KORINTNA 15: BMS
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.
1 KORINTNA 15
15
Paɗta Kristu paɗ ki kolo iirira
1Gorsenna an ka gagi humugi ha kay Boy ma Ayra ma an ka damma, ma agi vi umma, ma viigira coli kamma. 2Agi suɗ kini u boy namma, lini agi vi um ko an haɗaginara na, li ka naɗini viigira kini ɦawaa.
3An haɗagi ni dlara ŋgolla an faɗ ayra, ana Kristu miɗ ni kay cooygira, ko magaara di ki jewra na. 4Nam ay ki pii kaŋgaa, paɗ ki kolo hu buu ma hindina iiri ko magaara dira na. 5Nam tak tam ii Piyer ŋgoo dagan ii suu doogo yam mbana. 6Ŋgoo dagan nam tak tam ii suu mam suu haɗina su kis kis vadl, suu ɦiw dukusi ka iiri cecemi tuwa, suu ɦiw ki miɗi may. 7Ŋgoo dagan nam tak tam ii Jak, hin tak tam ii suu vovoɗta halaŋ.
8Hin ŋgorosi halaŋ nam hin tak tam irin anu, an ni ko gogoo ma vuɗ liim bay ndak tuna na. 9Duk suu vovoɗta halaŋŋi an ni ma kaɗaki dukusina, an ka ndaki gin a sa yan a sa vovoɗta naɗi, kay an las suu vi suu vi Lonna cocoo. 10U oora vi Lona an mbuɗ wi tan ana ni anu, oora nam ɦandara ka va ma lalas ɦawaɗi. Ni na ɗow an li sunda susi halaŋ, ni ka an kay tanɗi, a gasira ni oora vi Lona ta ka u anda. 11Boyna mbay ni kon may kosi may, ni va ma ami damma agi vam may.
Paɗ maygira kolo iirira
12Va ma ami damma ana Kristu paɗ ki kolo hu miɗna iiriya, suu daŋŋa dukugi hin di ana suu miɗina ka paɗ ki kolo iiriɗi ni nanage? 13Li ka na ɗini Kristu paɗ ka ki kolo iiriɗi may. 14Lini Kristu paɗ ka ki kolo iiriɗi ni, boy ma ami damma ni ɦawaa, viigira ki ni ɦawa lay. 15Oloni ana ami kaboyna kay Lona ɦawaa, kay ami di ana nam paɗ Kristu ki kolo iiri hu miɗna, doli ni li ka naɗi, lini gasi ana suu miɗina ka paɗ ki kolo iiriɗi. 16Lini suu miɗina ka paɗ ki kolo iiriɗi, ni Kristu u tamba lay ni paɗ ka ki kolo iiriɗi. 17Lini Kristu paɗ ka ki kolo iiriɗi viigira kini ɦawaa, agi ba ki hu coogira wa. 18Ni di ana suu vi u Kristu suu miɗna ki baaya. 19Lini juɓ magira hu Kristu ni kay iirira cecemba ni ɦawaa ni aygi mbuɗ suu hahawra su suuna halaŋ.
20A gasira ni Kristu paɗ ki kolo hu miɗna iiriya, nammi sa ma gi vun miɗna jewna, kay suu miɗina hin paɗ ki kolo hu miɗna iiri may. 21Kay miɗna mba kay suuna u sana dew, ni paɗta kolora vi suu miɗina mbani u sana dew may. 22Ni kay ndaɗta suuna miɗa kay taɓ masira u Adamba, ko ndaɗta na may suu vina halaŋ paɗ ki kolo iiri ni kay taɓ masira u Kristura may. 23Gegelay ni hu liimma liimma, Kristu ni ma jewna vi tlena halaŋ, ŋgoo daganda ni suu mamma may, ni falira nam hin mbara. 24Ŋgoo dagan daɓ nduŋga, Kristu hin njay ŋgolla u eŋga, u saɓak ma kolona lay ki halaŋ, nam hin hin mulla maŋ bum Lona. 25Kristu hin kak mulla ni gak gak hu li ma Lona su kay suu mam suu gonokka, cukumsina u sem kaŋgaa. 26Sa ma gonok mamba nam hin a baam ki fat fat daganna ni miɗna. 27Kay ndaɗta ko magaara di ana, «Lona cukum tlena halaŋ kaŋga u semu.» Ni hu li ma nam di ana cukum tlena kaŋga halaŋ u semu ni nam Lona ma cuk tlena kaŋga u sem Kristuna ka dukgi. 28Hu li ma tlena halaŋ hum ki u Kristu wa ɗaŋa, nam tamba hin hum u Lona may, ni Lona hin kak mulla kay tlena halaŋ.
29Saari olo kay suu mbus tasi batemma kay suu miɗina, va asi fam huna ni mege? Lini gasi suu miɗina ka paɗ ki kolo iiriɗi, asi mbus tasi batemma kasi ni kay mege? 30Ami tamira may ni hin tami fun lassa, na tew tew ni kay mege? 31Gorsenna hu buun tew tew ni miɗna egen ni na tok, an dagi ni gasira an wi ti tara egen kagi ni kay iiri magira hu Yesu Kristu Bu Suuna maygina. 32Lini kay dlara vi sa warna ɦawaa, an duu tan u vabaki suu cona hu Efes ni kay an a fi me huge? Lini suu miɗina ka paɗ ki kolo iiriɗi. Ko vun ŋgolna di ana, «Taygiya caygiya, vini aygi hin miɗ kiyo.»
