Vèsè popilè nan Bib la ki soti nan Jenexi 27

Pataje

Kure rokẽ oripory se ase Ritonõpo a. Konopo enehpory se ase otupi tõ pona tynahke oehtohme itamurume, tiriiku itamurume, eukuru roropa. Ahno tõ tuisaryme oripory se ase imehxo oexiry enetupuhtohme imeimehnomo a. Oekyry tõ esẽme oehtohme, oekyry tomo a kure oritohme. Popyra oripory se exiketõ popyra roropa exĩko mã toto. Kure exĩko mã toto kure oripory se exiketomo, tykase ynororo Jako a.

Ynara tykase Ezau: — Ỹ sero maro asakoro tonekunohse ywy eya. Zae tosehpase ynororo Jakome. Apitoryme ime jehtoh tapoise eya osemazuhme jenurutopõpyry. Seromaroro kure jyripotoh tomatonanohse eya. Papa, kure jyripotoh akoĩpyry onukurãkara make, toiro rokehxo jyripotohme roropa?

Naeroro ynara tykase Izake: — Ameke nono kurã poe osesarĩko mase. Ameke roropa konopo wino exĩko mase. Atatapoĩko mase imehnõ maro osewomatohme, isene oehtohme. Ãkorõ poetoryme exĩko mase. Morararo typenekehse awahtao ãkorõ namotome oehtoh rumekãko mase.

Yrome otuhparo Ezau kynexine: — Toiro rokẽ kure tyripotoh nae hma? Kure kyripoko roropa, papa, tykase. Mame tyxitapitose ynororo opore samo.