1 KORINTNA 11
11
1Dlagi unu ko an tli u Kristu na may.
Li nanagelay hu tokka ni cara baa yaɗ kiyo
2An geleɗegi kay humugi gagi kan tew tew kay tlesuu an haɗagisina, agi ka tuɗ usiya. 3Kay ndaɗta an min ana agi humugi u boyna wanni kiyo, Kristu ni mulna vi suuna halaŋ, sa njufna ni mul caambana, Lona ni mulna vi Kristu may. 4Lini sa njufna di boyna ɗowba cen Lona u yam baariya ni nam mbuɗ Kristu zoloo. 5Lini cara cen Lona ɗowba di Boy Lonana hu tokka yaɗ bay baara ni, ndaɗ mbuɗ njufuɗ ni zolona, ndaɗ ni ko cara yaɗ ki cawira na. 6Lini cara ka min a baa yaɗɗi ni ndaɗ cawaɗ kiyo. Na may cara caw yaɗ ki wa ni zoloo, mariyaɗ ni baa yaɗ baariya. 7Sa njufna ka baa yambi kay nam tli tammi u Lona, nammi bibiŋilla vi Lona lay. Cara bibiŋil maɗta ni maŋ njufuɗu. 8Kay sa njufna minim ka u cara na ɗowɗi, cara miniɗ ni u mbalata sa njufna. 9Sa njufna minim ka maŋ cara na ɗowɗi, cara miniɗ ni maŋ sa njufna. 10Kay boyna vi suu sunda huulona cara mba baa va kay yaɗ a tak ana ndaɗ hum u njufuɗu. 11Kay iiri mayra hu Bu Suuna ni cara kaki kay taɗɗi, sa njufna kaki kay tambi lay. 12Ni ko cara miniɗ ni u mbalata sana, sa njufna vuɗ ay ni hu cara may, halaŋi mbay ni ko Lona.
13Gologi dla ndaɗta u tagira gige? Na ni jivi kay cara a cen Lona hu tokka yaɗ bay baa su? 14Dlara eg sanara ana lini sa njufna hin yam bay welani zoloo. 15Lini cara tlimiɗ yaɗ siiya ni ndaɗ fi ŋgara uwa. Kay ndaɗta tlimiɗ yamba fiyekka ɦaɗ kay cara ni kay baaraɗ yaɗu. 16Lini sa min a ciwayra kay boy namma ni, nam wi ki anaba, ami u suu vina vi Lona halaŋ gaɗta daŋ kaɗi.
Funa vi Bu Suuna
(Matiye 26.26-29; Mark 14.22-25; Luk 22.15-20)
17An ka geleɗegi ni geleɗi na ɗowɗi, an gaɗagi ni gaɗiya, kay tok magira lini co su dlara jivira na ɗow. 18Kay an hum ana hu tok magira ni vunugi ɓorowi na zeɗ zeɗ, an wi gasi ma ɦiw na daŋ may. 19Lini nanagelay ni ɓorowra mba li dukugiya, ni hin mba wi suu gasi ɗegeena ki may. 20Kay hu li ma agi tokogi na ni ka kay funa vi Bu Suunaɗi. 21Kay hu lima agi mol a tira wa, gegelay ni tini fuumma kay tamma, suu ɦiw mayra casiya, suu ɦiw guruɗi u hoɓma may. 22Zi ma agi tiya ciya huna ka kagiɗi su? Agi min pan ni suu vi Lonna su? Ɗowba min mbuɗ suu va ka kosiɗina zolona su? Agi juɓ ana an dagi ni ana mege? An geleɗegi ɗowba? An ka geleɗegi na ɗowɗi.
23Gola ni dlara Bu Suuna takanda an haɗagira may, Bu Suuna Yesu hu njeŋgera asi di kolokŋa kamba nam tli funa 24ŋgoo dagan gi deɓ Lona kam sini, nam ɓorowom kiyo hin diya, «Ni mbalatan ta ɦal ki kagira. Lagina kay humugi mba gagi kanu.» 25Na lay nam tli va cira ŋgoo funa hin diya, «Va ci namma ni banara wilira vi Lona, u busuunu. Tew tew hu li ma agi camma humugi mba gagi kanu.» 26Gak gak hu buu ma Bu Suuna hin mbana, agi di ki kay miɗ mamma tew tew hu li ma agi ti funa u ci va cira.
27Kay ndaɗta lini sana ti funa u ci hu va cira vi Bu Suuna ma gol tam ka ndaki kambina nam mbaa ɓakŋa kamu, kay nam li cora eg mbalata Bu Suuna u busuumu. 28Sana gol tam kay tamu ni nam hin ti funa u va cira. 29Lini sana ti funa ci va cira bay wi taɓ mamba duk tam u mbalata Bu Suunara ni, nam mbaa ɓakŋa kay tamba kay tina u cira. 30Ni kay ndaɗta suuna dukugi ŋgolo, fi tuguɗira, mbuɗ maŋi lay, suu miɗina bolow lay. 31Lini aygi gol taygi jivi u taygira gawi ni, ɓakŋa vi Lona ka mba kaygiɗi may. 32Lini Bu Suuna gaɗaygiya, tiniygi ɓakŋa kaygiya, ni ana aygi ba ki ko taygi u suu duk ndaŋgara na halaŋgi.
33Ni kay ndaɗta gorsenna lini agi tokogi kay ti funa vi Bu Suuna ni juɓugi tagi halaŋ. 34Lini sana may camu nam tuɗ ti vo tuwa, kay ɓakŋa vi Lona mba kagi hu tok magiraɗi. U boy ma daŋŋa an hin mba ɗoɓom hu li ma an mba varagina tuwa.
Chwazi Kounye ya:
1 KORINTNA 11: BMS
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.