33Ganagi yam tagiɗi, «Banara cora ɓeŋ poyra vi sa ma jivina.» 34Hoŋogi ay hu gasira ko ay lira na, lagi coraɗi, suu dukugi ɦiw ni ka wi Lonaɗi an di na ni kay zolo magina.
Ta suu paɗ ki kolo iirina
35Sana hin joɓ ana, «Sa ma miɗina paɗ ki kolo iiri ni nanage? Mbalatasi ta asi paɗ ki kolo iiri u ndaɗta ni tara ologe?» 36Aŋ sa ma giniŋ namma aŋ zaa ii njafna kaŋga ni nam day ki kolo bay irim miɗ ki su? 37Aŋ zaa kaŋga ni njafna ɦawaa, lini ii wana kala ɗowba va daŋŋa, ka hin day kolo ni ta va ma aŋ zaaram kaŋganaɗi. 38Lona hin ɦal ta va day kolona ni u min mamba, ii njafna halaŋ halaŋ nam tinisi zeɗ zeɗ ko tasi na daŋ may.
39Tlesuu iirina halaŋ tasi ka ni fun tasi dewɗi, suu warna tasi ni zeɗ, mburina masina zeɗ, layagina tasi ni zeɗ, kulufna mamba ni zeɗ olo.
40Tara kolo huulona kaa ta kay ndaŋgara ka may, tara kolo huulona jivi maɗta zeɗ u mayra kay ndaŋgara. 41Faɗta jivi maɗta ni kay taɗu, tilna mamba ni zeɗ, ciciwra masira zeɗ may, duk ciciwra lay jivi masira ni zeɗ zeɗ ka fun taɗ dewɗi.
42Hu li ma suu miɗina mba paɗ ki kolo iirina hin li ni na may. Ta sanara asi paɗ ki kaŋgara miɗa, tamba col ki kolo iirira ka miɗɗi. 43Hu li ma pam kaŋgana ni nam coo, maŋiya, nam hin paɗ kolo iiri wani nam jiviya saɓak lay. 44Hu li ma pam kaŋgana ni nam sana ɦawaa, hu li ma nam hin paɗ ki kolona, nam mbuɗ iiri u saɓak Musuk Lonara. Ta sanda ɦawara ka may, ta sanda mbuɗi vi Londa ka may. 45Kay ndaɗta magaara di ana, «Sa ma jewna Adam lam ay ni a sa ma iirina,» Adam ma daganna ma Musukka ɦal iirira. 46Ni kaa na ta sanda mbuɗi vi Londa mbay jew ni ndaɗu naɗi, mbay jew ni ta ɦawara. Ta vi Londa mbay ni dagani. 47Adam ma jewna minim ay ni u gugum ndaŋgara, Adam ma mbana mbay ni kolo huulona. 48Suu hu ndaŋgarana tli tasi ni u nam ma minim u ndaŋgara may, suu kolo huulona tli tasi ni u nam ma mbay kolo huulonna may. 49Ni kay ndaɗta aygi tli taygi ni u nam ma minim u ndaŋgarana, ni na may aygi hin tlaygi taygi u nam ma ha kolo huulonna may.
50Gola gorsenna an min dagiya, va ma lam u tliwna u busuna ka ndak fi Mul Lonaraɗi, va ma ki miɗina ka ndak fi miɗɗira ɗi.
51An min takagi dlara ŋgay ha dew. Aygi ka miɗ ki halaŋgi aygi halaŋ hin mbuɗ kiyo. 52Kak na ew aŋ cemek iriŋ na ni, diffa daganda hin buwa. Hu li ma ndaɗ buwa ni suu miɗina halaŋ hin mbuɗ ki iiriya ka a miɗ oloɗi, aygi halaŋ hin mbuɗ kiyo. 53Kay ndaɗta ma ɓalak kina hin cuk ma ɓalak kiɗina kamu, ma miɗ kina hin cuk ma miɗ kiɗina kamu. 54Hu li ma mbalatara cim kira cuk ta cim kiɗira kaɗ wani, hu li ma miɗna cuk ma miɗ kiɗina kam lay, ni li kini boy ma magaara damma ɗaŋ, «Ni miɗna daɓ ki wa nam su kam wa.»
55«Miɗna ndak maŋga ka ni arage?
Miɗna saɓak maŋ ma li sana arage?»
56Miɗna vi saɓakŋa vi cora a li sana kiyo, saɓak ma vi cora ni gaɗta. 57Geleɗeygi Lona ma ɦaygi saɓakŋa u Bu Suuna maygina Yesu Kristu.
58Kay ndaɗta gorsenna lakagi eŋe geŋeɗɗi. Lagi tagi feɗ a li sunda vi Bu Suuna, kay mege agi wi ana sunda agi laɗ taɓi u Bu Suunara ka ki ɦawaɗi.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.