1 KORINTNA 11
11
1Dlagi unu ko an tli u Kristu na may.
Li nanagelay hu tokka ni cara baa yaɗ kiyo
2An geleɗegi kay humugi gagi kan tew tew kay tlesuu an haɗagisina, agi ka tuɗ usiya. 3Kay ndaɗta an min ana agi humugi u boyna wanni kiyo, Kristu ni mulna vi suuna halaŋ, sa njufna ni mul caambana, Lona ni mulna vi Kristu may. 4Lini sa njufna di boyna ɗowba cen Lona u yam baariya ni nam mbuɗ Kristu zoloo. 5Lini cara cen Lona ɗowba di Boy Lonana hu tokka yaɗ bay baara ni, ndaɗ mbuɗ njufuɗ ni zolona, ndaɗ ni ko cara yaɗ ki cawira na. 6Lini cara ka min a baa yaɗɗi ni ndaɗ cawaɗ kiyo. Na may cara caw yaɗ ki wa ni zoloo, mariyaɗ ni baa yaɗ baariya. 7Sa njufna ka baa yambi kay nam tli tammi u Lona, nammi bibiŋilla vi Lona lay. Cara bibiŋil maɗta ni maŋ njufuɗu. 8Kay sa njufna minim ka u cara na ɗowɗi, cara miniɗ ni u mbalata sa njufna. 9Sa njufna minim ka maŋ cara na ɗowɗi, cara miniɗ ni maŋ sa njufna. 10Kay boyna vi suu sunda huulona cara mba baa va kay yaɗ a tak ana ndaɗ hum u njufuɗu. 11Kay iiri mayra hu Bu Suuna ni cara kaki kay taɗɗi, sa njufna kaki kay tambi lay. 12Ni ko cara miniɗ ni u mbalata sana, sa njufna vuɗ ay ni hu cara may, halaŋi mbay ni ko Lona.
13Gologi dla ndaɗta u tagira gige? Na ni jivi kay cara a cen Lona hu tokka yaɗ bay baa su? 14Dlara eg sanara ana lini sa njufna hin yam bay welani zoloo. 15Lini cara tlimiɗ yaɗ siiya ni ndaɗ fi ŋgara uwa. Kay ndaɗta tlimiɗ yamba fiyekka ɦaɗ kay cara ni kay baaraɗ yaɗu. 16Lini sa min a ciwayra kay boy namma ni, nam wi ki anaba, ami u suu vina vi Lona halaŋ gaɗta daŋ kaɗi.
Funa vi Bu Suuna
(Matiye 26.26-29; Mark 14.22-25; Luk 22.15-20)
17An ka geleɗegi ni geleɗi na ɗowɗi, an gaɗagi ni gaɗiya, kay tok magira lini co su dlara jivira na ɗow. 18Kay an hum ana hu tok magira ni vunugi ɓorowi na zeɗ zeɗ, an wi gasi ma ɦiw na daŋ may. 19Lini nanagelay ni ɓorowra mba li dukugiya, ni hin mba wi suu gasi ɗegeena ki may. 20Kay hu li ma agi tokogi na ni ka kay funa vi Bu Suunaɗi. 21Kay hu lima agi mol a tira wa, gegelay ni tini fuumma kay tamma, suu ɦiw mayra casiya, suu ɦiw guruɗi u hoɓma may. 22Zi ma agi tiya ciya huna ka kagiɗi su? Agi min pan ni suu vi Lonna su? Ɗowba min mbuɗ suu va ka kosiɗina zolona su? Agi juɓ ana an dagi ni ana mege? An geleɗegi ɗowba? An ka geleɗegi na ɗowɗi.
23Gola ni dlara Bu Suuna takanda an haɗagira may, Bu Suuna Yesu hu njeŋgera asi di kolokŋa kamba nam tli funa 24ŋgoo dagan gi deɓ Lona kam sini, nam ɓorowom kiyo hin diya, «Ni mbalatan ta ɦal ki kagira. Lagina kay humugi mba gagi kanu.» 25Na lay nam tli va cira ŋgoo funa hin diya, «Va ci namma ni banara wilira vi Lona, u busuunu. Tew tew hu li ma agi camma humugi mba gagi kanu.» 26Gak gak hu buu ma Bu Suuna hin mbana, agi di ki kay miɗ mamma tew tew hu li ma agi ti funa u ci va cira.
27Kay ndaɗta lini sana ti funa u ci hu va cira vi Bu Suuna ma gol tam ka ndaki kambina nam mbaa ɓakŋa kamu, kay nam li cora eg mbalata Bu Suuna u busuumu. 28Sana gol tam kay tamu ni nam hin ti funa u va cira. 29Lini sana ti funa ci va cira bay wi taɓ mamba duk tam u mbalata Bu Suunara ni, nam mbaa ɓakŋa kay tamba kay tina u cira. 30Ni kay ndaɗta suuna dukugi ŋgolo, fi tuguɗira, mbuɗ maŋi lay, suu miɗina bolow lay. 31Lini aygi gol taygi jivi u taygira gawi ni, ɓakŋa vi Lona ka mba kaygiɗi may. 32Lini Bu Suuna gaɗaygiya, tiniygi ɓakŋa kaygiya, ni ana aygi ba ki ko taygi u suu duk ndaŋgara na halaŋgi.
33Ni kay ndaɗta gorsenna lini agi tokogi kay ti funa vi Bu Suuna ni juɓugi tagi halaŋ. 34Lini sana may camu nam tuɗ ti vo tuwa, kay ɓakŋa vi Lona mba kagi hu tok magiraɗi. U boy ma daŋŋa an hin mba ɗoɓom hu li ma an mba varagina tuwa.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bible Moussey © Bible Society of Chad, 2002.